牛角日本燒肉專門店 (皇室堡)

營業中

休息中

今日老細話佢有牛角既積分就到期所以萬歲,我地就懷住興奮又期待既心情迎接我地既LUNCH TIME啦,一到1點立即9秒9跑去牛角,等左5分鐘就可以入去啦,個和牛牛肋肉煎到5成熟好嫩牛肉味都好夠,怕大家唔夠飽叫左三個飯,泡菜豚肉飯好一般泡菜太小仲要自己加個燒汁醬先夠味,石鍋牛油粟米牛肉拌飯用黎打卡影相真係一流,味道都好夠..有小小飯焦,脆口又不失牛油既香味有種外脆內軟既FEEL,最令我驚喜既係個溫泉玉子飯和一口和牛....滿滿既紫菜再加上玉子拌飯只係睇落普通但就係最好味最直接咁刺激我既味蕾,一口和牛汁多又順滑就咁煎一下4面就食得,入口好似會溶化咁,但牛肉味一直係口腔內唔散咁...又驚喜又滿足....但最緊要係咩呀..就係老細萬歲呀...

lunch time 近近地去左位於皇室堡既牛角食，平時晚市見d人等到天昏地暗點知lunch time時間又唔駛點等就入得喎。我地4個人一坐低就即刻叫左3個set，一路餓住咁等，好彩好快就有沙律頂住先而且仲幾開胃。食飽之後同事攞張會員卡出嚟順便埋單，見到人均$100左右以為計漏左原來同事除左用積分換左碟和牛牛肋肉之外，又換左個50蚊coupon嚟用，仲要會員有85折。。。計落，我地今餐慳埋慳埋都平左成200蚊！

可以用app卜枱留位+coupon有discounts用 (不過有指定店名). 牛角成日都爆, 銅鑼灣皇室堡都唔例外. 好彩唔係peak hour去, 所以都幾快有位. 坐窗邊, 好彩俾左張比較大既枱, 先放得哂所有野食! 上菜都幾快~ 沙律唔錯, 生蠔帶子都新鮮, 前菜黎講秋葵都算多~  D牛醃得太入味, 少少咸但OK既, 如果有名牌介紹返D牛肉會更好, 我都唔係好知邊份係邊份, 除左牛舌~ 鯛魚燒做甜品幾得意

【注：本題目不是指和牛西冷😂】話就話短期唔食日本料理，以免觸景傷情，不過牛角張百元巨額coupon就黎到期，加之生日月雙倍積分，最終都係重訪牛角，一人獨享燒肉割引的快樂！🤓其實牛角就快變成我家食堂，而且每次去幾乎都係叫果幾款牛，不嫐覺得佢d主打牛肉質素穩定有保證，特別係和牛，雖然貴少少也值得叫。香蔥溫泉玉子飯（$38）食日式燒肉，梗係要一啖燒肉一啖飯先過癮，香蔥溫泉玉子飯係我每次必點，麻油帶出紫菜和蔥香，紫菜狂人一本滿足👍🏻遺憾蛋黃過熟，tamago time failed飯香但調味淡，我通常會再加d燒肉汁撈黎食。送上和牛全家福一張：左上：美國和牛牛肋肉右上：日本和牛牛肋肉下：和牛腹胸肉和牛牛肋肉 黑松露月見汁 4片 （$109）和牛牛肋肉係我覺得牛角第二值得推介既牛肉（首推當然係薄燒月見黑毛和牛），味道純正芳醇，不需要燒得太熟，吃的是柔軟的口感和油花的鮮甜。而黑松露月見汁食食下會上癮，有改變味蕾的神秘魔力！就算唔叫呢款肉都值得單叫一碟，靚和牛點佢自然錦上添花；而資質平平、燒到徐娘半老的普通肉，遇著佢都會即刻化腐朽為神奇，教你食得津津有味齒頰留香！本身係滿分體驗，不過今次竟然4片都畀到

