牛陣 (iSQUARE國際廣場)

營業中

休息中

呢個星期仲係凍凍地，大家同事係OFFICE都凍到騰騰震，有同事就提議不如打番次邊爐，但由於食飯時間只得一小時，唯有揀番就近的ISQUARE，打番次邊爐先。因為我從未試過LUNCH打邊爐的，未出發前，同事已同我講一系列策略，先食甚麼，再取甚麼，最後食甚麼，搞到有點好似搶食既感覺。但去到之後，果然同事講既野係岩既...由於LUNCH關係，去到店門，不用等已經可以入座，入座後，同事快速揀選了牛肉+清湯，之後他們已經快速去到雪糕櫃，整左4-5球haagen dazs雪糕黎食，我心想，這餐應該是雪糕放題多過火鍋，但由於我習慣食完正餐先食甜品，所以唯有暫時忍口吧!牛肉過了幾分鐘很快送到，同事二話不說全碟倒曬入鍋中，本來清湯湯底(不知為何是黑色)，轉眼間已經變成灰色了，入口都算不錯，雖未有頂級牛肉入口即軟既感覺，但食落都有肉的層次，都算是中等的水平。不消幾分鐘，兩碟牛肉已經清光了，唯有去BAR檯找點丸子、芝士腸、菜補充下腸胃，這些補料，不過不失了，時間過得很快，轉眼間已經40-50分鐘，淨下10分鐘黃金時間，是時間搵幾球雪糕食下，果然，雪糕差唔多比人食曬，心裡面立即有點後悔不早點攞，幸好仍然可以食到

星期六跟朋友到牛陣打邊爐, 嘩好彩有朋友醒目一早book位, 那裡等位的人極多, 真的要等的話可能餓死都未有得食, 所以全靠那位朋友啦, 令我們只等了十幾分鐘便有位!去到選了一個168的set, 絕對不是上等的set, 所以牛肉也十分普通~牛之外,我們也點了豬, 豬也是十分普通~其他配料都在自助Bar自行選擇, 我倒欣賞他們的配料, 因為款式多, 而且有很多菜可以選擇!菜也廷新鮮的!但講到最欣賞的, 真莫過於侍應們上肉的速度! 嘩真係好快!!! 這頭叫那頭就來!看著他們行來行去, 真係覺得好辛苦! 所以他們值得一讚!

做左成日嘢，爆肚餓！！！加上天氣凍，好似特別忍唔到肚餓，於是一放工就冲去附近食嘢！$168+每人加多$10任飲任食個半鐘，都算抵食肥牛叫左7碟！ 都ok好食，牛肉味都幾出，不過人地牛涮鍋，碟碟都係牛ge唔同部位，相比較之下我比較buy 多種類！ 一個價錢，只可食一款，唔抵！我試過好食，就唔會介意卑多d錢！成晚最激氣係，佢計時計到盡，食到夠鐘，主動攞張單，就塞係面前，唉！！！！！！！   埋完單，就唔卑攞雪糕食， 我見隔離枱都係咁，而且埋單時，佢仲提我地可以攞雪糕食，結果又唔係！唉！！嬲！！！！  牛肉丸d味好假，九成係溝左好多嘢，墨魚丸唔好食，其他……除左我本身鍾意食菇類，而佢又提供多於一種，我就卑個like 佢！！提供ge食物種類唔多，出去夾嘢見到d食物略嫌少，見到都無曬心情，卑左$185，d食物質素同大家樂、吉野家一樣，最後食肥牛食飽，以後可能繼雞煲之後，會出牛煲！ 總結:成餐飯……食得唔開胃！唔會再食，亦都唔會約親朋戚友去食！

今日去左isquare的牛陣食飯...去到不用等位,坐低諗左陣先叫野食....叫左個$168既set,有牛+豬腩+豬肩...牛既味道一般,豬腩就肥左少少,所以order左一轉就冇再叫....而豬肩就幾好食以$168的價錢係OK既....仲有汽水,果汁任飲tim....不過,發生左一D不愉快經歷,下次唔會再幫襯....店員的態度勁差,冇禮貌首先...處理投訴時,店員竟然好串咁答佢老細係日本人...(意思即係投訴都冇用~!!!)叫客人投訴就要寫英文...仲要拎客人個名做紀錄.....但點知,食食下,食到舊臭的豆腐!!! 店員即時想拎走舊豆腐....而且態度立即180度轉變....講哂唔好意思~最後,我地走果時店員黑哂面.....

