牛陣 (形點 II)

營業中

休息中

趕客食肆。。。也許都係打份工，原諒個伙計。。佢地上牛肉速度好慢。叫2碟上1碟。仲係好薄。明明90分鐘，我地唔計落單同上菜，可能只有60分鐘，等待時間都係食菜同腸仔等呢d野。如想食得充實，可一路食雪糕甜品，一路等。差唔多夠鐘，會有個惡煞幫妳關爐收台。見妳抹嘴同塗唇膏，會派幾個人望住妳，同埋會係妳面前同客講張台有人未走。雖知時辰到，但感覺不良好。也許是香港速食文化。牛肉質素一般。薄同多根。除左第1碟靚。ps 我叫2百幾一位果d.

啱啱同男友去完鹿兒島回來，成個trip其中一餐最回味嘅就係食鹿兒島黑牛，估唔到牛陣都有得食，仲要係任食！所以2017除夕慶祝就近近地去佐YOHO MALL 形點分店嘅牛陣食。牛陣新出咗冬戀美鍋，個湯底係好濃郁雞白湯，乳白色，質地濃杰，入面仲有大概半隻雞件，誠意十足。打邊爐前先飲幾碗，雞嘅鮮味好濃郁，而且每一啖都充滿骨膠原，滋補美顏。呢個火鍋最大嘅gimmick就係可以任食美人和牛，即係鹿兒島黑毛和牛後部肉。牛肉紋理平均漂亮，擺入鍋滾10秒左右就食得。和牛肉質軟腍細嫩，我哋足足食咗3大盤！除咗鹿兒島黑毛和牛，仲有牛舌任食，牛魔王大滿足！豚肉都好有驚喜，雖然切得比較薄身，但肉味好濃，用料好靚。我最鍾意美肌蔬菜籃，有唔同類型嘅蔬菜，例如金菇、小棠菜、大白菜、油揚蔥卷，配埋乳白色嘅鮮甜雞湯，味道好夾。比較特別嘅係美肌蔬菜籃入面仲有手打雞滑，口感爽彈！以上全部都有得encore，除此之外，仲可以去出面嘅自助區索取其他火鍋料，包括：不同嘅丸類，如：龍蝦丸、海膽蟹子丸、芝士腸等，還有蔬菜，如：番茄、秋葵、娃娃菜、油麥菜等，連羽衣甘藍同蟲草花都有，選擇好多。飲品當然都可以任點！最後唔少得甜品，呢度又係

做冬同屋企唔想煮, 就近去左牛陣打邊爐見到佢出左新既湯底套餐, 同屋企人受唔住引誘就揀左呢款喇!同平時既放題套餐一樣, 餐內包既肉可以任叫, 出面既野食就可以自己出去夾, 醬汁都可以自己調配湯底揀左冬戀美鍋, 係自家制濃厚雞白湯,色澤乳白,入口好濃郁,但又唔膩,就咁飲都得, 每一啖都有骨膠原, 女仔最岩, 煲落仲會黏附哂係肉上面, 吸哂d 味另外必推美人和牛, 即係鹿兒島黑毛和牛後部肉, 入口即溶, 含有豐富蛋白質同維他命B2, 滾10秒到就可以食, 個人覺得不停encore 呢款就好滿足另外推薦豬肋肉, 切得好薄身, 所以都係滾一陣就要拎上黎食, 唔係就會un 喇, 一樣肉質好新鮮, 完美吸到湯底味道, 不得了另外仲有菜籃, 入面最特別手打雞滑, 蝦滑個d 食得多, 雞滑第1次食, 配合埋雞湯, 真係好想講句好有雞味啊~~ 又有咬口, 真係唔錯!最後有個水信玄餅, 配埋黑糖同黃豆粉食, 一次就愛上喇!

等了差不多一個小時終於入得去了一入到去個肚已經係極餓好彩上菜既速度都算快美人和牛牛很新鮮，顔色鮮艷，雪花像斑點一樣在牛肉上，便知質素一定係上等靚牛放一放在鍋內不消10秒就已經見到變了做深啡色，表示已經可以食得，一入口，嗯～的確有種和牛既香氣，而且肉質很嫩滑飲品方面選擇亦多，有汽水果汁任選擇，只需要叫店員幫手取便可，服務一流其他的食物都放在食物BAR上，都是任取的普遍來說比起其他的放題店更高質在食材吧上發現了這個有趣又罕見的食物，便是黑糖冷奴，外形有點像豆腐花，自助的設計令我地可以一嘗片豆腐花的感覺點埋個黑糖醬才有味道～很特別的甜點

