牧羊少年咖啡館 (香港單車館)

營業中

休息中

老老實實, 唔係個朋友住呢頭,我真係唔知政府起左個咩單車咩館, 而係呢個將軍澳坑口站既單車館, 居然有間牧羊少年, 好轉分店我都食過, 但亦好耐無食過,而呢間分店係第一次食。首先間舖好闊落,好舒服, 人唔多又無限時坐,抵讚再黎就野食,兩個人,嗌左個餐再加沙律同pizza,無睇錯,係咁大食,食晒既!雙重朱古力另一個係桃乳酪,一個甜,一個酸三文魚沙律,正餐揀左個雞翼另外叫既pizza, 千島海鮮口味,呢個我覺得醬太多 但係係好味既大蝦車打意大利麵芝士雜姑意粉,好岩我跟餐仲有甜點, 好滿足呀!!環境比較暗, 問佢拎個燈仔睇menu

將軍澳好大，連地鐵都有條將軍澳支線就可想而知，但千祈唔好以為呢間餐廳喺將軍澳站嗰度，喺其實應該响坑口站度出閘，然後行去單車場就攪掂。餐廳座位寬闊，樓底高，全無柱位，落地大玻璃望住外面藍天白雲，加埋翠綠樹木同埋可以玩電動艇嘅水池，論環境氣氛已經贏曬。呢度採取自助形式，自己去cashier落單比$，有水機自己斟水，成個感覺都好free同埋懶洋洋。食左個新加坡咖哩豬扒飯，豬扒夠大塊，咖哩喺香咖哩嗰種，所以一定要撈白飯一齊食先至過隱。甜品要左心太軟朱古力雪榚，啲流沙朱古力蓉好多同埋好味道，唔會太甜，加埋佢係比左兩個雪榚球，唔似外面餐廳一般只提供一個雪榚球，唔單止咁，呢度心太軟仲會有一大份cream比埋你，真係大滿足。

今日同朋友去左將軍澳踏單車，夜晚就一班人食飯。朋友介紹一間體育館內的咖啡店，「牧羊」的分店我之前都食過，水準保持水準以上的咖啡店，環境好悠閒。我叫左一個意粉和小食。車打芝士汁大蝦意粉。超濃郁芝士汁，入口咸香幼滑，濃香芝士味不失忌廉香氣，意粉彈牙包上濃濃醬汁，每口都是滿足！大蝦好多隻爽甜爽口，的確好驚喜！我仲叫左一個波波腸小食！我好鐘意食香腸，外層卜卜脆，中間肉汁豐富！份量剛剛好我一個人食哂夠飽肚！

牧羊少年終於喺將軍澳開設分店喇！但開設嘅地點就比較偏遠，地點喺單車館入面，唔熟將軍澳嘅朋友真係未必咁易搵到🧐。餐廳都幾大，有一面係全落地玻璃，落地玻璃側門對出有個湖，耐不耐會有人放船仔，都幾適合歎住咖啡睇書，悠閒安靜地過一個下午。有別於其他分店，將軍澳呢間係self service嘅。牧羊其實主打食西式食物意粉、pizza、 all day breakfast 、咖啡同鬆餅，食物都幾多元化㗎，而且食物味道、質素都中等，員工態度中規中矩，但價錢就不算便宜喇。

