牛角日本燒肉專門店 (皇室堡)

營業中

休息中

ғᴏᴏᴅɪᴇ ᴛɪᴍᴇ 今次食咗牛角佢既燒肉一直都好出名，而且都好好味🥰食既話記住係app拎位先！咁就唔洗等咁耐😚特選燒肉六品盛合($279)一共有六款肉，每款有四塊🥳有牛舌、上級牛頸脊、肩脊肉、雞腿肉、豚肉燒同熊本豚梅肉🐮🐷🐣我就最中意食牛舌、上級牛頸脊同雞肉！記住牛肉唔好燒咁耐🥺如果唔係好韌食唔到😣雞肉都好滑！牛舌好淋，都好fresh!! 石鍋泡菜牛肉飯($69)第一次去牛角唔食佢既牛角飯🤣呢個飯都幾好味，仲有啲辣醬同泡菜幾惹味🥰如果鍾意食飯焦嘅話，仲可以壓下啲飯😋蒜香蜜糖辛味雞腿肉($56) 因為牛角既雞肉好滑又好味，所以叫多咗個雞腿肉🤓呢個雞肉有調味，所以有啲辣辣地，不過只係好輕微，係令到個雞肉更加好味🤤不過食到最尾嗰舊辣嘅程度係越嚟越勁🤓好正！仲有蜜糖同蒜片點，好味(⁎⁍̴̛ᴗ⁍̴̛⁎)

今日14:20去到，因為自己拎住S飛，所以行前問嗰職員入得未，佢反問我一句你食午餐定下午茶，14:30後有下午茶。原來逢星期一至五14:30後都有下午茶，係午市餐牌嘅7折我真係第一次知道原來牛角有下午茶。不過值得一彈嘅係企係門口嗰職員真係好無禮貌，想問多啲關於下午茶嘅嘢，佢就厭我阻住佢玩電話☹️叫咗兩嗰餐，一個E 牛肋肉四品盛合，一個係F 牛角特選牛五品盛合，兩嗰都升級咗嗰飯有温泉蛋🥰 仲加多咗嗰牛角雪糕，埋單每人$140左右，都真係算抵食😍仲有係埋單，好耐都無俾嘅糖，呢到都有俾，有啲小開心😍

經過店外才知道原來2點半後有7折優惠，心郁郁即刻想食，當時3點幾還是要排隊啊～ 等候15分鐘都還好吧！日後如果有電話取票服務就好了。打開餐牌有幾個套餐可以選，有7折所以就點個份量大一點的，可省下晚餐 點了雞肉·豚肉拼盤餐，有6款肉類，肉質看來新鮮，賣相吸引。牛角飯不用另外加錢，還有最愛的乳酸梳打凍飲，不要飲管即可省下凍飲2元。套餐包括昆布湯好飲，沙律前菜味道可以，豚肉烤得稍為有點燶邊也不會太硬，雞肉烤得香口，大滿足的一餐，折後都只是87元，結帳後還有糖果送你清新口氣。發現店員穿的背心後面有句日文，意思是為了顧客笑顏做到完善，相信是店的宗旨，而店員亦能做到，盡力提供優質服務，用日文迎接客人到座位，發音都標準，不是坊間常聽到的模仿發音2，3，4 （いらしいませ)。送餐，加水，埋單等等處理得尚有效率。最後在枱邊發現原來有個 app 可以買肉，牛角汁醬，超喜歡的魔法鹽等等。另外還有牛角飯上面的紫菜飯素，日後在家也可以試做。

牛角，銅鑼灣🐄之前都有介紹過另外一間燒肉嘅餐廳，不過老實講價錢就比較昂貴，晚餐每人要成$1000。要數到價錢比較相宜既話，#牛角 係我既不二之選👍🏽我食過好幾試，每次食完都會覺得好正好抵食好滿足。牛肉好靚，燒完好有肉汁唔會好乾好難咬，食得出肉質好嫩🥩兩個人埋單$500-600左右，食個飽個隻，我覺得十分不錯！強烈推介叫個有好多#紫菜 係面既紫菜飯，配埋#燒肉 簡直係一絕呀！非常推介！😍.📍#銅鑼灣 告士打道311號皇室堡1樓112-115號舖 #HappiMuffinHongKong 🌟#HappiMuffin Rating: 9/10💰Price: $250-300 pp,#hkig#hkigers#igers#yum#yummy#nom#nomnom#foodporn#hongkong#food#share#like#foodblog#foodie#love#follow#香港#香港美食#美食#美食指南

