牛気 (雅蘭中心)

營業中

休息中

逛了一天的街當然要和朋友吃火鍋補充體力，就近選擇了牛気。朋友之前吃過其他分店，說質素不錯，帶我來試試。看了看餐牌，選擇了牛小排套餐，既然是店長推介，想必應該不錯。身為嗜辣人士，湯底必須點四川麻辣燙，朋友則選擇了番茄湯底（加$10就可以選擇2種湯底）牛小排果然沒有令人失望肉脂分佈平均，牛味濃鬱，口感柔軟，根本停不下嘴！各種火鍋配料，飲料還有甜品都是無限量供應，而且種類豐富，其中白魚蛋真是深得我心，口感Q彈，太喜歡了甜品中蛋撻和提拉米蘇也很好吃看隔壁點了包海鮮的套餐，看起來好像也不錯，下次再來試試

最近天氣又涼涼地 突然間好想食打邊爐 搵嚟搵去原來好多因為疫情 下晝都冇開 本身搵到朗豪坊上面有一間 但行行下又經過見到牛氣 90分鐘任食仲可以減40蚊 就唔使諗即刻衝咗入去啦值得一讚係舖面真係好乾淨 好整齊 職員都好有禮貌 佢哋都溫馨提示出去攞嘢食記得帶返口罩 當然都有啲唔生性嘅食客 係口罩都唔帶就衝出去攞野食啦價錢178減40蚊90分鐘任食牛真係好抵 加單嘅牛肉同第一碟又一樣咁新鮮咁靚 唔同出面任食牛肉 加單嘅永遠就冇咁靚 肥膏多過肉自助配菜有好多選擇 金菇 冬菇 粟米 生菜油麥菜 皇帝菜 南瓜 翠玉瓜 豆卜 油豆腐 蕃茄薯仔 蓮藕 雲耳 秀珍菇 銀牙 及各式丸類麵類 材料夠新鮮仲有飲品任飲自助咖啡機 自助乳酪機及甜品等等湯底選擇都好多 如果雙拼加十蚊 今次簡左中華麻辣 夠哂味 都唔洗再點豉油 可以揀吸味嘅配菜例如冰豆腐豆卜 金菇等等吸曬啲麻辣味真係好正如果怕但污糟件衫仲有圍裙可使用總括嚟講 真係抵食兼好飽 最後連甜品都食唔落 如果閣下唔係牛魔王 唔係食肉獸 可以單點一碟肉仲平啲 因為自助區選擇太多 如果單點豬肉我記得都係78蚊 出去食碗米線或者貴價車仔麵都差唔多價錢

一家四口，叫了個每位$88 ,半自助餐，食物新鮮，職員態度有善，特別是一個重國語口音的大嬸，好有禮貌，又樂助。驚喜有 新鮮竹蔗茅根飲。另外有個好qq的麵，和菜肉丸都非常出色。食到飽飽，晚飯都吃不下。超時都無催。坐得舒服十分滿意。

有人話識食一定係食牛氣晚市，因為呢度三文魚好正喎！唔係間間邊爐都有食。我本來都唔信，心諗實好唔新鮮啦，點知今次有驚喜呢度既三文魚刺身原來唔係攤晒出黎，係要落單叫既，每次份量都適中，切得比較厚身，睇落好新鮮，唔似虹鱒扮，品質拍得住高檔超市嘅刺身！另外一個會再食番既原因，就係因為呢度配料選擇多應有盡有！牛肉靚，新鮮，油脂唔太多，碟碟黎親既都無令人失望。海鮮任食當中，大蝦爽口，帶子鮮甜，好令人滿意！可以既話一定要狂食啊！其他食物當中，響鈴、油揚油豆腐最好味！😂響鈴雖然係邊爐常物，但唔係間間日式邊爐放題都有得大量食同refill！順帶一提，呢晚既葡撻，勁搶手，手慢真係搞到無得食⋯牛氣甜品入面焦糖燉蛋最好味估唔到竟然有棉花糖機，好玩又好吃