幾年前成日聽牧羊少年 一直都冇去過 今日去左單車館個間分店 空間感大 餐廳出面係單車館個人工水池仔 晏奏黎環境應該幾舒服地中海藜麥沙律配胡麻醬 $70沙律有健康既藜麥 幾款沙律菜 紅黃椒 蕃茄仔 青瓜 腰果 材料種類多又幾新鮮 仲有兩塊烘熱既餡餅 夾住沙律食變食自製餡餅😆 加上胡麻醬好開胃香麻雞翼配胡麻醬 $50以為係麻辣既雞翼 原來個麻係指雞翼上面既芝麻 夠香口唔加胡麻醬都好食10安士紐西蘭肉眼扒配薯菜 $138 7成肉眼煎成岩岩好 幾鮮嫩幾多肉汁 仲冇咩肥膏 (冇大志地好鐘意伴碟既沙律菜 吸左肉汁變得軟身好香好好味)貪心地揀左兩個甜品 係九點折單後就會送上 未食完正餐就食甜品😆心太軟朱古力蛋糕 $49食心太軟最期待切開流心個下 外脆內軟而且朱古力味都幾濃! 藍莓芝士餅 $35 Cheesecake都唔錯 夠rich 面層既藍莓醬酸酸甜甜中和下 食晒成件都唔覺膩

父親節原來也很難找到環境舒服怡人而價格適中的餐廳！無意中發現原來單車公園有一間西餐廳，坐位及環境不錯！雖然不少位子已經留座，幸好仍有少數吉位，座下後，自己去自助區取水及看 menu!然後要先付款，後有收據及一個枱號待送餐！當送上飮品時，有些驚喜！造型及味道很OK! 而且又大大杯！凍香蕉朱古力，啖啖香蕉肉及朱古力碎😋紅莓青檸梳打，充滿夢幻般⋯主菜：鮮忌廉黑松露野菌意粉：黑松露味道好重，加上少少芝士碎，而且配上份量剛好的汁，十分滿意！車打芝士汁鮮蝦意粉：一共有五粒彈牙的鮮蝦，配上車打芝士汁，十分時惹味！甜品：是日芝士蛋糕作為飯後甜品，真的完美的享受！

1. Where is the hash brown? Potato manic like me would definitely expect one in the breakfast...2. Smoked salmon is great3. Love the hamberger4. Croissant is crispy and delicious5. Sausages are not that good though

無事不入將軍澳，之前都喺因為行山先入到嚟，今次就梗唔喺行山啦，大佬，成35°C喎，雖然小弟身體狀況都唔差，但都怕怕哋會中暑。今次就因事入到嚟坑口嘅香港單車公園，趁空就順道到訪「牧羊少年咖啡館」食番個下午茶。由坑口地鐵站過嚟頗為方便，行10分鐘左右就到。而餐廳環境非常之大，而且，樓底十分高，空間感十足。再者，枱椅排列唔擠迫，加上對出一列落地玻璃窗，好似今日晏晝咁，陽光普照，令人感覺更有活力、醒神。餐廳採半自助形式，自己搵位，晌櫃枱落咗單，再由店員將食物送上。而基本餐具早已放晒晌枱上，其他嘢如調味料、額外嘅餐具、牙簽……等等均晌出面自助區都會搵到。食物選擇方面，點餐櫃枱旁標示晒出嚟。唔想「戇居居」企晌度睇，拎本餐牌埋位慢慢研究都得。種類大致可以分為二人、四人套餐、午餐、下午茶餐、薄餅、單點小食、甜品、飲品。京都春日 $75紅紅綠綠，窩夫烘得靚仔，所以，賣相幾討人歡心。窩夫入口非常香脆，裡面好綿密，但蛋香味唔算濃，而士多啤梨有點酸，反而士多啤梨果醬則頗甜，夾埋啲忌廉食都好唔錯。而兩球綠茶雪糕好大個，算幾夠茶味，帶點點甘苦。焦糖朱古力芝士餅 $35件芝士餅嘅雲石紋做得幾靚，咪睇佢個樣好似好乾咁

TGIF, 放工去左食好西，入左將軍澳食牧羊少年，之前係荃灣已經想試，不過次次去到都好多人，今次黎左將軍澳單車館，竟然出奇地無乜人！！空間感勁大，仲要用左我最愛既單車主題👍🏻👍🏻👍🏻天氣勁熱，即刻叫左杯凍飲解下熱先，叫左杯"清涼之吻",有香茅，橙，薑味，又真係幾fresh,唔會太甜。 呢個胡麻雞翼係我今晚最愛，炸得幾脆同香女朋友好鐘意食藜麥，叫左個沙律，份量都幾多，味道尚可胡麻餃子無乜驚喜主菜肉眼扒還可以，不過牛味唔算太突出，薯條幾正Blueberry chesscake 都ok,唔會太甜心太軟幾正，好濃味

