牛扒先生 (康怡廣場) (已結業)

午膳半自助餐選擇多，主菜點選意粉只須一百多元，就可以任食沙律、水果、甜品！本來以為沙律只係得兩條菜，諗唔到有凍豆腐、甜酸木瓜、煙三文魚螺絲粉、日式螺肉、煙鴨胸沙律⋯⋯就算唔食甜品、水果，都已經回本，而且唔會將貨就價！想食豪啲，可以點選燒牛扒或者西冷，水準不錯，份量都夠。唔知點解，去過其他分店，但不論食物、環境，都係呢間最多款、最好食、最好坐！