牛角日本燒肉專門店 (皇室堡)

營業中

休息中

之前做緊promotion都只係$288就有二人任飲任食嘅放題！仲要豬牛雞都有🥹勁開心牛角飯超多紫菜撈汁勁好食🙏🏻仲要可以揀嘅款都幾多✨佢嗰個嘅海蜇前菜又多海帶🥹仲要麻油椰菜勁香‼️食得超滿足🥹🤍叫咗勁多一口牛同埋生菜🤭醬汁依然係燒肉汁或者係鹽味最好食！我覺得最感動嘅係平時咁多客佢依然做呢啲promotion🙏🏻呢個價錢全日都有👍🏻真係好抵佢哋愈做愈大愈嚟愈成功🥹👏🏻👏🏻

同朋友仔一早諗好左收工要食牛角，貪佢周圍都有，又可以用app拎飛。星期一既夜晚好快就有位，埋單仲有驚喜，原來星期一幫襯仲有額外既八五折，抵😼🐄極上燒肉五品盛合揀左鹽醬，分別有美國上級牛頸脊，壺漬日本國產牛肩胛肉，王樣！日本國產牛肩胛肉，牛角上級牛肋肉同埋日本九州極上黑毛和牛牛肋肉🥩每份肉都有一定質素，尤其係原塊上既牛肩胛肉，肉味最為濃郁，油脂係口腔爆發，入口多汁，諗返起都好回味🤤其他肉肉都好嫩滑唔韌，可以一口咬開，cp值幾高！👅厚燒牛舌名乎其實咁厚身，同樣揀左鹽醬，用鹽吊出牛肉既鮮味！牛舌有嚼勁，燒至外面小小焦脆裏面就軟身，口感一流。雖然同日本無得比，不過係香港食到咁既質素都收貨🫶🏻🥢牛角冷麵冷麵好有咬口有啲似中華冷麵既麵質🥰配料都好豐富，有溫泉蛋🥚兩片叉燒，雞絲，京蔥，一大堆泡菜同青瓜絲🥒，仲有曬左巨量白芝麻！湯底酸味味，非常清新又消滯，中和返燒肉既重口味！食既時候將所有配菜撈勻，唔單止令味蕾有多層次感受，仲食到唔同口感既食材，令人胃口大開。📍牛角日本燒肉專門店銅鑼灣告士打道311號皇室堡1樓112-115號舖

餐廳：牛角日本燒肉專門店地點：銅鑼灣皇室堡菜式：日式燒肉餐牌：主餐牌有前菜，沙律，燒野菜，水果，素肉，牛肋肉，熟成牛，牛頸脊，牛板腱，牛舌，內臟，燒肉盛合，和牛，豚肉，雞肉，海鮮，麵飯，湯，甜品。落單用手機落單。薄燒牛肉山 $178 另加一醬汁三選二，包括黑松露野菌醬，秘製芫茜醬同蒜味韭菜醬，我地揀左前兩款，原來係分開上，似前菜多d，好搞笑。菇片爽口，個黑松露醬油油地，不過都香。個秘製芫茜醬好清爽，不過芫茜味唔算出。牛肉係牛板腱，不過都唔係山既，上枱已經塌左落黎。一共10片左右，切割都靚，都算嫩，不過本身無醬汁，自己點。特選燒肉六種盛合 $312 另加一特選燒肉六種盛合包括以下六款肉，每款4塊，面頭灑上白芝麻粒：熊本豚梅肉：算嫩豚肉燒：頗肥，油脂豐富肩脊肉：都唔夠嫩美國上級牛頸脊：呢款最嫩牛舌：有咬口雞腿肉：都頗嫩醬汁3選1，我地揀左燒肉汁，味道都好好呀。韓國辣牛肉湯拉麵 $75 另加一韓國辣牛肉湯拉麵係幼身彈牙麵條，配有嫩口牛肉粒，大量韭菜，京蔥，辣泡菜，蛋花，同芽菜，面頭灑上白芝麻粒。個湯都少少辣。牛肉粒個醬好味道。今餐燒肉質素算可以啦。特選燒肉六種盛合性價比都過得去。薄燒牛肉山牛

