牛県

營業中

休息中

係荃灣睇完戲唔知想食咩？食呢間就岩晒啦裝修好有日系風格以呢個價錢可以食到咁高質既肉，真心唔貴美國和牛封門柳(200G)好抵食既一個套餐，除左有200G既牛扒之外仲可以食白飯、餐湯、沙律、薯條同汽水到五選三想食飽Ｄ可以揀白飯薯條，想食健康Ｄ可以揀餐湯沙律，任君選擇店家先會上一塊完整既牛扒，你可以自己喜歡既大小，放上石燒到自己喜歡既熟度，非常自由而且最重要係呢到既牛既肉質真係超級靚封門柳肉質勁鬆勁軟，而且軟而不散，不論燒到三成定係全熟都好，都依然好軟熟，最重要係牛肉味極度濃郁，高質！靚牛真係唔洗搞咁多野就咁用少少鹽點黎食已經勁正，好推薦大家咁食薯條炸得金黃香脆，沙律有少少麵包做點綴好有心思牛県燒肉海膽丼唔好以為呢到得牛高質，海鮮類亦同樣高水準首先呢到既牛就當然唔洗講，係正到非常燒既熟度岩岩好，食到香味之餘保持到ＪＵＩＣＹ更難得係呢到既海膽勁鮮味，一Ｄ腥味都冇，仲要幾乎半碗既份量，勁足料三文魚子咬落去卜卜聲，爆晒汁勁爽

由於男朋友鍾意食牛（其實我都ok嘅）😆🤣，所以間中都會搵啲食牛嘅餐廳，呢間印象中好耐以前食過覺得ok所以去開荃灣就食呢間！呢間餐廳主打食石燒牛，揀咗唔同部分同Gram數，佢會燒咗大約一成上碟畀你，由你自己決定燒到幾熟再食，好處係有得自己控制，唔好就係自己燒得唔好都只能怪自己。🤣基本有6個部位可選：平鐵牛扒、上腰西冷、牛側腹扒、橫隔膜腹肉（封門柳）、腹心肉、小牛柳。封門柳係best seller，另外我對牛側腹扒都有興趣，因為脂肪較多同時肉味都重。如果唔想食太肥，腹心肉就相對無咁多脂肪而肉味都好濃。原來想食牛側腹扒，但當日有特別嘅貨返：和牛封門柳，所以我哋就揀咗呢個嘅200g！！😎（每款牛都有3種重量可揀！）可以加幾十蚊變套餐，喺 沙律 / 湯 / 飯 / 薯條 / 汽水 5樣揀3樣，我哋揀咗沙律、薯條、汽水。先講配菜，沙律雖小但有菜有麵包粒，而且唔算好多醬，唔會太肥，畢竟牛脂肪相對高嘅牛，都會偏膩；薯條好脆，非常欣賞；汽水係罐裝，我哋揀咗Zero，感覺罪惡感低啲🤭如果怕啲油煙彈到件衫，仲可以著上餐廳供應嘅圍裙，我哋嗰日都著淺色衫，所以都著咗隔一隔！好！來重點！和牛封門柳上碟時，已經係豐

鵝肝性價比極高.$168 有4塊A5和牛, 4塊鵝肝.如果旺角個頭食鵝肝飯都要$100幾蚊.依度仲有埋4塊和牛.和牛油脂好夠, 好有牛味.飯嘅份量都岩岩好.滲晒鵝肝油同和牛油脂, 好正同埋叫左碟竹筍, 都好好味下次想黎食和牛海膽飯

佢啱啱開張就去食，而家基本上一個月最少會去1-2次，已經食咗3-4年食到同啲員工都熟晒雖然牛肉選擇唔係好多，得6款再加啲Special menu嘅肉，但啲肉好高質，性價比高。最鍾意食腹心肉同近期有嘅和牛封門柳，好有肉味。加錢又可以有飯，湯，沙律，薯條同嘢飲，任揀3款，薯條好好食，湯間唔時會唔同，最鍾意嗰蕃茄湯同南瓜湯。疫情最嚴重時冇堂食，試過佢啲外賣飯，都好有質素。而且可以book位，所以唔洗點等位

荃灣牛県 美國和牛封門柳 200g上個月食了A5和牛鵝肝丼, 鵝肝煎得好好食, 今次回來食扒, 本來想試橫膈膜腹肉, 眼鏡少年店員, 推介美國和牛封門柳, 就信任地一試.真係推介得很好, 好好味, 肉汁豐富, 啖啖好味.

