牧羊少年咖啡館 (德福廣場1期)

營業中

休息中

在香港座立很久的餐廳品牌 牧羊少年咖啡館原來我未曾光顧過 朋友終於帶我去吃啦！ 九龍灣分店 劃分地區明確 Coffee Dining area 小酒吧🥂 一個地方 不同享受當中最愛藏書閣 📚可以邊看書一邊吃東西慢慢享受一番餐廳提供1人/2人/4人套餐 價錢實惠選擇2人餐 包括1款小食、2款主食、2杯飲品及雪糕2份價值吸引咗咁多人過嚟食晚飯😍提提餐牌是一本書的設計 很符合餐廳風格 有介紹香港藝術活動 非常支持本地文化值得一讚⋆_ᴛᴏᴛᴀʟ ᴏʀᴅᴇʀ__ ⋆🐂照燒汁煎乾蒜美國牛柳粒小鐵鍋呈上 打卡不錯！牛柳粒不會過熟 帶少少粉紅口感嫩 不過靭🍝香草青醬雞肉蘆筍意大利粉青醬味道非常濃郁 很creamy 意粉上 有兩條大蘆筍內有雞肉 菇增加口感 肉質嫩滑 🦆法式油封鴨腿伴牛油 油封鴨腿配上紅酒燒汁 鴨腿嫩肉入味 底層有香滑鬆軟薯蓉烤澳洲西蘭花🥦 口感似蘆筍幼嫩爽脆 完全沒有苦澀味 🍹冰梨無花果白桃烏龍芝士奶蓋（凍）無花果和白桃的清甜果香 搭配烏龍茶 帶淡淡清雅芝士奶蓋的濃郁香滑 整體清爽 奶蓋則增添層次感。🧃旭日（凍）是純純榨汁 以紅蘿蔔 蘋果 香橙為主100％滿滿水果味道經典配搭 味

餐廳裝修精緻，好有外國小酒館感覺，chill 中間有兩個大書架，又多一份熟識嘅文青感覺🥗與你分享2人套餐 $428包裝自選前菜、主菜、Pasta、甜品Häagen-Dazs雪糕及飲品🔅牛油果莎莎墨西哥脆片件伴酸忌廉脆卜卜前菜，啱晒一邊傾偈一邊食🔅煙辣腸蜜糖南瓜忌廉長通粉醬汁甜甜地，但煙肉腸又會帶少少辣加入香草，食落多份清新🔅慢煮BBQ醬美國豬肋骨伴蕃薯條普羅旺斯燉菜豬肋骨慢煮後較鬆嫩，好容易切開肉量亦唔少，帶有微微嘅燒烤香味蕃薯條亦煮得剛剛好，無變乾淨淨🔅溫煮桂花黑糖茶🔅伯爵茶咖啡 +$29前者入口舒暢，感覺滋潤後者為創意咖啡，由台灣冠軍咖啡大師林東源老師設計面層奶泡幼滑，伯爵茶同咖啡味道相和

星期日想去食D好野，同老婆去左九龍灣既牧羊少年。呢度好受食客歡迎，星期日要等一陣位。入到去坐位好闊落，傾計唔會怕好似同旁邊D人分享咁。 當日比較肚餓，我地叫左好多野，頭盤我叫左小食金沙咸蛋鳳尾蝦，小食拚盤，牛油果莎莎墨西哥脆片。小食拼盤真係乜都有，有雞亦，有花枝丸，有德國腸，樣樣都好好食。而我特別中意個鳳尾蝦，咸蛋味好濃，蝦又彈牙，超好食。 主食係蒜香牛肉碎意大利粉同鹽麴燒比目魚件澳洲西蘭花，我本身係中意食魚既人，賣相好靚，魚味鮮口感滑，燒得香口，我同老婆都好中意食。 野飲方面，我叫左芒果冷酪，勁好飲好FRESH既果味，老婆則飲左抹茶牛奶，佢話都唔錯。 呢D環境好高雅，交通方便，但唔似係鬧市中一般普通餐廳，係度食野特別relax。 好適合一家大細嚟。