聖誕最煩就係要諗食乜見天氣凍凍地我地就去左牛陣度打邊爐等左大約15分鐘就入到場了因為人多既關係我地都等左一陣先有個鍋上黎然後D美人和牛就排哂隊準備好等我地食了一見到個牛既雪花分佈就知呢隻牛既質素係有咁上下薄切既和牛只需要放落鍋度10秒就已經可以食得果然不用一會已經可以食了味道係好嫩滑, 入口即溶既口感而且吸收左湯底既味道後佢更加鮮甜除左美人和牛之外仲有豚肉係有質素既而其他食材可以出去個食材BAR自取, 唔洗落完單等佢慢慢上!!另外一個必食位一定係佢個哈根大師雪糕!! 出面食都唔平呀記得要留肚最後原來仲有一個甜品送上(已經100%飽) 就係呢個透明波波D醬料都係自己按喜好加份量的～又幾得意WOR

今晚食牛陣，從來未試過, 只因平時呢類 shabu shabu 同級數的, 我只會幫襯屯門牛一，或尖沙咀牛一。(最近大愛旺角始創地庫那間)不過今晚唔想排隊唔想等位，呢間開係 Yoho 比較唔起位置，未到達前都估計唔使排好耐，點知，係完全直入唔使排。如果要求唔使排隊的, 呢間好穩陣呢間食物款式比牛一少，但牛陣比較“精品”，質素感覺上較高，如果唔係花心要食好多款的話，都值得一試的，另外店有“飲品任飲”，有道地烏龍，有韓國忌廉鮮奶及一堆正常牌子飲品，而雪糕就係有四款 Häagen-Dazs供應，同牛一既乳酪平分春色，各有喜愛。 會唔會有下次？會的，不過應該唔係三幾個月內了，你懂的。牛陣, 絕對在"牛涮鍋"之上, 但絕未超越牛一, 要加油了

今日同朋友收左工去附近食打邊爐，今天打既唔係一般既邊爐，而係日式邊爐 涮涮鍋！牛陣好耐沒食啦，依家仲有新既美人鍋，朋友自認係美人，就同佢試啦。每位$328，包一個美人鍋，一人一碟美人和牛，同仼食配料。美人鍋原來係雞白湯，又清甜又濃厚，非常好飲，感覺好補！入面碟雞同粟米，都好滑好甜，唔可以放過！美人和牛好吸引，牛脂分佈好勻衝，一見就知又肥美又嫩，煮佢五秒，放入囗，牛味濃郁，超級腍啊，真係好好食！！仼食配料都有唔少，每樣食一兩件其實都飽到痴左線，當中既蟹子丸，蟹柳丸同貢丸都係我心頭好，好彈牙好爽囗，唔係普通貨色。最尾當然要食下蔬健康下，吸收唒美人鍋湯底，好食！

位於元朗的牛陣，是一間仼食的涮涮鍋餐廳。今天相約媽媽和姨姨來到吃晩餐，吃餐好的順便餞行哦。雖然牛陣可算是價格不貴的仼食涮涮鍋，但要慶祝和餞行來也絶不失禮哦，因為仼食牛肉的種類有平有貴，要餞行當然要吃貴價的和牛啦。美人鍋$329/位最近新推出的美人鍋，是濃厚雞白湯，充滿濃濃的骨膠原，適合女生享用，喝多一點美顏一下阿。美人鍋配一人一碟 鹿兒島直送的美人和牛，和牛的雪花紋理清晰，脂肪和肉的分佈平勻，單看已知道是上等貨色，輕輕一煮，和牛牛香撲鼻，牛肉嫩滑無比，微嚼化掉，好好吃阿。除和牛外，更有極多可以仼食的配料，如大量丸類，蔬菜，主食等等。蔬菜有娃娃菜，唐生菜，皇帝菜，更有很特別的羽衣甘藍。主食有拉面，烏冬和咖喱飯，最後吃掉二大碗芝麻醬烏冬，好飽足阿。不論多飽，是晩重點是要吃哈根大師雪糕。一共有四種囗味，我每囗味都吃了三球，哈哈，甜品胃也好滿足阿。