在香港這個寸金尺土、樓宇密集的城市，想找一個低密度、空壙的休憩地方似乎很難，而坑口卻有一個面積相當大的單車公園，𥚃面有一個圓形像飛碟的單車館，從前經過數次，卻沒有真正踏足。今晚，剛好相約友人在坑口吃晚飯，友人提議不如就試試單車館內的牧羊少年咖啡廳，飯後更可以參觀下單車館。牧羊少年咖啡廳在香港有數間分店，從前試過太子那間，印象不錯。單車館真是頗大，沿著餐廳指示牌，走到了盡頭才看見牧羊少年咖啡廳。眏入眼簾的是白底黑字的招牌，簡約中透露著點點文青的味道。推門入內，馬上感覺到餐廳的空間感，餐廳以前可能是其中一個球場？天花十分高，面積是平時市區餐廳的幾倍。晚上七時，咖啡廳人客並不多，想必是因爲平日的關係？從前太子的分店可是太排長龍。牧羊人以旅遊等為主題，太子分店甚至有旅遊書免費供應客人覽閱。我們選了靠窗的一個沙發椅坐下，看著公園的風景，從天光坐到天黑，店內燈光續漸發亮，環境十分舒適，最適合和友人聊天放鬆。牧羊少年咖啡廳選用半自助形式，客人先到收銀處落單，拿好號碼牌便可以回去座位坐下，店員會把食物送上，至於餐具和水則可到櫃臺自行拿取，因此沒有加一服務費，省下的錢可以點多客小食！我們點了一份二人餐，

今日黎開將軍澳單車公園。同朋友入嚟踩單車。然後見到原來呢度開咗間牧羊少年，於是乎就入嚟試吓佢個Tea set, 都幾底喎$50左右已經有一個小食加嘢飲, 環境好靚好文藝feel, 而且對住窗邊對住窗邊可以睇到出面公園嘅風景, 仲有個池有人玩遙控船，都好舒服。 我哋三個人叫咗三份餐，一個叫咗蜜糖雞翼，一個叫咗黑椒牛柳粒，另外個朋友叫左午餐係芝士汁大蝦意粉。 雞翼都炸得好香脆， 認真製作，入面夠哂熟，唔錯， 最怕雞翼入面唔熟，呢間店合格！牛粒夠諗唔會硬， 黑椒加蜜糖個味道又好岩味喎， 香口！ 芝士意粉大蝦有幾隻好爽口而且果汁調校得好好，又唔會太肥，我哋三個人share呢幾份餐都已經好夠。 另外每個set都有嘢飲，我叫左一杯cappuccino, 奶味好夠同滑， 朋友叫咗杯特飲夏天的尾巴， 消暑一流。 佢杯是日特飲都幾好飲呀。 而且食完之後行出去室外可以喺池邊行下又或者行去單車館入面參觀下亦都係一個好好嘅活動。 總括呢覺得呢間牧羊少年好適合一班朋友或者三五知己黎食野傾計。 仲好多影相位。 情侶黎拍拖都好岩架。下次會再嚟！

