牛極 (雅怡居)

營業中

休息中

一路都知道牛極嘅石燒牛好出名抵食，今日去開深水埗買電腦零件就決定去品嚐下佢哋嘅石燒牛。😋入到去好似日本餐廳咁有一部自助售餐機😍，我哋就揀咗牛肩排🥩同埋牛脷。買完票交咗畀店員之後，石燒牛🥩就好快上枱。牛肩排燒得外脆內軟，入面燒到啱啱好粉紅色，仲好有牛味同埋好juicy，呢個時候食就最啱，肉質超級嫩滑，最緊要係油脂分佈平均。😍牛脷亦都好淋好入味，同埋都係一樣好有口感。提提大家呢度嘅沙律、飯同埋湯都係無限任添👍，食牛嗰時點埋佢哋嘅蒜蓉、燒肉汁同埋辛辣椒汁會將食物層次再推高，同埋絕對好有日本風味，鍾意食牛嘅朋友絕對唔可能錯過牛極！🥰

自助形式既石板燒牛扒🐂聽就聽左好耐終於可以黎試下一入門口右手邊就有部自動售賣機分別有6款唔同部位 唔同gram數既牛肉比完錢就將張票交比店員,就可以去自助吧到拎湯🍲 & 白飯 & 沙律🥗,另外 牛扒既醬汁都可以係度拎埋, 有燒汁, 蒜蓉汁 同 辛味燒汁除左雪櫃入面既飲品要另加錢之外,餐廳仲提供埋檸檬水🍋, 另外 好抵讚既係 為免比油脂彈親 除左提供埋一次性圍裙之外,上菜果時亦會先鋪上張厚紙巾而自己燒既好處係熟度可以自己選擇除左自助吧有醬汁,檯面都有岩鹽同胡椒粉等樽裝調味牛柳200gJuicy得黎啖啖肉 肉質較鬆軟鮮嫩牛肩180g厚度好足夠 加上少少岩鹽已經足夠提升肉既鮮味肉質彈牙 牛味濃郁

難得放假的一日，想食得開心d，所以決定encore燒牛排。今次揀左最平個款牛肩排（180G) $80 連餐湯、白飯、前菜。餐湯、白飯、前菜係任食既。餐湯係蕃茄牛肉湯，個湯蕃茄味好濃，牛肉都幾軟稔同埋湯有牛肉味。個牛肩排有手掌咁大塊，一上菜個時個熟石好熱，聽到燒牛排既吱吱聲，就知道係時候開始自煮牛排啦！打左個卡先，個境都幾靚嫁！注意，牛排上菜個時得一成熟，要自己切成一塊塊慢慢係熟石上煎。我鍾意厚切牛排，大家可以按自己喜好切成岩食既厚度，要注意牛肩排比牛柳難切少少。差唔多熟所以就拎左三種醬油（左起：辛味燒汁，蒜蓉同埋自家製燒汁）個牛肩排牛肉味都幾重，我比較喜歡點自家製燒汁中和一下味道。賣相唔錯我要開動啦！拎起一塊牛排，點完醬汁再餸飯，好正！呢個價錢算幾抵食嫁！下次要同朋友一齊黎再食過！

朋友介紹呢間石燒牛扒好正， 今日就同朋友一齊嚟試下! 一入到去，見到自動點餐機簡直係一個驚喜 ，用一為喜歡好似日本咁 ，喺自動販賣機選擇喜歡的食物。餐廳供應一成熟的牛扒 ，之後可以按個人喜好，將牛扒切成小塊，燒出心目中的熟成度。 我鍾意食六成熟，今次就試下睇下燒唔燒到先牛柳$110/200g油脂分佈均勻， 咬落很有油香。 揭開塊牛扒看到裏面色澤鮮嫩 ，很有牛味 。牛柳比牛肩扒有咬感， 加埋喜馬拉雅鹽同黑椒， 已經相當好食， 亦可以跟牛肉醬汁 提升味道。很喜歡這個自己石燒這個概念 ! 因為想吃生啲又得，想吃熟啲亦都可以自己控製到! 今次整六成熟都燒得不錯大滿足!另外有麵豉湯 ，白飯同埋沙律任裝， 麵豉湯好好飲飲完一碗都唔夠，要裝多 一碗先夠喉！ 喜歡石燒嘅我哋，一定會再幫襯!

