牛屋餐廳

營業中

休息中

今日同my best friend 去尖沙咀睇中醫，因要等煎藥的關係，就想去柯士甸道有一家店是吃豆沙魚仔餅，想去嚐一嚐!但去到才知道今天弄魚仔餅的師傅提早下班，所以我與魚仔餅沒緣了! 我和my best friend 唯有到處逛逛看看附近有沒有餐廳吃晚飯，我們經過一間叫牛屋餐廳，給人有七、八十年代懷舊的感覺 ，best friend 話都聽聞過這間餐廳，那我們就去嚐一嚐! 進入餐廳裡頭，看見牆壁上寫滿客人的評語，如：xxx公司全力推介……等等字眼。本來我們都想嚐一下他們的招牌菜威靈頓牛扒。best friend 說她以前在學校都有學過這道菜，只是外面有層酥皮，裡面再加上火腿等等的材料，不過酥皮對我們來說比較肥肥，價錢都比較貴一點，我們都想吃便宜一點，所以就轉去吃他們的晚餐精選。1) 西泠肉眼扒餐 ，包括 $55 a) 餐湯 ~ 材料都十分豐富，但是不夠味道，比較淡，如果可以濃一點點我酸一點， 可能會好一些。 b) 餐包 ~ 一般的餐包，沒有什麼特別。有一處不好處就是他們已經幫你 塗上油，

食物水準合格服務態度一中年女人勁惡；明明門口有空位空枱，專登叫一對男女朋友過來搭枱！！！逼我們放棄剛到的餐飲，逼我們離開。 更過分的是，埋單時那個中年女人多收我們每人十三元 (加咗一之後再每人另加十三元)，說這是飲品錢，但明明餐牌列明套餐連餐湯及咖啡或茶；那中年女人之後兇惡地說是茶錢...........吓！！！我剛才一坐下你們給我們的是水呀，咁都得？！而且仲要每人多收十三元？最衰我們有要事在身，否則我會打電話報警，打死都唔會俾佢打劫果十三元！

我同朋友都幫襯左呢間2,3年. o係朋友圈中的評語絶對ok.可能有時水準會突然有2,3次去差d, 我d朋友講, 此店是每日入貨的, 所以有時d肉o既quality會唔同. 不過so far對d野食都滿意...我地特別鍾情威靈頓牛扒, 布袋牛扒, 黑椒牛柳.係間可以間唔中同朋友据下扒o既地方, 價錢又唔算貴(以食d特別如威靈頓牛扒唻講), 大大塊食完一定飽肚. 點都好過扒王之扒, 花園個d質素...

我同朋友都幫襯左呢間2,3年. o係朋友圈中的評語絶對ok.可能有時水準會突然有2,3次去差d, 我d朋友講, 此店是每日入貨的, 所以有時d肉o既quality會唔同. 不過so far對d野食都滿意...我地特別鍾情威靈頓牛扒, 布袋牛扒, 黑椒牛柳.係間可以間唔中同朋友据下扒o既地方, 價錢又唔算貴(以食d特別如威靈頓牛扒唻講), 大大塊食完一定飽肚. 點都好過扒王之扒, 花園個d質素...

話說我地一行3人行到個頭搵野食啦見到依間好似幾好咁咪試下囉,一入去有個阿姐問我地有無訂檯咁我地就話無啦!等左一陣佢地就安排左張檯俾我地個冷氣大到咩咁,吹到正可以話D野食一上檯5分鐘之內一定凍哂我地叫人落單,個D阿姐好似唔想做我地生意咁叫極唔應,等左起碼10分鐘先有人黎問個時,黑口黑面,毫無禮貌因為我地係學生,所以只係一人一個55蚊個D套餐諗住叫轉汁,佢好似一秒鐘都係錢咁急急腳走左是但俾左D燒汁我地,OK我地無所謂,你咁忙我地就下你又點話..好啦,等等等過左一陣先黎餐包,個阿姐大大力咁俾我地個時就開始唔GUR啦聽到佢地講話出面有人訂左檯等緊我地已經好合作佢一黎D頭盤,湯呀我地好快食哂只係佢地出單出得耐,要一陣先再有野上之後我地食哂野叫餐飲又係無人應好辛苦先叫左一位個阿姐落單過左一陣個位阿姐竟然手指指同大大聲係廚房(個個係開放式)到喝我地:喂,你地係咪飲XXX呀?真係火都黎埋好,我地再忍再等等等突然有個阿姐走過黎:我地有人係出面等緊WO,不如你地轉檯食啦(佢所謂既檯係2人位,我地3個人,個時我地仲有餐飲未到)今次真係忍唔到,即時叫埋單話唔飲真係有無搞錯,由一開始食忍到尾係咪我地係學生睇唔起

