牛石料理 (已結業)

掛住日本新鮮和牛點算?! 估唔到九龍城幫到我! 今晚同朋友到了牛石料理, 吃了一頓很滿意的晚餐! 這裡環境不錯, 坐的空間舒適。我們被它的牛石二人和牛會席吸引。這二人餐有爽口清甜蟹籽沙律, 新鮮三文魚, 吞拿魚等刺身。身為主角的牛石燒肉盛盤真的搶分! 當中包括爽口牛舌, 又嫩又融入口的日本伊藤和牛西冷A4, 有咬口的牛小排, 及我很喜歡的肥美肉眼背峰, 吃得出牛的鮮味肉汁, 建議不用沾醬食。鹽燒黑豚腩都是我心水之選, 燒得香, 肥瘦肉均勻。仲有又香又甜的日本炒椰菜, 同樣好好味! 如果很喜歡食和牛的朋友, 我個人十分推介👍

今晩約咗女朋友去九龍城食晩，上次食過意大利菜同泰國菜，今次竟然係帶我嚟食日本菜！九龍城真係多美食。餐廳裝修唔錯，座位夠闊，坐得舒適。兩條友就梗係揀個牛石二人龍蝦會席 ($918 2 位)喇。野菜沙律沙律菜清下口腔先，沙律個醬汁酸酸地咁好好食，上面仲放咗啲脆卜卜，同一般岀面食嘅沙律前菜更俾心機。三種刺身然後就係我最鍾意食嘅刺身，魚生勁肥美，三文魚係我更致愛，鮮甜又彈牙。另外女友就最鍾意食油甘魚。味噌煮牛舌呢道菜真係值得加爆分，我覺得係我食過最好味嘅牛脷。份量夠大又厚身，煮到好腍又唔膻，就連個汁都好惹味。龍蝦味噌湯呢個打卡一流，原隻龍蝦呈上，真係吸睛。味噌湯都好香郁，唔會太咸，材料豐富，有大量海帶同豆腐 。鐵板龍蝦和日本伊騰和牛A4 三角胸一次過滿足多種享受。又有鐵板龍蝦又有和牛，全部都係我 favorite。龍蝦鮮甜彈牙，有鑊氣。而和牛入口即溶，雖然肥膏多，但真係好香口。飯後果食完飯仲有大大舊西瓜，好 refreshing。

黎到九龍城搵食，除左泰國野竟然都有唔少日本野，依間主打用石燒嘅餐廳睇落幾吸引，所以就約埋朋友黎食返餐好嘢。食物有好多唔同嘅選擇，除咗燒肉之外仲有好多和食，刺身等等。首先我地叫左啲清酒，有6種唔同嘅獺祭，六杯酒應該都有唔同嘅口感同埋味道，相信餐廳唔會呃人應該真係係6枝唔同嘅酒度倒出黎嘅叫做可以用合理價錢試到幾種唔同嘅酒    燒肉方面就叫咗個牛肉精選盛盒，有好多款靚嘅牛，最正嘅就當然係A5和牛啦，食落去真係入口即溶嘅感覺，冇花冇假。之後仲有其他牛肉、雞肉同埋黑豚腩，質素真係幾好，值得一試。最後餐廳仲有甜品送，味道就總括黎講，味道係唔錯，如果員工質素可以改善下就更加好喇，成餐飯係咁聽到啲員工係到傾計，

今晩來到九龍城晩飯，並不是吃泰菜，而是吃日本菜呢！這間日本餐廳岀名吃牛，我這住牛魔王當然來喇。有很多套餐供應，但最後還是點了牛石二人龍蝦會席 ($918 2 位)。第一道菜是野菜沙律，沙律菜新鮮爽口，醬汁酸酸的令人開胃。沙律菜上還放有脆脆，口感一流。三種刺身甜品肥美，猶其是這個厚切的油甘魚，彈牙十足。鐵板龍蝦和日本伊騰和牛A4 三角胸排是放成一碟的。鐵板龍蝦彈牙爽牙，鮮甜無比。和牛有很多雪花，更有入口即溶感，牛脂味濃郁，但有點肥多肉少。而中間則是炒野菜，剛好中和兩樣美食。味噌煮牛舌是我最喜愛的一道菜，牛舌很大舊，而且煮得非常腍和入味，還帶上蒜香味。連牛舌醬汁也很美味，拌白飯吃更是一流。龍蝦味噌湯很大碗，原隻龍蝦上，十分吸引！最後以西瓜作飯後甜品作結。

