牛極 (雅怡居)

營業中

休息中

牛極我記得好耐之前有食過，啱啱興食石燒牛果陣佢已經係度，算係開左幾耐。記得果陣食左個牛柳幾好食。今次黎到，見到有午市套餐，除左牛之外，仲有雞肉、鰻魚、豬腩片選擇，而且價錢好抵食😳五十幾至六十幾蚊就有得食個午市套餐，仲包沙律吧任食。沙律、白飯、湯都可以任裝，一定食得飽😋1⃣️日式雞排燒（$55）成塊熱石上，滋滋聲🤤雞排都幾大塊，雞皮幾脆，雞肉嫩滑，面頭仲有少少照燒汁，唔錯☺️另外出面有唔同醬汁可以攞，有蒜蓉、燒肉汁同埋辣醬，配雞排食都幾好。  另外出面既沙律可以任拎，仲有胡麻醬同埋柚子醋汁可以落，開胃又健康。最鍾意既係佢地既湯，記得上次黎食好似係麵豉湯，今次黎食係雜菜牛肉湯🤩飲落酸酸甜而且好足料，入面有好多蘿蔔、洋蔥，仲有啲牛肉粒添！啲料煲得好淋好爛，好正。

日式自助石燒牛扒店，牛扒有不同部位及重量選擇，均經過熟成處理會由師傅先煎至一成熟，再放至攝氏300度嘅火山石板上可按喜好自行用石板燒至理想熟度。牛扒附自助吧可任食沙律及飯呢度一個價錢食到飽 包沙律飯任食仲有餐湯 食一餐飽一日!最平大約$100起 牛板腱 油花分佈均勻，肉質軟嫩中帶有彈性 最岩用黎石燒或者燒肉肉質相對地比西冷柔軟 熱石板好熱,可以快速將生肉一分鐘力煎到5成熟每一面煎大約1分鐘就可以食得,當然唔好切太薄啦 厚身少少有咬口好多沙律菜夠清爽可加芝麻醬食 另有燒肉汁配牛肉 白飯無限供應份量大件又抵食,難怪開到11間分店咁多平均消費$100評分8/10深水埗菴由青山道195A號雅怡居地舖

牛極今日想試下石板燒牛肉但又唔想食平時既鐵板扒 所以就黎左試食意外地性價比好高😳😍首先 佢地係出面部機先比錢落單之後交比職員 職員就會將牛扒送上出面有一個自助區😳飯 湯 沙律都係出面拎去相!!牛肩排 300g $120個肉質好淋 牛肉味都幾香 性價比超高😳西冷 200g $130相比下 西冷就比較煙un但肉味比牛肩排濃😳鐘意食肉味既可以點西冷不過我就比較鐘意食淋既牛肉 所以比較推薦牛肩排飯同沙律都係自助區拎😚任食當日仲有牛肉湯😍超好飲既牛肉湯

星期六中午行過就入去試試。門口買飛點了$80元牛肩，五分鐘後就送上。牛肩在熱紅紅石板上，好香烤氣味。牛味濃，肉質剛好吃下加上白飯(圓米）任吃，两三碗飯就少不了。除了白飯，湯和生菜沙律都是任吃。湯内還有不少牛肋肉，連醬油吃好味。都吃了两碗就收手。留给其他人。提提生菜沙律和醬料沒有蓋，吃了30分鐘內都見有小小朋友仔飛來飛去更有爬在生菜上而小爬爬就近醬料區。此望店主留意衛生！

牛極今日約咗個好耐冇見嘅朋友食晚餐聽聽佢嘅近況，今次就揀咗依間餐廳食，因為好耐冇食過牛扒，而係佢哋而家做緊個優惠都幾抵牛肩排估唔到呢個價錢都可以着到咁靚嘅牛肉，出邊而家都應該好多嘅石版燒牛肉但係佢哋嘅牛肉絕對係上佳嘅級別，大大嚿嘅牛肉用鐵板燒起上嚟特別入味，而家店員都好友善嘅介紹我哋點樣去燒一個靚嘅牛扒，切開細細份慢慢燒，牛肉七成已經係最好，牛肉味豐富咦個價錢又可以飲到湯食到沙律，而且牛肉加個高級嘅質素我覺得絕對冇得比，下次去開都會在試唔同嘅級別嘅牛肉

網上定位7:30pm準時入座，環境闊落，有卡位，坐得舒服，廁所周邊都潔淨企理，值得一讚。預先用購票機現金/Alipay付款，選了牛肩排和牛柳，用預熱黑色石板，自行將約1成熟的牛排燒烤，兩款牛味好一般，無乜感覺，牛肩口感較淋，而牛柳則較多肉汁。另設有自助區，免費提供簡單日式醬汁沙律、牛肉湯、白飯等，較欣賞是湯；内有既香又滑的牛腩、紅蘿蔔及洋葱，滿足！不過，牛腩等湯渣，手快有手慢無啊！2人埋單共$230，以質素和價錢計，尚算抵食，值得再幫襯！

