牛石料理 (已結業)

九龍城真是一個美食天堂，各式各樣的食物亦都可以吃到，有西式的、泰式、中式、日式 以及甜品等任君選擇。今日我就到 品嚐他們的牛肉，以「麥飯石」來燒肉都是比較特別。麥飯石係火山岩的一種，用它來作燒烤可以在燒烤過程中溶出礦物質，對人體有益、還有抗氧化功能。「麥飯石」另一個好處是食物唔容易燒焦表層 而肉又有足夠熟度，因它有較高的溶點，能鎖住肉汁保持鮮嫩。在燒烤前石板需要預熱9分鐘，店員細心地替我們準備。 有多款唔同的食材，每款有兩件，可以慢慢燒 慢慢品嚐。根據和牛的肉色和脂肪分布來評定等级，日本伊滕和牛肉眼A5 其油花較其他品種的牛肉多，分布細緻，肉質鮮嫩多汁，有入口即溶的口感。有三款不同的醬汁供選擇 包括燒汁 wasabi等，我喜歡放少少黑胡椒便已足夠，享受一下 肉味。伊藤和牛西冷A4 油脂比較少，但燒出來很美味，熱力將油份逼出，肉質鮮軟富肉香。A4肉眼背峰 肉味更濃 富口感。 牛舌肉質爽口，口感十足，配上少少鹽巴味道更突出。還有牛小排、日本雞腿肉，黑豚西冷和黑豚腩，豚肉燒出來甘香，好味。各款肉類有各自特質，一富豐富的牛盛合能滿足愛牛的我。

約咗朋友食飯，今次由佢揀餐廳，佢就約我喺九龍城嘅牛石食日本料理。我一般少去九龍城，因為交通不太方便，但既然朋友約到，冇所謂喇！去到竟然見到九龍城變咗好多，成條街都係食肆，真係想食乜都有！今次朋友揀牛石，一定有佢嘅理由。去到餐廳，見到 有一個大魚缸，啲海鮮游來游去，睇怕呢度啲海鮮應該都好新鮮啩，座位主要係卡座，椅背甚高， 坐低看不到其他客人，私隱度頗高，我和朋友可以靜靜傾下偈，慢慢食，一樂也刺身盛 ~ 有帆立貝、油甘魚、三文魚、甜蝦、北寄貝和池魚，刺身好新鮮，啲魚係我最愛嘅厚切，一口一件，入口充滿魚香。蟹肉蒸蛋蛋蒸得好滑，加上上面厚厚的蟹肉，非常美味，只賣$29，非常抵食。石燒牛小排因為呢間餐廳用石燒，侍應先將石預熱九分鐘，其間會用小鬧鐘倒數，夠鐘就提醒你可以燒啦。牛小排脂肪分佈均勻，只輕輕 一燒就可以吃了。牛排入口即溶，油香四溢。沾跟牛小排送上桌的芝麻醬和燒汁吃，非常好味。朋友加桌上的海鹽和黑胡椒吃，都食到舐舐脷。鱈場蟹丼丼份量不算大，但飯面卻是滿滿的鱈場蟹肉， 加上蛋絲和明太子，鮮味在口中爆發，$198 絕對值得。蟹味噌甲羅燒甲羅燒跟飯上，造型精美，加了味噌的蟹甲羅燒略鹹，但用來拌飯

那天晚上路經九龍城在尋找晚飯的地方，行吓行吓忽然見到有個招牌名好熟口面好似喺OpenRice好多正評，就走入去試吓，侍應推介是日三款抵食套餐，當中海鮮火鍋套餐最吸引我眼球，只是$628又有龍蝦丶帆立貝丶松葉蟹鉗丶皇帝蟹棒、刀貝和青口。揀咗個豆乳湯底，首先湯底你試咗一啖湯好重豆乳味道，蠻好喝，再嚟一個蘋果蟹子沙律令你胃口大開。跟住見到個頗壯觀嘅海鮮火鍋拼盤，睇落去10分新鮮，所以就食咗海鮮先，海鮮10分鮮甜份量也很足，再飲一啖豆乳湯加上海鮮嘅鮮甜頓時升為另外一個層次，最後再加入趣餐附送嘅蔬菜籃，海鮮豆乳湯加上蔬菜嘅鮮甜健康飽肚又好飲，但這時候肚子只有七成飽。所以再在餐牌搜尋有什麼招牌菜，看到一個好評如潮有極之吸引嘅海膽飯，日本米上鋪左一層吞拿魚茸再加上毫無腥味嘅鮮味海膽，再用紫菜包住嚟食簡直係完美嘅組合。雖然餐牌上還有很多極之吸引嘅招牌菜我好想試，但係我個胃嘅空間已經唔容許我咁做，唯有留待下一次再戰牛石。

