牛極 (雅怡居)

營業中

休息中

牛極係一間食石燒牛排的餐廳，採取自助形式，有點餐機：自助沙律、白飯、醬料：仲有牛肉湯都係任拎任添的！重點係牛扒價錢唔貴，$80已經可以食到。牛肩排（$80）及牛柳（$110），若你唔係大胃王的話，最小份量的180-200g已經好夠食。牛扒上檯時只有一成熟，其餘時間就靠呢塊熱石板煎熟，所以自己想食幾熟就幾熟。檯面上仲有粉紅岩鹽及黑椒等你調味，我就鍾意加少量黑椒更香。切開牛扒，真係medium rare，所以可以再煎多陣，$100左右價錢有牛扒食，都算係平價美食之選。

石燒牛扒現在開到成行成市...而幫襯開呢間石燒牛扒點解仲可以開到有分店呢!? 相信一定有佢成功既原因, 講返點解成日幫襯佢既原因先😬就係白飯任裝湯同沙律都係全任飲任食🤩🤩🤩絕對可以滿足我呢D餓底啦🤭而且D牛扒好有水準又唔貴當然梗係當佢飯堂啦🍽🐂🐂牛柳同牛肩係賣飛佛！所以今次照舊在自動販賣機點了呢兩款😝牛柳比較淋身肉質嫩滑👍🏽牛肩就好有咬口👍🏽可惜我喜歡嘅牛肉湯變了麵豉湯！下次再黎係咪又會轉咗呢？🤨🤨

💁🏻‍♀️ 牛極 (深水埗) 🍴-深水埗真係窮人天堂，系呢到食個牛排每人$100唔洗有找，自助點餐，岩曬小毒毒，地方幾闊落，仲可以任添沙律、飯、湯，真係唔洗驚食唔飽～牛肩排180g ($80）呢到嘅牛排一上碟會係一成熟，之後就放系熱石板上面燒，燒到岩你心水嘅熟度就可以食，個人覺得牛肩排cp值都幾高，食落好嫩口juicy，但個feel又唔算太熱氣，如果女仔食呢個份量岩岩好！牛柳 200g ($110)牛柳又岩大食啲嘅朋友食啦，真係啖啖肉，好重牛味，加埋啲蒜片同醬汁食，好惹味吓。但要小心唔好燒到太熟，唔係就會開始鞋架啦～/📍 牛極 (深水埗)#深水埗 菴由青山道195A號雅怡居地舖#小丸子搵食記 #小丸子深水埗-#hkig #hkigfood #hkfoodblogger #hkfoodie #食好西 #香港美食 #香港 #hkfries #hkiger #852 #hkfoodlover #hkfood #hkfoodstagram #hkfoodporn #香港拉麵

去日本都未正式食過熱石牛排，估不到係香港開齋食先，今次好有驚喜，原來熱石牛扒係咁正既，下次去日本一定要朝聖一下。西冷牛扒200g $130上枱已經好震撼，塊扒又肥又大，上面放了幾塊金黃色的香蒜片，睇到口水流。三種醬汁無限添，香蒜配牛扒是絕配。一刀切開牛肉鮮紅唔洗驚，因為超熱石可讓食客自行決定牛肉既熟度，令您有滿足的控制權。牛肩排180g $80唔好睇輕呢款相對平宜既牛肩排，味道同樣出色。慢慢品嚐唔怕石既熱度減退，反而要小心辣親，哈哈。麵豉湯無限飲，好暖胃。海鹽黑胡椒任你調味。日本珍珠飯任添唔嬲，好好味。無限任食既日式沙律菜真係超醒胃，又健康，K.O.兩大碗無難度。地方乾淨整潔，服務員熱情細心，又有禮貌。六款牛扒任揀，價格真心抵食，下次必再幫親。採用日本自助售票機，迎合年輕一代，causal 得來夠平易近人，又多一間好選擇。

有日放工朋友話要食牛扒，就諗起呢間之前經過時，有幾多人食同裝修唔錯的熱石牛扒專門店 - 牛極～入到餐廳，首先要好似係日本食拉面咁，係售票機選擇食物及購票，再等店員安排入座~係等待食物其間，可以去自助區任添米飯、麵豉湯、沙津、醬料和水。個人覺得用來配飯的芝麻紫菜飯相當開胃同好食~!同埋餐廳好貼心，會有圍裙提供，咁就唔會件衫整污漕<牛肩排 180g $80>好快就有野食黎到！首先係一個賣相好吸引，發出渣渣聲，用火山石板載住的牛肩肉~  個人覺得牛肩肉肉質柔嫩，充滿牛味~  正！<牛柳 200g $110>牛柳既肉質都好嫩滑，牛味濃厚，肉汁豐富。入口充滿牛肉油香味，適合喜歡多油花嘅朋友。盛載牛肩排嘅鐵板夠熱，如果唔鐘意食吃太生，切牛排後可以用鐵板餘温再煎一下邊口位，外脆內軟，口感更好火山石板的牛肉上菜嘅時候其實只有一至兩成熟，食客可以自行選擇在火山板上煮幾耐，從而要生啲或熟啲的牛肉~  我個人覺得餐廳職員都幾好服務，如果熱石板不夠熱，會主動為客人更換～