今日好想食石燒牛扒 諗起荃灣廣場附近有一間石燒牛扒以前都食過3-4次 就係唔記得餐廳名於是OpenRice 搵下街名…享和街 😂係牛県 即刻撳掣Book埋位先各款美國Prime牛扒部位 真係花多眼亂幸好職員主動細心講解👍🏾除咗餐牌 仲可以參考板上嘅推介最後揀左上腰西冷+$32套餐 (湯/飯/沙律/薯條/汽水)任何3款西冷肉味最濃 油花不算多分佈平均而且有彈性橫膈膜腹肉(封門柳)肉味甜 紋路幼細 肉質幼嫩多汁石燒牛肉可選一款醬汁紅酒牛肉汁/阿根廷青醬配上自家製醬汁 味道層次再升級👍🏾🌟總結🌟食物味道一流環境舒適 服務態度一流👍🏾👍🏾👍🏾

🔸橫膈膜腹肉(封門柳) $178 / 200g牛扒肉質柔嫩，都算有牛味 就算唔點醬汁都幾好食 不過睇落就唔似有200g $178但得嗰幾舊仔份量比較少 食肉獸一定唔飽性價比比較低荃灣區嚟講有其他選擇🔹環境：可能我去嘅時候比較夜入面冇乜食客，完全唔使等位但係上菜時間比較慢搞到有啲食唔切嘅感覺-時段及等候時間：星期三 晚上 ～0分鐘-味道：6/10性價比：5/10回頭率：2/5-#牛県 📍荃灣享和街49號地下D1號舖

2022-08-27同朋友去咗荃灣食牛🐂訂咗位係牛縣🐮餐廳主打食石燒牛😆訂咗平日晚市八點鐘🤣全場爆滿，要等位😅需要我訂咗位，但我遲咗十五分鐘先到🥹罰我要等位😹（我朋友遲咗半個鐘先到🤪）店員安排我哋坐四人長枱4️⃣我哋點了，牛橫隔膜腹肉 ，263蚊300g，另加35蚊有飯同汽水，份量超多，勁大嚿牛肉，牛肉既肉質細嫩，牛既肉味亦好濃郁，油脂味都好足夠，軟嫩無筋同時保留應有嚼勁質感，加上石燒板夠熱，可以自選生熟度，揀了紅洒牛肉汁食更加好食😋A5和牛鵝肝丼，168蚊碗，份量正常，鵝肝入口即溶，新鮮嘅油香味，煎得啱啱好唔會過濃，而和牛雪花紋好靚，和牛好腍同重牛肉味，有少少入口融化既感覺，和牛油脂感好重，兩種食材配搭埋飯，真係好浮誇，一定要試🦢吉列炸蝦，32蚊碟，炸蝦炸得好香脆，味道正常🍤整體環境餐廳座位比較逼，都幾大油煙味💨服務都好主動收餐具同打掃🧹食物份量都幾多，價錢都合理，食材新鮮，會再幫襯去食牛🤗🤗#牛橫隔膜腹肉#A5和牛鵝肝丼#吉列炸蝦

