牛舞日本燒肉‧涮涮鍋放題 (1亞太中心)

營業中

休息中

朋友成日都好想食性價比高既燒肉放題, 亦都想食最高品質既牛肉, 今次終於俾佢搵到呢間係觀塘既牛舞, 友人預先已經訂左枱, 入到黎被安排左坐卡位, 呢度D 位都幾闊落, 我地兩個人都坐左夠坐4個人既枱, 可能係因為佢可以同時火鍋同燒肉, 所以枱面既位都大D 我地揀左食最高等級既薩摩牛, 揀完冇耐店員就上左一盤肉俾我地, D肉睇落好靚, 係和牛級別, 我地都急不及待咁燒黎食, 入口個下真係令我好驚艷! 第一時間係讚朋友搵到間好野食! 和牛既味道係你口入面停留左好耐, 亦都唔會覺得太油, 我地食到一半都即刻order 多D 牛肉, 佢都幾快就送左上黎! 唔會因為D 肉靚而拖慢送餐時間! 我地中間都有出去拎下野飲, 都有唔少選擇, 最緊要有無糖茶! 夠哂健康~~ 已經約緊友人下次再帶其他朋友一齊黎!

日本薩摩和牛放題，真係豪華到不得了可以任意食124種食物，包括5款鹿兒島薩摩和牛，例如牛肋肉、牛舌、牛肋條同和牛粒等等。呢啲牛肉質地鮮嫩入口即溶，滋味濃郁，每一啖都好享受。除咗薩摩和牛，仲有其他各式各樣嘅豚肉同牛肉可以揀擇。佢哋嘅豚肉鮮美多汁，牛肉質地嫩滑，真係令人回味無窮。同埋，唔少得嘅蔬菜都有供應可以配合肉類一齊燒烤，增加均衡飲食。蛋糕不過，放題燒烤當然唔止止係肉類，仲有豐富嘅海鮮選擇。我特別鍾意食甲羅燒、帆立貝、蠔等海鮮，佢哋新鮮嘅味道令人難以抗拒。可以任意點選

呢日黎到觀塘牛舞食鹿兒島薩犘牛放題~ 真係超高質, 呢度係可以同時燒肉同打邊爐, 真係滿足大家既慾望,而我地兩樣都有做!!!!!!!!!! 其中燒肉真係岩哂我食!!!!!!!!!! 佢既牛肉油花分明, 食落口真係充滿油香, , 我最中意食佢既牛肋肉, 肥瘦均衡, 可以食到好多舊! 超正!另外佢出面都有一D 沙律同埋打邊爐既食物, 仲有一D前菜, 野飲同埋甜品, 可以出去慢慢揀, 仲有咖啡機添! 佢既牛肉咁高質真係冇得輸!！！！！！

天氣又凍番，放工同同事黎到呢間「牛舞」燒肉涮涮鍋專門店好有驚喜😊先講環境，我地揀左近窗座位，景色一流，而且呢度裝潢間隔比一般餐廳都企理寬敞，感覺好舒服，好岩同朋友邊食邊傾計👍野食方面，放題有3個餐選擇，我地揀左B餐 美國極上牛肉放題🐮先上既極上牛肉拼盤真係架勢😍所有牛既位置都可以一試由牛板腱扒、安格斯牛肋條到牛冧片，試完再按喜好係任食度點。而且每款牛都有至少2種口味比大家選擇我個人就極鍾意壽喜汁既牛肋條😋雖然係燒肉主打，但海鮮同鍋物都好有誠意👍火鍋揀左黑松露牛骨湯，第一次試估唔到咁match咁好味😆海鮮類虎蝦、韓國蠔都一樣新鮮惹味👍最後不得不讚既係甜品😍除左有成個甜品櫃任君選擇，最正既係任食日本雪條😍平時廿蚊支唔捨得買既meiji 雪條竟然可以款款任食😋大家記得預番時間食甜品啊👍最後要讚既係服務態度👍侍應會認真介紹唔同套餐既食物選擇上菜速度快最後溫馨提示最後用餐時間唔似出面食肆咁催你走呢d都係我會再黎既原因👍P.S. 下次期待點A餐薩摩和牛🤭長者有優惠，可帶埋長輩黎歎😊

