影片
更多
2020-11-21
1157 瀏覽
以前都幾鍾意牛角，連鎖式嘅燒肉餐廳算係便宜。可惜今日一去，大失所望，不吐不快。原來而家排隊攞飛等位入座嘅制度唔單止有分人數ABC三組，仲多咗一個所謂嘅S飛。S飛係牛角集團嘅金會員攞嘅飛，用意係優先攞飛，換言之係無論你A飛B飛C飛幾早嚟到等都好，只要一有S飛，S飛就會打你尖入座。當日現場大概有40個人等緊位，觀察到無論餐廳入邊有幾多人食完出嚟都好， ABC飛係絕少會嗌飛，全部喺S飛一嚟到就比佢哋入座。上返牛角集團嘅官網發現，攞S飛嘅金會員係憑着喺牛角集團餐廳消費超過大概$12,000得到會籍。集團利用會籍換取顧客嘅loyalty 我並唔反對，但係現場員工對ABC飛客人嘅態度甚為惡劣，亦觀察到餐廳內有幾張空枱已經清潔完畢亦都唔俾ABC客人入座，似乎係刻意留返俾S飛。結論係，牛角午餐套餐固然係平，但係你有冇時間去等兩個鐘或以上，用自己時間去換取金錢？講真，附近其他又平又好食嘅餐廳大把。經過今日經驗，我個人以後都唔會再食牛角，無必要用錢買辛苦。
原來而家排隊攞飛等位入座嘅制度唔單止有分人數ABC三組，仲多咗一個所謂嘅S飛。S飛係牛角集團嘅金會員攞嘅飛，用意係優先攞飛，換言之係無論你A飛B飛C飛幾早嚟到等都好，只要一有S飛，S飛就會打你尖入座。
當日現場大概有40個人等緊位，觀察到無論餐廳入邊有幾多人食完出嚟都好， ABC飛係絕少會嗌飛，全部喺S飛一嚟到就比佢哋入座。
上返牛角集團嘅官網發現，攞S飛嘅金會員係憑着喺牛角集團餐廳消費超過大概$12,000得到會籍。集團利用會籍換取顧客嘅loyalty 我並唔反對，但係現場員工對ABC飛客人嘅態度甚為惡劣，亦觀察到餐廳內有幾張空枱已經清潔完畢亦都唔俾ABC客人入座，似乎係刻意留返俾S飛。
結論係，牛角午餐套餐固然係平，但係你有冇時間去等兩個鐘或以上，用自己時間去換取金錢？講真，附近其他又平又好食嘅餐廳大把。
經過今日經驗，我個人以後都唔會再食牛角，無必要用錢買辛苦。
張貼