牛舞日本燒肉‧涮涮鍋放題 (1亞太中心) (已結業)

好耐無出過街食飯，同時想食燒肉同火鍋，上網google下發現觀塘呢間放題可以同時燒肉+火鍋，仲要有日本和牛食，即刻打電話過去book位。咁耐無出來食飯，當然要叫最高的蕯摩和牛放題，仲包了啤酒任飲！ 除左和牛，仲要有刺身可以任食，質素都唔錯，但當然主攻是和牛。蕯摩和牛肉質細嫩多汁，油花豐富，食落有牛味之餘仲好香，個人覺得作為燒肉/火鍋都非常適合，當然燒肉會比較香，但火鍋就無咁膩。海鮮都係任食，虎蝦爽甜彈牙，香蒜牛油帆立貝好惹味，甲羅燒配上蛋液一齊燒入口嫩滑滿滿蟹味，甲羅燒都可以任食真係好開心。火鍋材料種類多，可以自已出去揀。甜品蛋糕種類唔多唔算有驚喜，但雪條竟然係明治雪糕！！好少地方有呢隻雪糕做方題任食的，每款唔會好大條，真係食多幾條試多幾款都得。整體食物質素唔錯，最重要係款式好多，可以一次過燒肉加火鍋真係好開心，而且有120分鐘完全唔會有好趕既感覺，絕對夠時間可以慢慢食盡佢。

同朋友一齊食，慶祝。 去APM 諗住試下新嘢睇下樓下廣告、見到又有鐵板，又有魚生，又有火鍋，一次過滿足晒三個願望，呢度係用QR code 落單都好方便，仲有機械人送菜，唔錯！食物既選擇都好多，各式壽司刺身天婦羅鍋物都有。好正既係佢安排左我地坐一個比較角落既格，好似獨立包廂咁既位，勁大張枱而且感覺好夠私人空間。午市放題 有幾樣嘢係特別推薦食既:各類鐵板肉類好夠曬新鮮同埋真係好厚切，不過肉類比較耐先到，建議一開始就即刻落左單先。醬汁鮑魚 好少日式放題店會有凍鮑魚食，值得點黎試下。甲羅燒 好香既蟹膏味！加鮮雞蛋壤來一起吃，鮮味！雪花牛肉 牛肉一啲都唔韌，雪花紋好靚，入口即溶！厚燒牛柳 呢個真係好正！每一粒既肉質都好，唔會俾曬啲肥位或者筋位你，食落係真係仲有啲肉汁既！

同姊妹二人相約食燒肉，難得見面當然食一間高質嘅燒肉。依家間就合晒心意，不單止有燒肉，仲有打邊爐同埋熱食。我哋食呢個套餐仲包埋清酒同啤酒，牛肉就係薩摩牛。見到佢嘅燒肉全部都好靚仔，仲有唔同嘅海鮮，甲羅燒都有。全部都係任食㗎刺身水準都唔錯，帶子刺身大大粒，吞拿魚同三文魚都不錯。火鍋材料種類多，全部喺出邊自助形式可以拎得到，肉類就可以經由QR code下單。薩摩牛肉，係來自鹿兒島。牛肉味道濃郁，油花平均，厚薄適中。 難得任食，當然要大啖大啖咁食。甜品種類選擇多，有我喜歡嘅角十捧，仲有嗰隻紅豆煉奶雪條。

之前疫情無咁嚴重嘅時候， 天氣少少凍，我哋就去咗觀塘新店豪食燒肉放題。 我哋擇咗澳洲樂天和牛套餐，仲可以試埋附送嘅牛舞拼盤，一次過食到多款和牛、雞腿肉同豚肉片，仲包括2 塊薩摩牛。以前比較少有放題可以食到薩摩牛，宜家多咗餐廳提供，質素參次，但今次薩摩牛牛肋肉略烤兩邊，入口香口又帶鮮嫩。如果升級到最豪華，仲可以任食薩摩牛。不過，我哋食和牛餐肚子已經好滿足，因為款式超多，有驚喜，每次可以叫大約10 款，但上菜幾快，輕鬆回本。 有啲特別款式：原粒雞腎、芫荽豚肉卷 同大過手掌嘅豚肉，仲有海鮮，牛油蒜蓉扇貝比較迷你，虎蝦都幾大隻，仲有燒蠔、鯖魚同蜆。除咗燒肉，仲可以好似日式放題咁， 任食刺身、天婦羅同串燒，可能本身係主打燒肉火鍋，對刺身期望唔大。三文魚同帶子新鮮程度一般，可以燒下再食，火炙左會好味啲，食咗少少其他刺身吞拿魚嗰啲就直接食返天婦羅。天婦羅唔算好厚粉，有茄子、冬菇同炸蝦等好多都係我鍾意嘅款式。 至於自助沙律吧、 熟食同甜品，我哋肚仔就無乜空間再試， 係食過啲炒通菜同比較硬身嘅牛腩，我哋都係俾大量日本雪條吸引咗，推介士多啤梨脆皮，仲有有宇治抹茶、波子汽水等口味。