九龍城都以泰菜居多，日本料理較少，牛石正好突圍而出，門面有格調，忍不住要推門內進。門前藍色大魚缸及放滿不同類型的酒品bar枱，極吸睛 😍😍香箱蟹 $218，原隻蟹起肉，跟蟹膏調和後一起再放回蟹蓋，味道有特式，看得見的美味。😍😍 金目鯛壽司，高檔料理才會選用的，今晚有口福了 😍😍海蝦壽司，海蝦新鮮彈牙，美味非常。劍魚腩壽司，夠肥美，刀功都不錯，沒有筋。三文魚壽司，又一件肥美嫩滑的正正壽司 😍😍炸紫薯米粟薯餅 $52，自己十分喜愛這個，紫薯的天然甜，外層炸得鬆化香脆，好味得停不了口 😍😍牛肉野菜鍋 $118，牛肉夠嫩，完全不會韌，野菜亦都鮮嫩腍滑，是我喜歡的熱湯一客。日式雞翼 $36，標準燒雞翼味道，中間切開，容易食，抵讚 👍燒菠蘿 $18，菠蘿燒過後特別甜美，外層如有脆焦糖就更完美 😍😍是日甜品，完美晚餐必備。

良朋相約美食集中地九龍城，今次選定這家位於福佬村道的牛石料理。座位寬闊，裝修簡約潔淨。香箱蟹（$218）店員極力推介這味香箱蟹，將蟹拆肉混合蟹膏於蟹蓋中呈上，方便嗜蟹之徒，配上蟹醋味道清新。日本野菜沙律（$98）有露荀及小紅茄及各式沙律菜，配以油醋，清新開胃。雜錦天婦羅盛合（$89）很出色的天婦羅，炸蝦很新鮮，其他炸野菜如南瓜、茄子、蕃薯都炸得恰到好處。蒲燒鰻魚（$108）鰻魚燒得軟熟鮮甜，醬汁也帶出鰻魚鮮味，瞬間清碟。加州卷（$36）壽司盛34件（$518）有八款壽司，包括金目鯛、鯛魚、劍魚腩、赤蝦、三文魚、火炙皇帝蟹棒、鐵火卷及深海池魚（時令）。壽司很新鮮，份量十足，絕對能滿足對壽司的欲望。燒多春魚（$38）燒得很香脆，齒頜留香。餐廳貼心贈送布甸甜品。

朋友介紹我大個為食妹嚟呢度食牛🐮裝修簡潔，另外有卡位，夠大，坐得舒服👍🏻因為覺得食套餐開心啲又唔使諗😛就揀咗呢個二人套餐啦😌留意到呢度餐牌介紹左牛石料理嘅以優質食材為先👍🏻而且仲係用火山岩黎俾我哋燒肉嘅🤓套餐嘅刺身有三款，即叫即切，新鮮🤩和牛拼盤有四款，四款都各有特色，尤其係伊藤和牛入口開始溶化，而且充滿肉汁，牛味濃郁🤤🤤油脂感十足，帶出滿滿牛香，勁滑，竟然係唔使去到日本都可以享受到！另外仲有陪埋白飯食更加滋味🤓👍🏻

今日A先生帶我來食和牛🤤🤤門面望落已經好吸引，睇到一大堆新鮮海鮮😆我地叫左個二人套餐-牛石二人和牛會席$818，包左沙律，刺身，燒肉拼盤，炒豚肉，日式炒野菜，飯同埋甜品🤪前菜係蟹子沙律🥗青瓜絲爽口，配上粒粒蟹子，開開胃先🤓刺身會根據當日新鮮刺身，廚師發板其中三款，全部都好新鮮，小小脂肪，色澤又靚尤其欣賞佢嘅厚切三文魚🍣牛盛有四款，伊藤和牛A4西冷，肉眼背峰，牛小排同埋牛舌🐮全部嘅雪花都分佈得好靚，色澤又好睇，望落已經流晒口水😋放喺呢個麥飯石上面燒，餐牌介紹話呢個石會釋出礦物質幫助消化，而且有別於平時嘅燒烤爐，唔會放出有害物質😳和牛果然係有入口即溶既感覺🤩，雖然有油脂感比較重，但同時更加帶出牛香，而且好滑嫩！仲有燒豚肉，有少少類似豬頸肉嘅感覺🤓一邊食炒菜一邊燒肉撈飯，呢個配搭令到燒肉冇咁油膩，炒雜菜亦都好香☺️我仲叫咗最鍾意嘅波子汽水添🥰

