牛気 (雅蘭中心)

營業中

休息中

我同幾個朋友食晚市D餐，於20:20入坐，一入坐已經叫左個鰻魚飯。之後一直都未到，途中催左幾次，服務員話製作需時。最後去到21: Last order，佢話整緊，最後都冇到。😡😡😡😡我唔係想話D服務員態度差或服務唔好，而係佢嘅出餐速度真係好慢，呢間餐廳係用手機點餐，而每次只可以點10樣(例如10片牛肉)，而每隔一次點餐都要等1分鐘。嚟嘅食物唔齊全，多次出現走單嘅情況。其實餐廳嘅食物質素都唔錯，但係用餐體驗真係非常之不愉快😪😪😪

今晚去旺角搵食，周圍都係人，諗住一見邊間有位就食邊間。最後我哋就決定食牛氣，因為有同事成日同我講，話牛氣好好味。有幾個套餐可供選擇，我哋就揀咗美國牛小排放題 $248- 極上美國牛小排- 嚴選美國牛肩肉- 特選豚肉- 精選雞腿肉- 蟹子墨魚滑牛小排非常突出，叫咗好多碟，碟碟都好有牛味，再配合豬骨鍋，呢間牛氣真係可以encore。雖然有好多款肉類可供選擇，但係我哋真係好鍾意食牛小排。自助吧範圍都有好多好多配料，連黑金奶皇包，棉花糖機，烤番薯，番薯糖水，仲有好多甜品同飲品，真係要來食幾次先至可以試晒咁多款式。

今餐要先多謝恆隆 ，因打齊兩針，恆隆送現金券兩百大元，係指定商場的指定店舖可消費，冇話食某數目才可扣數，恆隆低調冇乜宣傳，想知就自己上網查下，或者去雅蘭商場行下，應該有驚喜。香港地食牛乜牛物的火鍋放題，坊間真係開到成行成市，要食勻咁多間又真係有排輪，我和老婆就喜歡逐間試下，通常只揀最平的套餐，如果最基本價錢都好食抵食嘅！抵讚啦！選擇牛氣只是撞手神，並非冒名而來的，話說原本想試牛角燒肉放題，但午市竟然要3舊水一位，諗落吾多抵，咁就過左隔離牛氣，平一半有多，又未試過，咁就轉了軚，都算冇失望嘅！牛肩肉係主題，兩口子總共吃了8盤，對於臨近長者的我倆，算係賣力架啦！牛肩肉品質好，色澤和口感都讚。上枱速度快，唯一是要舉手叫侍應口頭落單，有點落後了，依家興用手機自己按鍵嘛！講真！除了牛肩肉，其他冇乜特別，丸類餃子蔬菜熟食雪糕甜品等等都係行貨配搭，冇驚喜。相比同價錢的馬辣，對方起碼多左海鮮類，牛肉都多幾款，牛氣就輸了馬鼻了。埋單才發現午市做緊減價，原本178，每位減40，咁就都叫抵食嘅！

肉質味道不錯，非常有口感。服務員態度有善， 對出嚟攞餐的小朋友十分有耐心。 價格有都可以， 四個人食差唔多五百蚊有多，學生黨可以間唔中食下。 總之一句講曬好味。滿分5粒星🌟—————————————-環境：🌟🌟🌟味道：🌟🌟🌟🌟服務：🌟🌟🌟CP值：🌟🌟🌟

最近都愛上左食火鍋，而旺角都有幾間出名嘅火鍋店。今次我就試吓牛氣呢一間餐廳，我叫咗最貴嘅極上澳洲和牛餐。首先講吓佢個餐，咁佢除咗有極上澳洲和牛之外，仲有極上美國牛小排，兩種牛肉都真係超級唔錯，極上澳洲和牛更加係廚師即時切出來。脂肪分布平均，超重牛肉味。放入湯15秒就食得，超級嫩滑。另外套餐仲有包含特選豚肉，同埋精選雞腿肉。其實佢嘅豬同雞都係唔錯嘅，但當然冇牛肉咁高質啦。餐入邊仲有包含咗海鮮，有蟹腳，青口，海蝦，東風螺，墨魚滑等等。海鮮都算新鮮，海蝦都係彈牙嘅，個人就麻麻哋蟹腳打邊爐，可能感覺太麻煩，都係鍾意食刺身嘅比較多。