牛舞日本燒肉九龍觀塘觀塘道 414 號 1 亞太中心 10 樓全層好耐無去食火鍋放題，係返工附近有間新開嘅任食火鍋，難得天氣凍咁就去食餐好啦。個火鍋湯底好多款式揀，花多眼亂，款款都好想試，而且佢有得同時間食住燒肉兼打住邊爐，再食日本刺身，一次過滿足哂3個願望！但價錢原來唔算貴，而且食物款式極多，食物質素又有保證！包你話抵！！話明係蕯摩和牛放題，和牛梗係唔小得，就咁睇啲肉紋就知頂級！佢有兩個大雪櫃，放哂啲火鍋必食配料，自己夾過癮好多，款式多到嚇親你。蔬果類都十幾款，食到你飽都得！飲品上至梅酒，下至即磨咖啡，都有得任飲！唔夠飽，有白飯任添，牛骨湯飲到你賴尿都重得呀！熟食都有幾款，照顧唔同雖要人士！重有唔同口味嘅雪糕雪條任你食！甜品款式多到呢。。。有我至愛嘅番茄湯底，食咩都啱哂啦！我就分別再叫鮑魚，清酒煮硯，串燒鰻魚，雞軟骨，海蝦，蟹殼蒸蛋，菜肉瓜，牛丸，粟米等，再加上杯朱古力，下次食放題一定再黎！

好耐無去過打邊爐、無食過放題、無食過燒肉，今日終於一次過滿足晒三個願望！無得晚市又如何？今日一於嚟到觀塘嘅牛舞食好嘢！我哋就嗌咗佢個日本薩摩和牛放題餐（$602），雖然以晚市嚟講唔平，但食物種類多，同質素高。一坐底就送上拼盤，有有美國和牛肩小排、安格斯一口牛、牛舌薄切、澳洲和牛腹肉、薩摩牛牛肋肉、美國雞腿肉同埋厚切豚腩肉，真係燒肉一流！肉質非常之嫩滑，而牛脂味更顯突岀。行岀去仲有小食同火鍋配料拎燒肉隔離就係邊爐，正！仲有魚生同多款小食甲羅燒加蛋真係必點呢個套餐仲包即磨咖啡、汽水、紅酒、白酒、清酒同梅酒都應有盡有！

知道觀塘新開咗間燒肉放題，即刻約埋閨蜜過嚟試下！對上一次食日式燒肉已經係幾個月前，今日我哋決定食豪啲，揀咗日本薩摩和牛放題因為佢係最多嘢食而且包埋任食涮涮鍋同埋任飲酒🥘🍻熱食同飲品嘅款式唔多，反正我哋都係想食燒肉同埋飲酒，所以影響不大！不過涮涮鍋嘅配料同埋醬料就好齊全👍🏻一開始梗係要食啲刺身開胃🤤帶子厚身有鮮味、日本甘蝦鮮甜、油甘魚入口甘香、三文魚肥美爽滑、吞拿魚不過不失😊入座之後餐廳好快手就送上一個拼盤：有薩摩牛牛肋肉、澳洲和牛腹肉、美國和牛肩小排、安格斯一口牛、厚切豚腩肉、美國雞腿肉同牛舌薄切！油脂甘香、入口即溶嘅牛肋肉同埋柔嫩有彈性嘅牛舌我哋真係叫咗好多次😍涮涮鍋肉類唔多，有薩摩和牛薄切、樂天澳洲和腹牛肉、美國和牛肩小排、安格斯肩胛牛肉同豚腩肉！我哋每款都有叫，最好食嘅當然係肉質鬆軟、入口即溶嘅薩摩和牛同埋牛味濃郁嘅澳洲和牛❤️虎蝦：肉質鮮甜爽彈🦐韓國蠔：煮熟咗都好大隻，好鮮味🦪香蒜牛油帆立貝：好多蒜蓉好惹味！香草牛油帶子：帶子大大粒😉磯煮鮑魚：肉質鮮嫩彈牙！甲羅燒：配上蛋液一齊燒，入口軟滑成個口腔充滿蟹味🦀鰻魚串：將外皮燒到焦脆，焦香彈牙😋炸芝士年糕：熱辣辣一咬落去濃濃嘅芝士流出