最近天氣勁凍，我同媽咪都好想打邊爐，諗住去翻一向去開的牛陣，見最近有個新的「冬戀美鍋」，就決定trytry。個湯底係美肌骨膠原雞白湯，一上已經好香雞味，個湯飲落勁骨膠原，好濃好香，都幾清。飲完個身好暖，好滋補xd我媽咪都好中意xd因為女人就係要補骨膠原。呢個set包豬柳肉，牛舌同日本美人和牛。先講下個豬柳肉，佢好薄好薄，顏色好靚，食落好嫩，完全唔老。呢個日本鹿兒島直送「美人和牛d油花分佈得好勻，亦都好薄，食落嫩嫩的，真係好正，好啱我呢d中意食牛的人xd再講下個牛舌，佢都係切得好薄，食落好正，加埋滿滿的骨膠原湯，真係好正！佢仲包埋鮮嫩雞肉配埋「手作雞滑」,油揚蔥卷,美肌蔬菜盤。個雞滑真係勁好食，通常都係墨魚滑，好少食雞滑，但呢度的雞滑真係好好味。 其他蔬菜balance翻d肉，感覺上好健康，有肉有菜。加埋個湯，真心正！仲有自助bar xd 好多野choose xd好中意打邊爐😂💓👍另外一定要講就係我好中意佢個Haagen-Dazs雪糕任食，真係好正。打完邊爐好飽，食翻雪榚做甜品好正😋

冬天天氣冬冰冰，最啱就係同一班朋坐埋一堆圍住個暖粒粒嘅邊爐吹下水。今日放工後同朋友係元朗形點行完街諗住揾個地方坐底傾下計，咁啱見到有牛陣係附近，勾起我地打邊爐條癮。七點鐘呢個時間都幾多人排隊等食牛陣，我地等左大約三十分鐘就可以入席開始食大餐。坐底一睇Menu發現佢出左個全新嘅「冬戀美鍋」，包括有鹿兒島直送嘅「美人和牛」、澳洲長期穀飼養牛肉、豬柳肉、鮮嫩嘅手作滑雞同美肌蔬菜盤等等，好吸引，於是決定試下佢。「冬戀美鍋」其實即係雞湯鍋，見到個湯底奶白色，有大量嘅雞塊係入面，而且當個湯煲滾左就聞到一陣陣濃郁嘅雞湯味，再試一啖湯成個口都係雞湯味，就知道佢落足材料去製作呢個湯底。肉類我地不停encore 美人和牛、日本產特選黑毛和牛肉同澳洲長期穀飼牛肉！真係各有千秋，入口一啲都唔韌，和牛果然係唔同啲！食肉食到咁上下嘅時候，食下蔬菜就會有一種好fresh 好清新嘅感覺。其實個美肌蔬菜盤囊括左好多蔬菜，有打邊爐必備嘅金菇、小棠菜、大白菜、油揚蔥卷等等，如果食完呢d唔夠喉或者唔啱口味，可以選擇去自助區到無限添食或者揀番自己鍾意食嘅蔬菜。自助區除咗有蔬菜，仲有各種丸類食品，例如龍蝦丸、魚蛋、牛丸、蟹子包心

形點牛陣來過很多次，一家食店值得我一來再來，食物質素和服務和衛生依我的standard來說都滿分～以放題日式牛鍋來說，牛陣的湯底算是很多「花式」。四季均有不同期間限定湯底，而來到冬天，就推出了這個名為「冬戀美鍋」的骨膠原雞白湯，聖誕節帶老媽來吃好一點，成人$329／90分鐘，包任食鹿兒島直送黑毛和牛後部肉，簡稱「美人和牛」，和其他級數牛肉，送甜品水玄信餅和美肌蔬菜盤（蔬菜籃有什麼我不太清楚...因為當天不知道有，餐廳也因為是聖誕節忙作一團...）先說「美人和牛」，為甚麼稱之為美人，原來因為這個部位含有豐富蛋白質、鐵、鋅同維他命B12等嘅營養，油花纖細，沒那麼「肥膩」（笑）單看油脂分佈，確實上等！上等靚肉，涮5至10秒就夠～和牛確實是非常不同的口感，入口即溶，同時牛味香濃。一盤有十片左右，涮和牛是比較容易「飽」，可能是油脂的關係。加上這個美人湯底，真是不得了，骨膠原滿滿，吃得出雞湯的膠質，不加味精，涮肉之前先喝了兩碗湯，嘴唇立即有「黏著」的效果（笑）用來涮和牛，更覺得豐富，非常暖胃，冬天一流！而牛陣的基本澳洲牛肉一向已經很高質素，平日沒甚麼大事慶祝的話我是點這一款（笑）澳洲牛的牛味又是和

