牧羊少年咖啡館 (香港單車館)

營業中

休息中

將軍澳好大，連地鐵都有條將軍澳支線就可想而知，但千祈唔好以為呢間餐廳喺將軍澳站嗰度，喺其實應該响坑口站度出閘，然後行去單車場就攪掂。餐廳座位寬闊，樓底高，全無柱位，落地大玻璃望住外面藍天白雲，加埋翠綠樹木同埋可以玩電動艇嘅水池，論環境氣氛已經贏曬。呢度採取自助形式，自己去cashier落單比$，有水機自己斟水，成個感覺都好free同埋懶洋洋。食左個新加坡咖哩豬扒飯，豬扒夠大塊，咖哩喺香咖哩嗰種，所以一定要撈白飯一齊食先至過隱。甜品要左心太軟朱古力雪榚，啲流沙朱古力蓉好多同埋好味道，唔會太甜，加埋佢係比左兩個雪榚球，唔似外面餐廳一般只提供一個雪榚球，唔單止咁，呢度心太軟仲會有一大份cream比埋你，真係大滿足。