Certified Augus Beef牛肩排，食落肉嫩多汁，熟成程度自行烹調，肉質油脂恰當，口感厚肉，蒜片香脆，表面已預先鋪有黑椒調味。自助吧，椰菜絲車厘茄沙律，蔬菜新鮮、爽脆，配以柚子沙拉汁、胡麻沙拉汁食用，味道更清爽帶香；自家製麵豉湯，味道正宗，加入左大量冬菇、豆腐、海帶；珍珠米白飯，食落有咬口，配以芝麻紫菜粉食用，味道更香口；檸檬水，味道清香、微酸；醬汁配料，有三款，包括有自家製燒肉汁、蒜蓉、辛味燒汁，自家製燒肉汁味道濃香帶甜，蒜蓉令牛肉嘅味道更突出，辛味燒汁味道偏鹹帶微辣；每枱枱面擺放左3種調味料，包括有喜瑪拉亞山粉紅岩鹽、黑椒、燒烤牛扒調味料。

朋友介绍呢間石燒牛扒正，咁就一定要試試啦！首先從門口的自助點餐 ，挑選好想食的牛扒，就可以坐低 慢慢等著享受啦 ! 這裡有個自助區域 ，可以畀你攞沙律， 沙律汁可以選擇柚子汁或者胡麻沙律醬。 還有麵豉湯和白飯任莊。醬汁有3款， 可以揀辛辣味， 牛肉汁同埋蒜蓉。餐廳供應一成熟的牛扒 然之後讓客人自行於熱石上烹調。牛肩扒 $80/180g牛肩扒是最化算的選擇，八十蚊就有180 g，十分抵! 一上枱時熱辣辣。。吱吱字字聲， 揭開張紙巾就可以開始鋸扒啦 ! 牛肩扒油脂分佈平均，比較淋身。 肉質鮮嫩，好有牛味! 一路燒一路切，跟鹽同黑椒已經好夠味，當然可以再點埋醬汁，一樣正餐廳奉上喜馬拉亞海鹽，黑椒同埋辣椒粉供調味。 鋸扒跟白飯今晚就非常滿足

最近行街又去咗牛極食 Lunch🐮嗌咗一款肉之後就可以慢慢享用自助吧🤗包括珍珠米白飯🍚沙律、麵豉湯🥣沙律菜係椰菜絲同少少蕃茄仔🍅可以自行添加柚子醋或日式芝麻醬🥗麵豉湯有勁多豆腐、海帶同菇🍄.牛柳 200g🥩上枱嘅時候已經燒到一成熟🔥然後再放喺已預先燒熱嘅石板上慢慢燒到理想熟度🤔牛柳肉質軟嫩，一咬啲肉汁已經出晒尼😆有少少筋位😋連埋幾片炸蒜一齊食好正🤤仲可以出去自助吧拎自家燒肉醬、辣味燒汁🌶蒜蓉🧄枱面亦有海鹽🧂黑胡椒同 BBQ 調味料😍試曬幾款調味，個人覺得燒肉醬最好味👍🏻有需要都有提供圍裙

