牛霸王

營業中

休息中

今日係距離觀塘地鐵站好近嘅工廈搵到間好野食😍呢間主打係食手打漢堡飯！餐廳好整潔乾淨，位置闊落，一坐低店員好詳細介紹左menu,簡單講左兩款漢堡嘅特色，醬汁嘅不同。🔶手打和牛漢堡扒丼飯（配白味噌汁，日式泡菜）賣相非常吸引，日本珍珠米、手打和牛漢堡扒、日式泡菜、蘿蔔蓉、蘭王蛋黃一層一層咁堆疊成塔一樣，一上枱視覺上已經好震撼😍用和牛手工打製而成嘅漢堡扒，肉質鮮嫩，充滿油香，亦帶有自然嘅甘甜，漢堡扒外焦內嫩，咬下去的瞬間能感受到肉汁嘅鮮美🤤另外，鮮艷橙色嘅蘭王蛋黃，濃郁美味，為漢堡飯增添了絲滑嘅口感。自選揀左日式泡菜配合白味噌汁，日式泡菜微微酸酸甜甜，正好解一些和牛嘅油膩感，白味噌汁帶微微咸香，帶來酸甜鹹的層次感！🔶手打芝士安格斯漢堡扒丼飯（配秘製漢堡汁，芥辣酸瓜）手打芝士安格斯漢堡扒，較有牛味，肉質鮮嫩多汁，內藏融化的芝士。特製的漢堡醬汁用左洋蔥同柚子而製，帶有獨嘅酸甜風味，與白飯和酸脆爽口嘅芥辣酸瓜形成絕佳搭配，平衡左漢堡嘅濃郁。🔶一口芝士跟餐加配只係18蚊！抵食！表面炸得香脆，外裡芝士熱辣辣，超濃郁👍🏻🔶 芝麻雞翼外皮薄炸得脆，芝麻味香，外裡肉嫩，保留到肉汁🔶 甘栗紫薯餅幾重紫薯味，仲

位於觀塘區既人氣餐廳「牛魔王✨」絕對名不虛傳，以日式丼飯為主，每日限量供應既手打和牛漢堡飯，絕對食過翻尋味，另外仲有日式咖哩飯及不同小食，令人回味無窮。必食之選「招牌手打和牛漢堡蘭王蛋飯」，漢堡肉質鮮嫩，口感滑溜，配上香滑的蘭王蛋王，真係一口咬落去，味道滿分，蛋黃流出，將漢堡同米飯混合，簡直無敵。「和風牛肉飯」牛肉既份量非常多，牛肉切得薄薄，醃製得剛好，搭配特製的醬汁，米飯吸收咗所有肉汁，食落去有層次感。「橘子厚切吉列雞扒配溫泉蛋飯」係另一種驚喜！雞扒炸得金黃香脆，配上清新的橘子醬，味道非常好味又特別。而且配有溫泉蛋，真係好搭！小食「甘粟紫薯餅」非常好味，甘粟紫薯餅外脆內軟，口感豐富，甜甜的味道，係完美的選擇。總括來講，「牛魔王」呢間餐廳真係值得一試，食物質素高，服務又好。

今日朋友帶禾去位於觀塘成業工業中心一樓嘅「牛霸王」lunch …雖然是小店，但係坐得都幾舒服🥰🥰呢度最出名就係蘭王雞蛋和漢堡扒，所以當然一定要點佢哋啦🤣🤣手打和牛漢堡扒丼飯（每日限量） ….秘製漢堡汁，比較濃味啲，但係原來個芥辣酸瓜配飯再mix 蘭王蛋一齊食，真係好好味🤤🤤和牛漢堡扒比較多肉汁，牛味濃郁而手打芝士安格斯漢堡扒，就比較有口感牛味都香濃，兩者都不錯！個日式咖喱汁帶少少辣不是甜的那一種唔錯！

今日收工比我拉到算係平民區漢堡扒界嘅天花板，媲美挽肉與米🤩🥩手打和牛漢堡蘭王蛋丼飯 $151手打澳洲和牛，重油脂香！牛嘅肉香配上日本米加橙黃橙紅既蘭王蛋，完美配搭另外揀咗日式咖哩汁配日式泡菜，比坊間嘅日式咖喱汁辣少少，所以同埋飽滿嘅日本米，相對更加惹味，勁好送飯！🥩手打安格斯漢堡扒丼飯 $143安格斯牛比起澳洲和牛相對油脂就冇咁重，但更加重牛肉味另外呢邊都係揀日式咖喱汁，但係就配廚師推介嘅芥辣酸瓜！芥辣酸瓜有驚喜，完全唔會辣到攻鼻，但係保留到芥辣嘅香味，中和返非常重口味嘅香格斯，即刻冇咁膩🍗芝麻雞翼$18原來加配芝麻雞翼得一隻🥲 雖然有少少貴，但佢都幾好食皮薄炸得脆，但係依然有肉汁🥔日式牛肉薯餅$20都係加購價，而且得一嚿佢個炸皮做得幾薄同埋鬆化，比想像中佢嘅牛薯餅蓉做得幾軟滑整體嚟講百中嘅價錢食到呢個質素，我覺得性價比不錯