<與你分享2人套餐 > ($428)🥂✨呢個套餐夠哂經濟實惠🤑，可以自選menu入面一款小食🍟，一款意粉🍝，一款main🥩，兩款飲品🍹，仲有兩杯Häagen-Dazs雪糕添🍨。~ 牛油果莎莎墨西哥脆片伴酸忌廉Nachos真係我必叫既其中一款starters😋，餐廳烤融左d芝士🧀mix落nachos到，提升口感得黎仲要帶少少焦香👃🏼，食得好過癮😆。~ 蒜香牛肉碎松露雜菇意大利粉🍝牛肉碎同意粉mix埋之前有預先爆香過😚，所以每粒都充滿蒜香🧄，食落口完全唔會乾身🙂‍↕️。雖然意粉係比較幼身個種，但係同D雜菇同牛肉一齊食又出奇地夾😌。如果松露味再出多少少相信成個意粉一定會更好味🤩。~紅酒燴牛面肉伴薯蓉 烤澳洲西蘭花🐄牛面肉本身既質地就係好軟熟😚，而且煮得愈耐愈入味得黎都唔會食得好老🤓。每舊都充滿牛油味同紅酒汁🍷，夾埋d薯蓉🥔一齊食，雙重口感夠哂滿足🥳。~ 特濃雙份咖啡☕️double espresso真係唔係個個都岩飲😌，入口比較苦身，同時又帶咗D咖啡豆既甘香😗。~ 朱古力牛奶咖啡☕️我就梗係叫返杯甜嘅🤪，拉埋花夠哂打卡able📸。熱既味道更濃郁，而且朱古力味唔會太甜或者太搶🍫，

今次來訪位於九龍灣嘅牧羊少年🥴 內裡裝修簡約舒適，柔和嘅燈光配搭寬闊嘅座桌，感覺好啱大班朋友暢聚聊天👍😚 今次試咗佢地多款特色甜品😋 首先來一客「京都春日」❤️ 甜品由窩夫、草莓、草莓醬、忌廉組成😍 另附上Haagen Dazs 雪糕兩球，非常豐富😚 窩夫特意加入麻糬餡料，食落軟糯又煙韌😋 口感好正👍 連同酸香嘅草莓醬和甜美嘅忌廉一齊食，滋味清新又美味😍 必食推薦❣️ 卡魯哇咖啡酒提拉米蘇非常切合大人嘅口味🤭 食落醇香中帶有一絲苦澀，淡淡嘅酒香味令人迷戀不已😚 口感滑溜兼細緻，十分高質😋 再點了一客瀑布蛋糕😋 配上法式糖漬草莓果醬👍 蛋糕軟綿富彈性🤤 沾上清香酸甜嘅果醬🤤 滋味無與倫比😚 最後來多一件紅絲絨蛋糕😘 蛋糕偏實身得綿密👍 中間夾著滑膩嘅忌廉奶油，口味好正宗❤️ 有興趣不妨一試🥴 飲品配返杯咖啡師特調配方嘅「橙色歲月」✅ 味道醇香中帶一點回甘，香橙嘅果香與咖啡嘅酸性完美融合，飲落好清新好醒神，解膩一流👍

結婚紀念日，老公book左九龍灣德福1期牧羊少年咖啡館同我食晚餐慶祝。哩間牧羊少年咖啡館餐廳好大，座位闊落坐得好舒服，燈光有情調，十分驚喜。打開餐牌，食物款式多，無論係小食或主菜，而飲品都好吸引，多款特飲，凍熱都有，岩晒大人同小朋友。而且可以QR Code下單，十分方便。老公好鍾食小食，點左個小食拼盤、金沙咸蛋黃鳳尾蝦、牛油果莎莎墨西哥脆片配酸忌廉。小食拼盤份量好豐富，南瓜條、雞翼、腸、花枝丸、雞塊、炸得香口野味。金沙咸蛋黃鳳尾蝦，蝦大隻，入口啖啖咸蛋黃味，好好味。牛油果莎莎墨西哥脆片點酸忌廉，酸忌廉溝牛油果醬點住薯片食，有驚喜。我就主力睇主菜，點左鹽麴燒比目魚伴烤澳洲西蘭花・普羅旺斯燉菜、蒜香牛肉碎松露醬雜菇意大利粉。鹽麴燒比目魚伴烤澳洲西蘭花・普羅旺斯燉菜-比目魚魚質夠滑又鮮甜，有埋西蘭花、普羅旺斯燉菜做伴碟，非常健康。蒜香牛肉碎松露醬雜菇意大利粉。哩個意粉賣相吸引，食落口散發淡淡雜菇味道，再加埋蒜香牛肉碎飽肚。飲品方面：點了一杯熱抹茶牛奶，有心心拉花圖案，勁靚，而抹茶同牛奶調較比例剛剛好，好飲。另一杯叫左凍既芒果奶酪，芒味好勁，鮮甜解渴。總括牧羊少年咖啡館真心推介要再來。☺️👍🏻👍