是晚不想煮飯，帶著bb又廢事去太遠，到家樓下的商場食好了。來到了牛陣，天氣凍嘛，當然要打邊爐。聖誕嘛，是應該食好一點的，哈哈，選了新出的冬戀美鍋（$329），新的湯底加上肉的級數是和牛，也挺化算的。自助吧的蔬菜類，較特別的是有羽衣甘藍同秋葵。涼拌木耳幾開胃，仲有豆腐花。丸腸類，怕不夠飽還可以下個麵醬料吧雪糕自助，是哈根大師來的。湯底來了，是豆乳湯加上鮮雞，味道帶著濃郁的雞味，很黏口呢，哈哈，骨膠原很厲害吧，冬天正好要補一補。先來份美人和牛，超級嫩滑，好好味牛舌同豬肋肉，牛舌有咬口都好正，豬也很滑，沒想過豬肉片都可以咁湯㗎，正喎。日本產特選黑毛和牛肉，這款應該是再高一級的和牛，雪花紋超靚，超級嫩滑，入口即化。也點了澳洲牛肉試試，雖沒有和牛嫩，但牛味較濃，都好味。食了無數盤牛肉同蔬菜後，又係時候食甜品，是晚有朱古力，士多啤梨同柚子味。柚子最驚喜，清新微甜，太正了encore數回。仲有水信玄餅，透明又彈Q，加點黑糖同豆粉食，可愛又好味。牛陣的元朗店好正呀，雖然自助吧款式不算多，但其實都係為食牛而來，牛肉好味更重要啦。而且元朗店好乾淨，枱，用具，地下全部都無油，食物refill得好快，肉基本上

近來工作繁忙，每晚都做到通宵達旦，難得休息日，當然要一家大細出外吃飯。天氣漸冷，牛陣推出了冬季限定的美人鍋，不含味精的雞白湯，當中含有骨膠原，美味之餘又能美肌，一舉兩得。六點入內，餐廳已坐滿食客，遲一點可能要等位。用餐時限90分鐘，要好好把握時間。湯底有濃香的雞味，更有一件件鮮雞件，真材實料，雞湯味香濃。先來一碟美人和牛，源自鹿兒島的黑毛和牛後部肉，和牛色澤鮮明，輕輕涮5至10秒，便可食用。牛肉味濃，入口即溶，老婆吃得津津有味。吃完和牛，當然要吃點蔬菜，這個美肌蔬菜盤很有特色，其中油揚蔥卷及手作雞滑味道一流。吃完仍未夠飽，還可添加蔬菜丸類等配料。最後享用Haagen dazs 雪糕，吃多幾球，必定能回本。

星期六晚上諗住來牛陣打邊勞，六點幾開始已經好多人等位，由於店內枱較少，如果要假期來食，記得預早啲 如果唔係就有排等。 我地叫左個新出的 冬戀美鍋 ，湯底是濃濃的雞湯，同一般中式雞湯好不同，飲既時候是有是有膠質的，雞味也較濃，我都飲左一碗。 呢個鍋 配鹿兒島和牛，同特有的蔬菜盤，都可以任fill 的。 和牛大大片，牛味濃，食左好多片都唔會覺得好肥膩，加上任fill，感覺上好抵。 除左和牛，仲有牛舌同豚肉，牛舌薄薄 唔會 「un」，也不錯。另外個蔬菜盤 的菜都是比較特別，不是自助bar 可吃到的，然而我不知道它們的名字，但是好吃的，應該營養價值是高一點。推介的是油揚蔥卷，個豆卜加蔥 原來都幾好味 ！ 這又是可以任fill 的。 另外，呢度的哈根大師雪糕任食，有四種口味，士多啤梨、夏威夷果仁、朱古力、仲有一隻忘記了名字， 重點是佢地提供埋朱古力醬！！！ 個醬不會太甜，有點苦的朱古力味令個雪糕加分了不少 ！！ 另外值得一提的是，呢度各人上下既服務態度都很好！ ！ 由其是黑衫的幾位男服務員同門口的receptionist 姐姐。

呢度訂位都算容易, 安排都快, 唔洗點等位就有得食~呢間牛陣坐得幾舒服，一嚟冇乜人，二嚟地方都幾闊落, 比左2人位我地坐! 朋友說的湯底真材實料, 佢做半自助形式，叫一碟肉，蔬菇丸類自助，飲品有汽水、茶、蔗水，仲有雪糕。叫左個豬骨湯底，美國雪花肥牛, 落完order其實好快就嚟咗2牛1豚同飲品，可以2hrs時內無限refill~~不過我哋食晒呢三盤肉都已經夠晒！黑豚肉好薄，放落湯滾一陣就好快熟透，就算滾耐咗都唔會好老！超好味！60分鐘任食，雖然份量唔多, 但蔬菇丸類任食都好飽肚, 加埋甜品, 男士,大食朋友一定夠飽~~~湯底不過不失，雪花肥牛都幾香牛味，埋單每人百零蚊有找，抵玩又抵食！