牛県

營業中

休息中

可能係最有耐性嘅熱石燒牛店😎一開波店員就勁好服務咁介紹每款牛嘅特色，原來每款牛都有唔同口感同味道😂真心要我記都未必記到😆．👅 橫膈膜腹肉（封門柳）（+$50和牛腹肉）店員話呢款牛係最有牛味之餘又有口感，入唔會韌同肥瘦相間，係佢地嘅招牌😆一上枱緊係要玩下舊石先啦😂先切開一舊舊，到食嘅時候再放上舊石度辣一辣佢，咁舊牛就唔會過老，牛肉味好濃又夠juicy ，食完仲唔會痴牙，撈埋味素飯一齊食勁開胃😜今次食豪啲，加左$50試下佢嘅和牛片💯上枱就知呢舊牛油脂好豐富，所以我到最後先燒佢黎食，果然和牛真係和牛🤣都唔洗咬已經溶係口，滿滿嘅油脂最岩重口味人士😝．👅 牛県燒肉海膽丼今次試埋佢個海膽燒肉飯😜半生熟嘅牛切得岩岩好，厚薄適中又易入口，加埋鮮味十足，份量又十足嘅海膽BB😍食到好奢侈呀😛要加分嘅係佢用左三文魚籽同生蛋黃，三種鮮味各有不同，但撈埋一啖食又係勁好味😋

坊間石燒牛店繁多,這間是個人最鐘情的,一想食牛就想起這小店,這天又來捧它的濕式熟成牛扒其中一個主打(封門柳)雖然是美國牛但仍然牛味十足,這天更做推廣鹿兒島A5和牛腹肉,四大片雪花均勻分佈的和牛也都只是50大元,入口即溶,當然不能錯過。另外它的燒牛肉海膽丼也绝不能錯過,除了厚厚的一大板海膽外,那薄燒牛配脹卜卜魚子及窩旦,簡直一絕。其實還有它的套餐配搭(炸薯條、沙律)也是绝不馬虎的。朋友意猶未盡還加了一小吃水牛城雞翼,嘩！辣味十足,更令人滿意。

今趟荃灣探親嚐到小店高質石燒牛扒小店和風木色裝潢猶如置身日本一樣座位不多幸好我們過了八點才到剛好有座位安頓下來後店員主動耐心介紹各種牛扒的口感服務之周到其他同類店舖難以媲美選定牛扒種類後有三個份量選擇套餐也包括飯薯條湯沙律飲品其中三款石燒牛扒送到時只有約一成熟處是可按個人喜好於高溫岩石上調校生熟程度我倆分別選了腹心肉和封門柳封門柳的脂肪較少口感比較有嚼勁肉味香濃而且焦香的外皮鎖住了肉非常適合饞嘴又關注體重的人腹心肉肉質較細嫩脂肪較為細密口感油潤在牛扒料理當中醬汁佔有舉足輕重的地位這家有阿根廷青醬和紅酒牛肉汁兩款可選阿根廷青醬帶有青草香氣調和了牛扒焦香的油膩感， 總體而言這家石燒牛肉質素不錯價錢合理且店員親切積極的介紹令人印象深刻

黃色小店 一定要支持啦！💛 入面啲侍應都好有耐性，全部都係年輕人。 見到老闆都好放心比佢哋去做💛🥰一入到餐廳侍應就介紹唔同部位嘅牛肉。 對於第一次嚟食都唔使徬徨。 💓 有一位女侍應好細心同我哋去解釋返，💓唔同部位既質感味道同埋份量。 我聽完之後最印象深刻係腹心牛，佢話牛味重亦都好嫩滑。咁我當然揀咗依個啦。 佢仲話可以加多$50 有4塊鹿兒島A5和牛。真係諗唔到唔加錢嘅理由。 首先嚟到嘅係鐵板腹心牛。 侍應會比圍裙你著 嘩 真係好細心， 嗰件圍裙都係成本。 所以我覺得間餐廳好有心機。 腹心牛 食落口真係好嫩 無筋 勁有牛味 唔使加鹽同黑椒已經好好食。 之後再燒鹿兒島A5和牛， 真係打晒大佬 超級超級好食。 啖啖油脂 唔係講笑 係爆出嚟咁 真係唔係呃你我真係食到呆哂 諗住再加多一份。 之後第二樣嘢又係一定要講。 海膽牛肉丼飯 ，我真係唔明點解一間賣牛肉嘅餐廳，佢嘅海膽竟然係甜過壽司郎同埋Donki壽司😓😓 我事後仲要去追問佢哋喺邊度既海膽，佢哋話喺加拿大海膽。 連男朋友都話冇喺香港食過咁甜嘅海膽🥹🥹🥹cls😂😂 價錢來講真係我覺得淨係食個海膽都值😂大家一定要試 我已經再去食多

