牛霸王

營業中

休息中

平日餐廳人流滿滿 7點多已經滿座 主打漢堡扒 有2款醬汁可以選 有咖喱汁同漢堡汁 而配菜可挑選泡菜或芥末酸瓜 食物味道不錯✨招牌手打和牛漢堡蘭王蛋飯 ($128)和牛漢堡每日限量發售 食落肉質好嫩 油脂感較重 外層微焦 蘭王蛋撈飯一流(◐‿◑) 充滿蛋香！咖喱汁甜甜辣辣 吾會好辣💓味道令人好開胃✨手打芝士安格斯漢堡蘭王蛋飯 ($118)安格斯漢堡扒中間有芝士汁 添加鹹香感 呢款漢堡扒牛味較濃香 食落較多肉汁 口感紮實 揀咗漢堡汁 鹹鹹甜甜 配埋泡菜幾好餸飯 ✨甘栗紫薯餅 ($18)紫薯味香濃 中間仲有粒甘栗🌰薯餅香脆餡多✨自製蝦芝士春卷 ($18)春卷好香脆 中間蝦肉彈牙大粒 配香辣蛋黃醬食超正🥳

平日夜晚8.幾walk in 唔太多人職員話剩返最後一份手打和牛漢堡點可以唔試🍴招牌手打和牛漢堡蘭王蛋飯 $128 🥩手打漢堡食落好香牛肉味 有肉汁唔會煎到好乾和牛漢堡上面有少少泡菜 蘿蔔蓉味道好清新🥕蘭王嘅蛋黃比較黃篤爆個蛋黃 爆漿落啲和牛漢堡同飯度🥚一啖咁食 太豐富漢堡醬汁就正常鹹鹹甜甜咖喱吉列豬扒飯$88🍛吉列豬扒就炸到好脆豬扒本身就正常 吉列粉漿都唔會太厚🐖咖喱汁就偏日式嘅咖喱甜甜地職員態度好nice 有人情味 有機會會翻兜

今日又上咗成業一樓食日本牛丼飯。當然叫返佢哋主打嘅牛肉漢堡，有和牛或者　芝心安格斯。都係揀返和牛最正，最上層係一隻蘭王蛋黃，下面有啲白蘿蔔蓉點綴一下，之後可以揀就係配菜有芥末酸瓜 或 日本泡菜，唔鍾意食泡菜嘅我就揀咗芥末酸瓜就味道清新，酸酸甜甜，跟住下邊就係漢堡，我揀嘅和牛漢堡煎到啱啱好，肉質柔嫩，油香十足。醬汁我就揀咗三款之中其中一款嘅秘製漢堡汁，係酸中帶甜，食落冇咁油膩，味道香濃。將醬汁配菜同埋蛋黃蛋撈勻一齊食效果十分之好。另外點咗一款佢哋嘅小食甘栗紫薯餅，新鮮炸起外脆裏面甜甜地充滿着栗子同埋紫薯嘅味道。

觀塘工廈一向都係美食天堂，呢間手打漢堡扒最近好多朋友都極力推薦，今次就一於去試吓。招牌手打和牛漢堡扒蘭王蛋飯配日式泡菜、咖哩汁底層係濃郁咖哩汁加白飯，中層係超厚身漢堡扒，上層係日式泡菜加大大粒蘭王蛋，淨係個賣相望落已經令人流晒口水，店家用嘅係澳洲和牛，肉質鬆軟肉味濃郁，配埋有獨特蛋香嘅流心蘭王蛋蛋汁、咖哩汁，三重口味每一啖食落都感覺超滿足😋。招牌手打芝士安格斯漢堡扒蘭王蛋飯配日式泡菜、秘製漢堡汁另一款就叫咗芝士安格斯漢堡扒配秘製漢堡汁，牛肉味相對更加濃郁，多咗一份半溶芝士嘅奶香，加上秘製漢堡汁嘅酸酸甜甜嘅口感，越食越開胃🤤，吉列蠔口感酥脆，保留到蠔嘅鮮甜口感之餘又唔會覺膩。自製蝦芝士春卷外層酥脆，內層係塞到滿嘅芝士加上蝦蓉，口味夠鮮甜又有芝士嘅香味，推薦👍🏻。柚子蜜、可口可樂牛霸王 (觀塘)觀塘成業街19-21號成業工業大廈1樓26號舖

