牛陣 (iSQUARE國際廣場)

營業中

休息中

牛陣，可以話陪伴住我成長的火鍋餐廳，但隨著放題等美食，人又大了，來的次數越來越少，昨天晚上決定和女朋友來食返餐牛肉& Häagen-Dazs放題！晚上7點來到，平日已差不多爆滿已經是多人了，但比起以前，差得遠，到了7點3就正式爆滿了。一來到坐下，職員便打開餐牌叫我們先選湯底和肉，得90分鐘係快d架喇。我選了$179的上級牛及醬油湯底，夠$179重有飲品任飲。基本上一落order唔夠1分鐘，湯底、牛肉、豚肉和飲品已經送到，夠速度！上級牛已$179來說已經很好，豚肉有點過肥。Häagen-Dazs雪糕！！！今次有可以話係Häagen-Dazs的皇牌-比利時朱古力！重有咖啡、士多啤梨和焦糖脆餅。喜愛咖啡的我見咖啡量少，先取了兩個咖啡和比利時朱古力！後來咖啡沒有了，換上夏威夷果仁。湯底和其他食物沒有影相，不過個人覺得湯底沒有以前的濃。但醬油、炸蒜、生蒜、指天椒等配料也很充足，重有好濃的芝麻醬，正！環境也很乾淨，而且冷氣好夠，打邊爐依然覺得涼快。之後追加牛肉，質素沒有降低，而且上菜速度依然夠快，讚今次2人一共吃了7碟上級牛和1碟豚肉，另外還有少量丸和腸，我個人還食了5種味、共13個球的Häage

Lunch Time得一粒鐘平日真係好少會去打邊爐，適逢今日老闆上午Off，我同Pat蛇出去攞位先，開定爐等佢地我仲以為Isquare牛陣會好多人，點知得幾張枱有人，我地一行六人，直入啦！有少少失望，六個人比得一個爐我地，午市60分鐘放題做緊$69清湯，$79其他湯底，我地揀左甜豉油，牛陣啲甜豉油幾甜，味道幾重幾濃，牛肉每人一碟，大約有十幾片，Lunch Time夠食啦！雖然牛肉得一碟，但其他野都係任食，有少量丸，腸仔，芝士腸，獅子狗，金菇，豆腐卜，菜類等。但Lunch時段無汽水任飲，只能飲茶了。牛肉切得好薄，浸在Sukiyaki里正好吸收晒啲湯底味，正牛肉肉嫩充滿牛味，色澤鮮紅，似係新鮮切起。特別一提金菇同菜都洗得好乾淨，食客都食得好放心。食飽飽仲有雪糕tim！

食物質素高，主打牛，超薄，一放湯，起，即食，一流。 d蔬菜，超新鮮，自己可選擇，覺得唔靚，就揀第二樣，GOOD。我覺得最正既都係佢地既甜品，一隻好出名既雪糕牌子，無得頂。至於價錢，係同區絕對唔貴，正。

赤柱半日遊 再搭埋天星小輪 做了半日遊客 振興香經濟。和好友突然間好想打邊爐 溫野菜要等幾十張枱 咪轉軚去牛陣。有卡位座 幾舒服。揀左三百幾蚊個款餐 任食和牛 黑豚肉 牛舌。牛陣一向火鍋配料款式不多 好普通 都是牛丸魚蛋腸仔 烏冬 幾款菜 講真就冇乜驚喜。湯底揀左豆乳拼蕃茄。豆乳湯真心覺得幾香豆味 用來烚肉類和菜 可以增加鮮甜又不失牛肉本身的味道。蕃茄湯幾濃 稍微酸了少少。和牛質素確實係幾好 不過就切得薄左少少 口感欠奉但牛香味搭救。豚肉亦不錯。因為揀呢個套餐 海鮮配料任食。生蠔唔算肥美但都叫鮮甜。帆立係急凍貨色 冇咩特別。海蝦不新鮮。蟹棒好腥。飲品亦都係任飲 啤酒汽水烏龍茶都有。埋單$390一個人 講真 唔係好抵。除非你可以食好多碟和牛黎回本。