同同事放鬆一下勞碌生活去任食係好選擇我們三個女仔選左最平個套餐，都夠食，基本上肉類食兩碟已頂肚，有好多菜同丸，都有啲熟食！牛雖則唔係貴牛但咁既價錢係接受既好好好抵係加$20任飲啤酒服務接受唔難受

今日星期日但午市時間人少 完全唔使等位，立即入座90分鐘放題仲要做緊每位減$40👍🏻之前試過昆布湯同豬骨濃湯，昆布湯非常清，豬骨濃湯就有少少似出前一丁豬骨味今次試吓蕃茄湯底有試過第二間嘅蕃茄湯底非常濃食完之後勁口渴但呢間個湯一啲都唔味精，我哋再自己額外加咗蕃茄食落啱啱好👍🏻我哋揀咗最平嘅牛肩肉套餐，連埋+1每人埋單$168左右啲肉都新鮮，放題建議揀返基本肉類就可以，我哋之前試過叫貴啲肉既餐，食落反而冇咩大分別🤑配菜雖然都係啲要塞飽你嘅嘢但以款式來講比起其他餐廳都多，我哋覺得以呢個價錢來講幾滿意佢哋仲有壽司，冷盤頭盤咖喱飯同湯甜品有蛋糕啫喱雪糕機雪糕窩夫仲有部棉花糖機可以自己整棉花糖大人細路都有野啱食總括來講，以$168嘅價錢來講真係非常抵食肚餓嘅時候一定會再嚟幫襯😁😁😁

當日非常之肚餓見到呢間餐廳要排隊之後諗住去睇吓附近仲有冇其他選擇 最後見等位都有櫈坐就決定一試入座之前Staff問想食邊個set本身我諗住食最平嗰個180幾 不過見咁肚餓就試吓佢建議嘅優惠價320幾嗰個餐一入到去已經好開心 因為我一個人去食 佢俾咗個好好嘅自閉位我 唔使擔心同其他人坐得太近會好尷尬 我幾乎全程都背對着所有人 講返食物 其實一路以來我食其他放題都冇試過真係食和牛 第一次食呢個嚴選澳洲和牛加海鮮放題 真係有驚喜 啲牛肉就咁放喺度個樣已經好靚仔 切得一啲都唔薄 仲要好大碟 相比之下一開頭比嘅豬肉同埋雞肉質素就麻麻 後尾我再添牛肉嘅時候 點知原來都係咁大碟 我仲以為好似平時咁第一轉之後就變樣 搞到我差啲食唔晒另一個重點係挪威三文魚刺身 超級肥美 係三文魚腩 因為我好少幫襯又有火鍋又有放題嘅餐廳 所以本身都唔知到底刺身係得一客定係可以refill 店員哥哥仔好好咁話冇問題 上大份啲比我 (最後我食咗4份 其實刺身都幾飽肚)其他要煮熟嘅海鮮 一開始都會每樣比一份試吓 海蝦唔錯 青口一般 帶子一般 石斑我煮咗好耐都係超級腥其他項目例如飲品同蔬菜 都屬於正常水平 種類唔算好多 不過份量

我喜歡一個人打邊爐，一般火鍋店，很難招呼一個人。其他火鍋店只是湯底都$100，肥牛又$200，好難預錢。牛氣，有一個人餐，正合一個人之意。平時夜晚，90分鐘放題，最平餐$178，美國牛肩肉、美國豚腩肉、巴西雞腿肉，份量足一個人吃不完。丸的選擇不多但足夠，魚蛋、魚餅、貢丸、麻吉燒、沙拉丸、香菇燒；菜，有四五款；除了有麵、烏冬，還有粥粉麵飯、粟米羹；飲品、甜品、雪糕任食。晚上營業至02：00，工作至深夜，一個人打邊爐，我會來牛氣。

旺角這家已經來過幾次，肉的質素好似大不如前！今次同朋友點咗個$348，有牛、豬、雞、海鮮，牛看似很鮮紅，但吃下口感並無肉感，不帶小小牛味！大概應該是肉太薄，吃不出什麼感覺來，其他配料選擇依然多，瓜菜都很新鮮海鮮有 青口 帶子 魚柳 海蝦兩大隻...感覺都不錯，比肉鮮這價位真的寧願吃散點的，質素還要好！再吃點中價也差不多