今日收左工去長沙灣睇樓，起左好多新樓，行到累累地就去搵食休息下，比我地發現左呢間餐廳，就黎試下啦。呢道係專門食牛，我就叫左個牛柳，呢道食法非常特別，本身係9成熟，自己可以用石鍋既熱力黎令到牛柳熟到幾成熟都得，自己喜愛，我個人就喜愛7成熟，係最好味既，肉汁非常多，肉汁鎖住係入面，口感一流，又可以點咪啲燒汁食非常野味，令到牛柳味道更加提升。世界級享受。呢道係半自助餐，沙律係任食，生菜非常之新鮮，點咪啲醬食非常吸引，我自己都忍唔住食左兩碗。另外呢道既湯都係任飲，今日係麵豉湯，配料非常多，好好飲，我都非常喜愛。可以加小小胡椒令味道更加提升。

呢排係長沙灣返工雖然呢區好多平價選擇但係都係心癮起想食牛極貪佢沙律白飯濃湯任食任飲平均每個月最少都會食一次牛排送到之前可以先出去拎沙律同餐具全部自助形式沙律主要係唐生菜粟米同蕃茄仔可以選芝麻醬或柚子醋個人鍾意芝麻醬口味今次選左牛肩排唔會太鞋口中間有筋膜 好食😋推薦點上燒汁加上爆蒜一齊食非常配合但今日竟然冇我鍾意既牛肉湯變左做味增湯有海帶豆腐粒冬菇都算係有料喜歡飲味增湯應該會岩你口味個人就想飲牛肉湯喇

喺深水埗返工嘅我，成日都要諗午餐食咩好🥲，有次同事介紹我去近長沙灣站嘅牛極食Lunch，先發現佢呢間餐廳性價比極高🤩，$50左右就有一個類似半自助嘅lunch，白飯、沙律、湯都任飲任食🤤，一開始以為佢叫牛極，就只係得牛食，原來佢仲有豬、雞、鰻魚俾我簡，搞到我有晚返工開OT之後，都要去牛極食晚餐洗擦我辛勞嘅一日🥲🥲。🐮🐮牛肩排180g $80去到有六款牛嘅部位俾我簡，仲要係分唔同gram數，我見可以任食飯，沙律同湯，咁就要個輕分量啲啦，點知一黎到果陣，心諗咁厚嘅，仲以為黎錯，原來180g係咁大塊，仲要80蚊，超抵呀🤩，佢上菜時大約三成熟左右，加上熱石板嘅溫度，將牛肩排燒至五至七成熟，口感非常豐富，濃郁嘅牛味加上牛肩自身嘅油脂，勁juicy，再配埋佢嘅珍珠米食，真係好幸福☺️。佢每張枱都有三樽唔同嘅調咪料俾你落，仲要係用研磨器，非常乾淨👍🏼，但我就覺得唔使加任何調味料都好夠，因為靚嘅牛肉係唔需要太過調味❤️。我諗呢間會變成我嘅飯堂，日日食都唔會厭呀。🤤

深水埗除了大南街的文青cafe☕，仲有不同的石燒。🤤咁多間石燒當中，座落在深水埗菴由青山道的牛極脫穎而出。餐廳內外都充滿日本風，好似返去日本🇯🇵，而店員也好熱情招待介紹menu💁‍♀️。晚上的menu有唔同牛部位同份量可以選擇🍽️，總共有6種咁多，可以同朋友點唔同的牛的部位一齊share😊，而lunch menu則有雞肉、豚肉、鰻魚等選擇。牛柳200g等待石燒期間，可以去自助區任添白飯🍚、羅宋湯🥘、沙律🥗。特別羅宋湯好濃，好足材料🤤。牛柳眼充滿牛味🐄，油脂比例適中，充滿肉汁。石燒最大優點是可按自己的喜好😍，選擇自己喜歡的熟度。🍳即使welldone，高質的牛肉仲係好嫩🍴😎

😆😆大佬之前請食lunch, 食過ne間lunch set的鰻魚飯令我眼前一亮😍，長身得黎又厚肉，脂肪又唔多。 所以出糧獎勵下自己的食法，自助餐嫌太貴，半自助餐岩岩好，就重黎ne間用$80買到180g牛肩排的幸福，配埋任食的白飯（識食狂加紫菜味素）；牛肉湯真係有牛肉仲有紅蘿白個d tem, 佢味道相對較濃郁架沙律菜菜巧新鮮，會帶病少少的蕃茄仔同栗米粒加埋邪惡沙律醬沒得輸。著白色衫的朋友記得拿塊圍裙保護好自己丫～ 正菜牛肩排啖啖都係肉，記得要翻面先唔係一邊會熟過頭架，切開嫌太生可以放在石板度再烘一烘熟它架，牛味重重，肉質結實，好有咬口，食完發覺沒用桌邊提供的岩鹽胡椒個d, 因為太巧食啦💗💗周不時偷隔離個牛柳黎食，都唔差架，軟綿juicy質感係賣非佛它就係破百元幸福，因為點它要$110🤫🤫