睇戲之前要食晚飯, 見到呢度咁多人, 就係咁簡單既原因就入左去喇!!!呢度有好多款套餐揀, 平到$138任食到$5百多元都有, 視乎牛肉同豚肉既質素而定, 限時90分鐘!!!我地揀左$198既套餐, 只希望差極有個譜.....好快個鍋就上喇, 都係想大家速戰速決, 每人free一罐飲品, 但汽水多, 不奇然令我想起都係想令人快d有飽肚感牛肉豚肉好快就上, 可以任order, 睇個樣都只係還可以, 根本唔係有雪花分佈嗰種, 係偏肥, 但入口都叫ok, 這就是$198既質素吧.....出面既蔬菜, 菇類, 瓜類, 麵類,豆腐, 豆卜, 腸仔, 芝士腸, 魚蛋, 魚都係自助式任攞...款式唔算多, 感覺有點兒求其...醬油方面只屬中式既調味料, 炸蒜, 蒜蓉, 蔥, 莞西, 豉油, 辣油, 辣椒....個人認為呢一part確係求其, 一d 都無日式既感覺....haggan dazs雪糕得士多啤莉同雲厘嗱可以食, 其餘既味道硬到根本"畢" 唔到....感覺求其唔太日式, 配料一般, 如果貪平既朋友都可以一試, 最平$138, 出面應該都好難搵!!!!!!!

作為火煱的愛好者，我大約一個月都會幫襯牛陣一次，通常都係去尖沙咀I Square 店，有時候會去厚福街H8。昨天去到，見到有新嘢「澳洲長期穀飼牛」，都不過係$178一位。依據店方的介紹，牛來自澳洲的Naruo牧場，選用黑毛安格斯牛，在最適當的環境以300日長期穀物飼養。飼料由是牧場自家種、自家製；牧場自己種的大麥、小麥和玉米，確保無農藥殘留，環境水源也是安全的。此外，讓牛時並沒有使用成長激素。睇咗介紹後，覺得花咁多心機去養的牛，應該會好食，價錢同普通牛差唔多，所以決定一試。牛肉的肥瘦比例適中，脂肪都混在牛肉中間。輕輕淥一淥，肉汁依然停在肉入面。食過後，簡單一句評語：「牛味十足」。比起平時食的，甚至係和牛，佢的牛味都比較濃。柔軟度都算好好，但就比不上貴一倍以上的和牛。呢種牛，如果用黎做牛排，應該會超好食。我個人覺得，要食出牛的美味，其實只需要選普通的清湯。 

一行四人食$198 果款，一開始有D失望。因為有$178的我地無選。評：第一轉的牛和豚肉，D牛好瘦，4/10， 豚OKLA,6 /10日式甜醬油湯底，OK LA，不過不失。評7／10第二轉的多一點油，評： 7／10第三次我地同一個同事（果個好有禮貌）講要肥油多D款，佢好好幫我地盡量安排，SO NICE，呢碟就係我地想要的。評： 8／10。油多真係好味香口D。第四轉的，不是及第三轉的好。最後的甜品，也是我選牛陣的原因。朱古力好早被清空，好在得最喜愛的士多啤梨剛是新的，大把有排食，“H“ 是我的最愛。10／10另一同類店（X涮鍋）係普通的軟雪糕。＊留意可能係Isquare地點問題，好似比佐敦店貴。下次，我會去佐敦地庫果間。

