牛角次男坊 (荃灣廣場)

營業中

休息中

之前上網睇到介紹，又話要排晒隊，難得閒日經過無乜人，於是入去試下堅唔堅！首先要出面講要咩飯，比錢，先再安排位置。我點嘅牛舌飯牛舌薄身，又乾，煎得非常過火！好似柴皮咁⋯咬碎吞落口都覺得𠝹喉。而另一個，係好高，入面都係好多芽菜。如果唔係芽菜嘅朋友要做定心理準備。味道呢個還好，無牛舌咁差！兩個飯都有一個敗筆位，就係，無乜汁，非常乾。雖然已經有一碗湯，但仍然乾。問侍應可唔可以比少少燒汁，佢地唔會供應。整體上，從味道和價錢方面，試完無回頭。

開咗一段時間，心諗試吓，雖然已無咩期望，點知結果係比無預期更差好遠。主打燒牛肉，係牛肉份量夠，但牛肉竟然是唔熱，連飯都唔熱，估都你一早整定好哂，牛肉又韌，又肥，食幾舊已覺流，想點，四個人食，全都say no, 食到好似誓願咁，最後都係投降，放下筷子。總括來講，咁嘅價錢，唔好話貴，但係可以好多其他選擇，性價比兩個字，把鬼，伏哂

終於都試到呢間牛肉飯，平時成日都見到好多人排隊，人潮過後，終於都食到！飯嘅款式唔多，明明入邊有位，但都要喺門口等位時落咗order比錢先，唔係食完先比錢， 感覺怪怪地，我叫咗牛舌飯$78，牛舌好薄但入味，大約13-14塊，味道唔錯！份量女仔來講算係啱啱好，大食啲都會唔夠飽！另外叫咗牛肉飯$88，望落啲牛肉疊到好高，但原來裏面塞滿芽菜，其實都係得12-13片仔牛肉，味道OK，個人覺得牛舌飯好食的！總括來講，男人應該唔夠食，可能要叫兩個先夠飽！

今晚路過牛角次男坊，見到冇人排隊就入去試下。點知比想像中差好多，叫左個最普通正常嘅牛肉飯食。先講牛肉，係真係好食嘅，好似去牛角食個d咁。但牛肉飯嘅一個主角--飯係完全唔得，有相為證，完全係爛飯，多水到爛到接受唔到。而芽菜係完全炒得唔夠耐，充滿水份又冇味，嚴重影響d飯同牛肉嘅味道。再講個汁，唔知係咪特登，味道同預期一樣ok，但係個汁淋係面度，完全落唔到個飯度。一碗牛肉飯，只係得牛肉好食，飯同配菜完全唔得，簡直係失敗。唔知係咪日日都係咁，是晚得七成滿d客，如果唔改善真係等收檔。順帶一提，張單寫九折，但實際係免加一，即係呃左我一蚊。一蚊事少，希望佢唔會俾海關告啦。用餐日期:3/1/2019是餐費用:$88味道:4/10環境:6/10性價比:4/10

位於荃灣的次男坊，是日本燒肉連鎖店牛角旗下的新品牌。有别於傳統牛角的仼食燒肉路線，次男坊主打即叫即燒燒肉丼，一人一份燒肉定食哦。是日是2019年1月1日，新一年的第一天，要展開豐盛的一年，當然要吃得豐富一點吧。餐廳採用快餐店形式，先取飛排隊，然後入舖進食。位置舒適，地方闊大，由服務員送餐，自行取水。次男坊丼$88每個丼飯勻配味噌湯，飯底則可配次男坊辛辣燒肉汁或經典牛角甘甜燒肉汁。視覺效果震撼的牛角次男丼，賣相超吸引阿。重達500g的牛肉片，堆砌成富士山狀，採用美國牛肩胛肉，肉片薄長，八成瘦肉兩成肥膏，大火炒起，邊位燒焦，牛味濃郁，焦位香囗，不過這次燒得過火，使肉質有點乾柴。豚肉丼$78相比起牛肉丼，豚肉丼的賣相更吸引我哦。豚肉片份量同樣驚人，砌成漂亮的花花形狀，基乎每倍客人都拍照打卡呢。採用丹麥豚肉，肉質柔軟，富帶嚼勁，燒後有濃香炭燒味，惹味非常，個人認為豚肉軟牛肉美味。米飯偏為黏糯，雖然並不圓潤，但味道甘甜，搭醋醬汁，超美味阿。

