牛角次男坊 (荃灣廣場)

營業中

休息中

牛角算是香港最普遍的日式燒肉店，得知它開了新的副線 - 牛角次男坊，主打即叫即燒的日式燒肉丼，立即很有興趣去試！ 次男坊丼 $88 (加配牡丹蝦+$60) 先試它的招牌菜「牛角次男方丼」，大量的牛肉片砌成 16 厘米高，500 克重，食肉獸應該會很喜歡。因為貪新鮮，我加了牡丹蝦，牡丹蝦質素不錯，頗鮮甜。主角的牛肉片用的是美國牛肩胛肉，肉味比普通肥牛濃郁，配以牛角那款燒肉汁，很入味，若肉質可以嫩滑些就更佳了。豚肉丼 $78 這個比牛肉丼有驚喜！ 以$78這個價錢，簡直是超水準。用上丹麥豚肉眼，每片豚肉都燒得表面微脆，肉質軟腍。 而且丼飯上有一顆流心蛋，刺穿後再拌飯真的很美味！

由於荃灣大家都無咩preference，咁就等等下就等左成粒鐘去喇!佢採取先點餐後入座，快餐格又要收我加一!一入坐侍應就擺底托盤，上面有個湯，之後再黎加錢既溏心蛋，我還在嘀咕點解唔係連飯一齊上既時候，就發現原來個飯碗勁滑，撩飯既時候個碗下下咁!一齊上應該會倒瀉晒!個牛舌丼等3個字先黎，係量多呀，妖，韌到我片片都要成片食，根本咬唔開!又無牛舌香!牛肉飯啲肉就正常啲!加60蚊有2隻牡丹蝦刺身，唔加唔是損失，不過其實都預左，只是我地戚起條根想食者!

為左影心愛嘅布甸狗黎到荃灣廣場！搵食時間就黎到荃灣廣場內嘅牛角次男坊～晚上嘅8點，好多人排隊！不過見到翻桌速度都幾快，就等下啦！牛角次男坊係牛角嘅副線，專門食燒肉丼。今次就叫左次男坊丼 $88 用上美國嘅牛肩胛肉，接近20塊堆成一個富士山仔甘～每一塊肩胛肉都係大大塊～配埋無人不知嘅牛角飯，同惹味燒肉汁，好味道！豚肉丼配帶子刺身 $15810多塊燒到惹味juicy嘅豚肉，5粒厚肉鮮甜嘅帶子，仲有溫泉蛋tim!帶子真係真材實料厚肉地！溫泉蛋加入底部嘅牛角飯超正！每個丼嘅米飯都用日本產嘅越光米。丼飯餐都會跟埋味噌湯！

株式會社旗下集團又一新作今次喺荃灣廣場開咗香港第一間牛角次男坊主打食牛丼豚丼，上網睇真係十分之吸引就決定一收工就即刻沖去荃灣試試佢🤩牛角次男坊丼 $88成座山咁拎上嚟俾你，感覺好似好多咁但其實個碗比較淺，飯量唔係好夠食牛肉都可以接受偶爾想做下食肉獸都滿足既味道只係普通嘅醬汁加牛肉😅燒鹽麴牛舌丼 $78一上枱見到啲牛舌鋪晒喺飯面！哇🤤勁正呀！起碼有十塊牛舌比起平時喺牛角嗌一客牛舌仲要多但連埋飯同湯都只係貴幾蚊🤩味道好可以份量同牛肉丼一樣，偏少！兩個飯都有一個共同嘅缺點就係上枱時唔夠熱😖好味指數：

今曰禮拜一難得Day off,約左媽咪去食我地恨左食好耐既"牛角次男坊"! 平時weekend去必定排長龍,今日難得星期一去,終於比我地試到啦門口隊前只有三個人排緊,而好快買完就到我地啦。我地一人揀左一款丼飯,就被安排左入去坐!坐低左一分鐘後,店員已經好快手地端上味噌湯,岩曬係依種天氣飲,暖胃,讚! 飲多幾啖後,第一款丼飯已經ready,準備上菜＿第一款丼飯就係號稱16cm高既"次男坊丼"!一見到個飯之後,我同媽咪都十分驚喜! 飯上面既牛肉片真係堆積到一座美味牛肉山咁雄偉牛肉上仲以蔥花及芝麻粒作garnish,配以四塊厚青苔。最重要係,我點選左"經典牛肉飯燒肉汁"為sauce,整個味道入口十分搭配! 牛肉片肉質亦十分Tender, 一d都唔會過硬,讚! 第二碟丼飯就係"豚肉丼",我地仲加選左"火灸帶子",賣相十分吸引豚肉丼上鋪放左粒粒既火灸帶子,仲有三文魚子作點綴,同樣地,我地揀選左"經典牛肉飯燒肉汁",不得不說,個醬汁為豚肉丼既味道更出,必選!黎多個Close-up, 依個丼既presentation一樣咁宏偉!帶子好新鮮爽口,豚肉亦都十分香軟,配埋個秘製醬汁,送飯一流! 十分良好既

