牛屋餐廳

營業中

休息中

牛柳有肉味，沒有過熟，鵝肝也甘香，整體配合有口感。侍應介紹菜式也見耐性。

第一次寫食評，多多指教。今日約左個朋友黎食午飯，見到前后有二間牛屋，搵左呢間黎試，叫左個set lunch, 蒜容牛柳跟飯，餐包唔夠熱，同埋發現個包已放牛油，個人比較中意自己落多D, 牛柳都ok 林，不過衛生方面麻麻，食食下發現有小強響我身邊經過。我諗我唔會再黎lu。由等食既時候如食家蘇謙所言，二個阿姐成日鬧交，我諗其中一個係老闆娘，由等食到食完為止都聽到佢地不停鬧。

近期較少來吃午餐, 原因是自從沒中湯供應後食物質素未能保持, 但今日的一頓午餐更覺水準不單沒有改善, 連服務都差了。回說正題, 羅宋湯是保持到水準的, 但個餐飽自從上次已經開始是草草地搽了牛油才上, 麵包本身是沒麵包味的, 相比以前是差了很多! 黑椒雞扒飯賣相不俗, 但一下刀, 很多油不斷滲出來, 導致黑椒汁變成黑椒油, 完全影響整碟飯的味道, 差! 熱飲一如以往。另外想提及的是以往這裡的服務質素幾好, 人多時混亂常有, 但今日可能兩位阿姐心情欠佳, 口黑面黑, 語氣惡劣, 還聽到罵人的聲人, 少見, 我相信有一段時間都不會再光顧了。

上星期五晚同老婆兩個去左牛屋食,有朋友介紹過,於是試下.去到覺得環境比較黑d,可能係因為係餐廳酒廊關係.坐低後有個好欣勤既waitress介紹特式菜,其實我地心目中都早有計劃試乜野.將份餐牌睇完後,都係決定食布袋牛柳及煎鵝肝牛柳.兩份牛柳都好林,好軟熟,我地要五成熟.可惜環境太黑,睇唔清楚個賣相.食野要講色香味,視覺都好緊要.不過,都唔太大影響我地既食慾.牛柳真係好軟熟,有口感,味道就唔可以話好正,不過可以.布袋牛柳裡面隻生蠔好鮮味,而燒鵝肝都ok.整體黎講係唔錯,不過略嫌份量細左d,我同老婆食完都覺得好似爭d野咁.不過佢地服務態度真係好好,好有禮貌,如果能夠晚餐時段將光線校番光少少就very good.

終於進入最後回合了,今次鎖定目標,想找一間有田螺吃的西餐廳,本來行至旺角創興廣場時,地庫有餐廳有得供應的,不過突然間,好想再去呢間,起碼有五年以上未去過既餐廳,於是經過商議後,就來了這裡共晉晚餐,來到時約八點,入座率約有八成,餐牌內都頗多選擇,如果選擇鋸扒,呢道都有好多選擇,因同行友人,又全部都好牛既,因此選了以下扒餐~~羅宋湯~~熱辣辣,微帶酸,都幾濃味,個人就好欣賞餐包~~上檯前已經搽了牛油,又軟熟又好夠熱,正正正!!奉送既餐前頭盤炸春卷~~雖然無咩特別,但就炸得好脆,熱辣辣,唔錯~~另叫的焗田螺~~就有少少失望,不過失望既,唔係佢既食味,而係佢既賣相,食開既,通常係田螺連殼上,底部佐以薯蓉,可能食慣有殼既,所以覺得呢個,好似欠了點點風味,不過食味就幾好啦!!全部牛扒也是選擇五成熟:布袋牛柳~~所謂布袋,原來是牛柳內有乾坤,內裡竟然藏了生蠔,據友人稱:個牛扒好林,而且都食到有肉味,佢覺得好好食呀!!鐵板帶子肉眼扒~~是另外一位友人叫的扒,我地估帶子係急凍貨品,無咩味道可言,而肉眼扒也不錯.一打開餐牌,見到有個鵝肝牛柳,立即選了這個,嘩!!鵝肝不算大塊,它是用煎來處理的,雖是這樣,但

食物質素都幾好，不過D 沙津就酸咗 D，同埋你一叫餐茶，D侍應跟住就叫埋單，感覺非常差！

侍應全女班，服務態度非常好。鮮帶子雞扒午餐$58，帶子上檯時未煮熟，要翻煮。雞扒最初入口時較咸，但去皮及去表面的"濃濃地"後，都Ok。最好反而是柸奶荼。雖然沒有什麼特別的裝修，但有不少熟客，故氣氛都不錯。

