影片
更多
2018-01-15
4336 瀏覽
啱啱同男友去完鹿兒島回來，成個trip其中一餐最回味嘅就係食鹿兒島黑牛，估唔到牛陣都有得食，仲要係任食！所以2017除夕慶祝就近近地去佐YOHO MALL 形點分店嘅牛陣食。牛陣新出咗冬戀美鍋，個湯底係好濃郁雞白湯，乳白色，質地濃杰，入面仲有大概半隻雞件，誠意十足。打邊爐前先飲幾碗，雞嘅鮮味好濃郁，而且每一啖都充滿骨膠原，滋補美顏。呢個火鍋最大嘅gimmick就係可以任食美人和牛，即係鹿兒島黑毛和牛後部肉。牛肉紋理平均漂亮，擺入鍋滾10秒左右就食得。和牛肉質軟腍細嫩，我哋足足食咗3大盤！除咗鹿兒島黑毛和牛，仲有牛舌任食，牛魔王大滿足！豚肉都好有驚喜，雖然切得比較薄身，但肉味好濃，用料好靚。我最鍾意美肌蔬菜籃，有唔同類型嘅蔬菜，例如金菇、小棠菜、大白菜、油揚蔥卷，配埋乳白色嘅鮮甜雞湯，味道好夾。比較特別嘅係美肌蔬菜籃入面仲有手打雞滑，口感爽彈！以上全部都有得encore，除此之外，仲可以去出面嘅自助區索取其他火鍋料，包括：不同嘅丸類，如：龍蝦丸、海膽蟹子丸、芝士腸等，還有蔬菜，如：番茄、秋葵、娃娃菜、油麥菜等，連羽衣甘藍同蟲草花都有，選擇好多。飲品當然都可以任點！最後唔少得甜品，呢度又係
牛陣新出咗冬戀美鍋，個湯底係好濃郁雞白湯，乳白色，質地濃杰，入面仲有大概半隻雞件，誠意十足。
打邊爐前先飲幾碗，雞嘅鮮味好濃郁，而且每一啖都充滿骨膠原，滋補美顏。
呢個火鍋最大嘅gimmick就係可以任食美人和牛，即係鹿兒島黑毛和牛後部肉。牛肉紋理平均漂亮，擺入鍋滾10秒左右就食得。和牛肉質軟腍細嫩，我哋足足食咗3大盤！
除咗鹿兒島黑毛和牛，仲有牛舌任食，牛魔王大滿足！
豚肉都好有驚喜，雖然切得比較薄身，但肉味好濃，用料好靚。
我最鍾意美肌蔬菜籃，有唔同類型嘅蔬菜，例如金菇、小棠菜、大白菜、油揚蔥卷，配埋乳白色嘅鮮甜雞湯，味道好夾。比較特別嘅係美肌蔬菜籃入面仲有手打雞滑，口感爽彈！
以上全部都有得encore，除此之外，仲可以去出面嘅自助區索取其他火鍋料，包括：不同嘅丸類，如：龍蝦丸、海膽蟹子丸、芝士腸等，還有蔬菜，如：番茄、秋葵、娃娃菜、油麥菜等，連羽衣甘藍同蟲草花都有，選擇好多。
飲品當然都可以任點！
最後唔少得甜品，呢度又係另一個回本位，就係任食Haagen-Dazs雪糕！共有4款口味！士多啤梨同柚子真係幾時都冇得輸。
PS 睇番之前嘅食評，先知會有水信玄餅送，但係嗰日職員就無攞比我，唔知係要自己出去攞，定問佢攞，定佢唔記得俾我哋啦。
不過整體都係好高質嘅一個火鍋，一分錢一分貨，三百幾蚊食到靚牛肉，我覺得可以回到本，食得過。
張貼
