牛角次男坊 (荃灣廣場)

營業中

休息中

牛加蟹肉：牛冇網上話係凍既，但都不夠香熱。份量算多。蟹肉冇特別，不值一試。飯份量可以。豬肉飯：上面有一隻温泉蛋。有些人喜歡/不喜歡葱，蛋下幾多葱。可考慮另上。豬差到不得了！很「un」，又「鞋」！味又差！難食！~麵豉湯和歺盆先來。之後要等飯另上。感覺好奇怪，甘大歺盆先拎湯來，建議有飯先成份來仲好。~門口排隊order完才可安排入座。不喜歡這種方式。服務：水要叫人拎。之後冇人自動來加水。服務員也不經常查看。服務員夠多，但不見人。

阿林：當晚已經十級肚餓，前面還有百多個號碼，不知是怎樣的倔強才讓我支撐了一個半小時。入坐前下單，等了一會就上菜。次男坊丼 ($88)，加錢可升級牛肉，也可選配海膽、拖羅、牡丹蝦等，但我並不熱衷於這種冷盤放在熱食上的做法，所以只多付$12要了溏心蛋。牛五花一層層堆疊在白飯上，份量毫不吝嗇。每片均帶脂肪，切得細薄，卻頗為粗糙，質素普通。調味扳回一些分數，我選的是牛角飯燒肉汁，濃郁入味，甘甜可口。可以一試，想不到吃什麼又輪候不多於15分鐘的話。

黎到荃灣，去左試呢間新开牛角。七点開始排隊，排左差不多個半鐘。好特別，因為先付費，後入座。食物都有水準，蝦刺身及帶子都好鮮味。反而牛不是想像祈待那麼好好食，不過都ok!

等左咁耐終於都開喇, 睇相真係覺得好吸引呢同埋本身都中意食牛角, 所以好期待啊~MENU如上, 牛肉丼可以再加多D野我就揀次男方丼加一板海膽, 老公揀王樣!豚肉丼比左錢先入去坐, 入面地方細, 要排排坐先放低個味噌湯比你, 入面得一塊海帶, 冇了牛肉唔熱, 好似已經煮好左放埋一邊咁...而海膽都有D失望, D質素, 味道真係好麻麻不過呢板野$120, 又唔算特別貴既...一分錢一分貨啦但我食呢個飯覺得, 不如都入番牛角自己燒到熱辣辣再叫個牛角飯仲好味啦!反而老公果碗好味D因為塊豚肉都好冧而且有一層好香既脂肪!好送飯呀!D紫菜就用黎包飯同我D海膽~呢個豚肉咬落JUICY過面屋武藏果塊的

見到社交媒體鋪天蓋地既宣傳 難得平日放假去開荃灣決定試下呢間#牛角次男坊 由於五點多少少就去所以唔使排隊 到6點半左右人龍就開始出現 呢度係要係門口點餐比錢之後先會帶你入座 一坐低店員就會送上餐盤同一碗麵鼓湯🍲湯味唔錯 唔會一味得個咸字 不過唔似部份日本餐廳咁湯入面有小量海鮮咬下 除此之外清水要自己去水機倒 我就無咩所謂 不過見到隔離台有一對老人家 希望店員可以幫忙拎杯水竟被拒絕 原因係佢呢度係咁 即使係外國分店都係一樣☠️呢點的確唔可取當時無咩人既情況下 個飯都等左我地大概10分鍾 心想係咪即叫即準備 點知上到黎d肉只可以叫做唔凍 完全唔係岩岩先燒好 而且都放左一段時間 我唔知人多既時候會唔會好少少喇當日只係叫左牛飯同豬飯 肉質本身唔錯 唯獨是可能凍左所以有少少un 飯都有少少爛 唔係粒粒分明 總結我覺得肉本身唔錯 不過煮得麻麻 而且服務態度都唔算好滿意 唔值呢個價 寧願食吉野家加條魚好過價錢：~90/人(連加一)評分：食物：6/10環境：7/10服務：5/10番尋味指數：2/10

(迫我第一次寫食評）新店開張，見掛牛角之名，很有興趣一試。但試過之後，唔會有下次了。場內坐位安排逼夾😱，沒有地方可以放置手袋背包之類，食客與隔離食客之間簡直零距離，感覺去食吉仔牛肉飯快餐店比它還要舒適。點了一客牛舌丼及一客辛味牛角次男坊丼。老婆之牛舌丼正常時間送上，一片片牛舌鋪滿碗上，賣相不錯。可是牛舌丼差不多食完，牛角次男坊丼仍未出現，於是向店員催促。店員只冷淡地望一望後繼續工作...最後總共等了超過30分鐘，牛舌丼都食完，忍唔住要爆喇，此時職員才叫做認真跟進⋯⋯求其俾碗甜味牛肉飯我⋯⋯要收服務費又唔俾服務我片尾彩蛋：老婆後來發覺個飯原來俾錯隔離食客，隔離二人原本食客點了一個加海膽既次男丼，可能以為一板海膽會另上所以無出聲，到我們離開時，職員便送上第三碗飯俾隔離食客....