最近香港好Hit的日式石燒牛，上網睇到好多，亦越開越多，衝擊本港的傳統港式扒房。這間"牛極"就在我家附近經常大排長龍，今日早收工，一於入去試一試。入內門口有一個電子點餐機，如日本一樣，牛扒有六款選擇，分別是牛肩排肉眼，澳洲牛仔肉眼，西冷，牛柳，日本和牛(赤身)和日本和牛(富油脂)，除日本和牛只有两款重量外，其他每款都有三個重量選擇。我們點了牛肩排180g及牛柳200g。餐廳的湯、米飯、前菜沙律都放在任食自助區。自助沙律 - 沙律菜椰菜絲可蘸柚子沙拉汁和胡麻沙拉汁。湯 - 日式牛肉湯這裡的湯是日式牛肉湯，湯有淡淡的牛肉味，裡面有紅蘿蔔，牛肉粒及洋蔥等等，真材實料。珍珠米飯蘸上少許紫菜配料已經十分香。配肉的有三款醬料 - 自家製燒肉汁、蒜蓉、辛味燒汁桌上還有喜馬拉雅山岩鹽、黑胡椒。上枱時熱騰騰咋咋聲，貼心地上面蓋上紙，免把汁彈到身，之後就按自己喜愛的牛肉生熟度烹調食用。店員更提示如果覺得熱石板不夠熱，可作更換。牛肩排180g $80Top Blade Muscle性價比十分之高，一百元內，又沒有加一服務費，又有自助區任食，牛肩排質素不點不差，輕切開，色澤粉嫩，肉汁豐富，肉質不韌有肉味，十分

之前行過宇宙商場嗰頭，見到有間而家好興嘅自助牛扒餐廳，想試好耐今日終於可以試到。入到去嘅時候係自己買飛揀牛扒，有最普通嘅牛柳肉眼，去到和牛都有。 而我同我朋友分別就揀咗牛肩扒180g同牛柳200g。牛肩扒味道濃厚，價格又經濟實惠，肉質唔會比牛柳差，只要大家控制好幾成熟，好食無難度。牛柳既肉味可能會無咁重，但肉質都嫩滑有咬口，個人覺得生啲食會更好。呢間餐廳提供一次性嘅圍裙，我覺得呢個服務好貼心因為食牛扒成日都會彈到成身都係汁。而且佢提供檸檬水，飲落可以清新口氣，更加細緻咁品嚐牛味。呢間餐廳提供左好多醬汁，有最普通嘅蒜蓉、燒汁等，而我個人就推介喜馬拉雅山鹽，我覺得因為佢啲牛扒好新鮮，只需要配上最簡單嘅鹽已經好好食。喺呢度只要買一個set，就有得任食沙律吧，白飯同牛肉湯。我個人十分推薦牛肉湯，佢好重牛肉味，又唔會太鹹好啱我飲，仲可以加落白飯度食都好正。

一至想找機會試一試，今晚竞然路過，已晚上10時，又未閂門，一定試，自助機點了200g牛柳及肉眼。由於太晏，店內入少，服務員都有時間招呼。卡座，坐低立刻到自助台夾沙律，湯及飯，雖然已過多人時間，但盆內的菜都是滿滿的。麵鼓湯足料，有多豆腐，飯亦有咬口，加上味素，有心思。牛扒上枱，熱辢辢，砌開裏面紅紅的，再係石上兩面煎一煎，剛好。幾多玩及十分有肉味的餐廳。或者有D貴，但算係新體驗。侍應不需問你幾成熟了，要幾熟自已煎吧！

係日本食完鐵板牛，回味到不得了。係香港就當然要番去呢間十足日本風既牛極。同樣有無限既湯飯沙律任攞唔嬲，咁同上次唔同係今次變番麵豉湯，但係超多料，一啲都唔稀，又唔會太咸。重點番去個牛到，冇筋，真係啖啖肉。有牛味呢個係基本，但係完全食唔到雪味。正既牛只係需要黑胡椒同鹽就吊到味，呢度既牛就符合到呢點。其實我本身好怕食鐵板既野，因為怕油煙大，啲衫好食味。但係餐廳既setting比較闊落，通風好，食完都唔會覺得好似煎左自己食咁

而家開左好多平民價石頭燒牛排,平平地幾十蚊有交易,仲可以無限添加湯沙律同飯,價錢十分吸引,街坊價都有高質牛排食麵豉湯沙律白飯係半自助模式入座後計九十分鐘任飲任食白飯選用珍珠米粒好煙韌日式牛肉蕃茄牛尾湯底似羅宋湯椰菜沙律清新可以胡麻沙律汁或柚子汁好多唔同既醬料，例如自家製燒汁,黃芥辣,辛味芥末燒汁等塊石燒到攝氏300度好高溫如果唔夠熱可以換另一塊石頭簡單加少少岩鹽同黑椒肉味已經好出好香幾多成熟可以自己控制牛柳少根又軟身,入口口感十足牛肩肉本身比較嫩身,而且肉質富彈性,油脂分怖平均,食到啖啖肉汁

