牛陣 (形點 II)

營業中

休息中

近新年特別忙，今日同細佬一齊到元朗辨年貨又買下新裝，行到形點買完新裝真係又累又肚餓～細佬話要食牛陣，我未食過～冇意見跟佢行～去到門口也有些少人，但等位唔洗好耐就入坐～等既時候揀定食咩套餐～日本產黑毛和牛套餐～我地亦揀左牛燒煱～上煱要店員細心講解燒牛肉方法～先有用件牛脂前出油分，再放和牛入煱燒～不要燒太耐時加入醬汁～醬汁好快比牛肉吸收～外面有醬料區～自助食物區也有很多款式先有小許熟食丸類，蔬菜類～雪糕也有四種口味～店員有提供湯可加轉火煱！但我地都係燒到尾～蔬菜亦選擇燒！價錢合理，食到好飽～坐得亦舒服～下次要試下其他套餐～

今日同左朋友去牛陣食壽喜燒，之前都同朋友推薦過食壽喜燒一定係去牛陣，因為佢哋嘅食法係最正宗嘅. 去到之後我哋試咗佢哋嘅和牛套餐,牛,火鍋配料同埋Haagen-Dazs雪糕都係任食，飲品又係任飲，可以盡情食餐飽.坐低之後店員會好詳細咁講解正壽喜燒嘅食法，首先將隻雞蛋打落隻碗度打勻，之後再將佢哋準備嘅和牛脂肪，京䓤同埋洋蔥一齊落鍋煎香，煎到咁上下就可以落主角戶口，和牛放落個鍋度只要煎一陣就OK，之後記得要落佢的特製嘅壽起燒醬汁，再將煎好嘅和口加上啱啱打勻嘅蛋汁一齊食，口感簡直一流. 醬汁既甘香加上香濃嘅肉味簡直係絕配。個人比較鍾意用呢一個食法到咁上下先至開始加湯，同其他配料，加咗佢哋冇味精嘅清湯同其他配料好似冬菇，燒豆腐，同菜之後就可以再加多啲壽喜燒醬汁繼續，加咗堂之後可以品嚐到另一種風味嘅食法，咁樣先至係正宗嘅日本食法，特別推薦一種菜係羽衣甘藍，佢同壽喜燒嘅醬汁十分之夾，最後記得要加埋個烏冬落去，每次我都食兩個先夠，彈牙既烏冬加上佢哋嘅醬汁，一流。最後記得留返少少肚去食埋佢哋嘅Haagen-Dazs雪糕，每次食完牛陣都非常之滿足，正！

今日行街經過見到 牛陣有正宗日本壽喜燒 即時吸引左我入去 $289 可以食到正宗日本壽喜燒 首先 用和牛脂肪起鍋 真係好香好香 有好多配菜 京蔥 洋蔥 我地加左肥牛落去炒 再倒燒汁 極有風味 😋真係好香好香 其實牛肉只係炒左分幾鍾即食 牛味濃 加上燒汁 甜甜地 食唔停口 我炒完牛肉 再加多點燒汁打埋邊爐 兩種食法 👍🏻乜都加埋落去炒😂自己係廚師 想食咩就炒咩🤭因為牛脂起鍋 所以特別香 有日本雞蛋 同配菜 我地都唔知食左幾多碟 任食 牛味濃 薄薄一片 可以食多一點海鮮盤 我都食左幾盤 今晚食到停唔到口 牛陣可以食到正宗日本壽喜燒 驚喜推介❤️❤️

第一次同老友晏晝打邊爐🥩🥩🥩🥩🥩，叫左最貴果隻牛，每位$319，全部都係牛，但唔覺特別好食👹👹👹狂風掃落葉同牛𡁻牡丹係媽媽生仔後既寫照☠️ 不過有幾個亞姐好衰，其實60分鐘時已經提時間又收定錢，90分鐘食完都開始收野，但都成日催我地走，因為同行有兩個bb,又要執餐具執行裝耐d就有說話聽，重點係，我地已經無再食，同埋出面無人等位囉，真係唔知催乜野，人頭計任食邊爐黎講呢間算少野揀，熟食甜品都好少，真係試過就算，未試過既可以唔駛試，仲有呢度既位好窄坐得好唔舒服

