牛極 (大河道)

營業中

休息中

以前晚市曾經到過呢間餐廳食還過得去，係塊石板唔太夠熱，而當時塊牛扒仲未食完要換過塊石板，咁即係證明嗰次塊扒都有咁上下size；今日見佢午餐有特價，入去試下，價錢同食材質素份量不成正比，我哋分別叫咗牛扒同牛舌，牛扒只有六小舊，牛舌3塊😅極幼椰菜絲… 粟米都無埋，湯淡淡……….. 其實入去嘅時候已經冇乜人幫襯，都覺得有啲奇怪，真係非常失望，無下次了！ 仲有… 午市特價一定要俾現金😪好彩銀包啱啱有；因為佢話午市特價，唔可以嘟枱上面嗰個QR code俾錢。

態度非常惡劣，舖頭只有兩個師奶去經營 喺度行行企企坐喺度傾偈 服務態度非常唔掂，超級差 完全冇服務態度可言 亂咁鬧人 份量又比其他分店少 唔好食 一個字差 唔怪得冇人幫襯 完全搞唔掂

每次黎牛極食都好忙。從電子餐單order後， 要即刻準備沙律菜，餐具，醬汁，湯，飯。set好個陣再迎接我塊石版牛到來叫左180g的亂切牛，可以食到牛嘅唔同部位， 會有牛肩排，肉眼，西冷同牛柳，適合我呢啲每款牛都想試下， 又心大心細唔知要邊款好由於亂切牛已經切成小塊， 會比平時更易熟。唔想overcook就要自己好好控制火喉或者暫時將牛放在碗仔， 食之前再加熱呢度個湯做得非常出色， 有別於其他石燒牛店提供嘅味噌湯。 充滿牛肉味既蕃茄濃湯配上紅，白蘿蔔及牛腩， 足料又好飲。 單單係呢個湯都足以令我encore呢間店整體環境乾淨整潔，油煙味都無乜。

午飯時段經過，已經看見客人寥落，再看看價錢，己落價至$50 ，雖然只限4款套餐，但以石燒肉來說算是便宜。所以就算客人很少，應該有一定風險，但也冒險一試，怎料真的中伏。點了一個亂切牛扒餐 $50份量有點少得意料之外，記得之前來吃180g 的牛肩排，份量是她的２倍左右不過都是一貫原則份量也不是重中之重品質才是一看這４件骰仔牛，終於明白，亂切的意思了，就是取他人所棄。極肥很多筋，無牛味，只能用醬料區的燒肉汁和蒜粒混在一起吃才能下嚥。飯少少偏濕，沒有飯味，但提供了海苔粉調味，飯是沒有牛肉的羅宋湯?？很油。 沙律區的菜只有椰菜，半粒車厘茄，少量不甜粟米。醬料是這頓飯最好吃的，「自家製」燒汁夠鹹，蒜粒夠辣，辣醬和辣粉有辣味。這個質素，即使更便宜也沒有下次。

佢個位置唔係太好搵 喺荃灣大河道天橋下面 台風隔離 所以唔係好多人留意到佢🙈有日中午我就同媽媽去左哩間餐廳度食左個牛舌飯同雞扒飯 午餐都有任食白飯 沙律同湯餐廳好細心 有一次性圍裙提供 避免食客整污糟佢哋件衫👍🏻另外佢係用自助點餐機 好方便快捷👍🏻無論係雞扒 定係牛舌都用石頭燒上 所以溫度好熱 唔怕佢會凍 味道都好夠 份量都好大 所以真係好抵食🤩最有驚喜係個湯 應該係洋蔥牛肉麵豉湯 入面真係有牛肉又有洋蔥 真材實料 個湯都好夠味 我都忍唔住飲咗兩碗😋