嘻嘻，又係牛魔王食肉獸出動時間😆 眾多石燒牛扒餐廳中，我好鍾意「牛極」佢有蒜片，所以去開呢頭就黎左長沙灣呢間食啦～ 原來長沙灣呢間都幾大間、唔迫夾！ 同樣地都係自己先揀野食買飛，然後交比店員準備牛扒～ 之後就可以去自助區拎沙律、飯、湯、餐具、水、牛扒醬，都係可以refill嘅👍🏻 另外當然要記得拎圍裙啦，因為一開始都會幾彈油。主角都好快就到，同屋企人分別揀左牛肩排 180g同埋牛柳 200g🐮🥩 牛肩排 180g $80180g其實已經大大塊，配埋其他野絕對可以食得夠飽。切開一舊舊燒嘅時候已經覺得塊牛肩排好腍身，好易切🙆🏻‍♀️ 食入口都好易咬，有牛味😋 個人口味鍾意配蒜片或者簡單黑椒+岩鹽就已經好夠😋🥩 牛柳 200g $110切開個時都係腍身嘅，食上口對比牛肩排比較有咬口，牛味就無咁強烈。同屋企人分別食過荃灣、旺角牛極，但我地都覺得比較鍾意長沙灣呢間🙈 有機會黎開附近會再黎食😌

話說最近凍凍地好想食肉，朋友見我肉癮起，介紹左我去依間喺長沙灣既牛極。原來係近排好興既石板燒牛嚟～入面主要有六種石燒牛，比一般既石燒牛餐廳既選擇多, 分別係西冷、牛肩、肉眼、牛柳同兩款日本和牛。我地就揀咗牛肩肉（180g)同牛柳（200g) 依度主要係自助形式，自己order完自己拎，有沙律吧，飯同湯都係自助嘅 ～等咗幾分鐘就有得拎喇 所有牛扒上枱時都係一成熟 之後想食幾熟就自己煎 依個就係牛肩排，食落好有牛味，幾有咬口，最吸引既係冇咩肥膏，岩晒我依啲想食肉又怕肥既人另一個就係牛柳，口感淋身啲，易咬啲，而食落就冇牛肩排咁重牛味之前都試過其他石燒牛餐廳，但係環境就一般，而牛極依度除左食物之外，另一個吸引之處就係餐廳夠大，坐得舒服，食都食得舒適啲！

單張上面寫上新店開張有牛肩80蚊180克優惠呀， 點咗一件嚟食， 牛肩嘅正中央有一條粗大嘅跟腱， 脂肪多少少， 有口感，唔 韌，易吞 ，餐廳牛肉上枱一成熟， 已經喺非常高溫嘅石板上燒緊， 用紙巾包住， 未見有牛肉汁或血水流出， 加上少少調味料後， 用餐刀慢慢切開， 自己決定行到肌肉紋理切口方向，大概再煮大約六分鐘後牛肉汁慢慢從石板之中流出， 切到咁上下，口水亦慢慢湧出，就可以開餐。牛柳肉120蚊200克， 肉汁比牛肩為少， 比起牛肩堅韌， 最好五成熟就好食， 免肉汁流失。同場都有一家大細四口一齊食扒餐， 望住佢哋一個餐一個餐咁點去食， 每份扒入口都係熱呼呼， 正。麵豉湯放題任飲，口味重白飯任裝椰菜絲新鮮，可點有醋食， 配扒一流。

轉眼間已是12月12月的第一日當然要有一個good start晚上去了食燒牛扒知道在深水埗長沙灣有一間由長沙灣A二出口，行三個街口大約數分鐘就到.肩肉眼 $80 180g最平的肉，但質素很不錯，香濃的牛肉味。上菜時是1成熟，幾成熟自己決定。.牛柳 $110 200g肉質更有質感，加點黑椒食更帶出牛的滋味呢！.其他肉類包括：澳洲牛仔肉眼、西冷，連日本和牛都有呢每個牛扒包「食次放題」，包括湯、米飯、前菜沙律任食！湯是日式的麵豉湯，有紫菜、豆腐粒及白蘿蔔，味道與日本餐廳的差不多。

最近香港十分之流行鐵板牛，上枱時牛肉只有一成熟，之後便靠熱石版的熱力把牛整熟，此外也能按自己喜愛的牛肉成數去進行烹調，又有得食又有得玩最重要是熱辣辣保證新鮮.這間食店在我的屋企附近經常大排長龍，於是今日看見人流比較少，於是一於入去試一試.叫一個套餐，沙律，湯，米飯也是自由放題，十分之抵食的，最平的套餐也只不過是$80十分之吸引.牛肉上枱時十分之有鑊氣，熱石鍋也是熱辣辣的牛肉的肉味也比較香濃，水準十分之高.