牛極專賣石燒牛扒專門店，愛吃牛迷必定要幫襯一下。共有8間分店的牛極，在大角咀、油麻地、元朗、佐敦、荃灣、旺角、深水埗及新開業的銅鑼灣，真係可以話區區有牛極，牛氣“沖滿”全香港。餐廳裝修好有日系感覺，用一個木製的大門，進入店內近門口位置有自助購賣機，自己揀選心水牛扒，跟日本餐廳做法一樣，好有日本feel。用自助售賣機揀選食物及付款後就可以入去揀座位，將購買的收據給職員便可去自助吧取白飯，沙律，湯，是自助任食的大胃王必定會十分高興。白飯是珍珠米，加上紫菜絲一流，十分香口。沙律是 椰菜絲好新鮮，配上柚子沙律醬相當開胃。水是檸檬水很健康，而我個人也喜歡他們的麵豉湯，非常好飲。今次自私食點了一份200G的「牛柳」$110，職員隨後送上熱辣辣的牛柳到你面前，牛肉下是用十級熱的石頭燒著，熱度極高。牛柳份量差不多有一個手掌咁大，肉的成熟度已有一成，其餘就由個人喜好去烹調，最好方法是每切開一小塊在熱石上烤，烤到你想吃的熟度。肉質結實，彈牙爽口，有牛肉的香味，算很不錯。配上燒汁、 蒜蓉及辣汁令肉更惹味，如加埋黑椒、Pink salt 或BBQ調味料更添滋味。

一、位置、環境深水埗除咗三拍子之外第二間熱石牛扒餐廳個位相對隔涉 但入面環境都還好不過我哋坐正喺門口 夏天真係熱到飛起二、嘢食前菜方面 唔似三拍子咁有通粉 不過一樣有沙律 羅宋湯 同埋白飯任裝 好似仲有檸檬水嘢食都係相當之抵個人叫咗個#300g 牛肩扒 都只係$110!我諗正常人食180g已經好夠 300g真係感覺好滿足！一開始驚咁大舊牛扒熱石唔夠煮熟 但食到最尾都啱啱好！唔會又唔熟 亦唔使再加熱味道方面 個人認為絕對比得上三拍子 熱石牛扒來講算得上平均嘅質素但餐廳嘅醬料值得一讚 尤其鍾意個辣醬 同埋大量蒜蓉同個牛扒相當之夾相當好味咁大塊牛扒配飯真係好滿足仲要呢個價錢唔算貴 操完野補充大量蛋白質嘅好來源三、服務買完飛姐姐會幫你送埋餐 唔使比油彈到自己部機搞唔掂都有姐姐幫你唱錢總結三個字 平靚正！

喜歡因為真係唔錯。嗰日遲咗慶祝母親節。所以的起心肝帶媽咪去食間好嘅日本餐廳。正宗嘅餐廳係好直嘅。間餐廳我第一次去覺得佢哋嘅牛扒唔係用鐵板而係用石板上嘅。我覺得好特別。這款石版大有來頭原來日本當然係好多日本貴族都係噉樣食牛柳。當然而家香港又真係唔錯。值得一睇就知唔好finger掂到塊石板如果唔係真係會淥熟。這間餐廳款式多價錢合理下午茶時間又有優惠。大大塊牛柳先至唔夠100文。值得帶屋企人嚟食一個溫馨餐。

同朋友做完運動經過見到牛極，朋友推介話好好食，所以心血來潮就入咗去食牛扒😂 早已將消耗左嘅卡路里忘記😂之前未食過牛極嘅我，見到咁多選擇都唔知食咩好，朋友就推介我食亂切牛排，咩部位都有！係我去左裝湯，裝沙律時候，牛排好快已經送到上黎！牛排熱辣辣，香噴噴！真係咩部位都有，但我不懂分辨咩部位，只係覺得每一塊肉都好腍。即使有幾塊留到最後燒至10成熟，塊肉一點也不會韌！湯、沙律、飯是免費任添的。沙律普普通通，有芝麻醬同柚子沙律汁，都幾開胃。作為免費添加的前菜，沒有太多的要求。至於牛肉湯，我覺得都算幾好飲嘅飯偏硬身，但勝在可以加紫菜粉，混合上來味道都不錯！不過主角是牛排，牛排味道的確很出色！燒到幾成熟完全掌握自己手中，絕對唔會overcook