自從疫情之後叫外賣嘅次數都相對多左, 加上有好多外賣apps同優惠, 電話落單同比錢都好方便, 仲可以較埋時間⌚去自取👍🏻! 由於太耐無食過牛角, 於是今次就買左牛角嘅外賣試下😊! 小妹同朋友一人叫左個牛角燒牛肉飯, 仲有野飲包埋, 落左單之後大約隔廿分鐘就拎得! 打開飯盒牛肉都幾多塊😆, 飯量亦正常唔會太少, 上面有紫菜碎同洋蔥, 另外仲附上一個醬汁比你沾牛肉🥩同撈飯🥢🍚食, 牛肉食落味道同口感正常, 不過唔會特別軟腍, 有少少乾身, 醬汁甜甜地撈飯唔錯!

無得堂食後牛角出左啲外賣飯盒經OpenRice買外賣自取有優惠晚市都係三四十蚊一個牛肉飯以為呢個價錢平所以無咩期望估唔到又幾高質！性價比高 好抵食呀😋· 溫泉玉子蒜香牛肉飯 - 牛肉既份量足夠 好入味，個飯面頭仲有好多紫菜！另外仲有個醬汁 其實就咁食都已經好夠味 鐘意重口味既朋友可以撈埋啲汁。唯一缺點就係個飯好油 另外仲有溫泉玉子😍 番到屋企粒蛋都仲係原整無缺 撈埋個飯一齊食 真係好滿足呀！已經食過幾次，水準都keep到唯獨是有時啲飯既份量好飄忽之前食過生薑豬頸肉飯同牛角燒牛肉飯生薑豬肉飯都幾好食 不過就無牛肉飯咁香口牛角燒牛肉飯啲牛高質啲 無蒜香牛肉飯啲牛咁肥 同埋啲牛肉汁濃味啲 不過就要$43 講抵食都係溫泉玉子蒜香牛肉麵性價比最高

輪候時間真係等好耐, 等野食既時間都真係等左好耐,  入面冷氣真係好大, 最後我真係凍到病左。野食係OK既, 但係入到去先知冇LUNCH SET, 只可以單點。利申:冇GOLD會員

想食日本嘢跟住突然間諗起未試過牛角，第一次試晚餐，係用電子點餐，有二人餐選擇叫咗HSBC專有二人餐~都幾多嘢食下~有好多菇菜，可以燒啲菇，用牛油燒菇很香、有bbq風味。另食物份量很多二人食很飽。牛板腱肉很好、很香牛肉味，另外豬同雞都不錯肉自己燒能控制燒熟度，考自己功夫。飲品方便點咗牛角特飲及活乳酸梳打兩個飲品都唔錯。

以前都幾鍾意牛角，連鎖式嘅燒肉餐廳算係便宜。可惜今日一去，大失所望，不吐不快。原來而家排隊攞飛等位入座嘅制度唔單止有分人數ABC三組，仲多咗一個所謂嘅S飛。S飛係牛角集團嘅金會員攞嘅飛，用意係優先攞飛，換言之係無論你A飛B飛C飛幾早嚟到等都好，只要一有S飛，S飛就會打你尖入座。當日現場大概有40個人等緊位，觀察到無論餐廳入邊有幾多人食完出嚟都好， ABC飛係絕少會嗌飛，全部喺S飛一嚟到就比佢哋入座。上返牛角集團嘅官網發現，攞S飛嘅金會員係憑着喺牛角集團餐廳消費超過大概$12,000得到會籍。集團利用會籍換取顧客嘅loyalty 我並唔反對，但係現場員工對ABC飛客人嘅態度甚為惡劣，亦觀察到餐廳內有幾張空枱已經清潔完畢亦都唔俾ABC客人入座，似乎係刻意留返俾S飛。結論係，牛角午餐套餐固然係平，但係你有冇時間去等兩個鐘或以上，用自己時間去換取金錢？講真，附近其他又平又好食嘅餐廳大把。經過今日經驗，我個人以後都唔會再食牛角，無必要用錢買辛苦。

鐘情於燒肉既我一起身就想食牛角✌🏻之前都試過食呢間要排好耐隊，今次醒喇出發前就先download 定kabu app拎定籌。上車前見到前面有成20幾張枱🙂 落車之後一路係個app到望住排隊情況一路係附近行街，就叫到號碼時先出現。由個app拎飛起計都足足等左1.5小時先食到😂好彩用app睇咋如果唔係係現場等真係等到石化~今次2條友叫左3味，一黎就係六品盛合。肉肉肉肉肉，燒汁味睇唔出食唔出。牛舌最好味，其他普通，有d仲未完全解凍。然後叫左個香䓤溫泉蛋紫菜飯，香葱得幾粒，幾乎係食唔到。不過紫菜咸咸地咁樣撈飯係唔錯，之前食過一間會加埋牛油一齊撈仲正。38蚊加一既呢個飯，抵唔抵食就見仁見智喇。最後叫左個泡菜豆腐海鮮湯，有硯有幾粒細細帶子，味道適中，唔會太濃，豆腐無敵咁大舊成餅咁車入去。總括：要排1.5小時就唔會食喇，不過不失，無驚喜又不至於難食。唔會番尋味～用app排方便好多。

