餐廳Menu整得幾靚，好似好吸引，所以就入咗試吓 ✨✨環境方面 二人枱好多都係圓枱，細細張 比較似係coffee shop嘅枱多啲 所以當我哋啲嘢食嚟到嘅時候 其實張枱好迫🤯🤯🤯 本身個侍應都有問我哋要唔要碟share啲嘢食，我哋話要 但最尾個侍應都冇俾我哋，相信個侍應都明白呢張枱根本擺唔到咁多碟🤷🏻‍♀️ ✨✨ 服務方面 基本上係零服務，要QR code落單，但又要收+1服務 連水都要叫咗個侍應兩次先有😟 ✨✨嘢食方面 🔸黑松露軟殼蟹意大利粉 意大利粉擺盤幾靚 黑松露醬汁整得好濃，有唔少蘑菇，意粉份量都幾多 不過配上軟殼蟹就成件事夾夾不入🫢 軟殼蟹都比較細隻，厚粉😢 🔸薯條配黑松露醬 我哋加咗$30加配咗呢個小食 薯條炸得好脆，黑松露醬都幾香😀 🔸忌廉周打蜆海鮮飯 海鮮方面有海蝦🦐，蜆肉，帆立貝 海鮮食得出係急凍海鮮，欠缺鮮味 忌廉周打蜆汁都冇乜海鮮味 整體Risotto平平無奇🙈 🔸 Creme brulee 加配$30有法式焦糖燉蛋 甜品擺盤係靚嘅 面頭焦糖香脆 燉蛋質地整得好細滑，有蛋香，甜度適中👍🏻 總括:嘢食唔錯不過都有改善嘅地方 但係服務同環境就唔得 整體用餐體驗不太好😟😟

康城商場開咗幾年，一路都未過嚟呢邊行吓 今日工作嘅關係要嚟呢邊 完咗之後就搵地方食晚飯 見到呢間新裝修嘅泰式餐廳，幾吸引😍 裝修係綠色為主，帶有泰式風味🇹🇭 🔸打拋豬肉碎煎蛋飯 呢個泰式菜送飯真係一流 碎豬肉加上金不換葉、蒜頭、辣椒一齊炒 餐廳係瘦肉，比較健康，不過就冇咁惹味 配上一隻燶邊蛋🍳 將流心蛋黃戳穿後，拌勻吃，非常美味👍🏻 🔸招牌去骨泰式香草燒雞 廚師將半隻燒雞用手蝴蝶式開邊再去骨 方便食客享用，啖啖肉👍🏻 燒雞醃料用上百里香，蒜🧄，檸檬🍋，青檸 醃得好入味😋 燒雞香噴噴既味道，皮脆多汁 肉質嫩滑，廚師冇燒得過火 🔸芒果乳酪疊疊冰🥭 甜品叫咗一碗刨冰 呢排天氣咁熱，叫呢個甜品消暑一流 要注意呢個甜品份量都比較大 兩個人share啱啱好😋 上面有一條完整嘅芒果肉🥭 疊疊冰加入芒果肉& 乳酪，食落酸酸甜甜 底下係綿綿冰，口感非常幼細👍🏻 而且唔會溶得好快

好耐冇食港式糖水啦 見到呢間糖水舖除咗有港式糖水之外，仲有多款港式特色小食🇭🇰 一於約朋友嚟呢度食宵夜，聚一聚😆 叫咗三款小食同兩款糖水😛😛 🔸 XO醬炒蘿蔔糕 本身以為係細細份嘅小食，點知一嚟到覺得好大份 XO醬非常香噴噴🤤 除咗有XO醬蘿蔔糕，仲加咗芽菜同椰菜入去炒 每樣食材都吸收到XO醬既精華 炒得香噴噴，好夠鑊氣😍 XO醬落得好足，見到有蝦米，真材實料👍🏻 🔸 XO醬炒燒賣 燒賣切成一半，先炸再加入XO醬，芽菜同椰菜入去炒 非常惹味開胃😆😆 如果鍾意食辣嘅朋友仲可以加辣🌶️ 🔸燒汁蒜片牛粒 份量比想像中多 牛粒juicy，有牛肉香味 配上燒汁蒜片，調味好適合 🔸多芒楊枝甘露🥭 因為好鍾意食芒果，所以揀咗多芒果個款 楊枝甘露椰奶味比較重 芒果夠甜☺️仲有好多碌柚，碌柚唔會苦澀 整體呢個甜品比較清甜 🔸灰姑娘(生磨芝麻糊配燉蛋白) 芝麻糊呢款懷舊甜品，每次嚟到糖水舖都會想食 今次就揀咗配埋燉蛋白呢款 蛋白滑嫩又香甜 芝麻糊磨得幼細，甜度啱啱好👍🏻