今日同朋友咁啱行過深水埗見到門面非常有氣派同特色🙈🙈仲要係小編好喜歡嘅日式煎牛扒店😊朋友亦都有推介過😃所以即刻入去試吓呢間好唔好食先☺️點餐方法同日本一樣🥰都係喺門口有部售票機自助式點餐😊非常方便快捷，唔明的話仲可以叫店員幫手餐廳環境同日本居酒屋非常相似，好有和風嘅味道沙律飯同埋牛肉湯都係自助式任食🌸 牛肉湯味道好濃郁😍醬汁都有三款可以任你選擇😋分別有燒汁，蒜蓉汁，辣汁白飯亦都係任食的，真係唔會怕唔飽啊！😋準備好晒醬汁食咗少少沙律之後👍🏻牛扒終於到啦！😉這家餐廳的特別之處在於，😃上餐的時候，餐廳只會提供一種熟的牛扒，上菜的時候表面仲有少少紅，🤏然後每個人都可以根據自己的喜好烹飪，然後再烹飪至適當的成熟度😋牛肩排 180G 肉質好有咬口😏味道亦都唔錯，$80嘅價錢算係相當實惠牛柳 200G 肉質比較嫩滑🥰🥰油脂分布得平均，味道不錯👍🏻 牛肉加上熱辣辣嘅白飯味道更佳！😍😍

係日本有好多火山石燒牛排餐廳，香港最近都開左幾間專門食石燒牛排既餐廳，岩哂食肉獸既朋友。而「牛極」真係平靚正，一個價錢有牛排，飯、湯同沙律仲可以無限任添。牛排可以自己控制燒幾成熟既熟度，性價比高，絕對可以再回頭。入去後先係門口既自助販賣機買飛，買完餐就可以去自助區拎白飯、湯、沙律、醬汁同圍裙。醬汁有燒汁、蒜蓉同辣汁，可以試哂唔同口味配搭。牛肩肉180g $80牛肩肉燒到粉嫩岩岩好，好juicy，肉質好軟熟，入口即溶，超抵食牛柳200g $110牛柳好大塊又厚身，比起牛肩肉質較紮實，肉味較濃，肉汁都好多。

今日去了深水埗買野！！行累了！我們去了我們平時成日去的石燒牛扒店。我們定了一份牛柳 200g.牛柳肉味香濃，肉質軟滑多汁！一份牛肩肉180g牛肩肉的肉味比牛柳的肉味濃郁！肉質比較有咬口！比較根的彈牙！湯，飯，沙律...都是自助任食！湯是牛肉蕃茄紅蘿蔔湯內面的牛肉都是牛肉根帶一點肉！煲到好淋滑！有媽媽的感覺！飯還可以！比較硬！沙律是椰菜和蕃茄，沙律汁有兩款可以自己加！石燒牛肉有三款汁，燒汁/辣醬/蒜蓉👍🏻👍🏻🤤😋三款都好好味！

上星期喺深水埗出沒👣朋友仔想食平價又啖啖肉既午餐🍖OpenRice之下見牛極都有唔少分店🤟🏻就帶佢一嚐平價石燒牛🐮.呢間以自助方式落單牛肉有唔同種類同重量👐🏻可以按返食量同埋選擇唔同既部位🤳🏻🥩牛肩排 180g ($80)食落比較有𡁻口 肉味比較多👍🏻🥩牛柳 200g ($110)肉質相對軟腍 係啖啖肉🤤跟餐仲有無限量沙律菜🥗牛肉湯🥣同白飯🍚牛肉湯用大量牛肉熬製係濃濃既牛湯🐄🐄小編都飲左兩碗🤤.總括黎講 $100左右可以食到石燒牛仲有濃濃牛肉湯、沙律🥗同白飯🍚 性價比好高👍🏻