九龍城食肆林立，唔少高中低檔嘅食肆都一應俱全，位於福佬村道嘅牛石料理，屬於中高檔次，主打和牛燒肉、刺身、壽司、日式鍋物同埋炸物今日試咗佢哋嘅推介吞拿魚扒，天婦羅炸蝦同埋幾款壽司，水準的確唔錯，如果鍾意食拖羅嘅朋友，更加會覺得滿足壽司點左吞拿魚腩，帆立貝，另外亦有左口邊魚、蟹棒同埋芝士熟蝦嘅火炙壽司。整體來講，刺身係幾新鮮，壽司飯嘅大少剛好，而醋酸亦都恰可，特別喜愛帆立貝同埋左口邊魚火炙呢兩款。天婦羅炸蝦一份有五隻蝦同埋一件炸茄子，炸蝦本身就唔算太大隻，但係外層炸得夠鬆化，而且即炸上枱熱辣辣，好食最震撼嘅當然係吞拿魚扒啦，成件拖羅係你面前，分切開六件，仲有四件赤身，淨係視覺上都好滿足，一食落去 啲油份充滿成個口腔，而且完全無筋，嗰種感覺相當飽滿，令我諗返起之前係黑門市場食過最美味嘅拖羅，想當回味，鍾意食拖羅嘅朋友一定要試

以往去九龍城，肯定係為左泰國菜，今時今日嘅九龍城都多元化得多，除左西餐、甜品、火鍋店，仲有日本料理同烤肉。牛石料理位於福佬村道，其實經常喺fb見朋友分享照片，今日終於一試牛石料理從門面睇未想到係高檔料理，裝潢方面花過心思，近門口位置為高枱櫈，飲酒傾下計；內裡為卡座，非常闊落。每枱都有烤爐，而特別之處為佢地標榜使用石燒方式烤牛，油脂更豐腴。有日本伊藤A4、A5和牛不同部位，例如肉眼、西冷等，單點價格較高，所以都有啲盛合組合。同時有新鮮海產例如鱈場蟹腳、鮑魚、甲羅燒等供應。燒烤以外亦主打刺身、壽司，生蠔、活海膽、毛蟹、日本空運鮮魚等，保證新鮮，不時不食，即叫即做，壽司選用日本珍珠米、手磨粗粒芥茉。原條藍鰭吞拿魚腩日本直送，非常新鮮，逢星期日至四晚市供應，截至12月6日咋鮮藍鰭吞拿魚腩扒 $498睇落價錢稍貴，其實睇番份量、質素，性價比幾高，成塊牛扒咁大塊，大約250g，由赤身、中吞拿魚腩到大吞拿魚腩都有齊。如果人多食更加抵，兩個人食超滿足，但唔多唔少會膩。赤身色澤鮮明，完全無筋無渣；中吞拿魚入口滑溜，魚油豐富；大吞拿魚自然係冇得輸，脂肪最多，真正入口即溶，好美味壽司：三文魚腩 $13/件、

牛龍城是臥虎藏龍的地方，埋藏着不少美食。走進裝潢雅緻的日本餐廳，享受一晚的盛宴。先來一個鱈場蟹拼盤，三味都相當精緻。鱈雪蟹刺身軟滑無渣，鮮味濃濃的，可惜份量少，吃罷意猶未盡。海膽鱈場玉子燒相對一般，玉子燒過熟未夠鬆軟，海膽亦未算出色。鱈場蟹丼雖然蟹肉份量不多，但混合蛋絲、蟹籽等，加上微酸的飯粒，還不錯。石燒也是這裏的主打。要了一個牛石精選盛盒，擺盤漂亮，叫人急不及待品嚐。日本產的雞肉和豚肉不過不失。幾款和牛當中，最出色的莫過於A5和牛，那融化在舌尖的感覺，至今仍不能忘懷。食物不便宜，愛牛的人也許可以一試。

今晚同老婆食好d,就去左屋企附近呢間食，平時經過已經好想食位好大，唔錯！起碼坐得舒服先用石燒肉我都係第一次，平時多用鐵板或煮炭見到做緊鱈場蟹剌身限定，老婆話有興趣試下鱈場蟹好新鮮，估唔到咁好食，海膽好甜，而且份量真係好多仲有1碗熟蟹飯貴精不貴多，蟹同海膽真係好食！另外我地再叫左個牛石盛合有好多款，咩都可以試下，正！牛真係好得，好多雪花，好高質！食落去有入口即溶的口感，非常好食！牛舌好厚身，好味！豬食落去唔會好油膩，而雞肉就要燒耐少少，但都滑！最後仲有杯啫喱食，酸酸甜甜

