牛舞日本燒肉‧涮涮鍋放題 (1亞太中心) (已結業)

觀塘呢間燒肉好似係開咗冇耐嘅，見佢有薩摩牛放題就決定嚟試吓。佢間鋪喺高層，景觀好開陽，坐得舒服，燒肉店嚟講亦都冇乜有煙味。一上嚟就梗係叫蘺摩牛放題先😋呢度啲牛真係唔錯，除咗薩摩牛都有其他唔同類型嘅牛同位置，每一款亦都可以揀燒汁或者鹽燒或者原味。牛肉個質素係唔錯，肉味好香，尤其薩摩牛亦都真係食到入口即溶嘅感覺。選擇方面亦都幾多，除咗雞同豬之外都有唔少海鮮，比較特別嘅係甲羅燒，鮑魚仲有帶子，鮑魚係醬油入味，調味唔錯咬落都新鮮。出邊有自助吧有，少少熟食，飯同埋菜，可以喺出邊拎菜過嚟燒跟住包住啲肉食。另外都唔少得燒菠蘿，非常好味！除咗熟食亦都有刺身可以揀，基本上想食嘅嘢都有。甜品方面主打都係雪條，飲品選擇都好多，除咗有綠茶可樂正常飲品之外亦都有清酒梅酒可以揀。總括嚟講，過嚟食佢嘅牛同海鮮都已經唔錯，上菜亦都想得快，有見到送餐機械人添😂。