66
2
1
港鐵荃灣站 A1 出口, 步行約6分鐘 繼續閱讀
所有分店 (4)
營業時間
今日營業
12:00 - 23:00
星期一至日
12:00 - 23:00
付款方式
AlipayHK 支付寶 現金
其他資料
當面支付
食評 (73)
等級4 2019-10-11
48 瀏覽
最近其實好想去夜啲出街食晚飯,但因為公共交通問題,所以要將晚飯時間push到早D。今日收工可以早少少走,咁啱行到去荃灣大河道附近,噉就順便同拍檔一齊去醫下個肚食埋飯先返屋企。見到有傳單寫住新張開業嘅牛極牛排食店。見到佢寫住牛肩肉眼,都只需要80港幣,就有180克。湯米飯同前菜沙律係任食,系正呢個時候比我接到,我係唔會放棄呢個咁好嘅機會。 2位唔該!睇到佢哋牛極餐廳有四間食店嘅,分別喺旺角,深水埗,荃灣同佐敦。佢哋好用心,所有食品都會寫出價錢同重量,明碼實價。入到嚟請先購票自動售票機。每位需點一份餐,之後呢就可以等店員安排你入坐嘞。 入到餐廳感覺好整齊,好乾淨同光猛,非常舒服。座位方面有一人坐,甚至乎係四位坐,如果一個人自己上嚟,獨自去偷食的話呢度都係一個好好嘅選擇。睇睇餐具TISSUE等,一應俱全,排到整整齊齊,所以係唔需要怕食到好汙糟而搞到自己手忙腳亂,餐廳已經為你準備好。我自己就試咗JBS - Au Rib Eye澳洲牛仔肉眼,200克重量。一來既時候我仲以為系一個漢堡包,因為有張白色紙墊住,之後店員向我解釋,原來係有玄機。其實感覺好有驚喜好神奇,見到一塊黑色好厚嘅石頭,原來佢係一塊會發熱嘅熱石,上面淨係放咗一件約一成熟嘅牛扒,之後呢你係需要自己一塊一塊一下一下咁切開佢。熱石係會因應住時間而令到塊牛肉熱熟 , 所以你係可以試到由一成熟,去到全熟嘅牛排 ,所有嘢都係喺你自己控制之內。對於一啲好喜歡自己落場,嘅朋友呢個絕對係一個唔錯嘅選擇仲係一個趣味。當然啦白飯同湯係跟餐送嘅,塊肉係上面粘埋醬汁,非常野味。同時我拍檔點咗一份牛柳,200克。因為鋪面門口正在做緊大廈維修,有好多野遮住,所以如果我從外面向鋪面影相,基本上影唔到啲乜嘢,所以我決定係室內影返出去,噉樣可能可觀性會大啲。鋪內嘅面積唔算特別大,但帶有小小嘅日本裝飾,感覺好似去咗日本當地嘅食堂。店鋪其實風格好有日本味,佢哋連個裝修都會帶有細心嘅精神喺度,我哋見到張座椅嘅底部係有個籃畀你放手袋或者背囊,啱曬我哋呢啲上班族。個凳嘅軟墊都唔錯,應該係好新淨,所以坐得好舒服有啲唔係好想走。##總評時間JBS - Au Rib Eye澳洲牛仔肉眼 $110/200g,係好有肉味,而且又多汁鮮嫩,咬落去嘅時候你會食到一格一格嘅牛肉紋,感覺有D似唔洗點用力就可以咬開佢直接吞。EXCEL Tenderloin牛柳 $110/200g,就覺得係好香口彈牙,有汁。因為佢係熟食,所以香口同有咬口! 呢個感覺係比較重要。絕對係分牛肉既主要得分位置。如果100蚊左右一份肉嚟計,可以自助餐嘅形式去配飯同湯我覺得,非常超值。算係高質高量同樣地如果喺出邊西餐廳食一份牛扒餐,可能會有大約4-5成嘅價錢落咗去伴碟同埋去其他配菜之上,所以你食到嘅未必係有咁高質如果你係愛牛肉嘅人士或者係牛魔王,絕對可以試下純正嘅肉質,作個比較。200克黎講女仔可能會覺得已經啱啱好甚至乎有少少超過,如果係男性朋友過嚟食嘅話可以選擇其他較重嘅份量。始終,我說我認為牛極餐廳嘅牛肉係貴精不貴多,品嚐個味道,質素勝於份量。順帶一提飯同湯同前菜沙律係任食嘅,如果你想飽肚的話,湯飯前菜沙律可以再叫再添,我覺得今次食到咁飽絕對超值,抵食。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-10-10
446 瀏覽