一個落雨晚上放工同老公落荃灣揾食，講講下都隔左好耐無出街食飯，疫情過後想黎想去好想去食石燒牛，因為在家唔會整到石燒，最多韓燒下咁，但係石燒真係好唔同，真係好掛住，望住牛扒在熱石上發出"茲""茲"聲，香味撲鼻口水流，重要牛扒可隨自己心意，自己去煮理熟成度添。就係咁兩公婆拍好車，直接去揾位可能落雨咁差天氣竟然唔使排隊，之前要排隊等位，今次順利入店店員好有心介紹Menu同是日精選，還推出左兩款丼飯添，都非常吸引。不過同老公都想食石燒，所以每人order左各一200g套餐，還可5選三配飲品，薯條，飯，salad或湯架。我揀左牛橫隔膜腹肉同牛側腹扒同老公分享，另外跟薯條，湯同salad各一，我就唔要salad改入飲品。可以選擇特製醬汁，一款係紅酒牛肉汁，同較特別嘅阿根廷青醬，呢款青醬配牛肉入口好清新，因為用上羅勒蕃茜同薄荷香料成份。唔好睇佢好Dry咁 係它們控制猛火將外面燒熟另肉內保持肉汁嘅方法，當你落刀切開都好Juicy.其實靚扒真係只需要少許岩鹽同黑椒都十份配，啖啖肉又香口，好有牛味。店員還推介左個加$50 就可追加一份鹿兒島A5和牛優惠，真係想試試佢。份量4片到但肉色鮮紅帶雪花油脂望落都暖

石燒牛扒好好味！大大件嘅新鮮牛扒，放在超過攝氏300度的火山石上燒熟，牛肉慢慢煎熟，肉質柔軟多汁😚😚⭐牛肉 200g 178⭐腹心肉200g 178石燒方式最中意腹心肉 ~❤可以讓食客自行烹調熟成度，扒身厚近一吋，🐮肉汁豐富，肉質軟腍不韌。屬於腩肉一部分，接近後腿位置😋牛味濃郁，肉質嫩滑🥩油花分佈均匀, 有口感 只需加32元便可享五選三套餐，包白飯、沙律、湯及飲品等選擇🥰人氣餐廳，dinner性價比高~

隔離左咁耐，牛県係其中一間放監後最想食既餐廳之一！一行兩個人，照舊一個人食丼飯一個食鐵板牛扒，每樣都食下之餘又唔洗太漏～上次食個和牛鵝肝丼之後念念不忘所以再叫！雖然唔係話好平 ($168)，但佢絕對係抵食。因為個鵝肝堅係入口即溶，而且個油香你聞得到係新鮮，唔會好似有時有ｄ餐廳咁食到油益味。另外今次就試新野，叫左個牛橫隔膜腹肉(200g)，追加套餐就加$32，包野飲、湯、沙律、薯條同埋飯，所以基本上都會加，唔係既話就咁食舊牛都唔好話唔漏今次個牛同上次好唔同，呢個口感好似有咬口ｄ，牛味依然係好香好濃，大大舊牛都唔會有筋好可惜掛住食，冇影到切開個樣，經過上次既經驗，已經可以煉成煎到皮脆肉嫩既技能！最鍾意就係我可以自己調較到幾多成熟先食～同西餐既玩法完全係兩回事！想講最後我地忍唔住再追加多左幾塊牛，口痕無計加多$50有多4塊，係我鍾意既脂肪比例（對於某ｄ人黎講可能肥左ｄ）～埋單最後每人二百幾，唔算話好平但有得自己玩玩下，都算係唔錯～