今晚我們去咗尖沙咀iSquare嘅「牛陣」食晚市火鍋放題！我們選擇咗澳洲長期穀飼牛套餐！湯底我們就選擇咗鴛鴦湯底，係豚骨同泡菜湯底！豚骨湯底嘅味道好香滑濃郁！泡菜湯底嘅味道好香辣惹味！長期穀飼牛肉嘅色澤相當紅潤同新鮮，牛肉切得好薄身，肉質非常嫩滑同鬆軟，肉味相當濃郁！豬肋肉嘅肉質好軟滑，肉邊嘅軟骨令到口感更加豐富，不過肉味就比牛肉淡啲啲！另外有多款火鍋配料供人客自助選取，有蔬菜類、菇菌類同各式丸類等等等等⋯⋯全部都擺放得幾乾淨衛生！甜品有Haggan Dazs雪糕任食！而店員嘅服務都幾有禮！

用咗open rice 幾年，從未諗過寫食評，為咗牛陣，獻出第一次。係香港食過咁多次打邊爐，第一次被趕立刻離場。同兩無見太耐嘅朋友去咗食isquare 嘅牛陣，入去被帶往最入嘅一條芬巷仔尾二個格，過程被忽略都算，落咗野飲好耐無黎，行咗出去大堂個度搵咗個疑似男經理有禮貌問佢，某枱落咗野飲未到可否check 下單，聽完都無一秒就話佢同事派緊野飲就到，以半命令式叫我返返去坐。好啦，坐底無耐，佢同事派野飲，我都無為意，問我有無到，我話無，佢就悔氣地講：咁你要乜，我幫你落。咁落完都好快到咗。食物質素平平，同場聽到隔離枱話俾3百幾嘅錢黎咗好似唔岩嘅牛，或者後邊個枱話野未到，我地完全除咗第一round 放低牛後就無order 過。好啦，到大約75分鐘佢過黎問last order 有無野要加，我地都無加，亦無出去拎野，只係食緊拎咗返黎嘅野，其實我地都係量力而為無拎好多，確保唔會浪費，無論食肆用唔用罰錢制，我地都唔想浪費野。去到後期食到差不多夠啦當然慢啲，仲有四份三杯啤酒，同碗有豆腐羅白三幾件都食緊嘅時候，那個疑似男經理過黎話：唔好意思，你地時間到咗90分鐘好耐，夠鐘離開啦。我話：ok!好快！（加快咬舊

朋友懷孕了! 真係要出來賀一賀了! 但懷孕期間, 飲食方面會有所要求, 所以交由朋友選擇餐廳. 她提議去食火鍋呢!!!!! 因為全部烚到熟曬 保證衛生!!! 加上朋友想早點回家休息(安胎), 今晚放工後, 馬上來到公司附近的日式火鍋專門店了! 由於6點3到達, 座位任君選擇. 朋友選了內裡的卡座, 比較安全! 枱面放有各款火鍋用具! 這次是為她慶祝, 所以點選了中價位的牛陣嚴選火鍋放題! 多了1款上級牛肉, 當作犒賞自己吧! 配豆乳湯底. 為免朋友行來行去, 自助區的美食, 就由我負責拎回來了. 我們另外點了飲品. 自助區真係好多款式 : 丸類, 蔬菜瓜果, 醬汁, 麵食, 米飯, 甜品. 先拎幾款菇菇丸丸南瓜芋頭蘿蔔豆卜. 全部放入去鍋內慢慢滾! 再調制喜歡的醬汁 : 酸汁 + 勁多芫茜蔥 回到座位時, 牛肉及豬肉已放在枱面了. 牛肉雖不是雪花肥牛, 但起碼脂肪平均. 豬柳肉是大塊肉為主, 豬肋肉即是五花腩. 全部片得薄薄的. 當鍋內水開時, 牛肉豬肉放在熱湯表面拖一拖, 即刻變熟! 再放在<勁多芫茜蔥的酸汁>內! 夾著一堆芫茜蔥, 一同品嚐! 酸酸的感覺剛好

