牛極 (雅怡居)

營業中

休息中

最近在四週圍都見有「牛極」，一家人都好愛鋸扒，今次帶小朋友嚟，食我地最愛嘅牛柳．牛肩排，店員速度神速，未裝飯未飲湯，扒已經到了。熱熱嘅石板上，煎著厚厚嘅牛柳，好有份量。一邊煎，肉汁不斷湧出。配埋燒汁．蒜蓉，又落d黑椒... 嘩，真係好好食😋沙律．羅宋湯．白飯無限量添加．個湯好足料，落咗好多牛落去煲。仲可以喺飯上加添紫菜。自動販賣機都有好多款唔同嘅牛同唔同份量可選擇，真正豐儉由人．老少咸且。下次會再嚟試埋日本和牛😍

喜歡食牛的我一直都想試這種石板燒牛, 剛好遇到現在人流不多, 終於可以一試。一進入餐廳是需要自行在售票機購買食票, 非常日本的做法。外面有沙律無限取食, 有兩種醬選擇, 柚子汁, 胡麻汁, 個人喜歡柚子汁, 胡麻汁1:2比例另外有日式牛肉湯也是無限取食另外也有三種醬汁選擇自家燒汁, 蒜蓉, 辛味燒汁 給燒肉加添多點味道食客的枱上會有3種調味料, 海鹽, 黑椒, BBQ 粉我點了一份牛肩 180g 和一份牛柳 200g牛肩 180g 賣相不錯, 很厚的一份牛肩, 上枱前店員已把牛肩外圍輕輕煎過, 內裡控制多少成熟就交由食客自行主理, 我喜歡吃五成熟, 所以都要耐心把他兩面煎約2分鐘左右, 很有牛味, 肉質鮮嫩, 個人推介加點BBQ粉味道會更加豐富。牛柳 200g賣相同樣不錯, 超厚的牛柳, 燒的時間比較長, 建議可以切成小份再燒會較易控制, 牛柳肉質比牛肩嫩, 牛味更重, 個人比較喜歡牛柳, 調味料比較推介加點海鹽, BBQ粉, 味道更加豐富, 海鹽更能帶出牛味。總結這餐廳有趣之處在於食家可自行控制燒牛的成熟程度, 但如果不太熟識燒牛扒的朋友可能會令牛扒過熟而失去原有的肉質, 味道, 所

媽媽未試過石燒牛，今日就帶她一齊去.我們兩人都點了牛柳200g因為在便宜的肉類中比較稔身易咬牛排都是超過厚身，一煎出來已經很香。入面是一成熟，切開入面呈鮮紅色，非常香的牛肉味，似是高級扒房的質素呢。.上台時用紙巾cover 住，以免油煙四濺。還有一些圍裙，帶上就不怕弄髒衣服了。.媽媽第一次去已經很喜歡了，在試不同的醬，又落黑椒等，自得其樂。.一塊扒已經夠飽，出面有自助任拿的沙律、蕃茄牛肉湯、白飯、檸檬水，一定食得飽。

自從上次係荃灣食過間超抵食又高質既石板牛之後一直念念不忘，但荃灣實在太遠，男朋友搵到呢間係深水埗，見評價唔錯，一於去試吓。飲品同食物都係自己售賣機到買票，好似日本連鎖店咁， 亦有圍裙可以拎，防止比油彈到件衫。店員為我地挑選左兩款抵食牛扒，一款係牛肩排，另一款係牛柳，Order左牛扒就可以任食自助吧嘅飯、湯同埋沙律。自助形式唔錯，如果唔夠飽可以任添飯或者飲湯，不過今次我哋冇飲湯同埋食沙律，只係要左個飯，加埋兩塊牛扒已經好飽。牛肩排 180g $80雖然重量輕過牛柳，但睇落更厚肉更大件，牛事先已加鹽同黑椒，食落好夠味，亦有牛既香氣，唔洗再蘸醬汁，肉質嫩滑。上盤時係一成熟，可因應自已喜好再係石板上燒，keep住食到熱辣辣既牛扒👍🏻牛柳 200g $110賣相冇牛肩排咁靚，但牛味更濃，肉質更嫩滑，但要小心燒到岩岩好就要拎起放入碗，over左就會冇咁好食。如果唔要求靚景/坐得好舒服，呢間既牛扒值得一試。

在青山道經過一間店已經聞到陣陣香味原來是Stone grill steak 石板燒牛扒！.它有比較便宜的午餐，但是我還是想食牛扒呢這裏有不同的肉類，我就選了最平$80的牛肩排牛肉（180g).其實180克份量都不少，厚切而且是完整的橢圓形。牛肩排就比較有咬口，因為筋比較多。牛肉十分新鮮，切出來一成熟是鮮紅色的，放在赤熱的石板上燒，有不同的調味料例如黑椒自家製牛肉汁等等。.另外這裏的飯、湯及沙律都是飲食的，我就飲了好幾碗羅宋湯，酸酸地，而且足料香濃蕃茄味。.$80就食到半自助餐，十分滿足。