偶爾食下「石頭牛」會覺得特別過癮，自己燒！感覺原汁原味😆呢間石燒牛肉專門店，有多款牛肉部位選擇，店員耐性地推介我哋試橫膈膜腹肉，果然冇介紹錯喎🤤石燒牛扒(橫膈膜腹肉)封門柳 $178 牛味濃！肉質軟腍，重點係好juicy🤤 秘製紅酒汁好味呀😋+$32 套餐（5項選3項）我哋揀咗飯、羅宋湯、炸薯條～飯有好多飯素😍湯清清地，薯條炸得好食！牛県燒肉海膽丼 $168幾吸引😍海膽好肥美、新鮮👏🏻三文魚子都係呢🤤牛肉好粉嫩😍嫩嫩地，冇筋👌🏻唔錯呀☺️

之前一直有聽過朋友介紹荃灣享和街既牛県，於是趁最近開返晚上堂食，去左牛県食晚餐。牛県比較出名既係丼飯同石燒牛肉，職員知我地第一次食，於是都好細心咁同我地介紹餐牌既菜式，每款唔同嘅牛有咩特色，從而比我地可以跟返自己既個人喜好去揀食邊款牛肉。咁我地今次就叫左200g既石燒腹心肉($178)。因為佢係餐廳既人氣之選，所以就試下。上菜已塊牛扒已經係鐵板上面，啲滋滋聲加埋陣陣好香既牛肉味就令到人好想即刻食。咁我地燒左一陣大概7成熟就食，肉質嫩口，唔會太肥亦唔會太瘦，加上佢地既紅酒牛肉汁，味道可口。除此之外都試左牛県燒肉海膽丼($168)。個賣相都幾吸引，燒牛肉牛味十足，海膽都新鮮易入口，魚子一入口就爆曬啲汁出黎，加埋劃滑既蛋黃，整體不錯。最後黎食既朋友都可以加埋＄32配個套餐(飯、湯、沙律、薯條)，十分抵食。整體而言都好滿足食得幾開心☺️

呢間日式飯堂lunch set 價錢range 都幾闊，未出糧點$52 set，估唔到食物幾有誠意！🥢牛肉壽喜燒配温泉♨️蛋：主角係珍珠米，珍珠米似重複洗過，洗去表面澱粉質，令珍珠米唔痴😊。彈牙米粒配完美流心蛋，已經好出色。洋蔥牛肉惹味，唔會太咸！加埋味噌湯、沙律🥗，呢餐性價比👍🏻味道 : 🔅🔅🔅🔅新鮮：🔅🔅🔅🔅分量：🔅🔅🔅衛生：🔅🔅🔅速度：🔅🔅🔅（5🔅為滿分）

根據政府防疫措施，六點後堂食又開始。為咗紀念一下所以今日食牛，石燒牛肉其實好多選擇，但就絕對比佢價錢吸引。因為佢做緊優惠，凡惠顧所有石燒牛扒，都會送薯條，嘻嘻。牛扒選擇有六至七款，最後決定300g牛肋間隔膜同200g牛柳300g牛肋間隔膜肉味濃郁，肉汁豐富，完全唔嚡 200g牛柳肉色紅潤非常新鮮，完全做到鎖住肉汁效果，有驚喜，牛柳少脂肪但同樣一啲都唔嚡。讚最後真係要讚下個熱石，非常熱，唔會好快降溫，將個仲放咗啲薯條上去，烘到脆卜卜