我朋友話想試依間好耐啦但每次想黎食個陣都好多人今次去食竟然冇人排隊咁就梗係去食㗎啦 順便試試佢睇門面睇咗陣Menu諗住入去坐左陣先嗌啦點知個店員話要嗌左嘢食 比埋錢先入去嘅門面都幾乾淨入座後員工都好快拎咗個餐盤嚟上面放左啲筷子 紙巾 同埋味增湯坐咗一陣仔啲嘢食都送到上嚟冇諗過佢上菜嘅速度係咁快可能啲嘢食已經係預先整定好嘅落單嗰陣時候個員工已經問個啲刺身要唔要燒一燒咁我哋就選擇左燒啦豚肉丼加拖羅蓉刺身（次男坊燒肉汁）上菜嗰陣時候佢啲溫泉蛋 同點刺身醬汁會第二個碗分開上啲拖羅入口即溶唔洗點刺身豉油都食到佢嘅甘香點得太多刺身嘅豉油就會搶咗拖羅啲原本嘅甘香啲豚肉燒到好脆口 但又唔會燒到好硬身肉質鬆口再加上佢啲燒肉汁令到啲肉更加好食個Menu話次男坊燒肉汁係惹味辛香惹味的確係有但辛香就係完全冇囉小小辛辣都冇但啲燒肉汁同啲飯勁夾甜甜地食落好開胃加埋隻溫泉蛋更加好食另外我個朋友食嗰個係豚肉丼加帶子刺身（經典牛角飯燒肉汁）帶子刺身輕輕燒過聞落去勁惹味食落去有回甘嘅味道帶子好新鮮我朋友覺得燒肉汁唔夠多令到成碗飯爭咁D野因為啲燒肉汁可以令到成碗飯更加好食 開胃味增湯同平時飲開嗰啲冇乜太大分別正正常常同樣我

牛角啲野食不嬲都唔錯，今次見佢開左間新餐廳於是黎試下啦。今次呢間叫牛角次男坊，係一間主打燒肉丼既餐廳，主打即叫即燒的燒肉丼，並以正宗燒肉店方法製作。而且可以自選醬汁，包括次男坊丼特製燒肉汁同埋平時食牛角飯嗰款燒肉汁。今次試下食佢既招牌次男坊丼，配返牛角汁，無加任何配料。同預期相比有啲落差，啲肉片比較乾身，甚至食落有啲吉野家既感覺，只係肉既量比較多，而價錢當然亦都同肉既份量成正比。如果呢個價錢，我就未必會考慮專登再黎喇。

今日又黎荃灣食飯係荃灣廣場見到間開左冇幾耐既日本餐廳叫牛角次男坊係門睇見啲餐牌 碗碗飯都分量十足 就入去一試主打有3個丼第一款: 牛角次男坊丼第二款: 豚肉丼第三款: 燒鹽麴牛舌丼每款飯都可以再加唔同既配料例如牡丹海老，熟蟹肉，拖羅，帶子，海膽今次我地2個就叫左個 牛角次男坊丼 配牡丹海老同埋一個唔加野既豚肉丼一碗成層樓咁高既飯仲包埋味噌湯食完真係飽到呢肉就真係好足料 燒汁味撈飯一流牡丹海老份量都唔細同埋都好新鮮牛角出品都唔差得去邊推介一試

主打燒肉丼，當中具人氣既次男坊丼最吸睛既地方就係用燒肉堆砌成16cm(官方數字😂)高既山🙆堂食既話，第一時間係要睇menu😂決定好食咩先好行埋去個職員度丫，因為侍應會幫你落左單收左錢，之後依照收據上面既枱號帶你入座😅----------#次男坊丼 $88 配經典牛肉飯燒肉汁醬汁一款辣一款甜，經典牛肉飯燒肉汁係甜既🙂味道同出面食開既差唔多，香濃少少而且幾入味😋牛肉雖然唔知有冇16cm高，不過眼見份量真係幾多嫁，有好多片，岩晒啲鍾意食餸既朋友仔😜牛肉薄，但係燒完都好淋😍飯採用既係知名日本產越光米，碗比較淺，份量唔算多😅好在牛肉夠多，足以填飽肚子😆#豚肉丼 $78 配經典牛肉飯燒肉汁醬汁同飯同次男坊丼係一樣既🙂豚肉冇好似牛肉咁堆成山，反而係砌到花咁樣🌼温泉蛋放係中間，撈豚肉撈飯都好正😋豚肉比牛肉厚身少少，但係偏乾身😅丼飯包一碗味噌湯，入面只有紫菜，鹹味岩岩好😃整體食物温度偏暖，唔夠熱🔥----------不過綿羊認為入座編排有啲漏洞，佢既電腦編位基制係順住枱號咁編，姐係如果有20張枱，只有5張枱既客量，佢地就會坐晒係1-5號枱，咁6-20號枱就冇人坐😑唔係冇空間，但係啲客就坐得好迫😓而且大部

本來有啲期望，食完之後唔會再黎，叫左招牌牛肉飯，牛肉係堆到好高好滿，但味道一般，仲有啲靭，汁偏少，啲飯索晒，等位唔算耐，但個人唔太鍾意佢一定要order完先入座，好似快餐咁另外叫左牛舌飯，都係滿滿的，但感覺係煎得太老，口感變得鞋，加上無乜汁，整份感覺好乾，就算配上溏心蛋食，都改變唔到，反而個麵豉湯幾好，唔似係沖出黎，算係唯一可取既地方，飲品揀左北川半兵衛既綠茶，因為都唔多選擇，得可樂七喜同焙茶😔😔