荃灣最近開了一家「牛角次男坊」,這家店有名的地方就是它為日本燒肉連鎖店「牛角」兄弟店，主打以正宗燒肉店方法，新鮮烤製的燒肉丼。最近一直在網上看到很多他們的推廣,就忍不住來試一下啦~.「牛角次男坊丼」每次試吃新的食物,都必選他們的招牌作，就必定是次男坊丼 $88, 以,數以牛肉片砌成 16 厘米高，重達 500 克，這個視覺效果真的好像山一樣高,非常IG-ABLE呀哈哈!不過肉質就真的很一般般,太CHEWY了,牙力少了點都咬不完...而且肉不太熱,感覺上煮完放在一旁已一段時間, 不過幸好配上濃厚甘甜的牛角飯燒肉汁，配飯吃的確很不錯!豚肉丼($78), 賣相很吸引, 可是我還是對肉質感覺還好, 不過不失, 也推薦還沒吃過的可以吃吃看喔!

平時經過荃灣廣場都見到有條人龍，今日難得早收工又未到晚飯時間，一於去試下先 要比左錢買先可以入座架！叫左個最出名既牛肉丼配海老。牛肉丼好高架，見到咁多牛肉都幾治癒。選左有少少辣既汁，但我唔太食得辣既都食到呢隻辣，辣得黎有d甜！牛肉底下會有芽菜鋪係飯面，飯加左汁之後唔會乾。牛肉都幾重牛味，燒得岩岩好，海老就選左要刺身，幾鮮甜。之後朋友就要左個豚肉丼，豚肉唔韌而且入味，煎得金黃，選左燒肉汁 甜甜地 送飯一流！仲有溫泉蛋架每個飯都有配一碗麵豉湯的！而且有水可以自助拎！

今日終於黎一試牛角次男坊去到7點到 已經開始有人龍啦果然受歡迎呀黎呢度緊係要試下呢個次男坊丼係好高既牛肉丼 我就選左個唔辣既醬汁飯會配埋麵鼓湯的買完野食後等左一陣就有餐送到牛肉份量慷慨 疊到成座山咁高呀牛肉燒得還可以澆上經典燒肉汁 令到個飯都有好香既味飯上仲鋪左芽菜的 岩哂我呢d鍾意食芽菜既人另外叫左個豚肉飯配帶子帶子係刺身 可以選揀火炙或者係刺身有5-6隻 帶子感覺都幾新鮮 有口感豚肉飯用傘形鋪開比起牛肉我更愛食呢度既豚肉唔會韌 燒得金黃有豐富肉汁 配埋溫泉蛋撈埋一齊食更好味係值得一試既丼飯

今日要做特約速遞員，入荃灣送愛心湯水俾埋頭苦幹趕project嘅家姐, 咁辛苦緊係要去大魚大肉補番下啦😁。我拉左媽咪去食人氣燒肉丼，去日本已經成日去牛角，今次佢兄弟品牌次男坊，將簡單嘅燒肉丼變得唔簡單！餐廳位於商場一樓， 半開放式設計， 空間感強。餐廳運作模式，是要先買票，然後再等店員安排座位，這跟日本很多小餐館一樣，但這模式放在香港可能唔係人人習慣，畢竟佢應該係提供中高檔丼飯套餐嘛😏。好喇，入座後店員就會以托盤奉上味噌湯，同餐具，據說丼飯的燒肉係即燒嘅，所以我地都乖乖咁等送餐。我地兩個分別點左次男坊燒肉丼同豚肉丼，媽咪話想食帶子，所以我就幫佢個豚丼升級😁，反正我地都會share嚟食架啦。食物送上時無論係足有500g即燒燒肉堆到成座山咁🤩😍🤩😍嘅牛丼，定係升級版豚肉拼炙燒帶子丼，都好有震撼感，忍唔住多角度幫佢影多幾張相添😝。牛跟豚都好香軟且肉味濃郁，個次男坊燒汁帶微辣所以好惹味，而且兩款肉質都好有質感唔會削到死一陣風咁👍。升級拼嘅帶子一份有六粒，雖然唔係好大隻，但都好鮮甜，微微炙燒過味道更香。雖然兩碗飯都幾大碗，但因為料多好送飯，所以我地都好快就K喇😁，但食完真係好飽，我諗今晚應該都唔

上星期約左人交收順便黎荃灣行下街先，行完街梗係餓底啦，就去左呢間牛角集團旗下既餐廳食下先，佢係係出面收銀處買完拎左張飛，之後就會有人送去你張檯度，都幾窩心！💕我就叫左個豚肉丼配燒肉汁，豚肉上面曬左芝麻粒，味覺層次更加豐盛，豚肉都好唸身，肉質都好鮮嫩，篤開隻溫泉蛋，蛋汁流落d 飯度更加好味道！值得一食😋+++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