正當👦🏻諗緊燒肉好定火鍋好 然後俾我哋偶然見到牛舞 有火鍋又有燒肉🥩🥩🥩小朋友先做選擇🤷🏻‍♂️我哋一於兩樣食晒佢🕺🏻🗽美國極上牛肉放題 $348 (星期一至四)100分鐘時間 有97款野食 冇得頂🤩🔸️極上牛板腱幾厚身 適合做燒肉 味道濃 質地結實而吾油膩✌🏼🔸️安格斯一口牛幾有驚喜 熟左之後肉質都仲好腍👏🏼🔸️日式牛五花薄切呢款可以打邊爐同燒肉 一牛兩味放入壽喜燒湯 索曬湯汁 甜甜地 加埋蛋醬 再滑溜啲😚燒肉既話輕輕一煎就搞掂🔸️燒生蠔用牛油蒜蓉香蔥燒 非常惹味🔸甜品甜品有好多選擇 雪條都有四五種味 仲有mochi 啫喱仔同埋其他自家製甜品選擇👍🏼餐廳仲有自助bar 有蔬菜 前菜 野飲簡 幾多選擇💭今餐滿足曬👦🏻食肉獸嘅慾望 同時又可以滿足👧🏻邊爐引同甜品胃 正🙌🏼

今次介紹呢間觀塘抵食放題，因為放題多數都係刺身火鍋燒肉是旦一款，但牛舞竟然係全部都有曬呀😍佢地有3個牛肉set 連和牛都有 ，+$48仲有刺身任食 🚨1 個價錢有曬涮涮鍋同燒肉食 真系大滿足🌟# 美國極上牛肉放題 $348 (星期一至四)我地簡左set B，有多達97 款食材除左牛肉、海鮮仲有前菜小食壽司卷物等等. 另外仲會送上美國極上拼盤，賣相吸引，種類幾多，有六款不同牛部位切片，啱曬牛魔王. # 美國極上牛板腱厚身得黎肉味濃，質地結實，唔會一燒就散。除左原味外，仲有燒肉汁、韓式辣醬、壽喜燒汁幾款味簡，非常好👏🏼# 安格斯牛肋條size切得幾好，一小口。肉質腍，油脂唔重，食多幾條都仲得😂# 牛舌手掌✋🏻咁大塊食落爽口😋# 肉鬆鰻魚卷鰻魚肥美，肉鬆味道鹹鹹地，原來都幾夾😚食到咁上下整返件手卷帶來點點小清新！# 生蠔虎蝦🦪原隻連殼燒，落左啲🧈牛油蒜蓉調味，好惹味。虎蝦🍤都幾新鮮。餐廳有自助吧，提供不同既前菜，例如椰果，菠蘿，中華沙律等。又有大量野飲提供，最驚喜系有自家製花茶飲，幾有心思。甜品方面，有泡芙，tiramisu，mousse cake，食得超飽！😋

早前約了好友吃飯 友人表示想吃燒肉 但我又怕fatfat 知道這裡可以燒肉加火鍋這就不怕沒有菜吃 所以我就同意了決定試試 ⭐️日本薩摩和牛放題用餐時間可以吃足兩小時可以一次過吃燒肉和火鍋配料食物種類繁多 包括多款肉類海鮮 內臟和蔬菜等 超級豐富還會附送賣相美美的高質和牛拼盤 🥩和牛有多款不同部位 不同調味選擇油花好美 分佈平均 肉質粉嫩 入口即溶只是奉送的和牛拼盤 已經值回票價🦀海鮮 有多款選擇 十分推介生蠔鮮甜多汁還有甲羅燒 是蟹膏加雞蛋 好特別帆立貝 大蝦 墨魚仔也不錯🍲火鍋 壽喜燒湯底甜甜的味道濃郁配料有六款牛肉豬肉 還可以到出面拿蔬菜菇菌丸類麵食🥤飲品 有多款汽水啤酒茶類飲品選擇🍨甜品 有日本雪糕和多款自家甜品供應還有我最愛的雪米糍😋吃了不少呢食物選擇豐富 配料品質不錯環境服務好 價錢合理 回本沒有難度

