牛極 (雅怡居)

營業中

休息中

食過「牛極」喺不同地區嘅分店，幾好味又幾抵食，呢日喺深水埗，又見到佢有分店，咁都冇乜諗就入咗去開餐😆同其他分店一樣，門口位有部自動售票機。要咗$80嘅「牛肩排 Top Blade Muscle 180g」，包沙律菜、餐湯、白飯，呢啲全部都係任食，要戴口罩自己出去攞😆牛肩排🥩 廚師燒到一成熟，放喺一塊燒熱到攝氏300度嘅黑石上邊，然後上枱，用一張廚紙蓋住，自己拎開廚紙，跟住切成自己喜歡嘅大小，燒到自己喜歡嘅生熟程度，就係咁樣食啦😋；牛肩排🥩幾好牛味，有啲咬頭😋，咁嘅價錢真係食得過😆

$80 180 g 嘅牛肩扒係最抵食我食過好多次，佢嘅牛肩扒夠厚，係石板上唔會OVERCOOK自己燒好容易控制熟度，我通常燒成MEDIUM RARE，肉味都夠膿。平時會係自己屋企買高級牛煮，點解都仲會幫襯呢間係因為佢白飯、沙律、湯任食湯係用牛肉蕃茄煲成，都好飲，會想再ENCORE 味道又OK，份量又無得輸，抵食!

好得意 呢到比錢係自己㩒機模式 有啲似起日本嗌野食🙈想食幾多牛就自己衡量叫幾多g🥩白飯 羅宋湯 沙律都係自取任食嫁😙-🍴 牛柳 (200g) HKD110上枱見到完全係厚身嘅🙈 🧜🏻‍♀️大概煎到五成熟倒就食啦😛肉質嫩而且比較腍身 岩曬我呢啲唔中意太有咬口嘅人食😹牛味出之餘肉汁非常豐富 食下食下好快就食曬 有少少唔夠食添😋推薦❗️-🍴 澳洲牛肉眼 (200g) HKD110同樣腍身嘅有呢款 又係都幾大塊而且無乜筋🤪五成熟食岩岩好😋澳洲牛比起牛柳 牛味相對較重 係完全好食得出唔同味嘅 油脂分泌平均 入口又係有肉汁出黎 加埋蒜片食就更香口👅-🤟🏻個人建議: 燒到咁上下好攞個碗裝起啲肉唔好再燒 如果唔係就會越黎越熟嫁啦😛點鹽食牛味更重

有睇開我食評嘅人就知我食嘢有要求。呢間好好食！呢間好好食！呢間好好食！最平牛肩排煮到全熟都唔會變柴！貴少少澳洲牛柳煮到全熟好韌...所以好似我咁，鍾意食全熟嘅食牛肩排就最好。牛柳都唔夠牛肩排好食， 一係你揀和牛，唔係食最平就得喇。落佢啲黑胡椒就已經好好食， 佢啲黑胡椒有冇人知邊度買到？係印度出品，自己平時買嗰啲唔係印度出冇咁香冇咁有味。羅宋湯好正，用好多牛肉煲。沙律啲椰菜好甜，( 第一輪擺耐咗乾咗嗰啲就唔甜）

牛極聽朋友講牛極既鐵板牛好好味性價比又高，於是一齊去試下，門口有部日本好多餐廳都有既買票機，真係好特別，點完餐之後入座就可以去拎海帶麵豉湯，沙律同埋飯。飲完湯，食埋沙律🥗個鐵板牛就到啦我地叫左牛柳同牛肩脊，第一次食真係唔知原來係外熟內生再慢慢燒到自己中意既熟度。兩款牛都好香口，牛肩脊真係好香好好味，燒一燒點個汁配埋白飯真係好正。牛柳都好好味，好香牛味又好滑。邊切邊燒真係好有特式，個感覺好似去左日本旅行咁，掛唔之得之前見咁多人排隊食啦。