第一次來形點，到的時候剛好午飯點，網上看到這家半自助餐廳還不錯就和朋友一起來吃。兩個選了放題60分鐘，起初不知道是什麼意思，放題就是一個小時內任吃，牛肉豬肉吃完可以加，不放題就是只有一份牛肉。選了清湯底，蔬菜佐料自己夾選，飲料是任喝的，但不可以帶走只能在那裡喝，拿了一罐檸檬綠茶，還不錯～牛肉豬肉兩人吃了五盤，加上其他有丸子烏冬面，確實很飽服務員到最後十五分鐘會過來提醒你還剩十五分鐘，所以吃得慢的還是選90分放題的哈根達斯冰淇淋有四個口味，草莓，夏威夷果仁，巧克力，和忘了叫什麼，裡面有餅乾脆，草莓和巧克力太甜了，建議選另外兩種，還可以自己加麥片脆，很好吃，時間不夠就吃了三個球，算是挺划算的最後送了兩張代金券

因昨天天氣突然轉冷，家人提議打邊爐，所以去了附近的牛陣，由於都是放題形式，所以吃得特別痛快， 但限時90分鐘。我們選了黑豚肉及牛肉套餐，牛肉是澳洲穀飼牛， 豬肉是日本鹿兒島黑豚肉，基本上肉質軟滑，肥瘦適中，可以接受，配合鴛鴦湯底，柚子湯底及壽喜燒湯底，吃多了也不覺膩。Semi buffet的選擇也很多，蔬菜，炸雞，豆腐等等， 包羅萬有，汽水啤酒任飲，由Haggen Dazz雪糕寫上一個完美句號。，一家人食得很開心， 平均都是約每人220元， 性價比高。

很久沒有食任食日式火鍋了，心血來潮又來了牛陣食晚餐我們進店前已經選擇了任食普通豬、牛餐（90分鐘）！我們叫了壽喜燒湯底，這家壽喜燒湯底唯一不好是沒有免費雞蛋跟的，因為在另一家店是有跟的！講到食物水準也挺不錯的，普通的豬、牛味道挺好的，另外在自助吧有蔬菜類有很多選擇還有咖喱飯，飲料也是任飲的（除了酒我們的餐）不包的！雪糕還有四款Haagen dazs 店內環境有少數許迫，但服務質素也很好👍🏻都會有下次！

果晚同朋友7:30鐘度，之後坐低嗰陣時揀咗個番茄湯。配菜都好豐富，我哋揀咗個牛肉放題套餐都差唔多成$200 㗎，嘢飲仲可以飲飲添。不過食到一半嘅時候就發覺到有一隻蒼蠅係個湯入邊，跟住搵個經理佢就話可能係啲菜入邊有呢啲咁嘅蒼蠅或者昆蟲，跟住佢就好快收咗個湯然之後換過新俾我哋，不過佢個同事亦都好快收咗有烏蠅的湯羹，好在我即刻唔俾佢收如果唔係大家都睇唔到。睇完隻烏蠅之後都冇晒胃口，食唔食就你哋自己諗啦，我就未必會再去啦！

日式火鍋一向係我最愛 最近秋風起梗係要去打個邊爐啦 閒日夜晚嚟到元朗yoho嘅呢間牛陣 都要等位等咗接近半個鐘先有得入座 果然係人氣店最近推出咗冬陰功湯底 主打可以diy自製湯底 首先喺空嘅熱窩入面加入和牛油 跟住可以加入辣椒青檸香茅等嘅材料去炒香 之後加入湯底 湯底酸酸辣辣非常開胃 其次仲有將啤任飲 同埋青木瓜沙律 仲有椰汁芒果糯米飯雪條 非常抵食 鍾意試新口味嘅朋友們不妨一試牛肉雖然唔係食最貴嗰餐 但係質素都唔錯 肥瘦適中牛肉味濃郁 完全唔係cheap嘢 其他材料例如蔬菜同丸類都係自助形式任食 元朗店嘅特色係仲有雞肉可以食 雞肉經過湯底嘅洗禮後 有彈性得嚟多肉汁 推荐食完大量嘅肉之後就可以食任食嘅hargandize雪糕 有焦糖脆脆 士多啤梨等嘅味道 個人最喜歡焦糖脆脆 甜得黎又有咬口

