牛肉拉麵 (已搬遷) 新店位置

次次經過都見到門口有人排隊今次終於決定要入去試吓！ 店舖不大，但老闆娘好熱情幫我們安排坐位我哋揀咗牛肉牛丸麵同埋牛腩牛𦟌粗面！好驚喜..d面係即叫即拉的！而且麵質十分好！另外我地叫左兩個小食.. 涼伴木耳同埋雞腎，無記錯好似$10同＄15。今時今日仲有呢個價真係好難得！

即叫即煮的大碗牛肉麵！這次點的是牛筋牛𦟌雙拼粗麵 ($38)多青，是店裏的哥哥一下一下地打岀來的，他工作桌上都是麵粉和麵粉團，手作味超濃！當然也可選細麵。一上桌熱騰騰的，牛筋非常入味非常好吃，牛𦟌也很腍，湯底是牛肉湯頗淡口不過還是超熱 (不明白為什麼open rice上有人說是味精?!) ，而且份量是頗大，麵條好像一直吃都還有!! 這令我想起我以前在多倫多溫習的時候，也會在大雪天快快走到圖書館旁那中國小店吃這種牛肉麵。手作麵條挺薄身的，可是又不會斷開。店面小小每人吃完就走，菜單選項也不太多，清一色是牛肉麵，家庭小店味道甚濃 (貌似是一對年輕內地情侶主理)。不過也真是太飽了吧~~~~~ 不過我覺得我喜歡吃這些中國麵多過日本拉麵🤤

Delicious tomato soup base Shanxi noodles.Soup base is delicious with rich tomato taste, with onions and green onions along with cilantro. The noodles are handmade by chef at the restaurant.The beef is tender but would’ve been better if there more beef.Good light meal for dinner time.Overall I would rate this restaurant 4/5

平常路經過小店都見門外堆滿等位人, 今天路過竟然有位, 就算不肚餓也二話不說馬上內進嚐嚐牛肉麵店內數埋祗有6個座位.  因為不肚餓祗點了牛肉麵 (細麵), 麵可選寬.粗.幼看到師父即拉麵條即煮, 麵不消一刻就在眼前, 單看外貎也覺相當不錯 先喝一口牛湯....好味, 清甜中帶點牛顫味也微帶胡椒香未吃麵就先飲了半碗牛麵湯 拉麵入口柔順中帶點煙靱嚼勁牛肉不是平常見的一片片, 應是用牛肋條炆製, 入口稔滑充滿牛香牛肉需沒有濃濃的醬香, 但我卻比較喜歡這種偏向清湯腩的製法$30 一大碗實在好食又非常抵食

朋友話家附近有間吾錯的牛肉面，話這裡的人手拉麵 配 麻辣雞腎 這價錢的確抵食，而且仲要十分大碗添，最後叫左外賣返去食，的確超多面仲要最後食吾晒添。朋友叫左清湯牛展寛麵 ， 寛麵 口感比轉淋身， 清湯 底清甜， 牛展 都淋身，但味道偏淡。而我就蕃茄湯底 牛腩牛筋 粗麵 ，麵質粗麵口感比較彈牙，湯底 蕃茄 味都濃而有絲絲蕃茄係度，但牛肉味都淋但偏淡，不可不講面份量的確多到嚇親。雞腎 份量都多， 辣 度只屬小辣但夠香同香茜味重吾錯，而且雞腎處理好好，口感剛好吾太硬。

好唔起眼嘅一間小店，賣嘅就係簡單麵食，價錢相宜，當然位置稍逼，食完即閃就差唔多。麵有三種選擇，粗麵寬麵幼麵，論掛湯應該幼麵更勝一籌。老婆食牛展幼麵加鹵蛋（$40）：湯頭算清澈，但都算重味，稍鹹。拉麵口感好，手製拉麵，似係蘭州風味，份量頗大。不過，牛展同鹵蛋相對下比較失色。辣椒油辣味唔算太強，算係誠意之作。我食牛展牛筋寬麵（$38）：我呢碗麵，份量同樣咁多，寬麵煮過後有啲淋，缺乏煙靭口感。同樣，牛展同牛筋冇乜特別，都係麵好食啲，尤其係幼麵。

間鋪好細，得大概10個位（？）不過都唔洗等，因為啲人都好快食完就走，唔會喺嗰度打躉。叫咗碗牛肉麵。個麵條真係唔錯，口感適中。牛肉都幾林，香既牛肉味。可惜在個湯底比較普通得啲淡淡既胡椒味。碗麵都好快上枱，唔洗等好耐。

隨著機器化，手工架野越來越少手工面、手拉腸粉、手工包………機器確實可以令産品質量統一化，不變的味道就似而加周街餐廳車仔面架河粉，粗面，幼面.本來呢d先系主食，重點不過大家反而去比［湯］與［餸］呢間拉面但系比大陸任何一間蘭州拉面館依然有d距离當然唔比蘭州第一家馬子路小小間鋪，六个坐位吃著天下間沒同一模一樣的面條，系一种幸福面：口感外軟內硬湯底：牛肉：唔黐牙好架拉面要有一清、湯清。太咸，缺乏牛骨味二白、麵和蘿蔔片白。沒蘿蔔，面粉太硬三紅、辣椒油。沒試四綠、香菜和蒜苗綠，沒香菜。五黃，麵條黃亮，合格

睇到人地介紹，即刻黎試下先，雖然鋪面細細，師傅即場打岀手打靚面，湯底好清，蒜味較重，我喜歡食幼面，面質好彈牙。我先生食粗面，面質似烏冬，厚粉一點。另外店內岀名蕃茄牛肉麵，聞落湯底好似住家湯既味道，下次一定要試下，呢個面都係$38