一去到因為book左不用點等，入去坐左係窗邊，環境唔錯吖。已經知道限時一個鐘，一坐底即刻叫個牛肉+清湯，因為想試清楚牛肉既質素。而我個朋友個湯都未到已經出左去攞左3球Haggan Dazs....=_= 咁又真係低既， 任食喎!我就去攞左少少火箭菜同金菇....基本上同出面任食打邊爐既材料冇分別，不過都總算新鮮!來牛陣當然要試一試個D牛肉啦，食落冇咩牛味，不過都有6片食，都係收你幾十蚊又真係低食，但係問我會唔會再食，答案就未必了。總結: 環境很舒服很乾淨，其實隨便坐都應該好舒服的，不必一定要坐係窗邊。其它的菜種類都好新鮮，粟米特別甜。

<牛陣> 呢間餐廳一直都無機會試, 今日終於同友人第一次食點了甜豉油湯底 + 上級牛肉, 等佢滾的時候就出去拎其他野食, 有菜, 菇類, 魚蛋, 粟米, 芝士腸, 拉麵烏冬等, 跟住就返埋位"拾下拾下"所有食物 & 飲料都係任叫任食, 有點 surprise 有得叫 jolly shandy, 豬肉麻麻地有點 "鞋" 口, 所以食了一碟就無再叫; 牛肉雖然唔係話好有鮮味但都 okay, 就咁碌一碌就好快食, 對於係食肉獸的我們梗係食了好多碟啦, 哈哈~~ 甜品有四款 haagen dazs 雪糕, 不過每次只可用納一個人去整, 所以要排隊等一等....... 另外有幾款 toppings 俾你選擇這個時段有限時 1.5 hrs, 食得比較倉卒, 夠鐘就會自動催你走

以前去過黃埔的牛涮鍋吃放題，因為近。。這日行街到isquare，就去試一試大名鼎鼎的牛陣，同牛涮鍋有什麽不同- 價錢週日午市1小時放題$108/位（靚小小的牛肉)，再加$20任飲（汽水），+1實收 $140 / 人牛涮鍋都係$100+, 但係已經包咗汽水任飲，再加$18+有埋root beer. 價錢牛涮鍋勝- 味道老實講，我吃不出兩間牛肉同豬肉有什麽大分別，不過都話牛陣要靚d... +1配料區 牛陣要少一些，不過味道好一些，牛涮鍋選擇多（有我最愛的粟米）-1雪糕，牛陣哈根達斯贏 （雖然整桶看上去有些down grade) +1味道牛陣勝- 服務態度牛涮鍋上的慢些，有時會漏單，到鐘唔提前講，試過會即刻趕，好掃興。牛陣好D,會提前通知你就來夠鐘，要食雪糕要快啊，等等，到鐘也可以繼續坐。服務牛陣勝

晚上在isquare找吃的地方原本也不易啊！八時正，幾乎每家店也要輪侯位子，來到幾乎頂層，友人提議吃牛陣。等了大概半小時，終於可以入座，開始倒數兩小時。餅等候期間已經仔細研究了餐牌，湯底選擇花多眼亂，最後選了蕃茄湯底，牛肉選了第二級的那種。服務生先送來一碟牛肉和豬肉，牛肉太薄，肥瘦尚算均勻，拌芝麻醬格外美味；反而豬肉過「鞋」，不太受歡迎。除了牛肉豬肉需要向服務生提出，可以到長枱自行選擇材料。自選材料多屬蔬菜類，包括各款菜類，茹，蕃茄，冬瓜，玉米等丸類相對較少，常見的墨丸貢丸都欠缺，卻鮮有地有魚類供應，也有麵類、炒飯供應，款式頗多。兩小時過得很快，最後的十分鐘早已預留給甜品！店內甜品有四款雪糕口味，都是哈根迪斯雪糕。雪糕勝在雪得夠硬，因此也特別受歡迎，唯店方雪糕供應安排欠妥善。雖然雪糕分別裝在四個大筒內，門卻只能向左推或向右推，每次雪糕時候也只能容納一個人，等候的人龍往往也有5、6人。十分鍾內，只夠時間吃到一次雪糕，希望店方可就此「變陣」作出恰當安排！