牧羊少年咖啡館，相信好多人都去過，質素一向都不俗。而德福呢一間，應該係裝修得最靚嘅一間。睇完餐牌，覺得二人套餐抵食，因為$428已經包咗一個頭盤，一個主菜，一個意粉，仲有兩杯飲品同埋兩杯Häagen-Dazs雪糕。金沙鹹蛋黃鳳尾蝦：一客有成8-9 隻，大大隻，鹹蛋黃味好香濃。蒜香牛肉碎松露醬雜菇意大利粉：好香松露醬嘅味道，意粉煮嘅時間掌握得幾好，唔會太淋又唔會太硬，係略嫌淡咗啲啲。慢煮 BBQ 醬美國豬肋骨 伴 蕃薯條．普羅旺斯燉菜：個豬肋骨好厚肉，喜歡佢配襯蔬菜同埋番薯條，兩樣都好食，番薯條直頭停唔到口。餐飲估唔到有咁多選擇，睇極都睇唔完，我揀咗梳打濃縮咖啡，夠晒清爽。朋友的栗子燕麥奶沙冰，靚到不得了，打卡一流，估唔到呢兩樣都唔使加錢。甜品不用加錢的有Haagen-Dazs 雪糕杯，另外一份我們加了$48轉特濃半熟芝士撻，原本上枱嘅時候覺得好似唔抵，因為個芝士撻唔算好大。但係食完之後就覺得好值，完全唔係平時街邊買到果種芝士撻，佢係鹹鹹地，入邊有啲好似煙肉嘅嘢，總之味道好複雜，但係又神奇地好好食。加埋一埋單$525 ，主菜有少少食唔晒，三個女仔都應該夠食。

前排喺九龍灣行街嗰陣見到德福附近開左牧羊少年嘅新分店，決定約埋朋友到訪一下🆕 店舖佔地4,000呎，採用簡約又優雅嘅木質設計搭配充滿藝術感嘅裝飾品🎨 有別於佢地一貫作風，佢哋以「Alchemist’s Mirage」嘅概念打造出別出一格嘅小區域💭 朝早以Grab and Go咖啡店嘅形式運行，而夜晚就會變成上班族過黎Happy Hour嘅酒吧，就好似海市蜃樓咁變幻無窮♋️The Alchemist Cafe has recently opened a new branch in Kowloon Bay, which has adopted a whole new concept that takes on the roles of a grab and go cafe, restaurant and bar. 普羅旺斯燉菜 $68Ratatouille 普羅旺斯燉菜係法國其中一道好出名嘅鄉村料理🇫🇷 經過慢燉嘅南瓜、黃瓜同翠肉瓜變得好軟淋，多種鮮甜味互相融合，再加上番茄嘅酸香夠曬開胃🍅The ratatouille was made of a variety of veggies suc

牧羊少年咖啡館由佢第一間係太子店食過兩次之後，佢開的分店，我一次都沒有去試。太子的店裏設計好有特色，處身於旅遊之中，令人用餐很愉快。這次它在九龍灣新開左分店，門面已很吸引了，進到入面環境優雅舒適，與好友聊了很久的天，彷如酒吧的設計，幽黑的設計與昏暗的燈飾，令人很放鬆，很受治療。我們只叫了兩人餐，試了特色飲品與甜品，最令我特別驚訝的是綠茶心太軟與提子冧酒雪糕的相與，味品令人意想不到的美味，有機會一定要試試❣️❣️#咖啡#美食#咖啡廳 #甜品 #美食推薦 #心太軟 #提子冧酒雪糕