牛角相信都係一家供應好好食嘅韓燒的餐廳，除咗啲嘢食非常高質，而且仲有好多種類可以選擇～首先，他們的烤肉真係好好食，好鍾意食佢哋嘅和牛🐄肉質鮮嫩多汁，個人認為叫佢嘅拼盤會抵食啲，因為有唔同嘅種類可以是，而且都算多。同埋佢仲會有各種唔同既調味，可以滿足各種口味。另外佢哋嘅配菜都好豐富，通常我自己都會叫泡菜、燒菠蘿、雞髀菇等等，每個配菜都好味😋最後就係出晒名嘅牛角飯🍙配上溫泉蛋同埋紫菜，冇一間燒烤餐廳可以做到嘅好食，真係牛角先有嘅必叫食品‼️

如果人生四大美事要添一項，「有得食燒肉」絕對係首選。點餐個陣，我望住個屏風，突然諗起東邪西毒，呢度無得點醉生夢死酒，但有得食燒肉就已經令我醉生夢死啦。我唔係慕容燕或者慕容嫣，呢度無湖面俾我練劍，但有個烤網俾我用鉗，佢個外號係東方不敗，我又何嘗唔係有個外號叫燒肉不敗呀。午飯定食可以選三味，我一於高中低價位各揀一碟。78蚊嘅肩脊肉，嫰下Tiger，好食到Error；52蚊四片牛舌，牛舌我期望厚過姜濤，點知呢舖做神徒，因為佢喺薄切嘅，但理得佢姜濤定Anson Lo，一於放入自己肚。姐姐腦中充滿鏡仔，食到以為自己回春，唔識死點左個雞肝，幾十歲人今舖真係食到膽固醇超標。我唔係叉燒炳，燒味店個d外脆內軟先係王道，所以下次都係唔好慳，點多幾件牛。呢度白飯可以無限encore，食到你變肥阿哥。肥婆就無添飯啦，但十二蚊雪糕點可以唔加，抹茶雪糕配上黑糖黃豆粉，為這餐盛宴畫上完美句號，簡直係一百分。

餐廳：牛角日本燒肉專門店地點：銅鑼灣皇室堡菜式：日式燒肉餐牌：主餐牌有前菜，沙律，燒野菜，水果，素肉，牛肋肉，熟成牛，牛頸脊，牛板腱，牛舌，內臟，燒肉盛合，和牛，豚肉，雞肉，海鮮，麵飯，湯，甜品。落單用手機落單。SRF美國極黑和牛座布團 $298 另加一SRF美國極黑和牛座布團一客13片，圓圓一大碟，賣相不俗，一邊加左白芝麻粒，一邊加左蔥花調味。座布團係位於肩里脊肉至肋骨肉之間，因為形狀看似日式座墊而命名。座布團好薄切，唔好燒太熟都唔錯。蔥花好香，芝麻味都好濃，各有所長。燒肉汁味好好味。呢個價錢都唔算太貴。美國上級牛頸脊 $95 另加一美國上級牛頸脊一客5片，面頭灑上白芝麻粒。都夠厚身，質感嫩口，食落多汁，燒肉汁好味道，唔錯。特選燒肉六種盛合 $312 另加一特選燒肉六種盛合包括以下六款肉，每款4塊：熊本豚梅肉：算嫩，不過豬味欠奉豚肉燒：半肥瘦，好脆口肩脊肉：都算嫩而多汁美國上級牛頸脊：更好食牛舌：算咬到，唔算太鹹，配有檸檬汁雞腿肉：就無雞味，不過可以自己燒到脆皮醬汁3選1，我地揀左燒肉汁，味道都好好呀。韓國辣牛肉湯拉麵 $75 另加一韓國辣牛肉湯拉麵係幼身彈牙麵條，雞蛋味香，配有嫩口