用餐程序係咁：首先要好似大家樂咁先喺門口排隊落單畀錢（而加一服務費係照收🤷🏻‍♂️），然後職員會帶你入座兼大叫「213214」。職員迅速為你送上半熟蛋同麵豉湯，想飲水就要自己去斟（而加一服務費係照收🤷🏻‍♂️）。等食飯時可以玩下摺紙，筷子套上圖文並茂，教你點樣摺筷子座。次男坊丼係砌得幾靚仔，白飯鋪底，再用芽菜堆成山丘形態，牛肉再鋪面。見到隔離位走芽菜，個牛肉山就矮咗一大截。整體味道ok，只係辛口汁一點辣味都冇，同啲汁埋流晒落最底，令底層嘅飯濕咗啲。講明先，員工態度係絕對冇問題，手腳都勤快，不過公司政策有問題，落單要企住等，斟水又自助，牙籤自己拎，大家樂式嘅用餐模式都夠膽收服務費，唔通真係為咗聽你句「213214」咩。食物中規中矩，正路嘢啦，貪新鮮試一次就可以了。

為食出動：今次由港島去到荃灣搵食！ 牛角次男坊同牛角同一集團平日就比較少去牛角 因為兩個人去都幾貴又唔抵食今次出動去牛角次男坊希望平民既價錢食到牛角質素既牛牛 6點去到都排左成45分中左右先入到去 等既期間就發現 其實都唔係平民價wo係高級版牛飯 我點左一個牛舌飯牛舌係唔可以加配其他食材 因為侍應話個飯唔夠高 d食材‘企’唔到所以我加左個溫泉蛋加埋都差不多一百蚊了牛舌量都幾多 鋪到成碗都係 不過係薄身同硬身少少的加埋蔥幾香口但整體黎講唔會驚為天人 另一個普通牛肉飯 雖則普通 都加左百二蚊要多個海膽！成件事即刻變得好唔普通！ 好特別！特別貴既（海膽）牛肉飯呀 真心地說 燒過既牛肉比吉x家的牛肉飯當然好吃多但整體感覺令我感到真係高級版的吉x家下次有機會再食 應該都唔會加配海膽或其他刺身呢d gimmick野試一次都夠了

星期日六點去排 表示都排左一個鐘😭無法啦新💩坑😂本先都無抱太大期望既，但食完又覺得真係唔錯既😋牛角次男坊丼($88)16cm 500g 既堆山牛啊 見到好治癒🤤🤤簡左次男坊特製燒肉醬汁（姐係微微辛辣，放心食左唔太覺辣)。牛肉真係好多，保守估計起碼有十件😵牛肉味香濃有肉汁，烤得香口剛剛好，送飯一流😂中間夾住一咋芽菜，消消滯吧😗底層既飯其實唔算好多，但汁就好多🤣🤣略嫌醬汁太多令飯會更鹹，不過個汁係好食，辛香惹味。仲有牛丼係有幾塊大紫菜架，包肉食正啊！旁邊隻溏沁蛋就係加$12的，也不錯！好味指數:8/10-豚肉丼($78)賣相都相當吸引😍😍中間仲有隻窩蛋架，撈飯又另一種風味，豚肉份量都唔少，不過就唔係半肥瘦，入口肉質唔夠鬆化，嫌佢鞋口左啲，不過味道都可以，食落好有炭香味，但相比牛丼就失色左啲🙈好味指數:7/10

牛角的姊妹集團，牛角次男坊，終於係香港開幕。作為牛角fans，當然要黎試下😽!!星期日下午2點半黎到，前面仲有30幾張飛先到。不過當時見到鋪頭內有超過一半位都係吉，而且都有不少人等唔到走左~ 我以為好快就入到，但原來唔係😞。由於餐廳採用快餐店模式，所以會先付款，後享用食物。最大問題係門口reception只有一個，但要處理好多野，既要入客，幫客人落單，收錢，帶位，有時甚至要汁枱，令到等候時間好長，平均處理好一枱客人既以上事項都要三分鐘，令人等到好唔耐煩🤦🏻‍♀️明明有大量空位，但因為門口reception做唔切，白白等左個幾鐘。雖然餐廳有牌提醒客人可以先scan QR code網上下單，再係門口俾錢，但甚少客人會網上下單。人手雖然得以節省，但入枱時間卻大大拉長，餐廳需好好思考如何改善此問題。牛角次男丼 $88可選次男坊燒肉汁或牛角飯燒肉汁，另外可加$60加配料或升級。牛丼飯主打高16cm，重500g，實物size睇落其實唔大，但牛肉份量的確很多，牛肩胛肉質素一般。我簡左次男坊燒肉汁，小小鹹，唔辣，有啲失望🙍🏻。飯用上日本產越光米，飯唔算靚，主要係因為無飯香，而且啲飯飯一patpat，未能

