更多
2019-10-03
65 瀏覽
我係荃灣友,宜家荃灣嘅商舖、食店愈開愈多,基本上我每日起居飲食都離唔開荃灣。呢排路經大河道附近,見有間食牛扒嘅小店,細細間。一向我又幾鍾意食牛肉,琴日終於得閒入去食吓。店舖雖然細細間,但企理乾淨,自助形式,入去先買飛仔,揀想要邊款牛。我揀咗佢嘅推介「牛肩肉眼」,80蚊可以有埋湯、沙律、白飯任裝。坐底慢慢裝碗湯同沙律。湯:清清甜甜,開胃,又有d紅蘿蔔同牛肉粒咬吓沙律:出奇地好食,椰菜勁爽甜,完全冇苦味,食得出好新鮮。仲可以自己加沙律汁侍應捧個熱石牛肩扒出黎,180g 份量大約手掌咁大,肉都幾厚。自己切開一件件薄塊,放係熱石上面煮,生熟程度自己決定。肉質好淋同好嫩,一d都唔韌,點埋唔同嘅調味醬,加碗日本米飯。食完係非常飽。我第一次食熱石牛,原來咁得意,自己邊煮邊食。簡簡單單嘅小店,都可以有高質素嘅牛,絕對值得一食。
呢排路經大河道附近,見有間食牛扒嘅小店,細細間。一向我又幾鍾意食牛肉,琴日終於得閒入去食吓。
店舖雖然細細間,但企理乾淨,自助形式,入去先買飛仔,揀想要邊款牛。我揀咗佢嘅推介「牛肩肉眼」,80蚊可以有埋湯、沙律、白飯任裝。
坐底慢慢裝碗湯同沙律。
湯:清清甜甜,開胃,又有d紅蘿蔔同牛肉粒咬吓
沙律:出奇地好食,椰菜勁爽甜,完全冇苦味,食得出好新鮮。仲可以自己加沙律汁
侍應捧個熱石牛肩扒出黎,180g 份量大約手掌咁大,肉都幾厚。自己切開一件件薄塊,放係熱石上面煮,生熟程度自己決定。
肉質好淋同好嫩,一d都唔韌,點埋唔同嘅調味醬,加碗日本米飯。食完係非常飽。
我第一次食熱石牛,原來咁得意,自己邊煮邊食。簡簡單單嘅小店,都可以有高質素嘅牛,絕對值得一食。
張貼