之前比較多係食牛陣旺角新開的一間，今次去食的是尖沙咀分店，58蚊lunch任食，一碟和牛，但係其他野任食。一開始入餐廳冇咩人，所以一入門口就可以即刻落單，侍應都好快手。之後個湯底黎左，我地都係出去拎野吃，有唔少可以選擇，其實每野都幾好食，就係烏冬比較普通。因為我地個位近張野食臺，所以見到佢refill都o有食左一個鐘，野食refill左三，四次。haggan dazs雪糕有熱情果，芒果，chocolate同cookies and cream,最好食係芒果，熱情果太酸，chocolate太甜，cookies and cream就唔係好甜。不過雪糕就refill得好慢，可能佢都一日幾桶。因為一問題冇睇時間，得一個鐘時間，問個waiter,佢都好nice，好快就幫我地ck.左答番我地。呢餐都幾好吃!

不想苦等就要預先訂位.個半鐘時間.水未滾先食雪糕.座位多數4人一枱,有卡位,地方整潔.豬,牛肉要由侍應落單,每枱每次每款一牒.薄片上,快熟,省時.以價而論,物有所值,夠新鮮,不肥膩.其他配料有~吃牛必備 - 芝麻醬 (已經不需混醬)新鮮好味 - 通菜, 唐生菜, 京蔥, 鮮魷魚鬚穩陣 - 腸仔, 雞蛋麵尚可 - 粟米 (不夠甜), 芝士腸 (不是那種)可以不理 - 烏冬 (滾一陣就爛), 魚蛋 (無味)剛入座吃了快見底的碎朱古力+士多啤梨味,中段再吃士多啤梨味,結尾是新上場的淨朱古力有幾款topping任玩

一早訂左位7點鐘, 6個人佢地安排我地坐卡位, 環境真係唔多舒服, 大家坐得好逼手臂痴手臂, 問待應有冇得轉圓枱, 佢話圓枱果張你地更加坐唔到, 結果迫住坐卡位, 其實我地準時7點去到, 但食物只係一般貨色, 菜只得3款, 特別一提係粟米我地只取了4件, 之後一直都冇REFILL過, 問待應, 佢地話賣晒喎, 真係好好笑, 做到晚巿可以咩都冇, 丸類只得一款魚蛋, 其實我唔知呢到打邊爐係咪只著重食牛肉, 其他配料可以冇, 牛肉, 豬肉可以不斷叫佢攞, 但其他配料就算出面個架比人攞晒都唔REFILL, 而家種類又少, 我唔知點解咁多人話好好食, 可能佢地來既目的係為左食牛啦, 但如果真係為左食牛而忽略左啲配料就真係有啲可惜啦! 全場最吸引係有haggan dazs雪糕, 不過只得朱古力, 云尼拿, 士多啤梨同曲奇, 仍然係果句啦, 唔會REFILL, 只係7點半啲雪糕已見晒底, 但佢地都冇意識換個新既比客人

因為在isquare ua看戲, 時間唔嗲唔吊的關係, 所以去了這裡之前去過2-3次, 對這裡的印象不太好剛見到竟然成為了得獎熱店, 真的有點詫異!!可能平日的關切, 服務比較周到食物質素也較好不再給你看似擺了好久的肉, 比之前的新鮮了之前只會頭一碟給你好的. 之後的, 比酒樓任食邊爐的還差...但這次碟碟都很能保持水準!!這次吃了sukiyaki跟蕃茄湯起初味道不夠濃, 但愈吃愈有味~本人建議sukiyaki要少湯一點, 因為這樣才可令味道濃縮, 更入味外邊的只是配菜所以也不能有太高要求selling point是哈根大師雪糕都是很大路, 人見人愛的味道不錯