好耐都冇試過喺工廠大廈度食飯，今日難得朋友揸車嚟到觀塘，就話不如試吓呢啲樓上餐廳，朋友問我想食乜嘢，我話近排想食牛漢堡，佢就即刻提議觀塘呢間牛霸王。呢度嘅裝修其實都係行少清新路線，主要用木材料，所以俾人一種好舒服嘅感覺。朋友真係冇講錯，呢度真係漢堡扒界嘅天花板！招牌手打和牛漢堡蘭王蛋飯同手打芝士安格斯漢堡蘭王蛋飯，一個要咗秘製漢堡汁，另外一個就要咗白麵豉汁，配菜一個要咗日式泡菜，另外一個就係芥辣酸瓜，後來都有追加兩個小食，就係甘粟紫薯同芝麻雞翼。因為全部都係手打，所以口感好正，亦都選用咗澳洲和牛，所以油脂香味特別重，橙黃橙紅嘅蘭王蛋，配埋日本米飯，粒粒分明，真係絕頂嘅配搭，當然啦醬汁都係秘製嘅，所以特別好食。呢度更加有得儲印仔卡，食咗10次之後就可以免費送一個丼飯或者直接減$68 ，真係好抵！

最近有間專門食漢堡扒嘅小店幾hit, book唔到集團果間漢堡扒就嚟咗呢間。餐廳位於工廈，放工時間嚟都有8成入座率！差唔多每人都係為咗漢堡扒而來～🍽️手打和牛漢堡扒丼飯 $128招牌菜自家製漢堡扒配蘭王蛋，醬汁有3款選擇，揀咗個用洋蔥調配而成秘製嘅漢堡汁，再配埋日式泡菜。澳洲漢堡扒油香十足，外層煎至微焦，內裡嘅肉質好嫩，仲好juicy，配埋蛋香味十足嘅橙黃色蘭王蛋真係一絕~微甜嘅醬汁同泡菜又可以中和當中嘅油膩感。🍽️日式厚切叉燒配溫泉蛋飯 $78叉燒屬半肥瘦，當中嘅油份撈埋白飯一齊食更加香，如果呢個飯會有少少叉燒汁會仲正！🍽️甘栗紫薯餅 (追加) $18對半開，食到粒粒栗子，味道好清甜，作為飯後甜品都幾唔錯～🍽️一口芝士 (單點) $58芝士控大愛！雖然唔無拉絲效果，但芝士味香濃～🍹蜂蜜綠茶(追加)$5🍹可樂(追加) $5只需要加$5就可以配埋飲品～

同frd兩個人夜晚食飯剛好可以order兩款漢堡試曬唔同配料叫左 招牌手打和牛漢堡蘭王蛋飯配左白味增汁 & 日式泡菜和牛🥩 食上去香嫩多汁一啖飯一啖肉幾好～ 因為夠曬juicy同有牛味！！白味增對於重口味ge我黎講有d淡所以不停拎對面d秘制醬汁黎食🤣🤣蘭王蛋對於唔係好食生雞蛋ge我黎講起碼唔腥先～ 泡菜會有少少搶左牛ge味道～ 另外一款係 手打芝士安格斯漢堡蘭王蛋飯配左 秘制漢堡汁 & 芥辣酸瓜芝士係漢堡中間～ 芥辣酸瓜真係增加左味道上的層次感～秘制的醬汁係偏甜口的～我鍾意呢款多d～女仔食建議少飯🍚，正常飯量有d食唔曬仲可以比錢加配菜！揀左胡馬沙律🥗 兩個人分 開心😚仲叫左 紫薯甘栗餅！ 紫薯🍠味道濃郁！ 甜甜的好食😋環境黎講背景都幾特別～ 應該係麻布？同張凳都幾match又有籃🧺可以放袋～整體都好滿意👍🏻食物的質量 同晚市 兩個人埋單唔洗三百蚊！真係好好o(*////▽////*)q

日式漢堡近年相當盛行，有日本，有內地。而今日响觀塘都發現到一間主食日式漢堡嘅小店。小店名字相當霸氣，位於工廠大厦。單位唔算大，但整齊乾淨，座位也足夠單睇菜牌就知主力食漢堡，雖然菜牌都有其他選擇，加上店員推介，所以揀咗招牌菜-手打芝士安格斯漢堡蘭王蛋飯配日式泡菜和漢堡汁，再加少少錢配了飲品和小食。漢堡味道有少少淡，蛋黃味道也不算特出，整體不過不失。份量來說是足夠的，但差不多價錢，其他漢堡店有三塊漢堡，和不同調味，整體比較下難免遜色。