✨日本薩摩和牛放題用餐時間120分鐘 相當充裕有三款套餐供應 今次揀左A餐 日本薩摩和牛放題 奉送薩摩和牛拼盤套餐可以一邊燒肉 一邊涮涮鍋真係一次過滿足兩個願望 配料選擇多 仲有小食 飲品同甜品 相當豐富薩摩和牛拼盤賣相吸引 油花好靚 油脂分佈平均有六款和牛 包括是日稀少部位薩摩牛牛肋肉 內裙邊 一口牛和牛薄切 同薩摩壺漬牛肋條肉質軟嫩 啖啖油脂甘香 簡單調味已經好唔錯海鮮生蠔 有三款口味 新鮮飽滿甲羅燒 蟹膏軟滑鮮甜 有驚喜 推介另外仲有虎蝦 蒜香牛油帆立貝等等燒肉配料牛舌爽彈 雞腿肉嫩滑 雞腎爽脆 另有多款配料選擇湯底涮涮鍋方面 揀左壽喜燒湯 味道帶甜 配搭牛肉好夾 好惹味涮涮鍋配料有幾款款肉品 丸類 水餃 蔬菜同主食美國極上牛板踺薄切 肉質結實 肉味較濃安格斯肩胛牛肉薄切 肉質軟腍豚腩片薄切 肥瘦相間 肥美甘香蔬菜新鮮 食燒肉有啲菜食下 呢點幾好飲品選擇唔少 有汽水機 罐裝啤酒 樽裝飲品同冷泡茶等甜品有多款雪糕雪條同甜品總結：食物唔錯 時間充足環境唔錯 卡位闊落舒服服務好好 又夠主動幫忙換網收拾價錢可以 以食物質數值得

觀塘區又有一個食燒肉+邊爐 嘅好去處就係鄰近APM嘅亞太中心本身上面都有好多打邊爐同埋放題酒樓而且店舖需要排隊排好耐預訂之後好快都已經可以入座之前都有好幾次喺度用餐嘅經驗今次我哋試咗鹿兒島牛肉牛肉選擇都真係好多而且佢哋分咗數打邊爐同埋燒肉版本打邊爐配合返日式嘅感當然要咗個壽喜燒湯底湯底好鮮甜 配埋牛肉食再加埋啲烏冬好滿足要讚一讚依度燒肉個爐真係好好好有火氣之餘 吸油煙亦都好快薄的大片牛肉 熟得好快 配上醬料食好滋味熟食方面真係大推佢嘅手卷特別係肉鬆，鰻魚真係超正其他小食都好新鮮，即叫即做而且呢度仲有自助區亦都有啲炸物提供 價錢亦都唔貴 三百幾蚊一個人慢慢坐，慢慢食！

日本薩摩和牛放題套餐($548/位)坐低無耐，餐廳職員已送上薩摩和牛拼盤，擺盤賣相好精美，忍唔住打完卡就即刻燒來食下！拼盤有一口牛、牛肋肉、和牛薄切、薩摩牛內裙邊和壺漬牛肋條，以及一份薩摩和牛稀少部位，見到肉質油脂分布均勻，而已雪花好唔錯！一邊燒時已聞到陣陣牛香味，一放入口食，完全係有入口即溶既感覺，超好食！正正就係呢款薩摩牛，已好值得叫呢款套餐了！當中最好食係牛肋肉、一口牛及牛內裙邊，超濃郁好味，但食落又唔會好重油膩感。除了薩摩牛，仲有美國特選牛肉及不同款式的豬及雞肉，都唔錯的，每款肉都有唔同味道選擇！仲有唔同款式的海鮮，有帆立貝、燒生蠔、虎蝦及甲羅燒等，試了都覺得新鮮，不錯！套餐仲可以選擇打邊爐，簡了壽喜燒湯底！餐廳出面有唔同既火鍋配料、醬料可以選擇，有蔬菜和丸類仲可以ORDER其他肉類來淥一淥！仲有幾款卷物可以試，今次只試了櫻花蝦三文魚卷，都相當不錯，口感有層次。而小食就試了雞軟骨及甜蜜蜜蕃薯條，雖然係油炸食物，但食落油膩感唔重。最後，仲有不同既飲品及甜品可試，食完真係飽到要棒住個肚走，好滿足！

Happy Friday, 同朋友去左食燒肉!亞太中心地點方便，一個價錢有97款食物選擇，仲可以食埋涮涮鍋! 宜家仲做緊任食生蠔，正!我地揀左美國極上牛肉放題，先上一個極上牛拼盤。最愛美國肩胛牛肉薄燒巨切和牛舌，牛味重又好食!任食生蠔有幾款，最愛芝士生蠔，燒完有拉芝效果。海鮮仲有虎蝦和帆立貝，又大隻又新鮮。炸物最愛炸蝦和南瓜薯餅，好香口!涮涮鍋都有幾款湯底揀，有牛有豬有水餃!最後記得要食埋甜品，日本雪糕、雪條，甜品同水果，真係大滿足！