極上歐洲和牛（8.5/10）薄而有口感，一口一片👍🏻放入什麼湯底都不遜色，肥瘦相間，放入鍋內煮1,2分鐘就能吃了，味道也是絕了，必點！推薦！肉丸類和蔬菜🥬（7.5/10）肉丸和蔬菜的種類都很多，大部分都很新鮮和好吃😋，個人推薦年糕魚餅👍🏻蝦滑（7/10）份量不多，整體而言沒什麼蝦的味道，魚子也不多，不推薦❌海鮮（6/10）蟹肉🦀️和蝦🦐都很大隻，但進口能明顯感受到是冰鮮肉，所以口感上就有點柴，不推薦，生蠔🦪帶子和螺類也都一般花膠（8.5/10）強烈推薦！超滑超潤！很適合補身體，放進湯裡面煮也能讓湯更濃郁好吃！我是叫他補了三四次的，必吃！甜品區（8/10）來到了火鍋的最後一站，肯定是以甜點來結束才完美啦，作為一家火鍋店，這裡的甜品是真的ok，無論是葡撻還是焦糖燉蛋，但雪糕一般🍦

一段時間沒來本想尋回一碗充滿誠意的牛肉粉味道可惜又再次令人失望首先 迎客職員 變了毫無感情外傭感極重的姐姐 天時大熱 第一時間就係叫客人在戶外寫紙仔 我明白這是必需但可否讓客人坐低才寫呢？送來是一碗充滿超粗粒 大小不一的香蔥粒和看不出是莞茜的莞茜看見已心知不妙湯頭還算保留味道但牛肉的感覺已不像從前優質也沒有那麼足料但價錢沒有因為水準下降而降價那我只能好抱歉說 沒有下次了罷還有冷氣不足 抽氣不足 也是大大問題必須處理真心希望店主 快快回魂讓跑地街坊可繼續大快朵頤

之前幫襯過另一間分店，不過無左了。呢間個嘢食位好大，即係食物，份量不少啦！只壽司款式都算多，仲有我最愛玉子蛋。個中式湯算ok喎，無味精，但淡左少少。熱葷都係最經典炸物，但佢有個鮮奶流心炸物，好味呀！蒜蓉包，麥樂雞，款式好多。台式腸又係my faovur，個茄子好入味，又夠甜。點心都有。沙律款式多，都係大路得黎最緊要啱口味。仲有長腳蟹，唔太好，但有，無理由唔食啫，打卡都要啦！而甜品款色好多呀！雖然好普通，但每款試一半，都飽到呢....cake一般，始終入貨都係淡味嘢。但個栗子撻唔錯。同埋椰汁椰子肉好香呀！呢款甜品就真係無乜地方見過，正。另一個提子唔知啫哩定係蒟蒻，都好好味。食lunch百零蚊，每款食少少都好夠飽，好在無打埋邊爐啫。係服務差少少，聽到佢同客對話麻麻地有禮貌。

紀念日book咗呢間 係朋友推薦，話抵食又好味，當日早咗到(我地book8:30)，然後叫我地坐一陣先，過咗5分鐘左右未到8:30就比我地入去。我地叫$258嗰個，食物質素真係無得彈，以往我麻麻地食豬，但呢間真係唔錯，雖然我地叫黑蒜豬骨湯底無乜黑蒜味但係豬骨味好濃好香，濃得黎又唔流。同埋熟食區裏面春卷好好食！甜品焦糖燉蛋超好食，唔會太甜！墨魚滑好彈牙 每個服務員態度都好好，叫服務員加水都即刻就拎湯黎，唔會走咗去整第二啲野再加。上菜速度都好快，但可能因為太多人落單嘅關係廚房漏咗，服務員見到我地枱空空行過黎問我地啲野係咪未到，幫我地催下。 因為10:00後禁堂食，然後我食得比較慢嘅關係雪櫃機已經閂咗，服務員知道我想吱雪糕，但已經閂咗機，就拎咗2杯雪糕比我地同我地講唔好意思，送番2杯雪糕比我地。 食嘅過程好開心，好多火鍋店嘅服務員都會做到黑口黑面，但係呢間真係會比我feel到係無咁嘅感覺！第一次食得咁滿足咁開心！一定會再去食

上星期去咗康得思酒店staycationpackage並無包括晚餐心諗旺角咁多餐廳都無咩所謂啦check in瞓咗陣先上網睇食乜近近地見到雅蘭中心有得日式打邊爐打電話去職員相當nicebook位直接換衫出門帶埋仔仔去到門口職員指住阿仔話：係就係book左檯嘅x生﹗哈哈哈，so nice，職員經過都會撩佢玩安排一張附近無人嘅檯highchair搬到過嚟仲用酒精重新抹一次夠晒衛生食得安心我地揀左298一位嘅極上牛小排+海鮮放題好重牛味唔會太油﹗平時少食牛嘅我地都前後叫3碟要大讚花膠勁勁勁厚身﹗虎蝦有手掌咁大隻，每次加單嚟2隻完全無漏單值得一讚自助吧都有好多嘢食罕有地居然無烏冬但用小杯分好一束束麵都幾特別呀～仲有好多小食甜品飲品都有好多選擇呢個價錢同質素值得ENCORE