5點幾係觀塘，趁未洗排隊食飯，去食下排隊店5:55分入到去，冇人，可以隨便坐😂不過漢堡都未整好，要等一等，6點再落單。樓面叔叔超熱情😂介紹左漢堡嘅汁同配料嘅唔同選擇，諗完揀完就差唔多可以落單啦～加配紫薯甘栗餅～相當唔錯！跟飯只係加18蚊，算係咁食左幾啖，上飯啦😆個飯係好靚！揀左和牛+咖喱汁+芥末酸瓜，係樓面叔叔介紹比較冇咁重味嘅配搭，主打一個食牛味～飯量算多，汁量啱啱好撈曬啲飯😂蛋+蘿蔔蓉+酸瓜+牛+飯一齊放入口！好正！牛本身好香～冇油膩感～我有諗過靚牛整做漢堡會唔會嘥左😂但的確係無筋嫩滑個人黎講無話覺得驚為天人，不過絕對名乎其實！下次可能會去試安格斯同秘製漢堡汁😌

🐂手打和牛漢堡在民間🍚-呢一兩年手打漢堡扒可以話係大熱🫶🏻 前排碌社交平台見到好多人介紹觀塘呢間 疊到好似小山丘咁 造型都幾別緻🏔️ 去開觀塘就試下佢🫡 除咗限量供應嘅漢堡 都有其他丼飯選擇👍🏻 最欣賞係漢堡除咗配飯仲可以配沙律 感覺貼心💚-🐮手打和牛漢堡扒丼飯（每日限量） $128丼嘅基本配置係漢堡扒 白飯同蘭王蛋 而配菜同醬汁就可以自選😌 我哋揀咗日式泡菜同秘製漢堡汁😉 漢堡扒肥瘦適中 食落肉質有咬口 唔會好油🤤 點埋creamy嘅蛋液 肉味更加濃郁🥹 見到隔離台咖哩飯幾正 下次嚟會想試埋咖哩汁🤭-🐟京蔥厚切鰻魚飯 $93芝麻雞翼 +$18/隻 蜂蜜綠茶 +$5見到Chef's Special有鰻魚飯 咁啱係朋友嘅至愛 估佢唔到性價比幾高💞 厚切鰻魚夠肥美 同手掌差唔多咁大 超滿足🤯 嗌主食可以用優惠價加小食同飲品😏 芝麻雞翼脆卜卜 凍蜂蜜綠茶夠曬清涼😋-🥟雞皮餃子 $58 /5隻雞皮餃子係我其中一樣好鍾意嘅居酒屋小食 見親必嗌🙏🏻 雞皮獨特嘅texture 包住餃子餡出面再炸到脆卜卜 秒速清碟呀🤣-📍牛霸王觀塘成業街19-21號成業工業大廈1樓26號舖-

呢日嚟咗觀塘工廈搵食～嚟咗呢間主打食手工漢堡既日式小店🥰🥰手工漢堡主要分為兩款，一款用上日本和牛，而另一款則為安格斯牛💕如果好似當日同行既朋友仔咁唔食牛，亦有豚、雞同鰻魚可以揀☺️☺️✨招牌手打和牛漢堡蘭王蛋飯✨和牛漢堡食落香軟又juicy，配菜同醬汁都可以自選，配合濃厚既蘭王蛋一齊食，真係無得輸😍😍😍✨照燒雞扒飯✨同行朋友話佢個雞扒飯都唔錯雞扒煎得外脆內嫩，加上帶有微甜嘅照燒汁，佐飯一流😙😙✨唐揚魷魚咀✨作為加配嘅小食都非常唔錯，香脆可口😘😘✨雞皮餃子✨呢度既小食仲有本人偏愛嘅雞皮餃子可以點，正❤️❤️飲品方面亦可以以優惠價加配～可以好似我咁揀蜂蜜綠茶，又可以好似朋友仔咁揀肥仔水，同樣都只係需要加五蚊，爽！！呢度仲有得儲印仔，有機會要試埋另一款漢堡先得