一向都係株式會社既fans, 見佢開左新餐廳梗係去試下啦！之前食過幾次牛角buffet 都覺得好好食！咁次牛肉次男坊都係一樣咁正！去到見到長長既人龍，但只係排左大約15分鐘就有得食，比預期中快！一路排隊，一路就可以揀定食啲乜！呢度既主打係次男坊丼，第一次黎當然要試下！ 次男坊丼係烤牛肉片，另外可以加錢自己揀一款海鮮配料，我無加任何野就$88 !牛角飯一向我都好鍾意食，平時lunch 去食牛角都係為左碗牛角飯！今次有咁大碗真係爽，牛肉既自家燒肉汁又勁出色！至於朋友就食豚丼，佢就豪啲，加左帶子刺身！加埋都係$158帶子既份量絕無欺場，仲加埋三文魚子，我偷食左一件，啲刺身都好鮮甜！正呢兩大碗既丼飯食完真係好滿足！岩哂無時間去食烤肉但又好想食牛角飯或者烤肉片既朋友！

聽説牛角嘅兄弟品牌牛角次男坊係荃灣開左分店，主打係燒嘅燒肉丼！於是就和朋友一齊去試下。去到的時候餐廳門口已經很多人在等，果然是很高人氣。大概等左5分鐘左右就可以安排到入座，這裡是先選食物，然後付款再入座的。這次我們叫左一個招牌次男坊丼配牡丹蝦刺身和豚肉丼，聼說它們的肉會堆到有16cm高。入座後，店員先送上味噌湯！味噌不會太咸，味道剛剛好。次男坊丼配牡丹蝦刺身：買相滿分！上面舖滿燒牛肉，真係有16cm高！配上餐廳獨家調配微辣嘅燒肉汁，惹味之餘不活搶走牛肉的脂香。牛肉不會感覺太油膩，而且分量十足！牡丹蝦刺身厚肉鮮甜，十分不錯！豚肉丼：令人十分驚喜！豚肉丼選用丹麥豚肉眼，燒好後面好似朵花咁舖喺碗飯上面，烤豚肉的色澤已經令人流曬口水。豚肉表面烤至微脆！吃下去肉汁豐富惹味，配埋溫泉蛋攪拌一拼食用令人回味無窮。米飯的乾濕也恰到好處。餐廳的特盛肉丼飯是十分吸引的，如果是喜歡吃肉的朋友就不能錯過！

今次呢到荃灣呢一間牛角次男坊， 悶悶地一個人唯有試下佢啦， 七點鐘飯市外面已經有長長嘅人龍， 排到埋去counter店員就會問你食啲乜嘢， 呢度呢係先畀錢揀嘢食，然後先會派位畀你入去嘅。 咁你都次男坊，當然就要試下佢嘅主角次男坊丼， 其實就是牛肉丼， 而我呢就另外加咗個筋子蟹肉，佢呢到今晚上都幾靚㗎， 由於我唔係咁鍾意食蔥所以我就嗌咗走蔥喇。最上層嘅係辣椒絲，然後到蟹肉，之後就係牛肉 最尾就係飯， 個飯配咗啲酸甜嘅醬汁，食落好醒胃，而再加上佢嘅配料都好多， 牛肉有少少質感但係唔會話咬唔開， 而成個雪糕球咁嘅蟹肉呢，就真係“伊之班”， 蟹嘅鮮味好足夠，再加埋啲筋子一齊食，個口感都好清新，唔錯既感受。

今晚平安夜，揀咗間不因聖誕節而加價或硬sell x’mas set嘅平價日式餐廳。呢間係位于荃灣廣場地下嘅牛角次男坊。第一次光顧，6:30pm 已經有一班人排隊買餐入座，坐低後，發現都好full下，好彩早去。叫咗兩個飯，一個燒鹽麴牛舌丼及一個豚丼。各配有一碗味噌湯。牛舌丼到啦，薄薄嘅牛舌鋪排得好靚，成朵花咁。味道還可以，但因太薄，易凍同埋咬落去嘅感差不太好。豚肉丼同牛舌丼一樣，都鋪排得好靚，肉有D厚度，食到尾都覺有D暖，味道亦不錯。以呢個價錢，有咁嘅份量，口感可以話尚可。味噌湯都幾好味㗎

今日經過荃灣廣場被店外嘅宣傳吸引咗入嚟！原來要先響店外排隊點餐，付款後再被安排就座。坐底後想追加温泉蛋，要出返去門口再排隊俾錢，呢個時候先留意到有加一。。。熱茶都無杯，飲品只有罐裝汽水式者樽裝茶先試呢度嘅招牌菜，牛角次南坊丼配次南坊燒肉汁。餐牌上寫呢個醬汁惹味辛香，但絲毫感覺唔到辣味。。。牛肉份量挺多！中間夾著大量芽菜仔，可惜完全無味。。。好彩加咗溫泉蛋有啲蛋汁另外仲叫咗個豚肉丼，豚肉肉質結實！配經典牛角飯燒肉汁，濃厚甘甜！食滿兩百蚊商場有免費泊車，感覺抵返少少