之前聽同事推介過呢間尖沙咀樓上西日fusion 餐廳 一路都book mark咗但未得閒試 今個weekend放假，終於嚟同朋友試吓☺️ 🔸日本黑豚五花腩串 一上枱就聞到香味🤤 半肥瘦五花腩燒到有微微嘅焦香👍🏻 一啖咬落去好Juicy，調味又啱啱好 食落好滋味，好想encore😍 🔸芝麻雞翼 (2隻) 日式料理芝麻雞翼係我最愛菜式之一 芝麻雞翼係即叫即炸，非常脆卜卜👍🏻 🔸牛油煎帶子 帶子一上枱已經切成六小件 帶子煎得啱啱好，唔會煎到過熟 🔸牛油炒蘆筍 食咗咁多肉，我地之後叫返個菜減低油膩感😆 喺街好少有得單嗌炒蘆筍，所以今次就叫黎試吓 蘆筍好新鮮，食落帶有牛油香氣，口感清爽 🔸日本安格斯牛肉稻庭烏冬 安格斯份牛肉份量都幾多 加上半隻糖心蛋同冬菇 烏冬口感好滑配上牛肉清湯，好夾👍🏻

係香港拉麵界競爭日趨激烈既環境下, Ramen Jo仍然可以站得住腳 所以一路都想試吓佢既拉麵 今次行過銅鑼灣，一於去試吓😆😆 🔸涼伴菠菜 口感清新既開胃小菜👍🏻 🔸自製餃子 皮薄肉餡靚既豬肉餃 肉餡非常飽滿好足料 調味濃而不太鹹, 風味十足😀 🔸炸雞肉配明太子醬 一碟有四件炸雞, 大大件, 香噴噴😍 外皮炸得金黃爽脆, 內裡食落鮮嫩多汁 調味非常恰當, 配埋紫菜, 明太子醬, 檸檬汁 非常滿足☺️ 🔸特製低溫叉燒拉麵 六大塊叉燒，份量十足，好吸引😍 低溫叉燒既烹調手法, 令叉燒粉嫩軟腍 幼麵軟硬適中 醬油豚骨湯頭濃厚, 卻不油膩, 唔會太鹹 食完唔會好頸渴 🔸細叉燒丼 叉燒肥瘦均勻, 調味偏濃, 好惹味😀 加上少少蔥花吊味, 送飯食十分搭配

呢間餐廳最大嘅賣點就係露台可以近距望到清真寺 露台佈置得好靚😍😍啱晒打卡靚相 今日天氣好曬☀️所以就冇坐到喺露台嗰 餐廳處處裝修都好用心👍🏻👍🏻 每個角落都係打卡位📸 🔸Soup of today 是日餐湯係椰菜花忌廉湯🥦🥦 口感非常濃郁，配上酸種麵包🥖 🔸 Arrabbiata pork sausage rigatoni 番茄辣醬好濃郁🍅🍅 酸酸甜甜加上香辣味，非常惹味開胃😀 意大利麵口感Q彈👍🏻 管狀意大利麵有溝紋係表面加上中空既部份令到每一條都充滿醬汁，煮得好入味 🔸Tiramisu 意大利經典甜品 Tiramisu 材料好簡單但一路都係我最愛既甜品之一 餐廳呢款質地好濕潤，每一口食落去口感好幼滑，令人感到好舒服同滿足☺️ 佢嘅味道非常濃郁，混合咖啡同朱古力嘅香氣，令人食上癮😛😛

餐廳位於尖沙咀赫德道4號The Hart地庫 好近尖沙咀地鐵站非常方便 餐廳唔算大，最特別係有一個角落有得唱K 重有兩間獨立房，可以比10幾個人一齊唱K打邊爐🎵🎵 🔸海南椰子文昌雞🥥拼養顏美人鍋 打邊爐，最緊要係湯底 呢度雙拼唔使特別加錢，所以梗係揀雙拼啦 今次揀咗兩個湯底都係清清地 椰青同文昌雞係分開上 文昌雞大概有半隻，兩個人食岩岩好 店員會將成個椰青倒入個鍋嗰度 再落埋文昌雞煮5分鐘到就可以食得 美人鍋就用上烏雞，杞子，桃膠 非常養顏補身👍🏻 🔸美國prime牛小排 打邊爐點少得肥牛 今日想食好啲，所以就揀咗牛小排 牛小排擺盤幾靚 牛小排滾幾秒就食得，肉質鮮嫩，油花適中 🔸唐生菜🥬 最後都梗係會叫返個菜黎食，冇咁肥膩 🔸飲品 重有而家好少有既玻璃樽汽水 好懷舊😀