牛舞係一間主打食日式烤肉嘅放題店，佢地嘅放題分左五個唔同級數，越貴嘅Set除左可以任食嘅烤肉越矜貴之外，海鮮都會多啲款揀。另外仲可以加$58要埋佢地嘅火鍋湯底同加$48/人有任飲清酒梅酒啤酒同紅白酒。牛舞個場大得黎啲位都好闊落，最緊要係張枱夠大，唔怕叫得兩樣野食已經冇位擺。除左烤肉、天婦羅、燒物、刺身同飯麵要用QR code落單，其他野食例如沙律、火鍋料、熱盤、甜品同飲品都可以喺自助區拎。冷盤同沙律望落都唔錯，唔會碎濕濕咁，特別鍾意個酸辣鳳爪，唔會太辣酸酸地幾開胃。火鍋料選擇就唔算太多，因為始終哩度主打都係食烤肉，所以火鍋料都係以大路嘅丸同蔬菜為主。熱盤都有幾款揀，最特別係有肉骨茶，好重藥材味，啱晒而家凍冰冰嘅天氣食，食完成個暖晒呀！點品方面最有誠意就係雪條款式超多，係比較少喺自助餐見倒嘅明治雪條，有成九款咁多添！野飲方面，罐裝同樽裝野飲只有幾款，不過就另外有汽水機同咖啡機。火鍋醬油例牌都可以喺自助區拎。至於烤肉嘅醬料就餐枱上面已經搵倒。烤肉放題有五個唔同等級，以周末日間收貴黎計，由$218至$608，除左最平$218特上豚肉夜題外，其餘四個set都有送一次性嘅牛舞拼盤，裡面已經包括鹿

My wife told me that there is a high quality beef buffet and suggested that we go try it out this weekend. Gyumai by Beefar's was located at One Pacific Centre, couple of minutes walk from Kwun Tong MTR.The restaurant was spacious, with their seating very comfortable. They have drink, dessert, steamboat ingredients, salad, cooked items, soup, ice cream and sauce station placed outside for us to serve ourselves. For hygiene purposes, they do have a movable robot, helping to serve us food in order

呢個放題超級豐富，而且食物高質。有多款燒肉、火鍋配料、海鮮、小食、甜品等等。揀咗最豐富嘅日本薩摩和牛放題星期一至四$608/ 星期五至日$688。兩小時任食，真係超級滿足！我首先有牛舞拼盤，基本上已經有好多款唔同嘅肉，而且肥瘦分明，好靚！味道都相當唔錯。見到有刺身都叫咗一啲試。估唔到都幾新鮮！叫咗油甘魚、吞拿魚、三文魚、甘蝦、帶子刺身，刺身有光澤！鍾意食牛嘅我當然叫咗好多和牛😍牛肋肉、牛赤肉、牛肋條、和牛粒、牛舌、美國封門柳都相當好食！啲牛牛真係高質，推介和牛😋😋😋肉質油脂非常夠。好正！除咗肉，海鮮都係任食。磯煮鮑魚、甲羅燒、香草牛油帶子、廣島蠔、蝦等等。磯煮鮑魚真係好好食，忍唔住加咗幾次單。甲羅燒都好好味，蟹膏味非常香！廣島蠔非常鮮味飽滿！炸物亦都有天婦羅蝦、蟹肉忌廉餅、椒鹽雞軟骨、串燒等等，真係多到數唔晒。鍾意飲酒嘅朋友就正！多款酒類飲品任飲🍻有Sapporo 生啤、梅酒、清酒、紅酒、白酒。食完燒肉同埋多款食物已經相當滿足，都想試吓唰唰鍋叫咗少少肉。火鍋配料選擇都有好多，啱晒鍾意打邊爐嘅人！我就會鍾意食燒肉～😛出邊仲有大把多款甜品、雪糕，呢個放題真係好多嘢食、高質！