依加只要晚市惠顧$219以上， 就可以試下佢哋期間限定嘅冬蔭美鍋🌶我就揀咗219蚊嘅澳洲上級長期穀飼牛套餐🐮☝🏻diy自製泰式冬蔭功湯底☝🏻海鮮任食☝🏻泰國象啤啤酒任飲☝🏻芒果糯米飯味雪條一支#牛陣冬蔭美鍋😋好味指數：(7.5/10)有好多唔同配料，店員就叫我哋自己試下炒🤣炒好咗就可以加冬陰功湯😎冬陰公湯酸酸地，打邊爐就好開胃😆 $219 呢個套餐有得買澳洲穀飼牛、牛舌同豬😚質素都唔錯😌海鮮就有廣島蠔、帆立貝及原隻魷魚仔😝出面有好多唔同嘅火鍋配料，都係菜、丸同芝士腸嗰啲😎最特別係有木瓜沙律青咖哩牛肉飯，青咖哩味道香濃有啲辣🙊出面都有好多飲品同啤酒可以自己拎，而🐘啤就係要問店員拎🍻仲有H記4款口味雪糕😍最後一支芒果糯米飯味雪條😂好香嘅椰奶同芒果味，食食下真係有幾粒糯米喺入面🌝

呢段期間食左咁多唔同嘅火鍋，最鐘意都係牛陣嘅肉類，夠薄。每碟嘅份量唔多，對女仔來講相對比較容易控制份量。我同朋友今次6點45分左右入座，唔洗等位。不過走嘅時候就唔少人等位。我地今次豪食，叫左個200幾嘅set，原因無他，就係為左呢個DIY嘅冬陰公湯。材料上左之後，會有店員教你點整。如果拍片up上去fb同ig，仲可以參加佢嘅攝影比賽。呢度嘅肉類海鮮就根據你嘅set去比，所有食物同飲品都係任叫，不過飲品就要加錢啦。先講講個湯底，湯底唔會太重口味，如果煮肉唔會太入味，但係煮菇同蔬菜一流，酸酸地嘅口味完全滲左入d菜到，正。睇圖就知道，d肉全部勁薄。圓形嘅係牛舌，牛舌薄切就一定唔會死，唔好睇佢薄，但煮完非常有韌性。白色個碟係黑豚肉，煮後入口非常滑。牛肉水準反而較正常。蠔完全無腥味。墨魚就非常鮮甜，反而貝就一般般。-最重要最重要，莫過於佢嘅任食Haagen-Dazs雪糕。四款口味包括比利時朱古力、紅桑子、四季水果同曲奇口味。-另外想講，牛陣嘅墨魚丸非常香同彈牙，非常值得推薦。值得一讚嘅係，佢地加湯都係加反d冬陰公湯底俾我哋。最後，店員上左份芒果糯米飯味嘅美肌手工雪條，呢個我都就拿左反屋企。朋友食左

牛陣既火鍋真係無得彈🤤食材好新鮮🥗尤其係牛湯底香濃又唔會太咸🍲好多配料選擇，仲有哈根大師雪糕任對🍨嗚啊間唔中都要同朋友仔去對返餐勁既！🔥咁岩有Thai Fest 😍冬蔭公湯🔥🔥正呀喂睇字都聞到香味🔥🔥D材料好新鮮🤤一放入個鍋zazasound令人留哂口水🤤湯底好香濃，係冬蔭公既香味加上海鮮既甜味🤤🤤倒入湯後店員即刻放海鮮同牛肉🤹🏻‍♂️非常敏捷 成個過程食得好care free 真正任食🔥D牛好堅料呀🔥🔥入口即化🐂滿口牛香配料超多種😆😆😆😆😆真係好正！樣樣都好企理好新鮮，唔係間間任食火鍋都做到哦野菜+牛肉+冬蔭公湯真係令晚上大滿足💯最後仲有手造雪條😍芒果糯米飯味真係好有心思好切題食到好開心又飽一飽先兩舊幾水 🥇我愛牛陣