打風趕住返屋企期間，經過享和街和見到牛県做緊呢個期間特特大優惠$18就有一客牛舌飯真係可遇不可求，就即刻落單買左一個落完單要等１０分鐘左右，所以入左舖頭等舖頭唔算大，坐位唔算舒服自助區主要食石燒但都有一兩款丼飯同定食仲有生牛肉比你買走自己煮等左10分鐘左右辣味噌煮牛舌飯$18（外賣盒加$2）飯同餸分開2個盒辣味噌湯一啲都唔辣，但都幾野味厚切牛舌大大塊，有３件大件，３-4件細件蘿蔔夠淋，無渣，入口即溶，但又唔係爛溶溶口感只係唔太入味牛舌煮得夠軟腍，不會太韌咬唔開雖然中間幾粉嫰，但唔算好嫩滑唯一要彈下係，食到有件牛舌有啲黑左？？飯用珍珠米，乾濕剛好，粒粒分別有咬口，有少少飯香

幾年前香港突然掀起一股熱潮，頓時間石燒牛扒專門店遍地開花，但現時不少均已經相繼結業，只此一家的牛県卻仍然屹立不倒，外賣自取丼飯更只需$32起，壽喜燒牛肉飯、辣味噌煮牛舌飯、豚肉生薑燒飯、日式咖喱炸雞飯等選擇繁多，物超所值怪不得一直以來口碑載道。石燒牛扒標榜選用濕式熟成美國USDA Prime牛肉，分別有上腰西冷、牛側腹扒、小牛柳等六個部位，亦有三個不同重量選擇，另外亦有兩款半價丼飯狀甚吸引。腹心肉 ($178/200g) 肉味濃重而又不失油香，油脂豐富但不過膩，軟嫩無筋同時保留應有嚼勁質感。每款石燒牛扒可選紅酒牛肉汁或阿根廷青醬其中一款醬汁，前者像一般黑椒肉汁而後者帶濃郁香草味，但牛肉本身已用鹽調味，加上牛肉質素出色實在無需配上其他醬汁。飯、湯、沙律、薯條及汽水可以$16單點，或另加$32升級套餐任選三款，薯條即點即炸外脆內軟。飯會加上飯素調味，而薯仔沙律粉糯綿密並混入洋蔥辛辣惹味。牛県燒肉海膽丼 ($168) 面層舖滿海膽、燒牛肉、三文魚子等奢華豐富，海膽鮮甜飽滿再加上三文魚子更顯鹹鮮，牛肉肉質軟腍而肉味相對較輕。生蛋黃濃稠並富蛋香令白飯更加濕潤，美中不足的是牛肉如果切得更厚相信會令

愛食牛的我，一直期待已久，今晚2人終於黎到呢間牛專門店一嚐靚牛滋味！由於晚上7點15已全場滿坐，故在門外等了15分鐘才有位！店門已告示由於坐位有限，用膳時間只有90分鐘！當踏入店内，幾乎全場客人都叫鐵板牛食，故令我對此店的牛滿有信心！得悉店內有2款做半價優惠$168，我選了其中一款 “鹿兒島A5和牛鵝肝飯” ，而另一款叫了 “鐵板小牛柳 200g”，另加一碟 “厚燒牛舌”。不知是否假日關係，加上侍應告知今晚廚房得2個爐用，故等了10分鐘左右，先出了2碗A5和牛鵝肝飯（其中一碗是出錯），再過多10分鐘左右，才分別出鐵板小牛柳和牛舌！鹿兒島A5和牛鵝肝飯 - 賣相不錯，但沒想過A5和牛裡面咁多根及周邊一大條脂肪邊，而且4塊都一樣並且有點難咬開。真心覺得有點伏！這是我初次食有根的A5和牛。當我向店員查詢了解，對方回覆說廚房咁啱切到靠邊多根部分！我很難想像A5和牛還差過西冷牛扒！好彩鵝肝沒出事，不知是否$168 關係，所以A5和牛才是如此質素……至於 “鐵板小牛柳 & 厚燒牛舌” 不過不失！

I have never had any beef this good in Hong Kong. It really is the best in Hong Kong. It reminds me of the time I had Korean beef in South Korea. The price is understandable given the outstanding quality. It is not very photogenic, i admit.Food quality: 5++/5🤣🤣🤣Environment: 4/5 (very few seats but comfortable)Location: 3.5/5Economical: 4/5