放工後，和同事行左去九龍城食晚飯。點了套餐，當中包了兩碗白米飯，可以令食客更為飽肚！蟹籽沙律：份量不少，當中有量蟹柳、蟹籽和青瓜絲。口感除了爽口之外，蟹籽的卜卜口感也不錯，味道清甜為前菜。刺身三款：刺身厚度足夠，三款刺身沒有帶腥味。牛石燒肉盛合：依款盛合有四款不同部位既牛，油脂分佈平均，色澤鮮紅，可知新鮮程度。日本伊滕和牛西冷：口感比其他部位為林身，燒後食落既油脂比較多。日本伊勝和牛肉眼背峰：跟前者一樣油脂同樣多，食落滲出不少juicy既肉汁。牛小排：口感比較多，彈牙的口感。牛舌：燒後口感為爽口，不會太硬而咬不開！鹽燒黑豚腩：相比牛來說，個人覺得比較油膩一點。外表燒得金黃色，咬落滲出不少油份，口感為爽。日式炒野菜：菜炒得很香口，為油膩感慢慢減輕。菜口感同樣爽脆，色澤鮮豔啊！最後還有啫喱甜品。另外order了三文魚壽司，味道同樣鮮味！再order了燒雞腎，口感不太硬，燒得剛好啊！

九龍城好多泰菜，日本菜選擇唔太多，呢度系其中一個。平日晚上餐廳人流唔多，即使系兩人都可以佔上一個卡位。叫左一個半熟鱈場蟹刺身set, 價錢都唔平。嚟到既時候更加覺得貴，因為份量認真少。鱈場蟹丼與其話系丼更似壽司既size。蛋絲份量同蟹肉差唔多，都好食既，但蟹味唔算突出。鱈場蟹腳刺身帶少許生，入口好滑，冇太多既調味已經夠鮮味，但都系份量少，有啲唔夠喉。海膽鱈場蟹玉子燒就唔太覺蟹既存在，蛋燒得略老，唔夠滑，嚡嚡既質感同軟滑既海膽形成反差。嚟到又點可以唔試燒肉？ 叫左個牛石精選盛盒。嚟到既時候靚到wow! 每款肉都好清晰有木牌標示，除左雞、豚肉，最吸引既莫過於幾款和牛。自己燒，進食既速度可自行決定。雞同豬既味道唔算好出色，可幸唔會太韌。牛方面，牛舌爽口，A5牛脂肪豐富，入口爆油，系正既，但要數就絕對系A4和牛西冷最正，入口即融既感覺，至今仍在回味！貴系貴，值唔值得見仁見智。不過香港地捨得食既人都的是。

放工去九龍城，皆因母親大人無煮飯，她在九龍城探完朋友，叫我去找她食飯。九龍城食泰國菜就好多選擇，但母親大人想食日本野，我在open rice 搜一搜，牛石人氣幾高，決定試試。星期一晚，不是太多人，可以坐得舒服點，卡位也好闊。店長極力推薦半熟鱈場蟹刺身，十月期間限定，見到媽媽出現了心心眼，一於試試。蟹腳有兩條，蟹腳粗粗，外邊略略燒熟了，裏面還是刺身的。一個迷你蟹肉飯，這個蟹肉是熟的，加了一點蟹子，感覺不錯。另外，海膽放在玉子上很精緻。食蟹就緊係唔夠飽啦，整多個牛石精選盛合，賣相吸引，賣點有A4級別的和牛西冷及A5級別的肉眼，餐廳標誌好清晰，逐樣逐樣燒，品嚐到A5和牛及A4和牛的分別。A5肉眼扒真的鬆軟好多架。兩個人食左946元，有甜品送，見到媽媽好滿足，就好了。

九龍城的一家牛石料理平日來九龍城多數是吃泰國菜今次第一次來試試日本料理但沒點牛，因為看到店有新推廣！半熟鱈場蟹刺身 期間限定！那一定要試吧旁邊有兩得玉子海膽，玉子都有蟹味的，有点驚喜！海膽新鮮之後吃鱈場蟹肉刺身， 肉不算很多但是夠新鮮！也很鮮甜，擺盤也不錯的！旁邊也有個迷你魚子蟹肉丼還有點了一客深海池魚刺身，不算很厚身，但也吃到池魚的彈牙質感！ 下次可以試試吃牛， 我看見他們餐牌也有很多選擇的值得一試！。