提早同朋友食聖誕節飯，吾想逼商場既食肆，於是上openrice 見到有人介紹尼間店。尼間店主要食鐵板牛同丼飯，加$16就可以轉套餐(湯，飯，飲品，薯條或凱撒沙律五選三)。於是我同朋友就叫一個腹心肉餐一個A5和牛鵝肝丼飯餐。*南瓜湯*尼個係選套餐可以配的，南瓜湯真材實料，湯質傑身，仲食到啲南瓜蓉，好開胃。*凱撒沙律*尼個都係選套餐可以配既，沙律菜新鮮，麵包粒夠脆。*薯條*尼個都係選套餐可以配既，薯條屬於粗身，新鮮炸起，食得出薯仔味吾會得啲粉。*腹心肉300g $228*鐵板牛有好多部位揀，個人比較中意腍啲既肉，店員就推介腹心肉。一上菜已經好震撼，鐵板好夠熱，塊牛扒已經係鐵板上面，已經有陣陣好香既牛肉味。上菜時大約係三成熟到，要係鐵板上切繼續燒。由於啲肉係個板上燒，可以自由控制牛肉熟既程度。我燒到大約7成熟到，肉質偏腍，肥瘦比例平均，牛肉味重，咬落充滿油脂香！加上佢地既紅酒牛肉汁，肉質鎖實啲汁，食落更香濃。*A5 和牛鵝肝丼 $168*尼個有驚喜，和牛剩看外表已經看見靚靚的雪花紋，而鵝肝望落都吾會乾。味道方面，佢有配鹽同醬汁比你，不過我咩都吾沾就咁食都覺得夠哂味道。和牛真係好腍同好香牛肉味

牛県燒肉海膽丼（$168），質素、份量、味道，對得起呢個價錢。燒牛肉有牛味，海膽尚算鮮味，魚子脹卜卜，蛋黃點牛食好滑，整體不錯。加$32可五選三（白飯、蜆湯、薯條、沙律、汽水）。蜆湯有蜆甜味，蜆肉冇沙鮮味；薯仔沙律帶有淡淡辣味幾特別。

享和街最近好多新餐廳要一間一間去試，今日行過牛県聞到咁香就二話不說入去試試啲職員知我地第一次食，好好咁介紹一次係點樣叫同埋每款唔同嘅牛有咩特色，因應番你嘅preference去介紹番邊一款會啱係食。一場黎到點都要試吓個石燒牛扒啦，我想要啲腍身啲同重牛味嘅，所以叫左個羽下牛扒200g, 再加$32配個套餐：有飯有湯有沙律有薯條有野飲😂強烈推介大家要加埋！！呢度好細心，食得石燒一定彈油，但唔洗擔心因為佢會比個圍裙你笠住～個職員果然冇介紹錯…舊扒真係好腍好香口，而且好玩嘅位係你可以自己控制幾多成熟鍾意五成嘅我梗係控制得宜，但我妹鍾意食全熟都冇問題，都可以整熟晒比舊佢試試我妹話既然黎到就試埋佢個丼飯，叫左個a5和牛鵝肝丼～我又夾左佢少少牛同鵝肝試試，好簡單就形容到呢兩樣野：入口即溶！！！係好香嘅牛脂味～鵝肝煎得啱啱好，好幸福😂雖然係肥，但我妹已經問我幾時再黎🤣🤣🤣🤣

一直聽說荃灣有間好食出名的石燒牛扒店，質素不錯而相當人氣，經常滿座，今日和朋友終於提到門外，很快便安排入座。 首先在入口跟店員下單，然後店員會為食客送上食物。跟其他石燒牛扒店一樣會有餐巾圍裙提供，而且店員會逐一介紹各種牛扒的口感分別，相當細心 （如果在其他牛扒店，我只能一面迷惘地亂揀），牛扒價錢由$100至$200水平，價錢親民，食客可加$32有埋5選3的配菜，例如沙律餐湯薯條飲品等等。 除了石燒牛扒有很多選擇，還有丼飯選擇，而且食材高級，最近做半價，超抵食！ =A5和牛鵝肝丼飯 $168=不得了！半價就食到高級食材，當然一定要叫，鵝肝共有3件，而且份量大件，食落油脂飽滿，煎得香口。A5和牛煎得半熟狀態，薄切，肉質嫩身，配合已有醬汁的丼飯，整體滿足又抵食！ =腹心肉200g $158=平時因為不懂分別牛扒分類，只習慣叫西冷和肉眼，但其實牛扒專門店有很多選擇，全靠店員介紹，就點了腹心肉。食落的牛扒味超濃郁，肉質淋身，容易切開和進食。雖然脂肪比例不高，但竟然唔會韌身／鞋身，這一點令我眼界大開，是高級肉質才可以做到，打破了以前只知道脂肪多先唔會韌的思想。 =五選三套餐 +$32=選了飯、薯條