四人限聚令之後第一次約朋友食飯。6:40入去拎飛，佢話等到7點就有位，點知不停等，到7:30都未有位，走去問佢點，佢話仲差3張，但數過，3-4人枱，已經過左5個，都仲未到我。（1-2人枱已過無數張。疫情期間，4人限聚，不知道為什麼會有5-6人枱，已經無計）再走去問佢，佢話仲有1張。之後聽到有人同接待講咩＂咩識黃生＂之後就好快有得入，而我不知道黃生是誰。最後到8點鬆啲先入到。可能接待唔知道我聽到，我又冇表示啲咩唔高興，佢完全冇道歉嘅打算。等位時間仲耐過食嘢。價錢算平，嘢食質素還好，落單速度都快，除咗等位程序非常混亂之外，大致上都可以接受。

是日與三個朋友食飯。其中一人未試過牛氣便一早預約好到此食晚飯。星期五的晚上人頭湧湧在店外等位。幸好的是。我們預先預約好一到就可以進入。店內面積不算大。自助吧的食物種類算多。我們點了豬骨湯底還有壽喜燒湯底。點的套餐還可以無限添加三文魚刺身。對於一個三文魚刺身控來說是一件非常吸引的事。海鮮亦非常新鮮，而且蝦勁大隻。蝦似一啲都唔霉。仲有花膠添。蝦滑與豬肉味道亦不錯。最後輪到主角肥牛。牛味味道非常香濃。值得一讚。最後要彈一下的是。只有90分鐘進餐時間。比較少了一點。

今天与朋友到旺角雅兰中心牛気火锅吃到饱。有多款价格的吃到饱任君挑选，肉味浓郁，汤底有很多选择，其他火锅料也很多，有蔬菜，菇类，肉丸，寿司，又有咖喱牛肉，碗仔翅，茶叶蛋，辣鱼蛋等等，冷热饮料有很多选择，甜品种类也很多，有绿茶味及朱古力味软雪糕，布丁，流沙包，雪耳糖水， 即制棉花糖等等。餐厅很大，有卡位，坐得舒适。卫生環境也不错，但可能是疫病关系，人手不足，有些員工可能是兼职的，要作培训，但整体來说值得推荐。

𝐎𝐯𝐞𝐫𝐚𝐥𝐥⁣秋意漸濃，係時候打邊爐啦😜呢間火鍋店價錢合理，坐得好舒服，食物選擇唔算太多但係質素唔錯🥳我哋嗌左$258嘅套餐，牛肉、火鍋料、飲品、甜品全部任食，like page仲可以有movenpick！⁣⁣—————————————————⁣⁣🥩美國極上牛小排⁣雖然唔係油脂感好重嘅和牛，牛肉入口都幾嫩滑，牛味好濃，肥瘦適中😋⁣⁣🍜湯底⁣豬骨湯底不過不失，不過地獄湯底一啲都唔辣有少少失望🥺⁣⁣🐣火鍋配料⁣整體質素都唔錯，芝麻麻薯食落好煙韌，幾有新鮮感😙⁣⁣🍦甜品/飲品⁣試咗焦糖布甸、牛奶布甸同埋泡芙，係普通放題店嘅質素，不過不失！不過只要like同埋share個page，就可以有每人一客movenpick🥳⁣—————————————————⁣⁣📍 牛気🔍 #happytreats_mk⁣ #happytreats_jp⁣⭐️食物：7.5/10⁣⁣⭐️CP值：7/10⁣⁣⁣⁣⁣⁣⁣⁣#hkig #hkigfood #hkfoodie #foodiehk #hkfoodlover #hongkongfood #hongkongfoodie #hongkongcafe #hkcafe #h

放工出旺角諗住食牛角buffet，無諗到疫情下都要等百幾張枱XD一心想食牛既我地就轉戰牛氣 同樣係雅蘭都可以free停車場我地揀左$248牛小排餐，加$10要鴛鴦鍋黑蒜豬骨湯味道夠濃郁 基本上唔洗點豉油點醬已經好好味鍋入面仲有好大舊豬骨 真材實料蕃茄湯就清新開胃 相比之下就略嫌唔夠濃味自助區生熟食物/醬汁/飲品種類好多 麵都有好多種我個黑蒜豬骨湯 放拉面同公仔麵落去好夾~我地2個人食左6碟牛小排，每碟質素都好平均色澤靚，有雪花紋路，無乜多餘肥膏，食落有牛味同埋唔會臨尾個碟比d差既你 份量都唔會少 抵食!