同同事lunch time嚟到 好彩唔洗等位本來諗住食任食 點知佢話呢間分店無唯有食午市定食嚟到都揀咗燒肉 兩款肉 每款4片 食得唔過癮 都有跟飯 似水既湯 飲品同沙拉埋單九十 ok啦

又食肉又食肉又食肉其實香港真係冇幾多間出名嘅烤肉店，牛角都算係表表者，但其實一直都話唔覺得佢嘅嘢特別好食，只係真係想食燒烤嘅時候有冇咩選擇我諗都有超過一年時間冇食烤肉，早兩日經過宜家傢俬行完街過去對面皇室堡睇吓有咩食，見到牛角燒肉又冇咩人排隊，拎咗張飛就入去裏面食下啦。果然價錢真係唔係平，一碟肉平均都要$80蚊，兩個人是但叫幾碟野都400幾蚊埋單 ，好似食左陣風落肚咁 食過就算囉

和家人補祝母親節，到牛角當一回食肉獸。星期六的晚市，六點半左右已有長長的人龍在等位，可提早致電或透過app 訂座。店內空間寬敞、空氣流通，衣服頭髮不會沾上烤肉味。套餐內的明太子雞胸肉沙津，內有大量的明太子！大皿燒肉內有極上和牛板腱肉、肩脊肉、牛舌、豚肉和雞肉。牛板腱肉牛味濃郁、肉質鮮嫩多汁，讓人一試難忘，吃完立即再來一盤。海鮮盛合的種類和數量也不少。牛角特飲由橙汁、菠蘿汁和白桃糖漿調製，酸酸甜甜正好解膩。

有無人同我一樣都鐘意食牛角🙌🏻😆-上年已經做左會員, 大部份時間堂食有九折之餘, 仲送左一系列高於會員費價值嘅coupon, 其實真係幾抵😛-✌🏻個人叫左4️⃣個肉類2️⃣碗飯~~-🐮王樣! 腹胸肉 (蒜蓉味噌)最鍾意食牛角嘅腹胸肉, 依個仲要係厚切🤩有牛味, 肉質好又夠林, 無乜油脂, 唔會食到成口油, 食多幾舊都唔覺膩😌-👅香蔥牛舌牛舌偏林, 唔係行彈牙路線😂香蔥我就覺得唔夠多, 雖然都好味, 但係唔夠香口🤔食過日本居酒屋嘅香蔥牛舌/豬舌咁正, 暫時喺香港搵唔到更好味嘅🙈-🍗芝士雞腿肉雞腿肉份量好多, 有腌過👍🏻🧀碎芝士同芝士粉用錫紙兜裝住, 雞肉煎到咁上下就放個錫紙兜上爐, 煮溶之後同雞肉一齊食~~味道方面我覺得偏咸, 但的確有驚喜❗️-🐷豬頸肉豬頸肉正正常常, 燒完之後表皮脆卜卜, 配鹽醬唔錯😋-🍚香蔥溫泉玉子飯黎牛角點可以唔叫個香蔥溫泉玉子飯‼️篤爆個玉子同香蔥紫菜一齊撈飯食, 無論就咁食定配燒肉食一樣咁好味❤️-

今日同一班超級大食嘅女人嚟到牛角，叫咗超級多牛，但其實食落都唔知食緊咩部位😂淨係認得牛舌😂之後唔夠飽要嗌飯，個溫泉蛋飯好好食呀，仲要有d紫菜喺上面！本來諗住share就算，點知忍唔住每人嗌咗個😂