#confidante_foodblog荃灣覓食牛肩排 $180g $80味道：🌟🌟🌟🌟回頭：🌟🌟🌟🌟一上到枱見到塊牛肩排好大塊，切開嚟睇目測大概係三成熟左右，至於想幾多成熟可以自己再去作調整。塊牛肩排都算厚切同夠稔，所以整體上個口感好滿足。醬汁方面我個人覺得自家製燒肉汁係最好食。雖然牛肩排係最平，但係肉質都幾好。喺等緊牛扒未上枱之前，可以去自助區裝碗白飯，鍾意嘅話可以加紫菜喺白飯上面架～飲品方面分別有檸檬水同埋日式牛肉湯。小編大推日式牛肉湯，個湯不但濃郁，而且配料都好豐富！此外，如果想食下啲蔬菜中和下嘅話，舖頭仲有提供沙律比客人選擇。服務態度 ：🌟🌟🌟環境：🌟🌟🌟室內座位坐得幾舒服，但係我哋覺得張枱有啲細，感覺上再放多啲嘢可能會比較遴迍。牛極 📍 荃灣大河道77-89號寶成樓地下9號舖📞 63888002#foodie#foodiehk#hkig#burger#frenchfries#hotpot#荃灣美食#半自助放題#香港美食#食好西#吃貨#石燒牛

今次嚟到朋友介紹嘅餐廳食晚餐 佢話呢間石燒牛好抵食 望到個價錢又覺得一試無妨喎😚 門口位置有部自助購票機 都好易使用😉 我哋一人分別嗌咗一個180g嘅牛柳同牛肩排🐮牛柳上碟時喺個好熱嘅石上面 仲有塊廚房紙加竹籤吉住 阻止彈得咁犀利喎😝 我幾鍾意呢一種上碟方法 因為可以隨着自己嘅喜好去烹調牛肉 牛柳嘅肉質幾林 切開有好多肉汁😎 好後悔嗌咁細舊呀牛肩排我朋友就相對喜歡呢一個多啲啦 因為牛肩排中間有條牛筋喺度 而佢嘅肉質較實 所以幾有咬口😮 牛味都幾重嘅任食沙律及白飯呢度有個自助吧可以任食沙律同白飯 今日嘅湯係番茄牛腩湯 入面真係有好多牛肉🍅 我就飲咗好多碗湯啦 沙律係椰菜沙律 側邊仲有芝麻醬可以撈埋食添🥗 呢間餐廳嘅性價比又真係幾高喎🥩 我哋埋單都係每人$100咋☺️ 已經食到好飽好滿足啦

今次係二訪呢間餐廳🍴 上次食過覺得呢度嘅石燒牛好抵食 又質素幾好 今次同友人再嚟食過😊呢度係先買飛 後入座嘅😗 如果唔識用自助售票機嘅朋友 都可以問一問店員 呢間分店嘅店員都幾熱心幫忙嘅😉牛肩排上次食過覺得幾有咬口 而且好重牛味 所以今次再食多次😝 中間有條筋喺度 肉質較瘦 所以都係幾有口感牛柳相對之下 肉質較軟身 但仲係超多肉汁😎 我就更加鍾意呢個 牛味香濃又juicy🤓自助吧有得任食沙律同白飯 今日嘅湯係番茄牛腩湯 真係好足料㗎 番茄味濃郁 但唔會太酸🍅 仲有好多牛腩喺底 白飯側邊仲有紫菜飯素可以配呢間餐廳性價比真係好高😊 而且店員嘅服務一流🥳 有時間可以過嚟試吓 忍唔住要推介多次

牛極果日下午見有d時間就同友人去試一間新開既小店🔸牛肩排一塊排係會用熱辣辣既石窩板上的自己可以根據飲食習慣控制生熟程度牛肩排可能位置問題有小小根但牛味都好足🔸牛柳第一刀切落去係medium rare即刻禁佢兩禁燒多一陣先！Medium !!剛剛好！牛柳好味過牛肩個人覺得另外都有沙律，湯及飯係自助餐廳入面既遮遮好鬼熱情同親切好好笑😂😂有機會都可以試下呢🏡 荃灣大河道77-89號寶成樓地下9號舖推薦指數⭐️⭐️⭐️/⭐️⭐️⭐️⭐️⭐️抵食指數⭐️⭐️⭐️⭐️/⭐️⭐️⭐️⭐️⭐️#gd.food.gd.mood#eatwithfoodiez#foodiesinternationalchat#牛排#熱石板

( ͡° ͜ʖ ͡°) 牛極——日式嘢——❝ 荃灣平民石燒牛自助飯湯沙律任砌 ❞✿ 牛柳 $115/180g牛柳送上黎大約係三成熟之後再用熱石燒至個人喜歡熟度牛柳肉質好嫩牛味濃夠juicy有鹽同黑椒俾您自己加配埋蒜蓉同自家燒肉醬汁好滋味～撈飯都好正㗎！✿ 牛肩排 $85/180g牛肩部位唔係屬於好腍嗰種 有少少筋位牛味重比較有口感 但唔會咬唔到同朋友share試到唔同部位都係唔錯的～╰☆* 推介指數：🌕🌕🌕🌘🌑✿ ≗≗≗≗≗≗≗≗≗≗ ✿ ≗≗≗≗≗≗≗≗≗≗ ✿ ≗≗≗≗≗≗≗≗≗≗ ✿