無肉不歡的我其實好鍾意食肉，特別係牛肉，今日又口痕想去牛極食鐵板燒牛扒，就同媽媽一齊來食返餐。這裡是自動點餐的，我們選了兩款牛，一款牛柳，另一款牛肩胛，點完餐我們就自由拿位坐低。呢度係半自助餐形式，白飯，湯，飲品都是任裝的，仲有沙拉做前菜。每次的湯都不一樣，這次是蕃茄牛肉湯，熱騰騰超級好喝，聽到其他食客都對這個湯讚不絕口，我也好喜歡所以喝了三碗。好快牛排上桌了，這裡有個好體貼的服務，是有圍裙給我們穿的，這樣就不會怕油彈到自己衣服。牛柳比較大塊，口感是滑溜溜的，而牛肩胛口感煙韌，好有嚼勁。兩款牛排我都喜歡，配著白飯吃真的可以送飯食幾碗。媽媽很喜歡這裡的沙拉，也忍不住去添加，我們真的不會虧本，飯都吃兩碗了，牛極吃飯基本都能吃到飽飽的，吃完都是捧著肚子回家，實在太爽了。

其實間唔中都會玩下呢d 自家燒牛扒不過今次都係我第一次試牛極真係又大件又抵食呀！ 我試咗牛肩肉 180g 同牛柳 200g其實好鍾意佢重量計算 因為同男朋友食佢一定要食大份啲以重量計番自己想要嘅份量咁就剛剛好啦另外佢套餐嘅價錢仲會包自助沙律吧同白飯 仲有湯 其實都真係幾抵㗎餐廳有好窩心嘅配件 就係圍裙啦自己煎嘅時候少不免會比油彈到 不過有圍裙就冇咗呢啲煩惱啦.不得不提嘅係另一個細心位 上菜嘅時候餐廳會先用廚房紙蓋住塊扒 等送上黎嘅時候唔好比油彈到購買食物係禁飛嘅 好似日本啲拉麵店咁枱面上亦都有好多唔同嘅配料 可以俾我哋自己選擇 我嘅真係我嘅翻桌之選啦

每一日收工都經過牛極，好多人排隊，今日收工收晏左，同老公決左入去食晚餐，一入到餐廳要係門口自助式咁按機買餐，勁日本feel，選擇想要既牛，之後比安排坐位，餐廳裝修都好舒服，環境都好岩三五知已食，服務員都好細心講介紹。外面有自助區選擇，有日式牛肉湯任飲，白飯任食，調味料選擇，都好快上到枱，餐枱上仲有海鹽，黑胡椒等調味料。 牛柳 200g 個牛柳係熱石上，可以因為熱度整令到牛柳熟程度，入口好軟，唔會話好油膩。牛肩排 80g 入口即溶，口味不錯，

朋友很想吃的燒肉，今天便尋找一間燒肉店～這店火山石燒肉非常抵吃。 牛肉之選擇多，愛吃牛之迷必選～每枱均有岩鹽及黑椒供自行調味，而醬料區亦有胡麻汁、燒烤汁等，可以自行取用伴牛扒，感覺不錯。這店牛肉多樣，有不同種類之重量可選，除了常見的西冷、牛柳之外，更有一些稀有部位等，牛味非常濃郁！而且能夠任添白飯和沙律等，味道亦滿質素！我們吃了牛牛肩扒及牛柳，上菜的炸炸聲，感覺棒。美國牛肩扒，即牛肩部位，肉質嫩。店內有6款牛扒，和牛、牛扒等。今天的牛肩扒，肉帶甜香，特別，略燒就可做到邊位微脆，配了燒汁便能提鮮。潮興食石燒牛，追上潮流，石燒牛扒店，吸引一大班朋友朝聖打卡。午市和晚市也很有質素，追上潮流，石燒棒棒的喔。

到深水埗買嘢，路過”牛極”牛牛專賣店！ 🥩D燒烤牛肉味撲曬出嚟，♨️肉汁吱吱渣渣響，於是我就入去落order 了！🐃熱石牛餐通常都係揀一款肉，然後湯🥣丶沙律🥙丶白飯任裝🍚⋯⋯即使是大食積都一定吃得飽，而且好抵食入～$80起🤭今次我吃牛柳200g 都好夠大件🥩，加生蒜🧄配日本白飯可謂一絕！用熱石的好處是自己調節生熟，牛柳本身較瘦，我就燒到5成左右🩸，keep 多啲用汁！平平地，有得玩、有得吃....正！🦉

本身就好中意食牛排,對於呢種可以自己控制生熟程度,有得玩又有得食嘅石燒牛就更加不能抗拒~一上枱就聞到好香牛肉味,見到啲肉汁流晒出黎都覺得好吸引, 正呀!沙律、白飯同湯就任裝,咁就唔怕淨係食塊牛排唔夠飽啦! 記得唔好一次過切晒成件牛呀,切一塊食一塊,就可以避免熟得濟。如果食到咁上下塊鐵板唔夠熱,仲可以叫侍應幫手換過塊鐵板, service唔錯~So far 呢度坐得幾舒服,難得地無乜油煙味,所以食完都唔會覺得件衫一陣味,環境唔錯!