朋友見我想打邊爐又想韓燒，就話帶我去觀塘食一間兩樣都可以食到既餐廳！同朋友都簡左set A既日本薩摩和牛放題套餐($548/位)，套餐有烤肉及火鍋食，真係一次過滿足曬兩個願望！呢款套餐包好多不同款式的食物，包括不同種類的肉、小食、海鮮、火鍋配料、熟食、壽司，以及飲品和甜品！餐廳QR Code落單，超級方便，而且上菜同收碟速度快，唔怕食到成枱碟！未點菜前，餐廳會先送上薩摩和牛拼盤，包括是日稀少部位、薩摩牛一口牛、薩摩牛牛肋肉、薩摩和牛薄切、薩摩牛內裙邊及薩摩壺漬牛肋條（燒肉汁）！薩摩牛系列真係好好食，油脂分布均勻，雪花好靚，食落有入口即溶既感覺，口感超正。餐廳提供4款調味，本人最愛燒汁，同牛味好夾，食落更好食。呢款套餐除左有帆立貝、生蠔、虎蝦等，仲包埋甲羅燒，值得大家一試！其實除左薩摩牛系列，仲有其他款式既豬牛雞肉，友人試左話都唔錯，不過我今次主要食牛肉，下次可以試多D！至於打邊爐，餐應提供3款湯底可以選擇，我就簡左壽喜燒湯底，淥肉類、蔬菜及丸類食時更有鮮甜味，感覺健康D，無咁邪惡！小食方面，最愛甜蜜蜜蕃薯條及炸紫芋丸，兩樣都炸得金黃香脆！呢款套餐仲有燒蠔任食，有三款燒蠔選擇，個人最愛芝

第一次來這間燒肉店，原來有得燒肉又有涮涮鍋食，仲有生蠔放題，好抵! 自行掃ǫʀ下單, 非常方便, 用機械人送食物，又快又唔會漏單，值得一讚!美國極上牛肉放題 擺盤好靚! 有齊七款靚牛，有美國肩胛牛肉薄燒巨切、美國頂級牛板腱扒、日式牛五花薄切、美國極上牛板腱、安格斯一口牛、安格斯牛肋條和牛冧片。款款都牛味濃郁，輕輕一燒就食得，好正! 仲可以燒生蠔、海鮮、內臟、任食前菜、炸物、串燒、壽司和卷物。至於涮涮鍋就有牛板腱和水餃，自助區有大量火鍋配料……自助區仲有飲品、甜品雪糕區、飲品櫃及多款熟食供應，包你食到捧住個肚走!

今日收工唔知食咩走咗去食燒肉同打邊爐，以我認知香港應該剩係得牛舞先可以兩樣嘢同時進行，餐廳提供三款套餐價錢，自己揀咗中間價位嘅美國極上牛肉放題。坐低之後就出去睇吓有乜嘢食，自助吧提供炸魚皮、炸餃子、炸薯條、關東煮、咖喱牛肉、火鍋食物等等，另外仲有幾款甜品同生果提供。湯底有三款提供自己揀咗黑松露牛骨湯底，黑松露湯底味道勁濃郁，跟餐附送嘅牛肉拼盤有唔同部位嘅牛肉，有部份牛肉已經醃好味，放上鐵網燒完就食得。海鮮有多款提供，虎蝦最正大隻又彈牙。除咗有得打邊爐同燒烤同時進行，餐廳仲有幾款飯、炸物、串燒同壽司提供，所以食物種類非常多元化。

最近燒肉癮發作所以就約咗朋友去開餐，好想食啲高質靚牛所以叫咗日本薩摩和牛放題。落咗單冇耐侍應好快就送上和牛拼盤，其餘食物就要用 QR Code 落單，另外仲有啲熟食同火鍋材料放咗喺出面自助吧枱，飲品亦有啤酒提供。日本薩摩和牛真係無輸，啲雪花紋已經話我知有幾正，入口即溶牛味濃郁。海鮮有墨魚仔、多春魚、虎蝦、牛油帆立貝等等，質素都唔錯。吉列炸蝦同炸墨魚餅呢兩款炸物超好食，炸物上枱時熱辣辣又脆口，同朋友都一致讚好。雪糕櫃以明治雪糕為主打。