今天約了朋友午餐Farewell，朋友大約12:20分到達並坐下，位置在最入面，由於我正在塞車，朋友先代為落單，12:30左右，我到達時已12:50，我們聊左一陣已經13:00，由於食飯時間緊迫，見重未有任何上菜就叫店員問問，個店員一路行一路答已經整緊，而且表示不會去看單的情況就直接走左去，最後我朋友直接行出去問經理，經理先去追首先上菜既竟然係我最後落既單-Set I海蜇柚子醋沙律+細牛肉飯+雞腿肉呢個係唔錯，酸酸地既柚子醋配海蜇，開胃我肉飯一般，飯同牛肉都唔熱，冷冰冰雞腿肉還好，不太咸，所以點鼓油係非常好跟住係牛角特選牛五品燒肉定食老實講，只可以話口感一般，不太新鮮紫菜飯魷魚，好厚身，比較難咬，由於應該無腌過無咩味，還是配以鼓油比較好呢碟係徧咸，最後還漏了杯乳酸梳打，其實現場有很多員工，又唔係十分多人，唔明點解錯漏百出，漏完單又漏野飲，某幾個員工不理客人，我問杯乳酸都遞左五分鐘手，有員工睇到扮睇唔到，只有個經理比較好，下次應該不會來這間，失望！

同同事做完嘢晏晝去咗位於銅鑼灣嘅牛角皇室堡食午餐，我哋12點鬆少少就到左唔需要排隊，店內環境十分之有空間感。同同事們都分別叫咗幾個set lunch,我哋都係點左F餐，F餐係有博切牛脷，厚切牛脷，牛肩，等等部位。套餐亦都包括左有沙律，湯，野飲，仲有個飯！首先講吓牛，我地點左鹽同埋燒汁味。同同事可以分開互相一齊share食，個人來講就比較鍾意鹽味、個人來講就比較鍾意鹽味多個燒汁味，因為可以食得出原味，唔會比醬汁蓋過食物。另外值得睇嘅係牛角飯，紫菜配搭埋特製醬汁撈埋個飯都絕對係送烤牛嘅不二之選！

今日同人去食牛角午市燒肉套餐。我哋各自叫咗套餐B（一款貴肉加一款cheap肉），另外有一杯凍或熱飲，我地就叫左凍袖子蜜👍🏼。啲嘢食都好快送到嚟，沙律同昆布湯都係普普通通，不過不失咁啦。肉嘅話我就揀咗牛助肉加豬頸肉，每款各四件。雖然啲肉好厚身同幾靚，但夾埋得八件真係唔夠滿足，唯有食飯塞飽自己。🤷🏻‍♂️🤷🏻‍♂️🤷🏻‍♂️加一後$90左右，lunchtime忽然想過下燒肉都可以考慮下。

之前試過旺角分店(放題)，但礙於唔夠大食，所以對我黎講單點會更化算，價錢平左，但食到既種類亦同樣夠多 牛角不論牛，豬，雞定海鮮既質素一向都高，基本上唔使點任何醬/醃肉都好食，值得介紹既反而係牛角飯配流心蛋，紫菜夠香夠脆，混合蛋漿同日本米令成碗飯都好香滑。由晚上六點開始已經見到有人排隊就知牛角係真心好食，價錢亦算合理，希望水準能一直保持

平時喺銅鑼灣返工想食好啲 但又唔知食啲咩好 就可以過嚟試吓牛角嘅下午茶 係午市餐牌嘅七折 前日放lunch同朋友一齊食 徐返埋每人都係60至$70左右有嘢飲有燒肉有飯有湯有沙律🥳🥳🥳都有有分A B區 而A區啲肉通常都係高級嗰啲。牛肋骨 肩脊肉 牛舌👅👅👅 胸腹肉 都係好好食 好有牛味 牛舌 超滑超爽口 叫我地都係叫咗呢啲 記住唔好燒太熟 唔係就冇咁好食而B區 就推薦雞腿肉 千奇唔好揀雞胸肉 會感覺唔夠雞腿肉咁滑 而豬頸肉都好推薦大家去食

牛角真係唔錯，肉嘅質素有保證，另外小妹真係好中意佢個香草雞😍同佢個辣豆腐，雖然小妹比較中意佢以前個做法，呢個加左肉碎同辣左，另外一點好重要嘅係：細舊左，btw有興趣可以試下。