牧羊少年咖啡館 (香港單車館)

營業中

休息中

咁岩去開將軍澳玩，見到有牧羊囉，啱晒二人世界！芝士薯條 - 依家真係好興食芝士薯條啊，你間芝士薯條又粗又濃芝士味！炸得10分香脆！黑椒蜜糖牛柳粒 - 牛柳粒比較大件，醃得好入味，甜甜地好香蜜糖味，肉質嫩滑！麻醬雞翼 - 雞翼炸得好香脆，表層還鋪了芝麻粒增加口感，加上麻醬原本都好香，令雞翼反而冇咁油膩，值得一試。車打芝士汁鮮蝦意粉 - 芝士味10分香濃，大蝦肉質爽脆，意粉軟硬度適中，因為係芝士汁，一定要趁早食如果唔係就會變硬啊。德式香腸拼盤 - 四款德國香腸各有千秋，加上芥茉醬，唔錯。