雖然九龍城係一個比較唔方便嘅地方，不過就出名多好嘢食，泰國嘢食就一向都多，但係最近發現仲多咗其他日式嘅餐廳。依間燒肉加居酒屋睇落好似幾吸引咁，而且餐廳係主打用石燒，應該係受熱會比較平均燒落去嘅肉會比較好食。所以就約埋朋友入到九龍城都食返餐好嘢。入到去發現餐廳嘅食物質素都唔錯，選擇又有好多除咗燒肉之外仲可以散叫其他嘅食物，今次我哋去到嘅時候餐廳做緊推廣，出名鍾意飲酒嘅我哋叫咗獺祭黎chill下六杯酒都有唔同嘅口感同埋味道，雖然唔係太識飲酒但係飲得出係好易入口嘅一種，如果識飲酒嘅朋友應該就會覺得好抵飲。燒肉方面我同朋友就叫咗個牛肉精選盛盒，其實依個盛合都有好多款靚嘅牛肉，自己最鍾意嘅就係和牛肉眼A5，食落去真係有少少入口即溶嘅感覺，口感唔錯，然之後仲有其餘五款牛肉、雞肉同埋黑豚腩，雖然份量唔算多但係識落質素都真係幾好值得一試。最後餐廳仲送咗甜品俾我哋因為都唔會食到超飽，所以最後送個啫喱俾我哋都仲食得落，啫喱係細個好回味嘅羅拔臣味道好有童年回憶啊。

閒日去到無咩人，心諗九成中伏，點知有驚喜快手短評下最大驚喜：海膽丼，睇餐牌好似好少,但黎到海膽夠多，鮮甜，紫菜脆口刺生都鮮甜但唔算好突出要推介嘅可能係帆立貝睇到餐牌突然想食叫左個炸蝦天婦羅，炸粉偏厚，呢種煮法我麻麻但好彩隻蝦滑同埋新鮮叫左個燒肉餐有齊唔同級數嘅牛兩款A4和牛堅正，入口即融，牛舌有少少羶，其他中上環境唔差但稱唔上靚門口職員同普通侍應態度/服務唔錯但報海鮮價個女職員有少少串因為咁我地無叫蟹

真係好開心😚，近期好有食神嘅眷顧，成日都食到好野，公司請食飯、老細請食飯，今日到Mary Bb 請食和牛。❤️個日係九龍城食完秦國野😂，之後就發現左有間牛石料理，覺得個名好得意，睇下佢個餐牌個d，原來佢有和牛，😍鱈場蟹刺身同蟹味噌甲羅燒等等。所以我已經放左佢去我嘅to-eat list🤓。等待某個重要嘅時刻，拋呢個貨出黎。哈哈，終於俾我等到。今日我地放工就黎呢到，諗都唔諗，就order 左個二人set。😊其實我地有做資料搜集嘅，上網睇過佢個一人set冇二人set 咁豐富，和牛都冇咁多，咁叫2個一人set 同二人set 價錢都差唔多，二人set for sure.⭐️重點-A4和牛⭐️伊藤和牛A4西冷❤️頭呢兩個好明顯係比較好味，脂肪組織出現曬，燒嘅時候好香不但只，食落仲有好香牛肉味！⭐️伊藤和牛A4背峰肉眼😍🤤呢個嘅脂肪含量仲高，燒緊個陣自己會出油。⭐️牛小扒🤤雖然唔係A4 但係都好味，不過佢切一舊唔係一片，會好考燒烤技巧⭐️牛舌👍🏼