復活節嗰個北上消費🐣 我就留咗喺香港同朋友喺裕民坊食lunch 裕民坊有幾間餐廳都有室外座位☀️ 呢間新開西餐廳對出就係花園平台🌸🌻🪻 坐喺室外位置，可以帶埋寵物一齊食嘢🐶🐱 而家未到夏天，天氣未到炎熱，坐喺出邊幾Chill 😆😆 Weekend set lunch 價錢係大概$7x - $14x 包埋嘢飲，餐湯或者沙律 絕對係平民西餐廳，啱晒一家大細嚟食 🔸澳洲肉眼扒配紅酒燒汁 $148 有咁大塊肉眼扒 叫五成熟，餐廳冇Overcook 肉眼扒目測有10oz ，份量十足，男士嚟食都絕對夠飽😀 配菜可以揀薯條/白飯/意粉 絕對唔似其他西餐廳咁淨係俾少少配菜🙈🙈 🔸西班牙黑毛豬鞍配蜜糖燒汁 厚切黑毛豬絕對對得起$138呢個價錢 第一次見切得咁厚嘅黑毛豬 車厘茄都好juicy 配菜揀咗意粉 意粉用上橄欖油蒜蓉炒，幾香 🔸心太軟配雪糕🍨 落單嘅時候喺QR code揀咗後上 食完主菜之後再叫侍應上甜品 心太軟外脆內軟，非常流心 一切開好多朱古力醬 心太軟甜度啱啱好，再配上雪糕 一冷一熱咁食，好滿足😋

天后電器街係一條食街，相信好多人都知
今次黎到樓上鋪食港式火鍋
餐廳裝修風格係懷舊香港🇭🇰
設計成大排檔，播住廣東歌🎶
環境乾淨衛生，Menu 設計有心思，設計成好似以前啲報紙咁

火鍋配料擺盤好精緻👍🏻選擇好充足

🔸咯咯花膠湯底
好味又養生👍🏻 十分推介呢個湯底🔥
店員話啲雞係煮到七成熟俾我哋再放落個煲再煮
雞肉份量好足，花膠有五大塊😍
先飲一下個湯，味道非常濃郁
花膠就一早落，去到打邊爐尾聲先食，吸晒個湯嘅精華☺️

🔸頂級安格斯牛頸脊
牛味好濃郁🤤🤤肉質鮮嫩，油花份量適中
幾厚切👍🏻唔似有啲日式放題，切到勁薄

🔸南非鮑魚&日本扇貝
海鮮擺盤靚，啱晒打卡放上社交平台😆
職員預先處理過啲海鮮，將舊肉剝離個殼
鮑魚同扇貝都大大粒，新鮮鮮甜👍🏻

🔸黃金鮮魷
魷魚好厚肉，件件都好大件
炸到好香脆，再撈上鹹蛋黃醬

🔸鮮蝦雲吞&魚皮餃
鮮蝦雲吞粒粒包得好飽滿
雲吞皮薄，鮮蝦爽口彈牙☺️
魚皮餃口感煙韌，魚味香濃

🔸娃娃菜&唐生菜🥬
個湯底咁濃，食菜嘅時候非常索湯👍🏻


重有而家好少有既玻璃樽汽水👍🏻👍🏻


總結: 呢間係一間高質單點港式火鍋店，啱晒一大班朋友嚟食👍🏻
如果係兩個人或者情侶嚟食，就難啲嗌到多款嘢食(呢度嘅嘢食比較大份)
建議餐廳可以出一啲二人套餐，或者嘢食有得半份咁嗌黎食
吸引多啲人嚟食😆😆

呢幾日天氣凍返，岩哂bbq🔥🔥 見到大美督有個新開嘅BBQ場 就同朋友一齊嚟試吓 場地好大乾淨衛生👍🏻 呢度最特別係可以同一時間打邊爐&bbq 中間有個窿，可以放個小鍋打邊爐😆 價錢方面唔算太貴 一個價錢任飲任食，食到飽飽☺️ 開爐費就一個爐$80 所以一班人黎食除返開就會抵啲 食物選擇非常之多😍😍 有各樣嘅燒烤肉類，丸類，香腸，海鮮，蔬菜，蒜蓉豬仔包 雞翼都有六款口味 每款到醃得好入味 我就最鍾意孜然土匪雞翼，非常惹味😋 重點推介牛仔骨😍 肥瘦適中 呢個夾咗幾次黎食☺️ 朋友都好鍾意食 燒嘢食燒到咁上下，就打邊爐 湯底係豬骨湯底，味道清清地 食完好多肉，就食返啲菜🥬，粟米🌽，蕃茄🍅 幾款麵包選擇: 法包，方包，豬仔包 加上蒜蓉牛油，自製蒜蓉包👍🏻 如果仲未夠飽，仲有即食麵，烏冬，印尼撈麵 一定唔驚唔夠飽😆 食飽飽仲可以玩夾公仔，打街機😆😆 總結: BBQ場地又大又乾淨，食物選擇多，價錢又實惠👍🏻 啱晒一大班朋友嚟燒嘢食☺️