今日跟🐧🐧 前輩來訪依間位於九龍灣嘅牧羊少年🥴 內裡環境昏暗，依靠每桌上嘅小燈枱作照明，感覺柔和又富情調❤️ 首先叫咗一道參巴鮮茄煮沙白大蜆❤️ 大蜆名副其實，隻隻都厚肉又肥美，食落好鮮甜，完全無沙👍 加上酸酸辣辣嘅醬汁一齊享用，超開胃勁惹味🤤 主菜㨂咗紅酒燴牛面肉😋 牛面肉煮得好軟腍好易咬❤️ 一D 都唔韌唔老👍 入口充滿牛肉嘅濃香🤩 加上紅酒調味，令牛嘅鮮和香更出眾❣️ 跟牛面肉伴有薯蓉和雜蔬，非常美味又豐盈😋 甜品貪心地試咗兩道😋 首先係焙茶心太軟流心蛋糕🫶 蛋糕熱辣辣送上，散發著迷人嘅茶香😋 切開濃厚嘅朱古力醬傾瀉而出，食落醇厚又不會過甜，十分出色👍 跟心太軟仲有Haagen Dazs 雪糕送😍❤️ 另㨂咗一客特濃半熟芝士撻🤤 撻皮鬆化又香脆，內餡充滿芝士嘅鹹香滋味，令人回味無窮❤️ 飲品㨂咗蘋果蜜桃鮮打紅茶😋 飲落酸酸甜甜好清新🌟 果味四溢茶味醇香，解膩消暑良伴❣️

餐廳：牧羊少年咖啡館 (九龍灣)地址：九龍灣偉業街33號德福廣場1期平台P26號舖牧羊少年繼2022年喺尖沙咀文化中心打造咗Lemma之後，2023年12月再喺九龍灣德福開設第10間分店——Alchemist’s Mirage，仲特別將餐廳裝修設計得好似海市蜃樓咁，日頭喺Coffee Shop☕️，中午喺餐廳🍽️，夜晚就喺啱晒放工人士嘅小酒吧🥂，喺一個能夠享受朝啡晚酒嘅好地方👍餐廳幾千呎嘅空間都真喺幾大間，而且劃分咗好幾個區域：Dining area、吧枱、書櫃、Open Kitchen……呢個多用途空間除咗坐喺唔同位置食飯會有唔同感覺之外，餐廳仲會不定時舉辦唔同類型嘅文化活動🎭，甚至乎可以喺度借書一邊食嘢一邊睇📚，嘆埋杯咖啡真喺無得頂😋✝️紫蘇香蒜蔥鹽醬烤雞扒 $68皮脆香烤嘅雞扒，底層鋪上紫蘇葉帶出微微清香🌱，香蒜蔥鹽醬就充滿港式風味，好似食緊蔥油雞咁，兩者嘅配搭啱啱好，嫩滑多汁嘅雞肉仍然充滿住鮮香滋味🐓✝️俄式牛仔柳意大利粉 $128用咗牛肉汁、蘑菇汁同香料炒香意大利粉🍝，加入酸忌廉，呢碟濃而不膩嘅傳統俄式牛仔柳意大利粉確實幾出眾好食，薄切嘅牛肉片有少少筋部食落有啲咬口，仲食到有陣陣黑椒