食烤肉除左網燒同鐵板燒, 比較少有既仲有石頭燒, 今日就黎到九龍城人流相對冇咁旺既福佬村道食石頭烤肉。店內以卡位居多, 坐得幾舒服~我地揀左呢款二人餐, 可以一次過滿足食刺身同埋烤肉, 價錢較為實為, 不過套餐唔包野飲, 還好餐廳有供應水飲用~ 烤肉有幾款調味, 包括黑椒、海鹽、芝麻醬、wasabi、燒汁蟹籽沙律青瓜絲、蟹柳絲同埋大量蟹籽, 撈埋一齊食, 清新又清甜, 亦能滿足到口感刺身三款刺身均為厚切, 魚質爽口, 不帶腥, 新鮮~食完前菜同刺身, 就正式開爐準備食烤肉,開爐後以計時器計預熱九分鐘就開始燒烤肉, 石板燒比起網燒同鐵板燒冇咁易痴底牛石燒肉盛盒: 每款肉表面都有輕輕既雪氣, 但色澤依然是鮮紅, 不是雪太耐果種牛舌: 厚切, 兩邊烤至金黃帶微微焦香, 爽而不韌牛小排: 肉質帶少少根, 幾有咬口日本伊滕和牛肉眼背峄: 比牛小排牛脂更為豐富, 沒有根連帶日本伊滕和牛西冷A4: 牛脂極為澎湃, 一咬之下, 牛脂在口中淺出, 而且肉質相比下係最林既一款鹽燒黑豚腩: 腩片表面煎香, 鮮嫩不鞋口炒野菜: 野菜keep得爽脆, 木魚增添了一點鹹香套餐包括有珍珠米白飯, 整個二人餐份量絕對

通常來九龍城都是吃泰國菜，今晚朋友介紹我食呢間牛石料理以為一定食牛？ 原來都有很多新鮮刺身吃仲有 鱈場蟹呢！不時不食，入秋了，又正好做緊鱈場蟹推廣，我們也叫了一份這份套餐完完全全滿足了喜愛玉子，海膽的我，仲有新鮮鱈場蟹腳肉，雪場蟹丼飯呀！簡直超值之選又係蟹軟殼蟹手捲， 侍應應我們要求加多些沙律醬，美味無窮味憎和牛牛舌牛味香 ,和平常吃的牛比較，質感比較滑。燒雞翼少有的劍魚壽司， 鮮味， 把味蕾也溶掉了最後， 還有美味芒果布丁奉送

海膽玉子 ($98)兩樣最愛一齊食！有層層疊效果又有蛋香，海膽份量都慷慨牛石二人和牛會席 ($818兩位)蟹籽沙律有青瓜絲、蟹柳絲、蟹籽等，有粒粒又有絲絲口感，而且非常開胃刺身三款鯖魚上有薑蓉及蔥花，食落冇嗰種獨特魚腥味血鯛油分唔算多，有咬口感三文魚腩脂肪極多，一咬啲魚油必晒出嚟日式炒野菜炒椰菜、紅黃綠椒、洋蔥及木魚花，色彩繽紛牛石燒肉盛合店員先為爐預熱15分鐘，等了又等終於燒得！店員仲俾咗三款醬汁我哋，有Wasabi、黑胡椒汁及燒汁牛舌：厚切，多汁爽口伊藤和牛A4肉眼背峰：脂肪超級多但分佈平均，有雪花效果，但食落一啲都唔膩，肉味超濃伊藤和牛A4西冷：脂肪較纖細，口感柔軟牛小排：脂肪都多，不過冇肉眼背峰咁勁，有咬口感但軟腍鹽燒黑豚腩肥瘦適中，瘦肉及肥肉一層一層咁間開，睇落好肥，但竟然入口一啲都唔覺得膩，非常神奇燒帆立貝 (原價$62)今日餐廳做緊優惠，為每位客人送上一隻燒帆立貝。雖然係送嘅但一啲都唔失禮，肉厚而且新鮮最後每人一粒朱古力糯米糍做甜品，食到飽晒，細細粒啱啱好！

因為打風嘅關係 去唔成旅行唯有食餐好嘅安慰下自己 走左去九龍城牛石料理餐廳樓底高 大部份都係梳化位 坐得幾舒服唔想煩嘅情況下 㨂左呢個二人餐先黎蟹籽沙律 份量岩岩好嘅沙律醬 配上青瓜絲 蟹柳絲同蟹籽 夠爽夠凍 小型刺身拼盤 夠鮮 食完戈刺身 店員就幫我地開爐 最期待嘅來了燒肉盛合 有A4和牛西冷 肉眼 牛小排同牛舌厚燒牛舌 入口彈牙 口感一流至於其他肉 用呢款石燒可以保持juicy 好正鹽燒黑豚腩 入口咸咸地 口感唔會太肥膩最後配返個炒野菜清清腸胃