天氣漸涼，火鍋是近期熱門選擇。因中式火鍋吃得多，所以今期的家庭聚餐選了較少品嘗的日式火鍋。 因人數眾多，所以要提早訂枱及下訂金。未知是否我們溝通能力不佳，負責接電話的同事在多次溝通後還好似不太明白我們的要求與安排。 每節火鍋放題限時 90 分鐘，此項要求的執行十分嚴格，我們在訂枱、入座前及用餐中都被多番溫馨提示。 放題的價格視乎所選的牛肉級數而定，由普通的牛陣嚴選牛肉（$179），到日本產特選黑毛和牛（$329），以至最頂級的神戶牛肉（$6xx)，豐儉由人。而是晚的選擇是中價的日本產黑毛和牛。吃火鍋的首個任務當然是挑選湯底，餐廳總共提供了八款選擇。因太太喜愛豆製品，所以挑選了一個豆乳湯底。奶白色的湯底，口味清甜，頗適合襯上菜蔬食材，亦適合配上海鮮。店方用上清湯作後加湯底，或多或少沖淡了豆乳的清香本味，建議考慮添加專屬口味的湯底。 湯底送來的同時，不同的肉類食材也同時送上。先吃是晚的焦點和牛。和牛之所以矜貴，在於牛隻由配種至飼養餵食方式皆有嚴格要求，營養比一般牛肉佳，脂肪紋理分佈平均，肉質細嫩。是晚的日本產黑毛和牛，肉色紅潤新鮮，但脂肪含量不及預期般高。因和牛切得薄薄，放湯輕輕一炙已合適

今晚突然間好想睇戲, 於是約埋個好朋友一齊食，好彩佢又得閑。睇完戲當然要醫肚啦, 就戲院同一層有牛陣，而且好耐冇食過, 就揀佢啦! 今次食$188 + 10%. 任飲任食. 不過牛陣有一樣唔好處. 就係只得1.5hr享用美食. 真係只有食, 就唔可以傾計.  如果有2hr就會好好多. ISQUARE 牛陣地方比較寬大. 而且食物款式比其他分店多選擇. $188 澳洲長期穀飼牛套餐, 穀飼期270日. 真係好食好多呀. 我記得上一次去牛陣. 係食$148套餐. D牛會比較un. 但今次我地食$188澳洲長期穀飼牛套餐. 牛肉真係好嫩, 牛味好香. 入口即溶. 貴少少都有道理. 我地揀咗豬骨湯底. 朋友話有骨膠原. 啱晒我地女士們豬肩肉 + 矠腩肉, 豬肩肉望落好似會有渣咁. 但原本食落好軟身, 好淋. 而豬腩肉就唔洗多講. 肥瘦分明. 唔油. 豬味香.除咗肉類及飲品要麻煩職員攞比我地之外. 所有蔬菜, 丸類, 雪糕...都係自己出去攞的. ISQUARE的牛陣真係比起其他店多好多嘢食. 居然有白飯及炒飯任食. 而且雪糕仲係Haagen Dazs. 由於真係種類太多. 我亦都唔一一介紹了.

涮牛肉，哈根大師是主角中午放題分60或90分鐘，任食牛同豬。其實上左一輪都食唔落，叫左任食浪費左，一碟就平成半。出面丸同菜同任拎的，落了很多丸同脆皮腸，點下少少麻醬同醋汁，丸彈牙，好味。菜好鮮嫩，我食左好多呀！菜用柴魚湯沾左陣香味，也是吃得不停。湯地點了柴魚，好夠味肉片煮好根本唔洗再點豉油。豬肉片切好薄同唔算肥，都幾有肉味同嚼勁架。牛色澤紅潤薄薄一片，如果肥點入口會更滑身同溶化。有哈根大師食，回本之作，個焦糖好味到慾擺不得，食左2大杯，加了焦糖脆粒同勁滑，焦糖味又出眾，仲有脆脆片同醬料加。有4個味供應架，有牛奶，士多啤梨同咖啡。

星期五的晚上，買了7:40pm的戲票看The Martian，所以便提前食晚飯。我們6pm就到達牛陣，時間尚早，餐廳內只有2-3枱食客，我們立刻便可以入座。有多種不同價錢的任食套餐供客人選擇，我們二人都不太愛喝汽水，所以便點了最便宜的一個shabu shabu餐，每人$148加一。牛肉都算新鮮，牛味重，反而豬肉片就較為遜色，我們叫了6碟牛、1碟豬，但最後全部牛都吃清光，但豬就剩下頗多。我們的湯底要了豆漿湯底，但就吃不出有任何豆味，和普通豬骨湯底無異。食物選擇不算貴格，但尚算多元化。菇類就已經帶金菇、秀珍菇、東菇、雞脾菇，又有冬瓜、南瓜、京蔥、生菜、娃娃菜、油麥菜，肉類都有芝士腸、墨魚丸，三文治魚餅，亦有公仔麵、粉絲、烏冬等等，基本是很齊全的。另外有玄米茶包和清水供食客飲用。最令我喜愛的可說是可以任食Haagen-Dazs了。共有4款味道：藍莓、士多啤梨、焦糖和雲呢拿。但始終都是士多啤梨味最好吃呢！