今日去左深水埗間牛極食晏晝飯，點左兩份牛，分別係牛柳同牛肩排。依間舖好日式，因為有部自助售賣機，按照自己想食咩，俾錢出飛。依到湯同埋飯都係隨便任裝，我覺得好好啊，唔夠可以隨便出去裝多碗。今日既湯係牛肉羅宋湯，好好味，意想唔到d湯堅有牛味；不過既然日式，我會更加想飲味增湯！D飯好好食，珍珠米，粒粒都好煙韌，而且可以自由加d飯素係飯面，好正，就咁都食到一碗飯！牛柳同牛肩排都好大份，牛柳比較嫩；而牛肩排就有口感，兩塊牛扒食落都唔差！佢地都係係熱石上俾食客自己煎，熱辣辣好適合家下咁凍既天氣去！

開始入冬 緊係去日式鐵板燒店 燒一燒😚😚之前見介紹 終於去嘗一嘗😋😋日本和牛,牛柳,西冷,款款都係熱辣辣即食😍😍呢間係有自助販賣機的👉👉也有自取食物區 牛肉羅宋湯 沙律 檸檬水 同白飯都任裝架🙌🏾🙌🏾個湯落足料啊 同鍾意佢個沙津醬 大食嘅我食左兩大碗☺️🤭😳飯桶係我性價比好高 價錢又唔貴💕💕🙌🏾值得一試啊另外就簡左👉👉牛柳 200g ($110)西冷下的牛腰肉，係全牛最嫩的部份💕💕份量都好大 厚切🔪😋😋牛肩排 180g ($80)岩唒我😚鍾意偏瘦 重點係好扺食 塊牛同我隻手咁大啊😻自己燒最正 可以決定熟度

牛柳同牛肩排 2款都好好味早半年係荃灣食過好好味既鐵板牛😍今次食都係咁好味 牛肩排肉質好冧好易切，肉味都唔錯，加鹽同黑椒最夾，原本係一成熟，係石板煎一陣就食得，煎耐少少肉味會更出更好食。而牛柳肉質就冇咁冧但肉味會更加濃，同埋比較厚，煎一陣食最好，煎得耐d肉就會韌，除左鹽同黑椒，落燒肉汁都好夾。兩款肉都好食，牛肩排set好抵，$80已經食到，再加任加既湯，沙律同飯，CP值好高，真係好似去左日本咁。 門口仲有買票機❤️給你旅行既感覺。

係深水埗行到又倦又肚餓, 見到呢間食牛專門店, 首先在門口自助購票機買野食後, 便由店員安排入座, 店員介紹沙律、白飯同麵豉湯都可以自助形式任食, 沙律是用椰菜絲切到條條幼細，配埋車厘茄新鮮爽脆，另尚有胡麻沙律醬可點,  開胃之選, 麵豉湯是用海帶、冬菇&豆腐煮成, 煮得夠濃味.   牛扒放在石板燒上，生熟程度由自己控制，視乎個人口味。 -牛肩排 (180g)
牛肩排肉質雖然冇牛柳咁軟嫩，但相對扎實些, 食落爽彈有嚼口, 牛味香濃. 加配埋蒜片…調味料, 令味道更加升華!  -牛柳 (200g)
牛柳比起牛肩排冇咁肥膩, 但肉質非常柔軟肉汁豐富，牛香而且油脂分佈平均，真係幾好味, 唔夠飽加埋一碗珍珠米白飯, 夠晒滿足.  而且價錢好抵食!

終於去左一直好想食嘅石燒牛啦，今次又黎到深水埗搵食，呢間石燒牛最平$80都有！仲要包埋個min bar, 可以任裝沙津、湯、白飯，連醬料，仲有提供味素可以加上飯到！我就試下叫最平既180g 牛肩肉，睇下咩質素先！石燒牛放係石板上，一上台已經好香牛味，餐廳有埋圍裙供應，唔洗驚油煙彈上身到，可以放心食！牛肩肉幾嫰滑又唔會過淋，油脂分布幾平均，牛味突出，石燒比較快熱，大家可以因應自己想食幾多成熟而燒幾耐，呢個價錢來講絕對抵食！