永遠的王妃數星期前的事．．．．混混是牛扒Hugger，早想到Ruth's Chris Steak House吃扒，可惜銀兩有限，為過扒癮，於是拉他到這裡，試試威零頓牛柳。說是扒房，又只不得扒供應，說是Pub，來的客人又不只是劈酒，總之可以在這裡吃常餐、小菜（有偶的最愛－咸豬手～），也可齋劈酒吹水，各適其適！到這裡的，大都是熟客，廚師很後生靚仔，很會交際，偶入坐時，他正與食客閒談著。威零小兒沒出現在菜單上，戴安娜倒是有的，遂點了兩客戴安娜牛扒，一個是Lunch價的(42)、另一個則是Tea價的(30)，結果出來的份量是一樣的，大概是8安士，相同份量但不同價錢？！這算是那門子的道理！廚師解釋道，正價的扒質數是高一級的，偶們不疑有詐，也就照吃無疑，各吃了一半後，再交換來吃吃看。結論是吃不出任何分別，薄身的扒，肉是同樣的嫩滑，雖下了蘇打粉，但亦見肉味，配以薄薄的肉汁，甚是美味，雖感到有點兒被坑了，但見味道是水準之上，也就打消了找碴的念頭。聞說蠔含大量的亞鉛，對醫治味覺障礙，甚有幫助，撇開藥用不談，男士對它更是情有獨鍾，嘿！嘿！反正不夠飽，趁還是R的月頭，也就來一客，偶一值認為蠔是小的比較好吃，

好耐無黎呢度食扒，今日特登去佐敦! 叫左威靈頓牛柳，餐湯要羅宋湯。個湯不過不失，無乜特別，最攪野係個餐飽，竟然幫我搽埋牛油上檯，攪到我問佢點解無牛油。講返個牛柳，五成熟剛剛好，而個酥皮亦好香，中間夾左一塊火腿同鵝肝醬，令到味道更加豐富。牛柳有牛味，唔似用鬆肉粉腌到淋晒，無厘嚼口。整體而言，相當好味，令我今日得到一個滿足既晚餐。

昨晚放學，專程往牛屋試試威靈頓牛柳，意想不到咁好食，口感好好，鵝肝非常甘香，以前在這頭返工多數在這裹午歺，午歺每位35--40之间份量相當充足，老闆娘相當好客，感覺好好，有空不妨試吓

good service and the food is good

6號個日係我男朋友既生日,個日既前幾日都係咁周圍搵有邊度d野好食,之後睇到牛屋個個d評語都幾好,咪去試下lo~呵呵~試過真係冇去錯,d野真係幾有水準...價錢真係好抵^^環境有d嘈..不過佢係酒吧餐廳都預佐唔會太靜,個老闆娘都ok,幾有禮貌,不過我地可能係生客,冇咁熱情^^

地方雖然係細少少，不過都算幾舒服，食物就好好味，價錢唔貴，大約一百一個扒，只係酒類比較貴，都OK 啦，老板娘好好人，其他的人都好熱心咁去介紹食物比你，靚女? 係唔係太子女呀? 幾nice 啦。

好耐都無食過咁美味既牛扒，無論牛柳或西冷都煮得好好食，有牛o既肉味亦好juicy，唔多似係梳打牛肉。主打菜有骨西冷幾有特色，與平時食開o既好唔同，塊肉切得無咁厚，細心一睇，其實係半塊T骨扒，但呢半塊足有十二安士重，另外個蒜茸汁都好有睇頭，師傅將大量洋蔥加入個燒汁煮，感覺好正斗！同森美餐廳o既森美汁有得揮。美中不足係個羅宋湯，稍為咸o左少少，但飲得出佢係足料之作。環境就有舊式餐廳酒吧feel，地方較為細，但值得一去再去。

從報紙上介紹此餐廳,昨夜和女友到吳松街卻發現有兩間"牛屋", 我們進進入的一間是近佐敦道, (另一間近寶靈街名"牛屋(東昇)"), 老實說, 地方環境不是十分美觀, 也不是很大, 卻意外地清靜, 很適合朋友談天說地. 再說食那方面, 我們點了一客威靈頓牛柳, 這牛柳用火腿和酥皮包, 加上扒本身很諗, 實在色香味俱佳, 而且價錢只是98大元罷了. 另外, 我們還有一客蒙古式燒羊鞍, 份量很大份, 而且燒法但也不影響羊肉本質的騷味. 喜歡羊肉的都會滿意.總括來說, 這裏真是值得再去試其他菜式, 說不定又有其他收獲.