觀塘區出名多工業大廈，今次同朋友一齊去捐窿捐罅搵食，就發現一棟工業大廈入邊有間牛霸王，於是就去試吓。入到去坐低，店員遞上餐牌，然後我哋就揀咗兩個餐，再追加小食。———————————————————————-🔹手打和牛漢堡扒丼飯 $151（配秘製漢堡汁+芥辣酸瓜+多汁）▪️漢堡扒係選取澳洲和牛，組合配搭融合左日本丼飯和西式漢堡嘅創意料理，賣相上睇得到日本米粒粒飽滿，牛肉油脂香，風味獨特。▪️和牛漢堡扒呈現出金黃嘅焦脆外皮，表面淋上濃郁的秘製醬汁，加上有蘭王蛋、蘿蔔蓉同芥辣酸瓜，讓整體效果色彩繽紛。另外，漢堡扒肉質鮮嫩，油脂分布均勻，咬下去會感受到肉汁嘅豐富。手打嘅工藝保留到肉嘅原汁原味，口感更細膩，值得一試！ - 日式和風沙律 $18前菜食沙律開胃，味道酸味味，好鍾意，份量亦都唔少。- 零度可樂 $5🔹自家製橘子厚切吉列雞扒配溫泉蛋飯 $83橘子嘅鮮豔橙色與金黃色的吉列雞扒，搭配上滑嫩嘅溫泉蛋，賣相誘人。吉列雞扒外酥內嫩，外層嘅麵衣炸到金黃酥脆，內裡嘅雞肉保持左多汁嘅口感，好滿足。而橘子嘅酸甜味道，配埋流心蛋黃加米飯，口感唔會太膩又好味。- 柚子蜜（熱） $5🔹一口芝士（7pcs） $

#觀塘搵食又到一星期一次，二人成團搵食遊。今次就碌左去觀塘搵食，去左位於成業工業中心的牛霸王晚餐。舖頭都相當近觀塘地鐵站，大約行5-10分鐘就可以到；然後搭電梯上一樓，一出電梯轉左就會見到。但我地去到發現所有手打和牛漢堡系列都完售🥲真係相當傷心💔下次可能要抽平日夜晚去先可以食到了。舖頭裝修行日式簡約風格，環境算乾淨，有種日式家庭作業的餐廳感覺。侍應都係得兩個，已經係睇曬全場，出單同上蔡。餐膳種類唔算太多，但一場來到，我地都依然坐低叫左兩個飯同兩款小食；但就無得食好味的手打和牛漢堡系列了。我地分別order左日式厚切叉燒溫泉蛋飯，咖喱吉列豬扒飯，佩兩杯凍蜂蜜綠茶。厚切叉燒真係好厚切，我覺得味道同日式叉燒有D唔同，相較日式叉燒鹹，口感亦都無咁柔軟，有咬口D。配溫泉蛋味道幾夾，加埋熱辣辣米飯，又別有一番風味。至於咖喱吉列豬扒，味道就相較厚切叉燒更佳，豬扒雖然唔算好厚，但炸得啱啱好，粉漿唔會太厚，肉質唔會太柴，亦都唔會太乾。咖喱偏向香港人口味，無日本咖喱咁甜。除此之外，我地仲order左一份加配細份既炸芝士同雞皮餃子；同樣係新鮮炸出來，相當認真既製作。但有要留意，芝士並唔係拉絲款，更偏向係班融