前排上網見到有人介紹呢間新開張既牛角次男坊,而且價錢唔太貴,一直都想搵機會試下!咁岩有晚放工要去荃灣,就決定去埋呢到試下堆到成座山咁既牛丼星期二晚七點鐘到達,已經見到門口有大約十個人等候入坐眼見入面座位唔算多,等位都要大半個鐘籌號到,要先係門口比錢落單,先會安排位置我選擇了次男坊丼,配經典牛角飯燒肉汁,其實佢仲有好多配料可以加,最平都要$60因為唔知牛丼既份量,所以無加任何配料一坐低就會比一碗麵豉湯,等大約15分鐘就到牛丼出場賣相無令人失望,果然係堆到好高,牛既味道都係正常,唔會太"UN"但紫菜就好大問題三塊都係淋,我唔太鐘意食一開始以為好少飯會唔夠飽,但唔知係唔係太多肉既關係,食到最後有D流整體黎講$88都可以試下

星期日來大排長龍搵個星期六黎試一試佢今次可以直接入座佢個模式有點特別似快餐咁點餐但點完餐又有侍應帶位有自助水機自己斟水叫左牛舌同燒牛定食分別揀左燒汁同辣汁，分上定食包左個麵豉湯賣相好大堆頭滿滿嘅燒肉鋪滿飯面牛舌都幾好味，不會過韌，但有嚼頭燒肉本來已帶甜燒汁味比牛舌多點油香燒肉同牛舌的份量都夠多見到有不少女仕都食唔晒啲燒肉😅燒肉同牛舌應該係一早燒好晒，所以比較凍但飯同湯就夠熱價錢不算好貴，不過肉類真係太多但如果加上其實剌身的話就太貴高不成低不就無乜意慾再試

今日約咗好姊妹放工嚟到荃灣食飯，今次就簡左新開嘅牛角姊妹集團牛角次男。八點幾嚟到門口仍然好多人排隊等位，好彩有金會員所以好快就有位。依到要先點左餐比錢先，職員再帶我地入去坐底，依到環境唔大，兩個人要對住坐，同隔離有小小逼。黎到牛角集團點可以唔叫玩牛食，我地叫左兩個牛角次男坊丼(原味汁)，一份加帶子(+$80)，另一份加原板海膽(+$120)。牛丼飯上面啲牛即燒，每塊人手逐件鋪上份量好多，可惜唔夠汁，所以都叫店員加汁。海膽份量多，但食落有啲腥，扣左小小分。相對帶子，有六件而且好厚，好鮮甜，值得推介整體來講食物質素係好，最好係平人冇咁多人可以過黎試一次

睇住佢開，因為是藍絲食肆本來都無咩興趣試，但朋友推薦話好味，就試一次。牛角副線，傳媒報導日本和台灣都有很多分店，初次來港，意外地選址荃灣（整個荃灣廣場都有幾間同集團的食肆）。先攞飛，入座前先點餐及畀錢。自己總覺得熱的燒肉飯加配凍的魚生是有點格格不入。牛丼（$88）賣相吸引，標榜有16cm高，但不要開心得太早，牛肉得表面那層，下面是牙菜，份量只可以說是正常。牛肉是吉野家肥牛，燒的感覺不強，反而更像汁煮。可選辣汁、甜汁或無汁，選了辛辣汁，但不知是給錯了還是日本人的辛辣就是這個level, 整個汁是甜的，調味不錯。豬肉丼（$78）很乾很柴，不建議點。總結，想食燒肉丼還是正正經經去牛角加碗飯吧。

難得假日，當然要同男友出街周圍行下！聽同事講，最近荃灣開左好多新餐廳，於是決定出荃灣行下街食下飯。約左男友八點睇戲，睇戲前經過荃灣廣場，見到一間日本餐廳外排滿了人，原來係新開既《牛角 次男坊Jinan-Bou》聽講呢間餐廳一開張至少要排一個鐘先有位，好彩，今日人不算太多，排十五分鐘就可以了！我地首先係門口點餐比錢，之後服務員就安排位置。我地分別叫左牛風次男坊丼($88)同燒鹽牛舌丼($78),再配經典牛肉飯燒肉汁。坐低無耐，味噌湯就送到了！因為我不喜歡太濃味太咸既味噌湯，而呢個湯既味道岩岩好，不錯！飲完湯後，兩個丼就剛好送到。丼既賣相不錯，將一片片肉佈滿在飯上，一層層的叠起，令人感覺肉既份量很多！在口感方面，我覺得肉燒得過熟，所以食上去有點硬，而且燒肉汁太少，如果可以自由落燒肉汁會更好！相反，牛舌丼有點驚喜，配合一條條葱令整個丼飯口感更新鮮更豐富！總括而言，丼飯不算十分出色，但份量恰到好處，而價錢加一後有點貴，個人認為試一次已經足夠了！