新開諗住即刻去試吓，11:30已經排長人龍，係一路排隊至到counter落埋order 俾埋錢，之後帶埋你入坐，座位少，有一張好大好長既share 枱，一定要D客坐滿曬呢張枱，先會安排你坐其他枱，你左右都係陌生人夾住你都唔緊要，位與位之間窄到不得了，非常辛苦，又怕撞到人非常不自在。食物叫了牛肉丼及䐁丼，揀了燒汁，首先丼包括味噌湯，很夠熱味道ok，但湯係冇任何材料，一粒豆腐或一片昆布都冇，只有湯，牛肉丼牛肉份量充足，稍微嚡口，醬油芽菜亦好味，但嫌醬油落得太多浸住D飯，鹹咗小小。䐁丼都幾好食，中間有隻生雞蛋的。整體ok,但冇意欲再去了，座位太差，屋企人話重衰過大x活，係真的，大x活D櫈仲濶過佢

天天經過都好奇是一間咩食肆，終於去試左，晚飯叫左牛肉飯加帶子，另一個加蟹肉，好好味，啲燒汁好夠味，日本米好軟綿綿，仲有面豉湯，湯唔咸，剛剛好，熱騰騰的啲牛肉好香燒烤味，不過稍為硬了點！紫菜好脆，飯內有好多芽菜，下次再試其他肉類，不過要早一點，否則就要等好耐！😊

牛角次男坊在荃灣廣場終於開了，之前在網上看到介紹，已經好吸引呀去到見到門口有幾個人在等位，初初以為要等好耐，之後見到入面有位的！原來是先落單，後入座，同事打算用apps訂位，但原來要當天才用到，仲要滿了就用唔到。因為太新感覺不是好熟手，我們有牛角會員咭有折，但問遲了些，店員說已經出單所以改唔到好不容易入了去坐下。首先每個位上已經有一個托盤，一碗面豉湯，先試下，正常的味道，也是夠熱，有葱有海帶，冇其它。開始等，豚肉丼先來，賣相好吸引，有一隻窩蛋，一些葱花，少少應該紅辣椒絲，好幼細。下面主角豚肉。看上去不是好大碗，但肉的份量也不少，有六七塊，燒到金黃好香口，好正呀，飯有d燒肉汁。好美味，窩蛋半生熟的，Yummy牛角次男坊丼，辛香特製燒肉汁，嘩！！！16cm 500g的牛肉丼，好香呀。四片大紫菜，幾乎有十件牛肉，辛香汁不辣的，同事少少也冇。唔知有咩分別。王樣！豚肉丼，一條豬腩肉，一隻溏沁蛋，好多葱，四塊紫菜。豬腩肉夠淋，可惜不是好半肥瘦，感覺鞋了些。牛角次男坊丼，牛角飯燒肉汁，一塊紫菜一口飯，芽菜，牛肉包埋一齊食，好滿足呀。1:00pm之後開始很多人等位。質素是好的，但可能新開張，店員也欠熟

牛角是日本No.1燒肉品牌今次又有新品牌- 次男坊岩岩先開左一星期每日lunch 經過都都好多人排隊究竟係咪咁好食就要試過先知星期五一早12點就係牛角個手機app到拎定飛到12:45分落定去排隊13:00就叫到我張飛嘩！lunch都要等足一個好彩拎定飛呢度好似快餐店咁要先點餐俾錢再入座有同事未趕到落黎又急住比錢 (因會員有折，每時段只可用一次)所以排隊嘅時候要揀定餐入到去，見到其實都係會有好多吉位店面大概有4-50個位但出面又吾叫飛一坐底已經有碗麵鼓湯放左係度之後等左成10分鐘先有燒牛肉丼到可能燒牛肉丼比較多人叫所以吾洗等咁耐豚肉同牛舌要等成20分鐘雖然等得比較耐但我係牛肉嘅忠實粉絲個飯一到 真係嘩左出黎 完全心心眼真係好高嘅牛肉山配左牛肉特製牛肉汁真係好好味個牛舌丼雖然等好耐但無令人失望個飯面蒲滿左牛舌多到食完碗飯仲有幾片牛舌未食完個牛舌丼同牛角個香葱牛舌係一樣只係下面加左飯平時一碟六片都幾十蚊叫埋個飯對比牛角次男坊係底食好多差不多有平時嘅2碟份量最後係個豚肉丼呢個對比其餘兩款比較普通個豚肉有d硬同厚我就吾建議叫呢個我地食嘅都係最平無upgrade個款牛肉不過已經好好食等佢過左人氣吾

今天午餐想試一下新的餐廳，選擇了在荃灣廣場的牛角次男坊，但等枱等到一肚氣，12:44分拿輪候飛，祗見餐廳內是有位的，但唔明白門口的哥哥仔唔安排，門口就圍了一大群人在等，給人的感覺好像是營造好多人等的氣氛，但明明見入面是有位沒人坐的，最後終於在13:29分被安排入座，足足是45分鐘，有哪位上班的可以在午飯時間用45分鐘的時間來等位？入坐後點了牛角次男坊丼，但端上來的食物不夠熱，很令人失望😞⋯⋯應該都唔會再幫襯