觀塘呢片工廈林立既地區有著唔少餐廳，絕對係探店既好地方😆😆今日就同朋友來品嘗區內非常熱門既日式漢堡扒飯主題餐廳餐廳內唔算好大，但人流幾旺，排左一陣先有位🔸一口芝士🧀一口芝士外層金黃酥脆，內藏極濃郁的流心芝士，口感香濃滑順，芝味十足😋🔸吉列蠔🦪吉列蠔都幾大粒，外層的酥脆包裹，蠔肉鮮嫩多汁，搭配的麻醬恰到好處🔸招牌手打和牛漢堡扒蘭王蛋飯作為餐廳既招牌菜，丼飯賣相極為吸引😻手打漢堡扒採用和牛製作，肉質鮮嫩，油脂香濃搭配流心的蘭王蛋，米飯吸收了肉汁和蛋黃的香氣，非常惹味吸引🤤再配上秘製漢堡汁，鹹甜適中，香味濃郁，令整個丼瞬間升級🔸照燒雞扒飯🐔雞扒大大塊，外皮燒得略微焦香，肉質鮮嫩多汁，熱度均勻照燒醬的鹹甜搭配得當，為整道菜增添了風味😍總結: 👉店鋪小小，但漢堡扒飯質素十分高，其他食物都料理出色，強力推介👍

觀塘工廈真係好多隱世小店我的朋友介紹先至識得上去食🙂‍↕️我哋平日夜晚8:00去到唔算好多人，所以坐得幾舒服一入到去店員就好熱情咁介紹餐牌俾我哋😗，同埋真係好好彩食到最後一份佢哋嘅招牌：手打和牛漢堡蘭王蛋丼飯🥹佢哋嘅漢堡飯嘅牛肉，主打係自家製手打。油脂香同牛嘅香配上蘭王蛋日本米真係好好食😋除咗佢哋個漢堡，仲有秘製醬汁同埋自家製配菜。擺埋一齊食真係好好食😭感覺到店家真係好有心機🤍，自己其實覺得仲好食過「挽肉與米」🥰🌟🌟每日限量手打和牛漠堡扒丼飯 ($128)🌟手打芝士安格斯漢堡扒丼飯 ($172) 🌟一口芝士 ($38單價/$18加配價）🌟日式胡麻沙律($38單價/$18加配價）🌟唐揚魷魚咀($38單價/$18加配價）🌟忌廉，零係可樂 ($5@)我哋食咗咁多嘢，人均都係$150人均$200都唔使就食到真係好抵😌雖然佢多汁，但係我哋一人食一個都唔會好滯食埋啲小食都啱啱好💗📍牛霸觀塘成業街成業工業大廈一樓26號室

😲一開門勁香牛味🐮已經流哂口水黎到梗係要食餐廳招牌 手打和牛漢堡蘭王蛋丼飯😌可自選醬汁同配料汁醬選擇：✅秘製漢堡汁✅白味噌汁✅日式咖喱汁配料選擇：✅日式泡菜✅芥辣酸瓜我地第一☝🏻款揀配漢堡汁同酸瓜最上層仲有隻蘭王蛋😍呈橙紅色一篤流哂蛋汁好吸睛👀漢堡油分夠多 秘製漢堡汁真係最夾 好好味🤤酸瓜同蘿蔔都打成蓉上 有助解咸解膩⭕️ 手打芝士安格斯漢堡扒丼飯另一款就試左芝士🧀angus依塊肉味相對重啲配上白味噌汁 成件事較為creamy佢既漢堡係人手打出黎 勁厚身但同時好鬆軟⭕️ 甘栗紫薯餅炸到香脆內軟 紫薯蓉好綿甘栗🌰粒增加口感成個presentation 好似廣告相咁正宗🤤👏🏻色香味全齊

近期喺非常人氣，在香港大行其道嘅漢堡扒專門店越開越多，而且質素要求亦越嚟越高，我呢個漢堡扒迷都唔例外，朋友仔推薦咗我一間位於觀塘成業工業大廈嘅「牛霸王 Wagyu Donburi 」，主打手打和牛漢堡扒飯，被譽為近期評價甚高嘅小店，今日就去觀塘一上去試吓😋▪️手打和牛漢堡扒丼飯（每日限量） $ 138賣相已經令人垂涎欲滴，用上層層疊的方法擺盤，最底層由醬汁開始、日本米使用的白飯、和牛漢堡扒、芥辣酸瓜蓉、蘿蔔蓉、日本蘭王蛋黃、紅椒絲，首先白米飯相當軟熟好食，漢堡扒肉質軟腍腍又Juicy，配上帶美味香甜嘅漢堡醬，已經非常好食，酸瓜蓉和蘿蔔蓉可以中和膩感，再加上流心蛋黃，味道一絕，質素是近期吃過數一數二之高▪️日式胡麻沙律 + $ 18 / 蜂蜜綠茶（凍） + $ 5而且點任何一個丼飯，仲可以加錢配搭小食和飲品，這個沙律蔬菜和蕃茄都非常新鮮，配上日式胡麻醬醬汁，非常開胃，再配上一口冰凍蜂蜜綠茶，非常滿意的午餐