因為看完《新假期》介紹的和牛火鍋系列，專程去試試究竟，10月1日是公眾假期，怕無位，一早book定，六點半準時去到，發現人不多，很快安排了入座，之後選擇了$278那個日產的和牛，配合包無死的甜豉油，諗住今次點都無死。惡夢開始，首先就係個所謂甜豉油湯底，完全唔夠味，正常選呢個湯底，應該唔使再點豉油，因為會夠味，但呢個所謂甜豉油，先係唔夠味，之後黎左第一轉的和牛，老實講，$278放題，本應唔會太期望，但佢水準真係差，之後再叫第二碟牛肉，等左15-20分鐘，又催又性先係黎，仲要同第一碟差好遠，明顯係另一款肉，之後就無再叫，因為實在太差，埋單要過$300，水準只係比美國肥牛好，咁我點解要俾咁既價位食呢種質素？呢次係我第一次寫，原因唔係想唱衰呢間野，而係如果你諗住食好野，唔好去呢間，但平食的話，加上配料任食的話，我覺得可以接受，但個湯底真係要搞搞佢，咁既水平比唔上另外幾間放題牛肉火鍋既質素，我自己肯定唔會再去，因為覺得騙很大，希望唔好有人再中伏，特別唔好信雜誌，膳稿到暈，難怪現在無人睇雜誌，水平太低，收左錢亂咁寫，吹到……

十大傑仔最常去嘅餐廳 - 牛陣 今次係同女友大人睇完早場去iSquare分店食，其實咁多間我最鍾意呢間分店，夠光猛！牛陣嘅牛肉從來無令我失望，牛肉好薄同好滑，煮三四秒即食得，正呀！我一個人都可食左5、6碟，哈哈！豚肉片就不太特別，但勝在夠新鮮。配料方面，拉麵既質素拍得住係日本買返黎既手信拉麵呀，但唔可以食咁多，唔係就食唔到好多牛肉啦次次黎牛陣都食到頂好辛苦....

今日係查查行街日，個多月前就約好閨蜜今日行街睇戲食飯查查不嬲plan得好好，買好7點飛睇戲跟住預左在iSquare睇心情食個early dinner~點知原來閨蜜一早就有打算食牛陣~坐定後經店員介紹，點左兩份300幾蚊嘅和牛set，佢仲安排左我地坐window seat, 好野。雖然時間尚早，但個自助區真係迫滿晒人，除左迫滿咗客人之外，仲有店員refill 配菜，查查花拎好配菜番埋位嘅時候，湯底已經準備好，真係岩岩好肉類方面，查查叫得貴的set當然係主攻和牛啦！查查家姐教落，出街食牛睇睇下上檯後有無融雪就知新唔新鮮，牛和一上檯，加分！和牛切到好薄，雪花都好靚，薄到6兩下就ok。牛肉味濃，油脂濃香，查查忍唔住要開餐喇！！！值得一讚係呢度d侍應好有愛心，隔離檯有個小朋友好頑皮都依然好take care佢，幫佢執野整瀉野幫佢抹咁，比著查查真係無咁既耐性。。。。除左配菜，呢度有白飯供應，查查記得睇過電視日本人食Shabu Shabu好鍾意食到最後就將白飯放入湯底，製成日式泡飯。其實呢種食法好符合日本人惜食嘅態度，不過查查我真係太飽次次都無試。 雖然查查與泡飯無緣，不過雪糕就一定必食！其實火鍋店

之前就聽朋友講牛陣有Haagen-Dazs任食。百聞不如一見,於是就捉左我個Roommate 一齊陪我食牛陣。一落完Order之後,我就直奔左去自助區。估唔到除左有雪糕任揀之外,仲有得俾你落Toppings。除此之外,佢地的火鍋配料選擇都有好多,而且仲有白飯食。於是我心血來潮,就整左個日式和牛茶泡飯...估唔到都幾難食lol 所以我都係專注番我個Haagen-Dazs算 餐廳d牛肉啊豚肉啊都幾新鮮。咁多款肉,最好都係牛肉。牛味好重,好出色,豚肉就普通左少少,但都好新鮮。肉類既色澤同口感都唔錯。服務態度方面都算幾好。