影片
更多
2023-09-11
339 瀏覽
之前去過觀塘嘅牛站麻辣火鍋放題幾鍾意🥰有層次嘅麻辣湯底加上特色配料令人想一試再試😆所以今次去到旺角分店再戰。位於創興廣場一整層嘅分店地方超大，有足夠空間感，尤其是自助區非常寬敞企理👍🏻👍🏻火鍋配料冷藏區乾淨衛生。晚市極之旺場🔥但門口有打卡位🚀同梳化位可以坐住等位。晚市放題分開美國精選牛、SRF美國極黑和牛片、特上牛小排3個價位，今次叫嘅SRF美國極黑和牛片放題，$288就可以任食和牛片、牛肩胛、封門柳、乳鴿、小龍蝦、鮑魚海鮮等等，選擇豐富😍😍質素又幾高🫶🏼仲有清酒、梅酒、啤酒、珍奶任飲，性價比超級高。牛駅秘製麻辣鍋（小辣）、美顏花膠竹絲雞鍋湯底必試麻辣火鍋，一整舊牛油超邪惡😈香料落得足，麻香十足，辣得刺激攻鼻😏味道正宗，仲有香油可以墊住食物解辣。另一邊嘅花膠竹絲雞同樣足料，有好多雞件、花膠、紅棗、粟米等，花膠超厚又有膠質😋😋屬於高質之作。SRF美國極黑和牛片、美國安格斯牛板腱、手切封門柳、美國牛肩胛片、巴西牛脷托、羊肉肉類普遍質素都幾高👏🏻叫咗以上幾款都幾靚，SRF美國極黑和牛片一塊勁大塊🥩色澤好靚，軟滑有肉味。最喜歡係牛脷托，好爽好彈，要不停encore😛乳鴿、小龍蝦、籐椒魚皮、炸魚
牛駅秘製麻辣鍋（小辣）、美顏花膠竹絲雞鍋
湯底必試麻辣火鍋，一整舊牛油超邪惡😈香料落得足，麻香十足，辣得刺激攻鼻😏味道正宗，仲有香油可以墊住食物解辣。另一邊嘅花膠竹絲雞同樣足料，有好多雞件、花膠、紅棗、粟米等，花膠超厚又有膠質😋😋屬於高質之作。
SRF美國極黑和牛片、美國安格斯牛板腱、手切封門柳、美國牛肩胛片、巴西牛脷托、羊肉
肉類普遍質素都幾高👏🏻叫咗以上幾款都幾靚，SRF美國極黑和牛片一塊勁大塊🥩色澤好靚，軟滑有肉味。最喜歡係牛脷托，好爽好彈，要不停encore😛
乳鴿、小龍蝦、籐椒魚皮、炸魚皮、炸物
台式火鍋首創乳鴿任食，好癲🥳🥳乳鴿好香口，絕不欺場。自助區仲有麻辣小龍蝦🦞以及放係保溫櫃keep住脆卜卜嘅炸魚皮、響鈴等炸物。籐椒魚皮都係第一次食，籐椒味好香，口感爽滑好似海蜇咁幾特別😙😙另外仲有幾款炸物同冷盤小食。
鮑魚、象拔蚌片、鮮甜沙白、水魷魚、蝦仁棒棒
連殼鮑魚都有得任食😍😍大隻新鮮彈牙，要叫多幾round。其他海鮮質素都幾好，象拔蚌片爽脆、沙白彈滑無沙，蝦仁棒造型可愛🌼食到粒粒蝦肉。
台北鴨血、秘製豬肚、魚皮餃、蟹棒、貓爪蝦丸、流心奶皇丸、蛋餃、糬來寶、凍豆腐、各式丸餃、蔬菜
其他任點或者自助區嘅配料豐富之餘質素都ok，仲有好多特別款😆豬肚好煙韌厚肉，貓爪蝦丸🐾好cute，糬來寶有拉絲麻糬必食，仲有流心奶皇丸，烚完之後鹹鹹甜甜幾得意😜
清酒、梅酒、啤酒、冷泡茶、椰青水、果汁、黑糖波霸奶茶
有一系列嘅樽裝冷泡茶甚至黑糖波霸奶茶🧋仲有清酒、梅酒🍶可以自己斟，飲飽食醉無難度😏
各式甜品，Häagen-Dazs雪糕、雪條
Häagen-Dazs雪糕🍨當然最受歡迎，我就食咗韓國檸檬雪葩，酸酸咪咪好解膩。甜品都值得食，有煙韌芋圓配滑溜仙草，唔會太甜😗咖啡mousse香濃好食，另外終於泡芙、卷蛋、豆腐花等。
人均消費：$340
推介指數（10分為滿分）：8.5分
張貼
