牛肉拉麵 (已搬遷) 新店位置

是日到紅磡辦公人生路不熟正煩惱晚餐食咩就路過這家庭式小店價錢相當親民但吸引之處係手拉麵有寬麵/幼麵選擇選擇了牛肉牛筋寬麵($32)飲品($5)賣相一般卻相當足料寬麵麵質比較軟喜歡有咬口的可能不太合適麵條細長同一般刀削麵不同牛肉軟身 牛肉味淡牛筋軟身 亦一樣淡敗筆處為湯不夠熱

側聞紅磡明安街，"三河屋"對面開了一間小麵店以即製手打麵條作賣點，價錢是既便宜實惠味道也不錯。近來愛好吃麵而且手頭緊絀的我，當然就要去會她一會....店子連擺在門外的摺檯就只得八個位，若您要不用排隊吃得到的話，便要早一點過來了....一碗單拼餸麵還只是三十多大洋，來個雙併都只加三大元，換來的是滿滿的一大碗麵條，實在不可算是不抵食....我是專道為那手打麵條而來的。等待期間看著年紀輕輕的老闆在COUNTER親自手打精製，看起來確是似模似樣的....吃手打麵，小弟個人的心水之選一定是要粗麵。老闆吩咐落粗麵要花多少許時候弄熟，要久一點才可上桌....只要是能吃到令人稱心滿意的麵條的話，這一刻的等待，固之然值得....米白色的粗麵條呈微微鬈曲，是對版的；用口細嚼一下，夠彈牙亦帶韌勁但又不會硬崩崩的，是上乘的手打麵條....湯底有點鹹味並不油膩，很清。有人說過內裡有師傅，但對味精有些敏感的我喝後喉頭反並不是太大，結論是 : 就算有，份量亦不會多得讓人很不安....今天的料頭選擇是牛腩加牛筋。一如許多食友所言，水準只是一般，腩與筋無論在入味以至淰軟程度皆未至理想階段....若想更地道的話，可以在吃

下午到來。叫了一碗牛肉麵。有寬，幼，粗。三個選擇。湯，清且濃。面，很aldente。牛肉，一般。加了桌上的山西老陳醋，味道提升改善，希望店舖可加大。人撞人情況常發生

最近周圍覓食見網上介紹就衝去試下我本人較愛粗麵的確 ， 麵質很彈牙 咬落有口感 而友人則選擇幼麵 雖然亦有口感 不過麵質就偏腍 但還是不俗的！至於湯底，雖然網上寫係湯用多種材料亦有秘制配方，但事實上味道一般唔係太特別 而且食完口勁乾！食材味道不俗 牛夠入味 唯份量偏少例如我嘅雙拼 牛展三件薄 午腩三件細除此之外 網上雖然有寫麵唔夠可以免費加但注意事實係要加十五 不過麵的份量亦比叫雙拼麵的份量大唯淨麵湯底淡如水 (可能因為冇牛提味)所以大家可以叫一份淨餸 加兩碗淨麵更化算！整體算係不俗!

自從一次喺甘肅食過一次清真牛肉麵覺得果隻湯底嘅味道清而甜、手拉麵質一流之後就食唔番隻味。近日心痕想食，一search就見到呢間新野喺正三河對面夠就腳就去試一入店就聞到隻湯底味，我就知我無去錯地方！可以要多麵同選擇粗幼寬，一如既往都係要幼麵，覺得試到個手拉😛牛腩牛𦟌好入味，唔會過鹹，面質幼滑有彈性，$35真係超值

牛腩牛𦟌拉麵真的有水準拉麵又幼又有彈性，煮得剛剛好，唔太林唔太硬，啱我胃口！牛腩牛𦟌炆得入味，牛味鮮香，牛腩口感林而有咬口，牛𦟌保持爽口。值得一提，拉麵個湯底好淸好香牛骨味，是碗麵的靈魂呀！