今次揀左牛肩排同牛柳，一成熟既牛肉會放係300求高溫既火山石上面，可以自行調教岩自己口味既生熟度🔥雖然價錢親民，但係牛既質素一啲都唔會馬虎。食落去有牛味唔鞋口，仲好juicy添🥰每張枱亦附有三樽調味，包括喜瑪拉雅粉紅鹽，黑椒同乾辣椒碎。出面自助區有沙律菜，麻醬，珍珠米，紫菜飯素，檸檬水，生蒜蓉，自家製燒肉汁，辛味燒汁，仲有我鍾意多牛羅宋湯🤤100蚊有找就食到牛扒，CP價高，完全符合我呢個平民師奶仔既心水呀🤭

一個人去食平民石燒牛，好似食日本拉麵咁，先購票跟住揀位坐，有個自助區可以出去攞飯、湯、沙律、水、餐具、醬料等等~🔘牛柳180g $115好快店員就攞住個石燒牛過嚟，牛柳上菜嘅時候大約一至兩成熟，自己將佢切咗做4份每邊再燒一下，自己揀要燒到幾成熟先食，牛柳係一隻牛最嫩嘅部位，肉質軟熟油脂含量極低，點少少燒肉汁同蒜蓉配飯一齊食幾好味，特別鍾意佢個羅宋湯好多料，最後encore左一碗湯!! 其實石燒牛好啱低碳水人士，唔攞碗白飯就搞掂~

荃灣小店臨立，特別喜歡牛極食扒。雖然店內小小，但環境舒適整潔，店內姨姨亦充滿人情味😊😊記得我來過，會跟我打招呼😆😆每次嚟，我都係點牛肩排180g $85，因為真係太抵食😂😂石板燒熱辣辣上，冬天食會更正！👍🏻👍🏻180g但份量都好多，配上白飯，一啖肉一啖飯，非常滋味。我特別鍾意餐廳嘅自家醬汁，甜甜的，配上燒肉，特別夾特別好味😋😋牛肩肉較實，會有根位，只要將筋位切出就可以了😊😊沙律沾上芝麻醬👍🏻👍🏻食多啲菜無咁有罪惡感😂😂再喝一杯牛肉湯，大滿足的一天😋😋👍🏻

對於鍾意食肉嘅我，据扒的確要一星期一次😆但淨係食扒又唔係好夠，牛極係半自助餐，點一份牛扒，沙律🥗，白飯同湯都係任食，性價比高👍🏻👍🏻嚟開荃灣做嘢約友人一齊去据扒😂😂有部機俾你自助點餐，好有日本feel😆😆未上牛扒之前就可以去拎下沙律，白飯同湯我唔係好食沙律，所以無試到牛肉湯非常足料，湯入面有大量雜菜同牛腩，味道濃郁鮮甜😋😋一飲再飲😂😂⭐️牛柳扒180g $110好大嘅一塊扒！！一切落去，啲血水掂到個石板燒，即時出煙同喳喳聲，非常治癒😊😊牛柳肉質較腍身，唔適宜喺石板燒上面燒得太熟，5成就啱啱好喇😊😊另外在場姨姨都好殷勤，同我哋講如果石板燒唔夠熱可以幫我哋翻熱👍🏻👍🏻

今日難得早收工，揀左間價錢好親民既石燒牛餐廳。一入到去第一眼望到居然係天花板的油紙傘，每把都有唔同日本風情的圖案，仿似置身日本。 餐廳係半自助式，先在售賣機點餐再入座。自助區無限添的海苔飯素的白飯，椰菜沙律都有兩款醬汁（柚子/胡麻）可以揀，仲有羅宋湯，湯中超有誠意每啖都有牛肉粒，好濃牛味。 ⦁牛肩扒180g $85就因為用左火山石黎燒牛肉，keep住一定高溫，令到牛肩扒的肉質慢慢變淋，所以每啖都有唔同既感覺，滿足晒各種朋友對牛既生熟程度。