近排都好多唔同嘅石燒牛出現，而深水埗呢間都係相對抵食! 最平$80 就有交易，仲要湯, 沙津，白飯都係任裝，一定夠飽!叫野食只要係門口買飛就得都都幾方便，今次就試左180g ($80) 牛肩排 同 200g牛柳 ($110)一黎到石燒熱騰騰都咪話唔吸引，牛味都幾香，仲有牛油紙係面插住唔驚彈到周圍都係油👍店內仲有圍裙提供，真係夠哂細心😉 不過石板真係好熱，如果唔想牛肉過熟就要快手啦XDD先講牛肩肉排，肉身有咬口，油脂分布都幾靚，牛味突出😚😚真係唔錯牛柳的話肉身會較淋，油脂更多，一口肉汁就彈哂出黎，牛味較牛肩仲重，好味!😍重點係牛嘅份量真係唔少，就算唔添湯同飯，其實我地兩個食肉都已經好飽，性價比真係無得輸😋

經開深水埗夜晚想唔食太多野，上網搵下有咩好野食，搵到附近有間食石燒牛的店好多人推介，一於入去試下啦🤩呢間有成8間分店咁多，入到去係用自助下單機點餐，之後就可以入去簡埋飯、沙律、湯和檸檬水和醬汁，鍾意拎幾多就拎幾多，我和老公就點左牛柳和澳洲牛肉眼🥩🥰睇下好唔好食先😆1️⃣牛柳200g $110之前都有食過幾間石燒牛的店，我覺得呢間的牛柳相對比較好食，夠哂嫰口，牛味比較重，點埋點醬汁一齊食好惹味😋如果配搭埋飯撈埋一齊食，味道一流👍🏼2️⃣澳洲牛肉眼200g $110之所以點肉眼扒係因為唔想食純牛肉扒咁寡，所以有少少油花的肉眼扒就岩晒，本身都驚佢點肉眼扒肥膏超多，黎到之後見到肥膏岩岩好，好有驚喜，肉質鮮嫩重牛味，唔會好似出邊食超大舊肥膏

呢間小店之前已經幫襯左好幾次，真心性價比高，今次我叫咗全場最平嘅餐牛肩排180g，都係$80⋯連沙律、牛肉湯、白飯，超級抵食⋯係自助售賣機點完餐就可以等佢哋送餐嚟啦。喺疫情之前，沙律、牛肉湯同埋白飯都係自助取，而家就係跟餐來。調味同埋水就自助取。放喺熱石嘅牛肩排成寸厚，大大件冇骨又冇根，而且好鮮嫩，切開睇⋯肉仲係紅色，可以自己控制熟嘅程度。職員仲話熱石唔夠熱仲可以換個牛肉湯真係超級好飲，我飲咗三碗，連湯入邊嘅肉都食埋，勁正

因早前腸胃炎搞到冇啖好食後，突然勁想出去食下嘢！今次好想食肉，所以去咗平民石燒牛餐廳 《牛極》開餐啦！都已經忘記咗嚟過幾多次了！因為依家潮流都興呢類平民扒房，一般只係百零蚊就可以食到飽飽！價錢超級親民！今次點咗一份200g 嘅牛柳，都只係HK$110蚊，而且個湯、飯同個沙律都可以添食的！塊牛柳切開仲帶紅，望落去都唔錯呀！食落都好嫩又夠肉汁，不過建議牛柳唔好留係熱石太耐，因為都熟得幾快，建議盡快切開同㷫一㷫佢就好上碟啦！個人覺得佢碗牛肉湯都幾正，我飲咗成三碗呀！真心好味又足料！以呢個價錢可以飲到咁濃嘅牛肉湯真係難得！食完超級滿足呀！

疫情下無得晚市堂食，唯有間中下午係外面食個飯！ 突然想食下肉，咁之前都食過牛極都覺得ok，所以星期六就去咗深水埗分店(不過我係長沙灣站出，比較近）去到等咗陣就入得。。。流程都同其他一樣，店員安排坐位之後買票！坐門口位。。個自動門經常又開又關。。。真係幾煩。。又熱。。。不過無辦法自助飯，湯，沙律收起左。。。由店員跟餐比 飲住湯等。。都幾多料個湯好快就送餐嚟了。。。點知見到無飯。。。好似話d飯未得？？ 咁都要等嫁啦。。點知都幾耐下。。。d肉都熟曬。。。再三追問店員先話d飯要再等5分鐘。。。下？ 咁我叫佢哋收番個餐等飯再比過。。。等個飯都等左10分鐘都有。。比番個餐一睇。。。d肉無比過新。。。全部熟晒仲燶咗 真係呢。。不過費事當面嘈，求其食完就閃。。。無下次！ black list