紅磡三河屋附近新開既牛肉麵店鋪仔細細，入面只有6個位即使附近好多好野食，但日日晚飯時間都要排隊，依家終於知佢真係平靚正！-----------------------《牛腩 牛筋 幼麵 $32+$3（雙拼）》睇雜誌話靚仔師傅來自中國東北，拉拉麵拉左八年，你order完佢就立即拉比你！幼麵滑身彈牙，如果想再煙軔啲既可以點粗麵，而寬麵就比較軟身，老少咸宜。湯底清甜，色澤清澈而不油膩，大熱天時飲多幾啖特別舒服，飲左好多都唔口渴！牛筋煙軔偏軟，牛腩軟腍易咬，真心讚！-----------------------味道：⭐️⭐️⭐️⭐️⭐️（5/5）價錢：⭐️⭐️⭐️⭐️⭐️（5/5）舒適：⭐️⭐️⭐️（3/5）-----------------------牛肉拉麵 (紅磡)紅磡明安街25號地舖

紅磡一區有好多隱世美食, 見新開鋪頭, 又成日路過見到有人等位或者等叫外賣, 所以就走入去試試。 其實店面不大, 店裡頭只有六個位架乍。麵真係好似佢門口所寫, 手工製作架, 所以落單之後師傅會即刻拉, 等約五至十分鐘先有得食架，但係好既野食真係值得等!!! 重要既係佢地都係$28至32蚊, 真係好抵~~哩間店既肉全部都係牛, 我見過有旁邊既客人只叫過淨牛腩, 但對比過牛腩同牛展, 個人喜歡牛展多D, 覺得牛展整得好入味, 但又不至於太咸, 味道調節得剛剛好我個人好鍾意食麵, 佢地哩道既麵唔知係咪因為手打既關係, 口感好好，我個人就鍾意點哩度既粗麵黎食，特別再好咬口D，麵再加埋芫茜、蔥同清湯腩味既湯, 我覺得這個配搭真係好好食!!!!我係香港好耐無食過哩D咁好食同口感咁好既麵啦!! 同埋佢都幾大碗架~~ 所以我係哩間鋪試左第一次之後, 有時係附近食飯, 又會走返哩間平靚正既鋪頭度食。

今次食左個 牛筋牛腩粗麵，牛就不過不失，重點既手拉麵唔錯，有寬，粗，幼三種，粗麵質感唔錯，下次想試下寬麵環境一般般啦，地方光猛，乾淨仆理，不過坐位少，又迫，唔熱寧願坐街

歡迎又回到紅磡, 其實紅磡明安街兩邊真的很多選擇,而這家小店一直都想試, 見他開業了好像只有兩個多星期,但就是他的清湯牛肉味吸引到我去試它一下。果然! 找到了好地方!!!店面很小, 只可以坐十個人, 連同門口放置的三人枱,真的, 地方太小了... 這麼好吃的小店, 真的, 如果舖面大一點,那麼 lunch / dinner 時份應該不用等太久了吧。其實店內可以選的麵類不多, 主打都是吃牛的。有牛肉, 牛筋, 牛腩, 牛展, 牛肚 (我記得還有其他的...)麵方面可以選擇 寬麵 (好像刀削的那種, 但這家店不是刀削的...)幼麵和粗麵。而且多麵(即是加底)是不用加錢的!!!牛腩寬麵 HK$ 28這次我選了 牛腩寬麵。基於是即叫即拉即煮, 每碗都要等5-10分鐘, 看見師父在廚房不停拉...因為有人走就有人再進來吃...等了10分鐘, 熱騰騰的麵到了。湯頭很香, 加了青蔥更添香味, 帶出了湯頭的肉香。吃麵最重要的還是湯頭, 湯頭一點油也沒有。一口喝下去, 沒有味精, 不油膩就只有清湯腩的味道...真的, 它絕對可以把湯一口氣喝了。HK$ 28牛腩只有6小塊, 就是真的很有heart, 好久