買完飛職員話石板唔熱要等半個鐘，ok我等，等咗半個鐘有多，見到排我後面買飛ge都食緊，我都未到，問佢就話會跟，又話我轉過枱，跟本我就一直坐定定係被安排位置上，等多15分鐘終於到，但塊石板完全唔熱，話爐壞我理解，職員叫我切細細舊再俾佢拎入去煎，我就唔理解咩事.... 飯又無，45分鐘都唔見有飯出，態度差，無禮貌勁多枱都催飯，點知出黎ge飯係生，未熟哂，個心硬ge.... 唉...... 食咗呢間野咁耐，愈來愈差，失望，no next time

因為呢排返工時間比較彈性，所以食Lunch去咗食熱石牛扒🙈，慢慢燒嚟食，平日未必食得切。不過其實成個過程都唔使食好耐，哈哈。熱石牛扒我食過幾次，但就未嚟過牛極，今次係同事帶我嚟食。一入鋪頭，我哋就喺門口部機落咗單先。餐廳主打石燒牛扒🥩，要揀嘅就係牛嘅邊個部位或者邊款牛，同埋份量。餐廳幾大同寬敞，而且環境望落都光猛企理，特別係自助區好乾淨，仲不時會見到店員出嚟抹下、Refill返啲食材👍。牛柳200G($110)，我嚿牛柳個樣成嚿石頭咁，好好笑😂，牛柳出面的確已經係熟熟哋的啡色，但一切開入面又真係如佢Poster所講係一成熟(Rare)，再自己慢慢用嚿石燒熟去。雖然我聽過人講，熱石牛扒一路切一路燒嚟食會比較能夠鎖住啲肉汁，但我驚陣間嚿石唔夠熱要換，好鬼煩，所以一次過切哂先。估唔到啲肉一直放喺嚿石上面，個樣熟哂，但肉質竟然完全無變鞋😍，正呀。而且佢嚿石好夠熱，我食到最尾一嚿佢都仲係出緊煙。牛肩排180G($80)，呢個係我同事叫，不過我都試咗幾粒😙。雖然係牛肩排，但無平日咁多筋，肉質唔錯。肉味嚟講我就覺得牛柳出啲同好味啲，但牛肩排個味其實都ok。牛扒以外嘅嘢都係自助，包括湯、飯、沙律同醬汁

晚餐來到深水埗的牛極吃石燒牛，CP值很好，最平$80已經可以享用到美味的牛排～先在門口的購票機買好餐品再由店員安排入座，有牛肩排、澳洲牛仔肉眼、西冷、牛柳、和牛（赤身）及和牛（富油脂）共六款可以選擇。等上菜的時候就去自助區拿餐具和食物，這裡米飯、湯、沙律和水都是以自助方式提取的沙律可選柚子沙拉汁或胡麻沙拉汁，我比較喜歡柚子那款，酸酸甜甜，吃起來清新爽脆零負擔，十分開胃麵豉湯也很足料，有菇菌、豆腐和海帶，冬日裡喝碗暖呼呼的湯最好不過。我們點了一份 180g 的牛肩排和 200g的牛柳，上菜時貼心的在上面舖了一塊廚房紙巾，防止油脂彈到到處都是，另外餐廳也提供圍裙給客人使用。上菜時牛排是一成熟 Rare，建議將牛排切成小塊再烹調至自己喜歡的熟成度，我就喜歡將四邊煎封，將肉汁鎖上再品嚐。牛肩排油脂豐富，牛的肉味濃厚。而牛柳油脂含量較少，肉質非常軟腍，質感嫩滑。配的白飯也是任添，配牛排吃令人十分滿足～

呢一日無無聊聊來到長沙灣，去咗貨櫃商場行下，跟住又來到青山道，見到一間熟悉的日式店，熟悉並不是來過，而係試過第二間分店，而呢間睇來好新淨，之前未見過，估計開嘅時間不太長。呢間同樣有售票機，採用先買飛後入座政策。點咗牛肩扒180g同埋牛柳200g，係成間舖最抵吃之選。雖然平，但品質一啲都唔差，牛柳嘅肉味濃郁，啱『重口味』人士，而牛肩肉就好嫩滑，鋪頭整咗一成熟後，畀客人自己燒到自己鍾意嘅成數，最最喜歡咁嘅做法，因為半自助形式，飯，湯，沙律，水任你吃幾多攞幾多，唔會嘥嘢。