牛陣牛角牛氣通通都未食過只不過今日一行人選擇困難又唔想食太頹嘅快餐於是走尼朗豪坊對面嘅牛氣6:15已經入座無乜人上菜好快，追加幾次牛同豬肉，轉個頭就到肉類都比較薄，入口軟身菜亦算新鮮，大路款式熟食無乜試過，不外乎春卷之類，興趣不大反而沙律以及冷盤類唔錯無話吹乾哂或者一陣拎出尼嘅雪氣味算係熱食以外另一bonus,不至於打邊爐太寡

假期去旺角食飯，好多人....係門口揀左餐同湯底先入座鴛鴦湯要每人加十蚊......食物選擇ok多，有d熟食牛好食過豬，豬比較鞋第二次refill 嘅牛就好肥share相有免費movenpick，同行4人得一個想食，所以只係show一個ac呢個人就態度囂張咁質疑我地，話得一杯無錯啊我地淨係想要一杯🤷🏽‍♀️洗唔洗咁串其他職員就幾好，雖然個場忙，但收碟執野都快本身都無乜野，但比一個人打破左美好心情

老闆為了慶祝萬物會圓滿結束，於是請我哋一班嘅職員去食飯，本身我覺得打邊爐冇咩特別開心拒絕了，但係響老闆嘅邀請之下還是繼續。牛氣嘅環境比較擠迫，價錢唔係特別大眾化，平均每位都要$250 ，產品嘅選擇多樣化,其中我最鍾意嘅就有響鈴。打邊爐嘅側邊，亦都有各種各樣嘅甜品以供選擇，我最鍾意嘅就係細杯嘅雪糕仔。呢度嘅打邊爐係自助食，所以你鍾意食啲咩就可以揀到啲咩。能夠同一大班同事一齊去囉，係值得開心嘅，所以我都覺得好開心。

早上出左去做野，早做完，難得有2個半鍾lunch time，就去吃，好少機會可以係lunch time吃到既涮涮鍋。平時吃開牛涮鍋，對比依間牛氣，牛涮鍋會更似正宗涮涮鍋，近日式d。相對牛氣既食物種類多d。近中國人口味d，竟然有抄飯🤷🏻‍♀️2間各有特式啦。

旺角火鍋店居多，透過openrice我搵左好多間火鍋店，最終我選擇了牛氣涮涮鍋，店內環境不錯，燈光柔和，設計上帶有 點日本風格，店員於櫃面協助我們點餐介紹，而我們選擇的套餐為牛小排套餐（$248），肉類包括極上美國牛小排（必食），美國牛肩肉（肉味濃而有點帶有油脂），雞腿肉，豚肉，外面火鍋配菜都很多選擇，有我喜歡的芝士丸，大大件鱈場蟹柳，嚮鈴，較特別的冰菜（不是每次都能看到），還有不小風味的餃子類，除了火鍋跑外還有沙律吧，餐廳出手亦非常不簡單，連巴拿馬火腿都可以除意進食，讚！另外，餐廳亦有小量壽司選擇，和牛壽司，黑松露三文魚壽司，芥末三文魚壽司，可算是大路種類，藉得一提，店舖設有雪糕機供人自助式拿取，聽店員說雪糕出自日本夕張哈密瓜味，本人試過，奶味及果味超濃厚，90分鐘過後，我們都抱著肚，滿足地離開。

味道和食物質素都非常一般的自助火鍋，海鮮都無，咁就人均$283，選擇又少。最主要系服務態度欠佳，一入黎就系咁推薦你食貴嘅套餐，本黎想揀$188，竟然話呢個肉質比較粗，無咁好食（咁講即係擺到明無得揀姐……）最衰系佢無得俾你坐低再考慮，一定要你系門口揀左先入得，惗返都覺得蠢左，不過同friend一齊，費事要人等，就算了。雖說限時90分鐘，但畢竟系用餐，又唔係考試，就算人多都只需好意提醒，更何況全場有好多吉位，我地差唔多夠鐘時個waitress黑黑面咁過黎收碟成副趕客樣咁。早知咁嘅質素我不如食返對面嘅台式邊爐，起碼貨真價實性價比高