石燒牛肉已經興起一段時間🍖 到依家仲可以屹立不倒既鋪頭～ 到底有咩魔力呢🥰 曾經係午巿食過牛極 坐得幾舒服 睇餐牌覺得性價比幾高🤨 白飯🍚沙律🥗湯🥣🥄任裝(´･_･`) 絕對食得飽👹 而且款式好多，除左牛之外，有雞肉、豚肉、鰻魚等選擇😍 而且質素都唔錯 有少少驚喜 所以決定晚巿都要試一次👻晚市反而只有牛肉😂 不過都有六種牛牛比大家揀🥢 唔同牛牛 唔同gram數 價錢都唔同😗 同一大班朋友去食飯 仲可以sʜᴀʀᴇ食🤍 唔怪得佢全場爆滿啦🥺🥕牛柳 200 ɢʀᴀᴍ $110 餐牌上面有寫明係邊一款既牛牛🐮牛極係用ᴇxᴄᴇʟ既牛柳 瘦肉比例大 所以油脂含量較少 佢既肉質係最柔嫩 最岩當牛排🥰 雖然佢適合三到五成熟 但七成都唔差🤍 自己操刀可以控制生熟程度 唔怕ᴏᴠᴇʀᴄᴏᴏᴋᴇᴅ 每一啖都有淡淡既牛香味係口入邊💖 勁juicy🥰 其實全部調味料我都無落 就咁食都好食 絕對係性價比極高之選😋

牛極一向比我嘅感覺係抵食，因為一個價錢可以鋸扒之餘又有任食沙律、白飯、牛肉湯，另外仲有醬料任點，仲要免加一添，所以今日晚餐再次去食牛極，試下OpenRice 最多lam lam脷嘅長沙灣分店一入門口店員已經準備好幫我探熱，填安心出行，又示意我可以坐低諗好食咩先去自助點餐機買野食，服務幾好！餐廳餐單一目了然，有6種牛選擇，再揀返自己想食嘅分量就ok我今次食最平嘅牛肩排180g $80，再講多次，呢個價錢係已經包左扒、飯、湯、沙律、醬料，所以係非常抵食！出去自助區諗住畢湯飲，點知個煲無曬湯，喊出黎，示意店員補充，無幾耐就fill返滿，速度好快！畢完飯同沙律返返埋位坐低，牛扒就已經準備好上枱，good牛扒預熱一成熟，放係塊熱石上面加熱煎，自己想食幾食熟就煎幾成熟，同埋佢好貼心嘅係會有一張廚房紙拮係塊牛上面，咁就唔怕啲油彈到周圍都係，另外店內都係有圍裙提供的牛肩排肉味濃，肉質結實，配埋枱面岩鹽同牛肉汁點黎食一流，塊扒剛剛好送到一碗飯，哈哈除左牛扒，我覺得牛肉湯都係牛極嘅一個鎮店之寶，事關佢嘅牛肉湯似羅宋湯非常開胃兼飲完一啲都唔口渴，湯嘅材料都唔孤寒，有用紅蘿蔔，白蘿蔔，同埋牛肉去煲，難怪飲完一

牛極今日約咗個好耐冇見嘅朋友食晚餐聽聽佢嘅近況，今次就揀咗依間餐廳食，因為好耐冇食過牛扒，而係佢哋而家做緊個優惠都幾抵牛肩排估唔到呢個價錢都可以着到咁靚嘅牛肉，出邊而家都應該好多嘅石版燒牛肉但係佢哋嘅牛肉絕對係上佳嘅級別，大大嚿嘅牛肉用鐵板燒起上嚟特別入味，而家店員都好友善嘅介紹我哋點樣去燒一個靚嘅牛扒，切開細細份慢慢燒，牛肉七成已經係最好，牛肉味豐富咦個價錢又可以飲到湯食到沙律，而且牛肉加個高級嘅質素我覺得絕對冇得比，下次去開都會在試唔同嘅級別嘅牛肉

呢間牛極位於深水埗菴由青山道195A號雅怡居地舖，店舖係一間石燒牛肉，去哋係食唔同嘅部位，有牛肩排，澳洲牛仔肉眼，西冷，牛柳，日本和生，每個部位唔同價格，係以180G-400G計算!.我就叫咗牛柳食😋，當牛柳上枱店員放咗一張紙遮蓋牛柳，等D汁液唔會彈落D客人身上，真係唔錯照顧細心，牛柳都算幾大件😮又夠厚身，牛肉味道香濃😙，望落感覺都好juicy😍😋，食入口肉質都好腍身🤔，十分之嫰滑😋，真係好正😋👍!.**同時有免費自助位:有濃湯，白飯，沙律任食**