今日得我同媽食晚飯，我地就打算出街食，上網查左查$219任食牛，見到牛陣有冬陰功幾吸引，仲可以DIY，就決定去食。價錢都算實惠，食物質素不錯，主打日式和牛放題。 冬蔭功之配料好足，有辣椒、香茅、蒜和泰色香料， 上到枱聞到好香，濃郁冬蔭功味。 呢個Set係澳洲穀飼上級牛肉，牛肉雪花分怖均勻，肉質唔錯，牛味濃。牛肉肥花分明，肉質顏色鮮豔，放落湯底十秒左右已經熟，嫩滑多汁。黑豚肉咬落嫩滑。牛舌大大塊。睇得出用料好好。海鮮有蠔、帶子和墨魚仔等等，都很新鮮 。任食自助吧有好多蔬菜，娃娃菜，金針菇，蘑菇，芋絲，芋頭，南瓜，公仔麵，烏冬，生菜，香菜，通菜，丸類等統統齊備，各式飲品和啤酒Asah，象啤，Haagen Daza雪糕仲有泰式特有食品，泰式圓茄，仲有得自制泰式沙律，好特別。而野飲可以自制香茅茶包，成條香茅加落去。這個餐包每人一支手工雪條，芒果椰米飯味，經典既泰式甜品，芒果肉鮮甜，糯米飯粒粒，好有口感。Haagen Daza雪糕有我最愛焦糖脆脆，士多啤梨 味，焦糖脆脆好有咬口，食多D都回曬價，抵食醬料也是自助式，可自由配搭。

今日嚟到牛陣打邊爐，新岀左個冬陰公湯底鍋，好新穎！仲有埋步驟教點DIY 炒香d料，之後再加湯，已經聞到好香。飲左一啖湯底，真係好夠味，真係好似去左食泰國菜，飲冬陰公湯一樣。火鍋配料同飲品都可以任食任飲。澳洲上級長期穀飼牛，好新鮮，好有牛味。牛舌，唔係好多地方有得食，正！牛肉，豚肉都可以任點，當然要食得晒先好，唔可以浪費啊！甜品都好正呀，有Haagen Dazs 雪糕，有4種味可以揀。呢個$218套餐仲送一支芒果糯米飯雪條，呢條雪條好得意，岀面有椰汁味，裡面真係食到一粒飯，今餐好有驚喜。

近年大熱嘅日式火鍋終於殺到入元朗 雖然都開咗一段時間 但一直都冇時間嚟食呢間牛陣係出名嘅連鎖店質素有保證 閒日嘅九點嚟到 門口都排滿人喺度等位 可想而知香港人有幾愛日式火鍋裝修用上好多木 同埋偏黃嘅燈光 俾人感覺溫暖叫咗個新出嘅泰式diy冬陰功火鍋 店員會拎上計十種湯底材料 有和牛油 薑 辣椒 香矛 魷魚 月桂葉 青檸 等嘅材料即場喺你個鍋上面熱炒 等香料出曬味 就可以加入冬陰功湯底 酸酸甜甜辣辣 好惹味其他飲品都已經係任飲 有氣水 果汁等等 選擇都唔少其次係雞肉 放落湯底入面可以吸收湯底嘅味道 而且雞肉仲好嫩滑 係高質嘅食材食飽飽仲可以去囉哈根大師雪糕 用上呢個牌子勁高級 最愛焦糖脆脆同埋士多啤梨 焦糖脆脆creamy得黎有咬口 而且唔會太甜 士多啤梨酸酸甜甜好開胃