觀塘呢間燒肉好似係開咗冇耐嘅，見佢有薩摩牛放題就決定嚟試吓。佢間鋪喺高層，景觀好開陽，坐得舒服，燒肉店嚟講亦都冇乜有煙味。一上嚟就梗係叫蘺摩牛放題先😋呢度啲牛真係唔錯，除咗薩摩牛都有其他唔同類型嘅牛同位置，每一款亦都可以揀燒汁或者鹽燒或者原味。牛肉個質素係唔錯，肉味好香，尤其薩摩牛亦都真係食到入口即溶嘅感覺。選擇方面亦都幾多，除咗雞同豬之外都有唔少海鮮，比較特別嘅係甲羅燒，鮑魚仲有帶子，鮑魚係醬油入味，調味唔錯咬落都新鮮。出邊有自助吧有，少少熟食，飯同埋菜，可以喺出邊拎菜過嚟燒跟住包住啲肉食。另外都唔少得燒菠蘿，非常好味！除咗熟食亦都有刺身可以揀，基本上想食嘅嘢都有。甜品方面主打都係雪條，飲品選擇都好多，除咗有綠茶可樂正常飲品之外亦都有清酒梅酒可以揀。總括嚟講，過嚟食佢嘅牛同海鮮都已經唔錯，上菜亦都想得快，有見到送餐機械人添😂。

咁耐無食過燒肉，今日決定約朋友黎食番餐勁。發現觀塘有鹿兒島著名和牛品牌beefars開嘅放題店！一場黎到梗係食最好嘅薩摩牛放題！呢度首先上一盤靚牛，一致通過4%之奇蹟薩摩牛係最正嘅！油脂分泌平均，入口即溶，牛油四溢！另外肩小排就無咁肥，但係另一種感受，有咬口得黎，牛味依然出眾！另外我地點左好多海鮮，呢度嘅種類真係好令人驚喜！帶子都有分帶殼同唔帶殼，調味都分好多款。另外居然仲有甲羅燒！另外唔少得鮑魚，蠔，蝦呢啲。燒嘅時間要好好控制，如果唔係就好容易太熟。另外出面有得落生菜，可以包肉又可以自己炒黎食，我地燒完牛炒菜感覺超好食呢～飲品呢度有幾多無糖選擇，啱曬宜家怕甜嘅大家。甜品方面有好多和果子，中間有紅豆蓉，另外仲有多款雪糕，超級滿足。另外我地揀左酒類任飲，所以飲左好多sake~啤酒紅白酒都有不過就下次先啦。Sake味道都有啲水準架。呢度有上菜機械人，好得意啊！落單當然就係用QR code電子落單啦。

今個秋冬唔使旨意一班朋友BBQ聚餐了, 咁點算呢? 唔知係唔係咁嘅原因, 近期香港開咗好多BBQ燒肉餐廳,  今日嚟觀塘新開的牛舞BBQ+涮涮鍋店, 一爐兩味, 一次過滿足兩個要求。新店新科技, 一入場竟然撞到個人送餐機械。食店樓底高, 通風設備做得不錯, 埋單走人唔會成身都系燒肉味。手機點餐, 方便快捷, 除咗日本薩摩和牛及牛肉, 其它靚牛肉還有來自澳洲、安格斯及美國的和牛及不同部位的產物, 當然少不了豬、雞及海鮮類,  年尾食好啲啲, 今日order咗個較貴的薩摩和牛餐 ($568), 所以連生啤、紅酒、白酒及梅酒都係任飲的, 今日真係堅大塊耳朵。自助區還提供了不少飲品、甜品、少量熟食及打邊爐配料, 琳瑯滿目任君選擇。坐定定後, 先來一盤燒肉, 大家食完可以睇板再無限encore, 牛魔王已經唔知encore 咗幾多轉牛了美味items1.牛類 ~  和牛/一口牛/牛肩/牛肋骨/牛小排/牛腸/牛舌/牛肚......差唔多所有牛既部位都試勻曬, 質素很高, 特別係和牛, 有雪花得嚟唔太肥, 油香而不         油膩,  和牛燒過後燒出了部份油份, 香口而帶點爽彈的肉質, 白食不