我本身非常鍾意食烤肉，無論韓式同埋日式都啱，今次相約幾位朋友一齊去食烤肉。我哋叫咗拼盤、牛舌、牛肋條、湯、飯、同埋一啲蔬菜。牛肉拼盤同牛肉嘅種類繁多，可以試均唔同嘅嘢，可惜每款都冇乜特別，味道一般。牛肋條同蔬菜亦乏善可陳。牛舌係全晚嘅烤肉最好食嘅，肉質不錯，我哋後尾再追加左一碟。朋友叫咗紫菜飯，因為我唔食紫菜，所以冇食到，但係佢哋話啲飯都好靚，配埋紫菜食值得推介。我就叫咗個湯，因為食太多肉覺得好油膩，有個湯配合嘅話可以清一清腸胃，所以呢個湯係絕對有必要嘅。至於環境方面，擠迫亦都好嘈，要傾偈嘅就唔好揀呢間餐廳喇。

和牛燒肉の夜每次經過牛角都是長長的人龍，這次我們排了近一小時，終於都嚐到。和牛比想像中一般，跟其他平價的牛類沒有太大差別，唯獨推介一口和牛和鹽味牛肋骨，不錯吧。最後的千層蛋糕驚喜地好吃！

星期四晚去食，由6點拎籌等到8先有得入去，建議想食既朋友一早拎左籌先，想係附近行下街一路行一路等。入去之前會問你有無會員卡，有既會有九折。入座後會有部類似ipad既機比你點菜同埋叫人服務(例如加水，換燒烤網，埋單等等)。我地兩個人就點左兩份魚，一份牛角飯，一份石鍋拉麵，一份一口牛，一份牛油金菇，一份牛油帶子，兩份辣雞。個人認為個辣雞真係幾好味，個辣汁唔會太辣但好有風味。石鍋拉麵雖然無配料(會隨芝麻上),但好大份同幾好味。一口牛可以我燒得唔好，無咩特別，下次會試其他牛。其他野都好食但唔係話咩特別野。最後埋單每位2百蚊，好豐富好飽，算抵食啦。

我成日行過，見到好多人排隊架，平時已經好想食架喇，咁啱今日約左個朋友仔下午出去銅鑼灣，所以黎博下機會睇吓有冇位😋😋，冇咩人排隊，等咗一張枱左右，就有枱了。下午茶有七折優惠實在太好了😍😍😍😍😍，叫咗一個牛餐（即係咩都有d）另外一個好似係雞同豬 2個人 share 食😋😋。個餐有包麵豉湯、沙律同埋牛角飯（我最愛的紫菜呀❤️❤️），呀仲有杯飲品😅😅2個人慢慢燒下，食下，傾下計，本身個牛角飯都已經好多，所以都好夠食☺️☺️

呢間牛角喺和你 Eat見到😱💛長期喺銅鑼灣都超級多人排隊，有時9:00幾仲有人龍～·長期排隊嘅關係，由拎飛到實際入去大概等左大半個鐘左右～等到就快餓死啦·入到去就用電子落單嘅方式叫咗幾樣野，由於我哋每人叫咗個牛角飯嘅關係，肉類都唔係叫咗好多～·燒肉六品盛有齊牛肉、豬肉、雞肉，其實最驚呢一啲要自己燒嘅肉類好難拿捏火候😂😂我哋有好幾舊都燒到過熟，唯獨係舊雞肉真係滑滑地咁🤧·個蒜蓉牛油金菇，令我諗翻起BBQ成日食嗰啲～唔錯唔錯·牛角飯就必叫，配肉食一流，好鬼多紫菜鋪面，飯內又有肉汁🤤一人一個最開心·整體來講，我又唔會覺得呢一間特別好食，不過過吓手癮有得燒下燒下幾開心囉🤪🤟🏻-青瓜墨魚咀｜$32燒肉六品盛｜$238牛角飯｜$29-牛角日本燒肉專門店 銅鑼灣告士打道311號皇室堡1樓112-115號舖-