好耐無食石燒啦！見到餐牌有唔同種類牛扒，價錢又ok就黎試試佢聽日職員細心嘅介紹之後心大心細食橫膈膜腹肉（封門柳　）定係腹心肉，最後都係決定食肉質更嫩口嘅腹心肉每款石燒牛扒可以選擇一款醬汁+$32跟餐我揀咗薯條，沙律同埋湯今日跟餐既湯係羅宋湯一個套餐呢個份量已經覺得會飽啦餐廳會提供埋圍裙，就唔驚石燒既時候會比油比汁彈到衫～腹心肉果然牛味同肉質嫩口並重！呢個質素既牛只係$178 超值！下次都想試埋封門柳🤭今次的確無嗌錯～～200g大大件，相當厚肉地，自問我胃都唔細，但食完成個餐好飽五成熟，一切開，粉嫩既肉質真係忍唔住要食啦！唔影咁多，快d食🤭 灑少少鹽，點少少醬調味，一流！朋友叫左一個牛県燒肉海膽丼飯 $168牛肉海膽魚子鋪滿整個丼飯！魚子超鮮🥰🥰加上生蛋，每啖都係味蕾既享受！同朋友講好咗下次會黎食埋封門柳💖💖同埋我要食埋佢既鵝肝飯！睇相真係好想點，可惜今次我地兩個人只係得兩個胃🤣

呢間餐廳主打石燒牛，亦有豬肉同羊肉可供選擇🥩以「濕式熟成」為賣點，確保所有扒類鎖緊肉汁💦同時炮製足料日式丼飯🍚💗牛橫隔膜腹肉 ($178/ 200g)店員預先將牛扒煎至約三成熟，然後放係高溫石板上，由食客煎至心水生熟度🪨嚴選美國USDA Prime冰鮮封門柳，肉質鬆軟柔嫩，油花較少，肉味特別香濃🇺🇸配上自家製醬汁，分別有紅酒牛肉汁同阿根廷青醬，兩者各有風味。如果想食牛扒嘅原汁原味，可以簡單蘸海鹽同黑椒🧂💗飯 (+$16)珍珠米飯粒粒煙韌飽滿，面層灑上味素💗五選三套餐 (+$32)🥗沙律：薯蓉沙律配上沙律菜同車厘茄🍅湯：雜菜羅宋湯味道微酸開胃，不過蕃茄味再濃d就好🍟薯條：粗薯條炸至金黃香脆，內𥚃薯肉綿密💗鹿兒島A5和牛腹肉 (+$50/ 4切)和牛腹肉油花佈滿整塊牛肉，肉質軟嫩細膩，脂香四溢，入口即溶🇯🇵💗A5和牛鵝肝丼 ($168)選用鹿兒島A5和牛和牛腹肉🐃配上香煎匈牙利鵝肝，口感軟嫩甘香，油脂齒頰留香，入口即化🦆丼飯加入秘製醬汁，味道香甜惹味。配上柚子醋汁同蘿蔔蓉減低油膩感🍚

荃灣開餐食乜好？石燒牛再加海膽丼夠唔夠吸引🤩 橫膈膜腹肉封門柳 200g $178石燒牛扒有7款，店員詳細介紹完，我地揀左封門柳。肉味濃而且鬆軟，肉心多汁。+$32 轉套餐，飯/湯/沙律/薯條/汽水，任選三款。做緊優惠，+$50追加鹿兒島A5和牛腹肉 100g 原價($198)❗️呢個本身都心心眼😍但$198得4片又唔捨得，而家加$50就食到，當然唔放過✨入口即溶，油脂充盈又滑身，味蕾大滿足💓牛県燒肉海膽丼 $168呢個丼啱曬我呢啲貪心嘅人😆 片片嫩紅燒肉、大大粒魚子，仲有濃滑海膽✨ 完全無苦澀味！撈埋蛋液同紫菜包住食，點食都好味😋食材高質，味道很不錯，留下美味又愉快用餐體驗，下次路過再到訪吧。