今日同同事仔睇OpenRice 發掘新餐廳期間,見到呢間牛極好似幾吸引咁,lunch time 就行過嚟試吓❣️呢度採用自助形式點餐,一入到門口就見到呢部點餐機~點完之後將張紙比店員跟住搵個位坐低就可以了。呢度真係好自助,湯、前菜沙律、飯及調味料都係自己喺自助吧度拎,連餐具同圍裙都係😝不過好處就係,自己鍾意拎幾多都得,食幾多拎幾多👍🏻另外每張枱都有黑胡椒➕喜瑪拉雅山岩鹽提供😯未有肉食我哋先飲咗湯先,湯係日式牛肉湯來,味道有啲似羅宋湯,但幾濃味,唔煲完再溝左好多水嗰啲😌 味道唔錯,仲食到牛肉碎,幾足料❗️前菜沙律都好新鮮👍🏻.呢度嘅牛扒提供一成熟,再由客人自己根據個人喜好你烹調自己鍾意嘅熟成度❣️新張優惠 - 牛肩肉眼扒 $80,有180g點一份嚟試吓先❣️牛扒幾厚身❣️肉質嫩滑多汁,油脂分布平均,所以食落都唔覺得油膩☺️ 唔韌好易咬開,口感唔錯👍🏻另外我哋點左一份200g 牛柳 $110比牛肩肉眼扒再厚多少少,但相對就比較難燒外面熟度有啲老嘅同時,入面d 肉都未燒熟,仲係好紅🙊 所以我下次再燒嘅時候會再切細少少🙈 肉質比較厚實同時有嚼勁,一樣唔係好油👍🏻食完之後有啲覺得,呢度啲肉好唔好食,都可能都關自己燒得好唔好事🤣 繼續閱讀
(以上食評乃用戶個人意見 , 並不代表OpenRice之觀點。)
等級4 2019-08-01
2100 瀏覽
熱石燒牛扒,近半年來大熱很多地方都開咗,當然質素有好有壞今日同朋友去咗荃灣買嘢,突然想食,一search之下,發現荃灣都有新店,於是特登走過去食鋪頭位置都幾方便睇成大河道天橋橋底我係天橋搭lift一出就見到店內用了大量日本傘作裝飾,好靚,好有日本feel從以往嘅熱石燒牛扒店一樣先自助買飛,其實咁好有日本feel,五款牛部位價錢都幾抵,每款仲有三個份量俾客選擇之後搵個地方坐低店員會幫你攞走張飛,之後就可以等送餐係呢個時候可以去自助吧嗰度攞沙律同攞飯攞湯牛扒會由師父煎至約一成熟,再放到烘熱至攝氏300度嘅火山石板上面。派餐時香氣四溢,師父煎牛扒時會加自家製和牛牛油,令肉味特別香濃!自己落少少鹽同黑椒調味切開牛扒後利用石板嘅熱力,再煎至你要嘅熟度!牛肋骨排(200g)- 牛仔骨的肉不嬲比軟淋,而且較有油香今日試左最平嘅牛肩肉眼扒,真係$80就食到,而且size都唔細,雖然只是180g,但因為厚身,睇落都幾大件,性價超高 繼續閱讀
(以上食評乃用戶個人意見 , 並不代表OpenRice之觀點。)
等級4 2019-07-22
1330 瀏覽
近來愛上食 火山石燒牛扒🥩荃灣人表示非常高興又多一間石燒牛扒店🤗同其他自助燒牛扒店差唔多,入座前先喺自動售票機揀選想食既部位同份量,多款前菜如沙律、麵豉湯同白飯任食,你想食幾多都得👍👍牛扒上碟時煎至約一成熟,再放到火山石板上,由自己控制燒至喜愛的生熟度。-☆ 牛肩肉眼 180g HKD$80食一塊如此厚實牛肩肉眼只需80蚊,確實非常超值🤩🤩 牛肩肉眼中間,你會見到有一條筋,所以會更加有彈性及嚼勁。油脂與肉亦分佈平均,食落感覺唔會好油膩,建議煎至5成熟,肉質會更為鮮嫩👍-☆ 牛肋骨扒 200g HKD$100你可能會問,有骨咪會令肉份量少左?但事實上,牛肋骨附近既肉,煎完係零舍香口㗎!我起初都唔信🤣 食完果然係真嘅,特別煎完既側邊位係更加可口👍👍-如果煎到中尾段,覺得塊石板唔夠熱,可以同店員講換一塊新嘅👍 同埋建議將牛扒切開逐小塊煎,咁就唔會有啲過生或過熟。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-07-09
342 瀏覽
厚燒日式牛扒石燒牛扒都出左一排,鍾意食牛嘅我,一路都好想食下。上星期weekend lunch就同左男友去荃灣呢間新開嘅牛極食呢個石燒牛扒。同日本自助點餐一樣,呢間鋪頭都係。首先係自助點餐機買牛扒同飲品,俾埋錢,之後俾飛叫侍應安排座位,就可以等牛扒上。等牛扒嘅同時可以去自助區度拎嘢食,自助區嘅沙律,飯,同麵豉湯都係飲食嘅,仲有檸水~我哋點左兩份餐,一份係牛肩肉眼(180g),一份係牛肋骨排(180g)。餐廳有紙圍裙提供,果然好啱用。牛肩肉眼唔算太大塊,但係好厚肉,都成3-4cm高。店員話本身啲牛係一成熟,可以自己再燒到自己鐘意既熟到。因為塊石板都極熱,所以男朋友極速快切,廢時表面熟得濟。一切d汁彈落熱石,滋滋滋滋咁,塊面多汁~熱石燒到牛肉外香熱內嫩,加上本身牛肉質素好,同新鮮,彈牙啖啖肉。牛肋骨排應該係帶骨既關係,近骨既牛肉比較嫩滑,脂肪都多小小,所以比肉眼多肉汁同埋香d,同埋容易切d。加上近骨位有筋,岩我鐘意有趙口~ 繼續閱讀
(以上食評乃用戶個人意見 , 並不代表OpenRice之觀點。)