要數場地乾淨企理、位同位之間又夠闊落、食完個身唔好咁大陣燒烤味既燒肉店，一定會諗起牛角😍 本身以為收工既時間會好多人等位，點知用app拎飛既時候發現都只係等2張枱only，所以即刻飛過去😆牛角十品燒肉盛盒 (燒肉汁) 十品盛合即係有十款唔同部位嘅牛肉，每款兩塊。佢哋用左一塊牛形既木板上枱，幾特別。10款牛肉包括厚燒牛舌、肩脊肉、特選熟成牛、美國上級牛頸脊、牛角上級牛肋肉、日本九州極上黑毛和牛肉眼+牛肋肉+西冷+一口牛，同埋一款隱藏版牛肉😍 牛肉質素唔錯，尤其黑毛和牛的牛味濃，油脂分布平均，燒完之後超香，油香味充斥住整個口腔🤤 香蔥溫泉玉子飯食牛角真係必點牛角飯！大量紫菜加埋蔥、蛋🥚同秘製醬汁，我仲特登叫左多蔥&多醬😆 真係好味到想再叫多一碗😋 (可惜我細食🤭)Sapporo 生啤 500ml食日式燒肉又點可以冇啤酒🍻？於是就點左一杯Sapporo黎啤啤佢😆 呢款啤酒好容易入口，不知不覺就會飲哂🤪

放lunch 走到銅鑼灣食牛角，見人話lunch set 都抵食就去一試😅，我未食過牛角的🥹，只是平時在奧海城店外晚上都總是堆滿了等位的客人😂12:45唔多人，大約坐了4成位，不用等位就可入去😃，四人枱，坐下看著窗前維園的景色多麼悠閒啊😀Order 了燒肉定食，可㨂兩或三款肉，我㨂了牛板腱，一碟4片，$75，另一碟是網燒一口牛，一碟5 粒，$55，有湯，沙律，白飯/牛角飯（可免費添加）和飲品，加10%，約$150 ，我平時lunch 都係約$80-$90，這餐都算貴😂，我平時都鐘意食野，所以這餐唔太飽🥹，散叫一碟都起碼$55, 幾貴🥹，下次試buffet 會抵d😅牛肉都已不錯😉，點了燒汁和很美味鹽醬，真是錦上添花，肉和醬的味道非常夾👍😋，湯，沙律和熱柚子茶都是有一般的水準🙂

今晚晚餐黎左久違既牛角日本燒肉專門店食燒肉。晚上5時半入座，唔洗等位。不過入面原來都有好多人。主餐牌有前菜，沙律，燒野菜，水果，素肉，牛肋肉，熟成牛，牛頸脊，牛板腱，牛舌，內臟，燒肉盛合，和牛，豚肉，雞肉，海鮮，麵飯，湯，甜品。好多食品之前放題都包，可惜而家已經無放題。落單用手機落單。日本九州極上黑毛和牛牛肋肉 $142 另加一日本九州極上黑毛和牛牛肋肉一客6件，醬汁3選1，我地揀左燒肉汁，面頭有白芝麻粒。極上黑毛和牛牛肋肉肉質果然嫩口，牛味濃又多汁，個燒肉汁好惹味。熟成牛板腱 $109 另加一熟成牛板腱係經過靜置同天然發酵。牛板腱一大塊份量唔少。我地燒到大概8成熟，食落都淋，不過無乜肉味。質素唔得。牛舌三品盛合 $145 另加一牛舌三品盛合有牛舌4塊，厚燒牛舌鹽醬兩片，角切牛舌6粒（用黑胡椒蒜蓉調味）。牛舌好有嚼勁，味道少少鹹。厚燒牛舌無咁韌，都唔錯。角切牛舌少少脆皮，有咬口，啖啖肉，呢個更加好味。日本雞腿肉 $62 另加一日本雞腿肉一客5件，醬汁4選1，我地揀左辛味醬汁。皮都燒唔到脆，肉質算係嫩，味道無特別。少少失望。味醂魚乾 $62 另加一味醂魚乾一客11條左右，另上沙律醬。燒到

想要坐得舒服，食完個身唔好咁大陣燒烤味，價錢唔貴又嘆到高質素燒肉，肉類款式選擇又要多，第一時間諗到嘅一定係牛角。乾淨企理，手機點單超方便，好快就有得食。首先必點牛角飯🐮🔺️🍚，大量紫菜加上蔥同秘製醬汁，真係好味到大人細路都添完又添！😋 雞腿肉🐔係必點，燒完嘅雞柳又嫩又原汁原味，啱哂小朋友食。味噌豬頸肉🐷都係超級推介，味噌醬汁入哂味，燒完之後又香又好味！至於我嘅最愛一定係厚切牛舌🐮👅同美國上級牛頸脊🐮🥩！厚切牛舌夠哂厚，燒完唔會靭仲好有口感，必叫！牛頸脊燒到五成熟啱啱好，好香牛味！飲品方面首推巨峰提子梳打🍇，解油膩又唔太甜，走飲管既平又環保啲，餐廳呢個做法真係非常好。唯一可惜嘅係冇左牛油蕃薯，只得迷你蕃薯，冇咁香。