今次呢個麵可以話係特登入黎紅磡食. 係FB乜假期見到, 真係好似好好食 (雖然乜假期十次有六次係伏), 上網又睇過人地講無伏, 先去試! 本身以為好大間, 原來親身去到睇出面連入面應該大約10個位, 但都有人排. 不過可能唔係咩特別野, 再加上地方淺窄, 好快食完又一轉, 等左唔太耐就有得食啦. 我同男友友一人食一個, 我鍾意寬麵, 佢就食正常. 我想話個清湯真係好好好好飲, 無乜油, 好清澈, 雖然我唔係D鍾意飲味精湯既人, 但見佢個賣相都忍唔住飲2啖. 個麵係彈牙, 係佢條條不規則既麵入面, 我見到一份心機, 佢可能無機打出黎既賣相, 但純對有份對麵團既愛(好似誇張左), 係大集團強權下, 好小可以搵得番呢份街坊既粗糙感覺. 個牛係入味既, 但更加令人回味既係果種人情味. 佢無華麗既裝飾, 無背景音樂, 但就係有種令人想不停番黎食既感覺. 十分推薦. 一碗清湯牛腩拉麵. 👍🏻

紅磡有好多寶藏有待發掘，如果唔係有熟路既人帶住，真係唔知道邊一條橫街小巷有啲咩美食。今日想食湯麵，黎到呢間其實連店名都唔多覺眼嘅麵店。舖仔細細，只有六七個座位，時常滿座。不過大家都係快快食完碗麵就走，唔會等好耐，食客亦都好自律，睇黎個個都係再三幫襯嘅熟客。一碗牛腩粗麵，一碗牛筋幼麵，湯底鮮味，撒上青蔥，豐富左整個味道。牛腩爽而不韌，牛筋係入口即溶嘅。麵條爽口彈牙，見到師傅係廚房入面不斷即拉嘅。個人覺得幼麵更勝一籌。男朋友去過蘭州，佢話係正宗蘭州拉麵嘅口味，大力推介。

今次走進紅磡舊區覓食，被選中的是蘭州牛肉拉麵，香港很少有正宗北方的蘭州拉麵，我也是第一次試到。鋪面很少，看似家庭式營業，人來人往，絡繹不絕，我也湊湊熱鬧排隊試試看。這裏沒有正規的輪候制度，但食客都很守秩序，這是小店吸引之處吧！輪候期間，店員會先幫我們下單，店內選擇不多，只有三種面類及不同的牛肉作選擇，是貴精不貴多。我點了牛肉麵，男朋友點了牛腩麵，我們都選了細面，即幼面。湯底十分簡單，沒有濃郁的味精味，有清清的香蔥及香茜，能襯托牛肉的鮮味！牛肉是粒狀，口感軟滑，沒有痴牙。牛腩也是粒狀，肥瘦適中，牛肉味很出！麵條也很彈牙！

出世就住紅磡，行過呢間拉面，男友話想試下，就買左兩個外賣，一個蕃茄湯牛肉面，一個牛展面。諗住平時行過都見到多人食，應該都ok，但一食落就覺得勁咸，湯底係好清，好似清水咁，食落好咸，只係有少少牛肉味。牛肉係幾淋，d面係幾好食，但個湯真係好唔掂，食完成晚都勁口乾，平時食面都中意飲埋個湯底，呢個我真係飲唔落。。。d 人話呢間係正宗蘭州牛肉拉面。。 但我喺中國西北食過嘅牛肉湯絕對唔係咁樣。。 可能我食嗰d唔係正宗？ 唔會再食。。。。

聽說紅磡這間拉麵小店已久，趁這天是閒日過來一試。店子在寶石戲院斜對面，店面不大，外面擺了一張檯，入面也只能坐六個人。衛生環境尚算企理🙂廚房是開放式的，能看見案板上一團團的麵團，客人下單後便即場拉製。麵條分細、粗、寬三種。平時都喜歡吃有口感的食物，所以選了粗麵跟寬麵。寬麵跟河粉差不多寬，厚薄也類似，所以不如想像般有咬勁（果然不是刀削麵的質感啊😅），是偏軟的那種。粗麵則挺有嚼頭的，但麵質實了點，少了點煙韌的口感。寬麵配的是牛𦟌$35，粗麵配了牛筋$32，按這個價錢來說，份量算不少。牛𦟌約6片，不厚也不薄，大小適中，質感偏腍，味道還可以。至於牛筋，口感跟味道也正常，沒有什麼驚喜。其實麵條端上來的時候感覺還挺喜歡的，因為我很討厭外面吃東西總是油膩得很，好像油不要錢似的，但這裡應該是用清湯或純粹用鹽水調味，所以湯水很清，沒有油膩感友人說湯過鹹，但我覺得還好，只用來調節麵的味道而不喝的話，還是可以的整體來說質素不錯，如果經過不妨可以一試

麵質好特別，睇得出係自己人手拉嘅，因為粗幼唔均勻，而家香港已經好少食到又平又抵食嘅手工拉麵，夠晒誠意。份量亦比預期中大，唔會話兩啖食晒果種，非常飽肚。牛𦟌牛筋都夠腍，食材質素唔差，份量足，湯底好清，一滴油都冇，啱晒我，又唔覺落左味精，食完唔會口喝，淨係呢點已經非常不錯，30幾蚊大大碗，話超級好味稱唔上，但以咁嘅價錢有如此質素真係幾抵食，起碼好食過好多賣成七八十蚊碗嘅牛肉麵，唔怪之得咁多人等位了。