這家牛石料理位於福佬村道, 一進來已見室內環境很不錯，地方大而且亦夠寬廣, 也可以坐得很舒適。看了餐牌，這裡除了有主打的烤肉外, 其他的菜色選擇也算多，看來質素也不錯。飲品方面, 點了熱柚子密，甜度剛剛好,味道唔錯。這晚上來的是刺身盛, 內容包括有日本帆立貝、日本油甘魚、時令鮮魚、三文魚、北寄貝跟甜蝦, 帆立貝肉厚和鮮味十足; 油甘魚的口感厚實，魚脂味濃郁; 三文魚是厚切奉上, 脂肪豐富鮮美; 北寄貝煙煙韌韌, 嚼勁十足; 甜蝦是原隻連蝦頭奉上，非常新鮮鮮甜，食落夠爽口彈牙; 各款刺身都水準唔錯。緊接的便是串燒項目, 一味日式雞翼也相當吸引, 厚肉的雞翼燒得雞皮脆身, 雞肉口感很嫩滑，燒香後撒上海鹽去調味, 就令其味道上多了層次起來。再來燒栗米, 粟米粒粒金黃色和飽滿，做到燒得外層微焦而口感帶點點糯口，每一口咬下去都係甜美, 爽口非常。單尾來牛肉野菜鍋, 一片片牛肉放在鍋內, 牛肉外表色澤粉嫩，油脂豐富，再配上新鮮野菜等配菜; 和牛肉入口嫩滑，吃起來有肉味, 牛肉索了湯汁, 也是好吃。是晚吃得滿足, 餐廳的食物水準再加上環境,這家可以是一個不錯的選擇。

九龍城美食嘅集中地，今次朋友相約，一同前往吃好的東西。餐廳裝潢方面，簡約。餐廳主打日式食物，在輕鬆嘅日語歌曲底下，令人感覺更加期待。壽司盛16件，包括日本帆立貝，日本鯛魚，三文魚，甜蝦，火灼皇帝蟹棒，加州卷。 用料新鮮， 當中我最欣賞皇帝蟹棒及加州卷，蟹棒並唔係用假嘅蟹柳，已經令我好欣賞。 日本街邊吃到的加州卷也是青瓜為主導， 而它是以蟹棒為主導，味道完勝。香箱蟹， 原隻拆肉。 這是店員強烈推薦的，時令海鮮。 配合店家提供的蟹醋味道更加出眾。檸檬紫貝天葵， 味道清新可口。今次嘅選擇唔錯，一來坐得舒服，二來可以傾下偈食下嘢。

約了朋友九龍城晚飯，本來想去食泰菜，行過這間日本料理又幾吸引，即時改變主意，女人真是善變門口水族箱放滿了生猛海產地方寬敞， 設計講究，畫中的魚有 動感， 栩栩如生入口處已經有魚生樣版，個 look 好新鮮當然要試下啦呢個刺身盛 $228有五款刺身， 帆立貝、油甘魚、三文魚、北寄貝、甜蝦和時令鮮魚， 每款都非常新鮮， 覺得油甘魚最好食， 入口魚油豐富，肉質甘厚，雖然價錢貴左 d, 但性價高已值回 北海道帆立貝燒 $98 熟帆立貝口感跟生的完全不同，肉質硬中帶爽，用牛油煮仍鮮味不減日式炒野菜 $72椰菜、青椒、紅椒加上乾柴魚片，炒得有中式火喉夠鑊氣， 十分惹味牛小排8件 $198雖然不算是頂級, 但都有雪花紋狀，不用燒太熟，入口肉質唔算太軟，有咬口感提供的燒肉醬、芝麻醬無用到，只加了少許 wasabi，覺得更能食到牛的原味最後來過蟹肉蒸蛋 $29呢個又抵又好食, 蟹肉多味鮮甜， 蛋滑溜再加上用蟹汁蒸， 簡直是 蟹味十足

魚生 壽司🍣超級正上次來 牛石料理 主要是吃牛肉，其實牛石料理是一間活海產 刺身 燒肉專門店。他們的壽司、刺身由經驗豐富的師傅即叫即做，更選用日本高級的珍珠米，提升夀司的口感。Sashimi 我選了一客大吞拿魚腩 和一客油甘魚刺身，淡淡粉紅色的油甘魚肉入口滑溜柔軟，油潤得來很有嚼頭，有鮮甜的魚味，價格又比較便宜。講到大呑拿魚腩就超正啦，魚油的比例很高，是全條吞拿魚中最肥美的部位。優質的拖羅佈滿精緻的魚油花紋，油香四溢又鮮甜無比，口感入口即溶，帶少少筋，食來更有口感。炙燒帆立貝壽司 帆立貝鮮甜無比，經過炙燒更能突出它的甘甜。 金目鯛壽司也非常好，金目鯛魚肉富有彈性，油份慢慢滲出，那種鹹鮮配合壽司飯真是絕配。叫了兩件海膽夀司，海膽是我超級愛的，味香甘甜，口感紮實豐富，入口有點點黏，很creamy 。