朋友去過呢間牧羊少年， 讚口不絕，話裝修好靚🤩，打卡位多，最重要係性價比高🤑，講到咁正當然要去試下喇🏃‍♀️餐廳地方寬敞，裝修以木系為主🌴，簡單自然感覺好文青☘️晚市叫任何單點意粉或主菜加$58升級至 <自由自在1人套餐> 包咗小食/沙律、飲品及甜品🍝粉紅香蒜醬水牛芝士杏片雜菌意大利粉$108紅菜頭汁意粉就試過，紅菜頭汁整成嘅意粉都係第一次食，意粉有好香好獨特嘅紅菜頭味，質地亦剛好，裏面仲有好多雜菌、新鮮嘅杏片以及Q彈水牛芝士，賣相靚又健康，仲要好好味添😋。🍝蒜香牛肉碎松露醬雜菇意大利粉$118醬汁味道好正，蒜蓉味非常濃郁，同時亦食到濃厚嘅松露香味，牛肉碎細細粒都幾濃牛味，裏面仲有好多雜菌，意粉質地適中👍。沙律/小食🥗希臘沙律 伴初榨欖油意式黑醋汁(半份)沙律半份都好大碟👍，Feta cheese份量亦唔少，加埋火箭菜、洋蔥、青瓜、黑橄欖及車厘茄 ，混合香甜濃厚嘅黑醋汁一齊食，清新好味😋。飲品方面，响主餐牌內選擇$42 以內嘅飲品，其他飲品就半價。🍹蘋果肉桂香檸冰茶(右) (凍) 酸酸甜甜，肉桂味好濃，所以比較重口味，啱哂我飲，因為原來肉桂啱哂畏寒怕冷及四肢冰冷嘅人士😙。🍹

拿拿食評系列 #牧羊少年咖啡館_九龍灣德福廣場分店系社交平台見到牧羊少年開左新既分店，就約左住九龍灣既朋友一齊嚟試一試~ 星期六既下午2點半左右，因為系週末，原本以為都要等好耐下，點知都幾快，拎左飛5-10分鐘就已經入得！入到德福廣場分店，裝潢同其他分店風格都類近，店內燈光恰到好處，用餐環境十分有氣氛~  作為牧羊少年咖啡館既常客，我點左好多分店都有既鮮忌廉黑松露醬雜菌長通粉同埋Latte，同其他分店水準差唔多，系Latte個杯唔同其他分店，不過拉花都系有耳咖啡杯會夾啲~ 如果唔想淨系食意粉或者飯，可以叫個Pizza~ 我地叩左個千島海鮮薄餅，好似咩都有啲錦，開心啲~Penne w/ mushroom in black truffle cream sauce鮮忌廉黑松露醬雜菌長通粉HK$98Seafood pizza in thousand island dressing千島海鮮薄餅HK$148Café Latte牛奶咖啡HK$36牧羊少年咖啡館忠粉，唔知下間分店開系邊呢？！

去開個邊又肚餓搵間坐得舒服既餐廳 醫先 見到門口同入面好似唔錯Lunch Menu 唔太多 只有5個選擇 叫左杯自家調制鳳梨Lemonade 同 厚切芝士雞扒蕃茄沙律菜漢堡包拼海鹽薯條自家調制鳳梨Lemonade   鳳梨味重同偏甜,Lemon 味唔太出, 似飲緊杯糖水咁 厚切芝士雞扒蕃茄沙律菜漢堡包拼海鹽薯條粗薯條好食同夠脆身 雞扒還可以, 芝士如果可以燒溶又或者多D  醬汁既話會比較好, 整體都係偏向干身, 同Dry其他配料就不過不失

想同男朋友出去撐枱腳，又諗起未試過呢一間牧羊少年咖啡館，所以就諗住一齊去試我本身都幾鍾意食西餐，喺門口見到個Menu，有幾樣都想試，入到去諗住嗌個牛排，點知佢賣晒見到啲Pizza都好多款，我就揀咗個香芒牛油果千島pizza同埋油封鴨髀，我哋跟餐叫咗八爪魚丸子做小食原本以為八爪魚丸子好似章魚小丸子咁，點知原來唔係，不過都幾好食，因為佢嘅醬汁好似燒汁，會落粒丸子度好夾諗住Pizza上面有啲生果感覺冇咁「漏」，不過佢牛油果都多，而且好厚實，都好飽肚。香芒真係好香芒果味，又甜甜地，配埋千島醬其實都幾好食，但真係會「漏」油封鴨比個皮幾脆，但就要快啲食，如果唔係個皮就冇咁脆口，入邊嘅鴨油（定鴨汁）都好香，算炸得唔錯今次嘢飲揀咗白桃烏龍同埋lemonade ，白桃烏龍就清清地，個Lemonade就太酸，飲完兩杯野都未食晒，最後又嗌多咗一杯水果茶，水果茶就比較出色啦，有水果嘅酸味，但係唔太Over，可以解膩