觀塘牛霸王位於在工業大廈入面，裝修採用和式簡約設計，木枱櫈、餐具都擺放得好整齊，令人感覺舒服。日式和風沙律：沙律菜新鮮種類多，加左黑醋醬汁，開胃前菜。日式胡麻沙律：蔬菜新鮮爽口，配上胡麻醬汁，十分醒胃。手打和牛漢堡扒丼飯：手打和牛漢堡扒，肉汁好juicy，肉既質地非常軟嫩，牛既香味亦很突出，秘制漢堡汁味道甜甜地，配菜芥辣酸瓜酸酸辣辣，蘭王蛋蛋黃帶橙色，色澤光亮，蛋香濃郁，撈飯一流，招牌必試。京蔥厚切鰻魚飯：鰻魚超大條，燒得好香口，而且相當肥美，魚油味突出，醬汁味道恰到好處，啖啖肉又香甜既鰻魚簡直係我至愛。吉列蠔：外層炸得酥脆，咬落去索索聲，蠔肉新鮮厚肉，蠔味瞬間爆發，味道有驚喜。甘栗紫薯餅：炸到金黃色，乾身唔油膩，裡面有粒粒栗子和紫薯蓉，入口軟糯，層次感豐富。總結，餐廳食物即叫即做，出菜快，員工細心介紹菜式，值得推介。

星期六夜晚同朋友係觀塘食飯, 今次去左一間位於觀塘工廈既餐廳食飯, 餐廳裝橫簡約, 行日系風格, 我哋叫左手打和牛漢堡蘭王蛋飯, 漢堡用上澳洲和牛, 牛脂味濃，食落鮮嫩多汁, 配菜揀左芥末青瓜, 配合秘製醬汁和蘭王蛋, 同和牛味道好夾, 亦可解油膩感。日式叉燒蘭王蛋飯, 叉燒煮得軟淋入味，配合蘭王蛋, 撈飯一流。我哋另外揀左一款小食, 紫薯甘栗餅炸得好酥脆, 紫薯味濃, 配上栗子,味道甘甜。如果晚上黎食, 建議可以早啲打去book位。

👉🏻手打和牛漢堡蘭王蛋丼飯（每日限量）- 芥辣酸瓜toppings- 小食：吉列蠔（ 2pcs)- 蜂蜜綠茶手打和牛漢堡蘭王蛋丼飯當然係必食，佢地用左全人手手打 澳洲和牛！！油脂香及牛嘅肉香配上日本米飯+蘭王蛋，不得了！！芥辣酸瓜同蘿蔔蓉toppings增加左層次感🐰🐰🐰加上秘制醬汁同粒粒飽滿日本米，上面橙紅色嘅蘭王蛋好靚🐰🐰🐰 完食時啲汁都俾我食哂🐰🐰🐰👉🏻自家製橘子厚切吉列雞扒配 溫泉蛋飯 - 小食：甘栗紫薯餅(1pcs) 炸雞扒個皮都好酥脆！ 整體上小食嘅炸物炸得都好好食， 亦都提供咗沙律醬同埋橘子醬 ？ 撈雞扒食 ，如果可以有多啲醬汁去撈飯咁就更加好喇🐰🐰🐰- 白桃烏龍 （熱） 餐廳整體環境都十分和風，燈光柔和坐得好舒服，餐具都睇得出好有心思🐰 好適合同朋友聚舊🐰🐰🐰👍🏻

一坐低店員已經好詳細咁介紹menu☺️✨手打和牛漢堡丼飯 $128厚厚嘅牛漢堡扒係用澳洲和牛整 肉味濃 充滿油脂香😌煎得剛好 切開入面仲有粉嫩嘅顏色😍督開隻蘭王蛋 橙黃橙紅嘅蛋汁+秘制漢堡汁撈日本米😍✨京都厚切鰻魚飯 $88雖然唔算好厚切 但鰻魚好大塊又肥美 仲有蛋絲做配料🤪✨吉列蠔 $18作為追加小食 $18有2舊非常之抵🤗✨雞皮餃子 $58外皮炸得好香脆 入面啖啖肉肉 食落唔會好膩😆✨白桃烏龍 $15以一個茶壺上 店員提醒要先焗一陣 茶底好香 推介☺️📍地址: 牛霸王觀塘成業街19-21號成業工業大廈1樓26號舖