今日同朋友起將軍澳hea完想搵地方食晚飯，起openrice見到附近有間牧羊少年咖啡館，聽得多但未食過。餐廳起香港單車館入面，從將軍澳行過去唔算遠，但由坑口站去應該會較近。餐廳好好環境，室內裝修好有田園feel，室外個景都好靚。原來呢間餐廳係半自助式的，起門口點餐同比錢後侍應會送上食物，其他餐具、水同埋調味料可以自助攞，行兩步唔使加一餐牌選擇雖然唔算太多，但都有唔少我地想食ge野，我地三人叫了個二人餐再另外單點其他野食。二人餐($298)包括一個小食，兩個主菜，兩件蛋糕和飲品。秋葵胡麻餃子，開頭以為係秋葵餡的餃子，原來係豬肉餃子配上兩條秋葵😂，不過加上木魚同沙津醬都幾好味。鮮忌廉黑松露野菌意粉，個汁好重菇味，黑松露都好香。車打芝士汁鮮蝦意粉，這款略嫌乾身。千島海鮮薄餅($118)，薄批好脆，上面d料超多，有蟹柳、蜆肉、蝦等等。徳式香腸拼盤($88)，有辣有唔辣，好惹味的小食，多幾個人食會好d，始終香腸唔係太健康。士多啤梨奶酪，微微的草莓味，奶酪不算突出。檸檬生薑茶，我有少少感冒所以點呢款驅寒，飲完個喉嚨好舒服。藍莓芝士餅，焦糖朱古力芝士餅。藍莓那款比較好食。食物份量都算多，多一個人都夠

將軍澳唔係旺區想食個寫意啲嘅飯正好餐廳喺單車館公園水池隔離 環境舒服 氣氛casual 多年輕人 自由揀位 佈置清新 有一刻覺得自己返咗校園canteen餐牌選擇甚多兩人set有飲品有意粉有前菜有甜品相當抵食黑松露野菌意大利麵醬汁好食 足料亦大份鮮打果茶 無論係喺單車館做完運動定喺出面夏日炎炎行入唻 有杯大大杯冰凍果茶相當解渴車打芝士汁鮮蝦意大利粉賣相吸引芝士薯條 紐約芝士蛋糕 藍莓芝士蛋糕唔逼唔趕唔噪 兩個人 weekend night 三百蚊有找 值得一試

很久以前已經聽過牧羊少年這間cafe，但因地方比較遠就遲遲沒有去試。聽說將軍澳單車館開了牧羊少年cafe，放工後就當去吃個晚餐吧。這咖啡館地方較大、以木為原素、有種大自然感覺、而且座位之間空間闊敞、可以舒舒服服跟朋友聊天。白天時侯坐在窗邊更可看到外面的平台花圃。煙三文魚凱薩沙律 $ 72 份量很大、最好兩三個人分吃。羅馬生菜爽脆新鮮、大麵包粒都香脆可口、加上杏仁碎口感更豐富、不過略嫌沙律醬有點多。意式茄蓉雞扒配香米飯 $66茄蓉醬汁很夠、雞扒烤過後肉質都算稔滑、飯則有點太黏。友人點的烤杏仁拿鐵

番學日子一般都係去坑口、寶琳食飯，食到厭😵 今次就上openrice發掘下將軍澳附近嘅美食，無意中見到有牧羊少年😍之前完全唔知附近有間咁隱世嘅餐廳😋餐廳喺將軍澳單車館入面，難怪平時都冇留意😗餐廳好寬敞，裝潢風格簡約，比人非常舒服嘅感覺，好適合情侶、家人聚餐👨‍👩‍👧👫！入到去，職員就好快手招呼我地，教我地點餐😂出面有一塊好大嘅餐單，好靚嘅設計，亦好方便👍🏻嗌咗2個小食，有黑椒蜜糖牛柳粒、蜜糖雞翼，價錢合理又夠大份，雞翼外皮好脆口👍🏻牛柳粒夠腍仲好有肉汁🤤主食有車打芝士汁鮮蝦意大利粉同馬來西亞喇沙海鮮湯米粉，意粉芝士味十足👀夠軟身有嚼勁👍🏻 喇沙好開胃，有好多海鮮，最啱食得辣又中意海鮮嘅👦🏻 整體感覺都有好高嘅評價😋下次一定會再來！