星期五就快假嘅節奏，又襯工作無咁忙，就快閃即慶出去食lunch。價錢相宜又想滿足度高，就近近地揀咗牛角。話就話lunch Time，其實都非常多人等位，好在同行友人係金卡卡主，有fast pass，前後等咗都無5分鐘就入得，如果唔係都幾難lunch time 排隊食燒肉。Lunch set 都幾多選擇，想自己揀2,3款又有(價錢$34至78)，一set配好都有，或者簡單丼飯又得，咁今次就試下佢一set啦。🍴燒肉盛六品 $149-牛舌-豬頸肉-雞腿肉-豚肉燒-肩脊肉-牛肋肉每款2小片，女仔份量其實都足夠。個人覺得燒肉嘅話，燒牛會比較好食。晚市嘅肉質素比百幾元set好啲，擺盤同味道都係，不過百幾元嚟講，佢交足功課，無投訴。午市重點係牛角飯，可以任添，鍾意嘅朋友仔唔好錯過。

去牛角又唔一定次次都要開爐食燒肉嘅，其實佢哋嘅定食都幾唔錯架，不過當中有兩款真係誠意推介。一款係石鍋泡菜牛肉飯，辣醬同泡菜好惹味，唔算太辣，連溫泉蛋，紫菜及靚牛肉撈勻食，簡直一流，仲有少少香口嘅飯焦添。另一款就係牛角冷麵，份量比想象中多，冷麵好有嚼勁，加埋温泉蛋、叉燒、泡菜及青瓜絲，真係非常開胃。

朋友係牛角銀卡會員，可遙距攞枱，唔使等位，星期一至五下午茶，可按午市餐目再75折，非常抵食。我們點了1客燒肉定食+1客牛角流自選3食，可試不同部位的牛，定食仲有飯、沙律、湯、飲品，再追加左2客牛角雪糕，十分滿足。

平時經過要等位，所以今次攞到位就食個大午餐🥰 午餐有沙律、湯、燒肉、牛角飯（可加$轉溫泉蛋牛角飯）燒牛肉texture 好好，唔會好韌 👍🏻又有牛味燒豬腩肉又香又脆溫泉蛋牛角飯真係好好味😋所以食咗2碗午餐可以無料追加牛角飯真係可以滿足每位嘅胃👍🏻👍🏻👍🏻 另外，我地叫咗沙律燒肉餐，就有Caesar Salad, 燒肉一碟（8件）同埋rice with cream of beef sauce. 沙律🥗份量足夠，沙律醬份量適中👍🏻因之前有張特選燒肉六品嘅coupon, 今次就兌換了😋😋 大碟又好味👍🏻

作為牛角會員，諗唔到食咩，又知道附近有牛角，就梗係要去食牛角呢，用app拎位，喺時代廣場行到過去就有位有得食。蒜香芫茜醬熊本豚梅肉$79.0呢一個芫荽豚肉，每一次都係必叫item，本身啲豚肉已經用鹽水腌好，另外會比一個錫紙兜入面仲有新鮮芫荽同埋蒜頭，另外再燒熟，咁啲肉都燒好之後就放埋一齊食。辛辣味噌膳良豬凍豆腐$29.0個人覺得佢嘅味道好難食，好奇怪🥲感覺好似有啲凍咗嘅麵豉湯，然後加咗少少辣椒油😨不過同行朋友就話好好食自己一個人食極上燒肉五品盛合（原味）$345.0每一款都唔係話有好特別出色，除咗最近嘅日本九州之外，其他都唔會話特別油份香或者肉味重，所以有少少失望🥲🥲🥲王樣!腹胸肉（蒜香味噌醬）$95.0牛角飯$32.0- - 多蔥