最近試咗一間餐廳叫牛霸王 🐾 係工廈入面~係social media睇佢哋嘅招牌手打和牛漢堡蘭黃蛋飯真係好正！招牌手打和牛漢堡蘭黃蛋飯 $128呢個漢堡配有秘製漢堡汁同芥末酸瓜漢堡肉質滑嫩 口感豐富 橙色嘅黃蛋流心🙌🏼配埋醬汁更加美味 仲係每日限量，真係值得！超滿足🤣濃茄野菌燉牛肋肉飯$88牛肋肉燉得非常入味🥩肉質軟滑 口感豐富濃茄湯汁濃郁 配搭日本米簡直jeng！而且上面仲有新鮮嘅野菌 增加咗好多口感 😆😆跟餐追加咗飲品 零度可樂$5 & 柚子蜜$5清爽又消渴 搭配漢堡非常合適喔最後試咗一口芝士（7pcs）$58芝士粒炸到勁熱 口感creamy 🏵️味道濃郁 真係好滿足！整體D野食都好好味，值得再來！

位於觀塘的日本料理餐廳，鄰近地鐵站的工廈，木系柔和風格，環境舒適恬靜。最矚目主打莫過於每日限量供應的招牌手打和牛漢堡，其他還有叉燒、雞扒、牛肉等等的料理菜式。招牌手打和牛漢堡蘭王蛋飯醬汁：秘製漢堡汁配料：日式泡菜醬汁分別有三款，秘製漢堡汁、白味噌汁及日式咖喱汁選擇。配搭有兩款，日式泡菜或芥辣酸瓜。和牛厚厚一大塊，外皮微微焦香，肉質彈牙，啖啖肉，完全沒有筋腱位，咬下去肉汁滿溢，充滿淡淡的牛脂香味。中間是白蘿蔔蓉、泡菜，很清新。配上日本蘭王蛋，輕輕戳一戳，橙黃色的蛋液隨即流出，蛋汁及醬汁拌著飯吃，醬汁酸酸甜甜，十分下飯、開胃，而且減低整體膩感。底層的是日本珍珠米，口感。

已二刷嘅餐廳！🥹😎👌🏻初頭見到價錢有少少卻步，但食過一次就會有第二次！點解咁講？因為佢個汁同埋成個肉+小菜個口味好match！上次食唔到和牛漢堡個嗰因為賣晒，今次早到，所以有得食～真係好值得食！🫶🏻🫶🏻🫶🏻今次搭配係咖哩+酸菜+桃茶，好清新而且因為有酸菜所以開胃，飯唔係太多啱啱好，清晒盤嘅～上次有食到佢嘅小食！先18蚊嘅雞皮餃子，外脆內軟，好抵食！！！（但上次就唔記得影相）個環境好舒服，唔係繁忙時間都可以坐耐啲，服務都好好～～

上星期中秋節收早同同事去試下觀塘區嘅新嘢食唔到挽肉之米就打算試呢間主打漢堡套餐睇相片都幾吸引我地點咗二款主打漢堡你話唔好味又唔係但唔好抱太大希望漢堡好鬆散外面煎得唔夠香無咩肉汁整體過於普通一試無妨嘅

觀塘美食多係人都知，各式各類嘅都有，而工廈更有唔少小店值得留意👍🏻@wagyu_donburi 主打手打和牛漢堡蘭王蛋丼飯橙黃色蘭王令視覺度倍升⬆️漢堡肉質軟嫩味濃，爆汁漢堡嘅油脂肉香滲入飽滿米飯入面可選配搭日式泡菜/ 芥辣酸瓜，易入口亦減低膩感三款醬汁可選擇：分別秘製漢堡汁、白味噌汁及日式咖喱汁今次點選咖哩汁🍛絕對唔會出錯嘅拌飯良伴😋手打和牛漢堡扒丼飯 $128唐揚魷魚咀 $18自製蝦芝士春卷 $18