而家人係西班牙，心血來潮想鋸扒…放左學用5.88 euro買左一塊重280g既牛扒…醃好今晚煎黎食～不過諗起AL果陣係佐敦補完習行過去食晏～有餐包、餐湯、唔同既主菜加野飲都係擺低35蚊！真係諗起都肚餓-o-講番牛屋d野食～我去親都會揀A餐，遮係牛扒。我覺得d扒好淋好嫩，我唔係好講究～食落去大件好味我就好滿足^O^我曾經食過一次芥末蜜糖豬扒好淋好好味～！不過只係見過一次…衛生就一般…我冇記錯我都試過有昆蟲係湯…不過我冇飲算～通常食完都個胃都會有d氣…唔知係d扒生定第2 d...不過大件事又冇。Service方面都ok ah~阿姐都nice=]另外果位冇乜笑容不過上野都幾快。我個人覺得lunch非常抵食！35蚊有咁多野真係夫復何求丫…尤其是而家既我…

今日同朋友寺呢間食晚餐, 真係好失望, 我地一人叫了一份晚餐A , 西冷牛扒, 我就要白湯, 牛扒就配飯, 飲湯時已經覺得好淡, 啲牛扒切細件了都咬唔開, 啲飯又硬又乾, 真係好差, 我同朋友都食到嘴偏偏, 話哂晚餐都要成$55.00一份,仲要加一, 真係希望專業少少, 唔好令人食完下次唔想再幫襯啦。

若要提到港式西餐，就一定會諗起花園、金鳳及飛鷹等等...若講起牛屋，佢又唔算做好"港式"，但話佢係正統西餐，當然絕對談不上...每一次嚟到，連menu都唔使睇，一定係威靈頓牛柳，冇得傾...呢種以酥皮包裏牛柳而焗製嘅做法，並唔係間間西餐廳都肯做，要响價錢不太貴嘅平民餐廳食到更係少之又少...呢度仲响塊牛柳入面夾入火腿及平價鵝肝醬，食落的確非常之"漏"，但一口酥皮、一口肉嘅感覺，冇食一排，係會掛念嘅...order五成熟，睇落去又的確似模似樣wor...其餘紅湯、大大個嘅麥包、意粉嘅軟硬度等等都好"港式"，若果你有要求嘅話，就會稱之嚟難食，但若從港式西餐角度嚟睇，水準一定比花園好得多...當然價錢亦貴D la..

情人節前幾日佢先同我講想食扒,噤就黎openrice 搵下~睇呢間都唔錯...所以今晚就同女朋友去左試約8:45 去到有2對情侶都係到等緊(唔知係唔係夜左D冇噤多人)好好彩我地冇book到都只係等左3分鐘左右佢地今晚有情人節套餐(但冇叫,因為口味唔恰)所以我叫左個黑椒紐西蘭牛柳6成 女友就叫T骨牛扒7成等左一等黎頭盤,沙津普通,牛油包仔外脆內香,羅宋湯較出面的好,味道調較適中,龍蝦湯落足料彼有海鮮味主菜到但出現少少問題幾成熟兩份竟然調轉了但吃了一會...我們分享給對方,發現我較喜歡她的主菜而她也喜歡我的菜,我們就交換來吃,這就可抵消烹錯成熟XD黑椒紐西蘭牛柳外脆內軟多汁(由於7成熟太熟了,但女友比較喜歡7成的)我的T骨牛扒5-6成之間稀茄汁配合食落汁不會蓋過牛扒的味,而且很有肉味餐飲來得太遲,可理解(後解釋*)甜點(唔記得原名)主要材料:紅豆+白珍珠+椰汁一碟仔:味道普通但幾新奇環境唔錯,暗得黎有情調,噪得黎係一種享受(與茶餐廳酒家的噪不同),有一種特別浪漫氣氛(因為如果冇少少人聲噪音,自己講野就會好突出,同感覺上好唔自然)*十五台得2個侍應,加上這日子慢是可理解,他們做到冇停手

點鰦 安格斯肉眼扒, 近來胃酸不足, 八成熟+ 兩人share, 剛剛好^_^牛扒表面乾身但內裏的肉汁豐美, 不錯! 頭盤同餐湯就普通~

今天，下午約左大學同學在將軍澳傾project，傾到六點鐘左右，就打返屋企話俾媽咪聽我返來食飯。點知，不喜歡出街的媽咪，竟然話去工展會，所以，我就去紅磡接我的Beloved青檸先生放工。Beloved用他靈敏的鼻子，順利地在POLY U meet到我，之後，我地就去佐敦搵野食。一向仲意食扒的青檸先生，就揀左牛屋餐廳了。我地叫左「威靈頓鵝肝汁牛柳」($135)和「蒙古式燒羊鞍」($145)。首先，講下「威靈頓鵝肝汁牛柳」，個賣相都不錯，牛柳用一塊酥皮包住，裡面仲有一塊火腿和鵝肝。另外，牛柳肉質鬆化，很易入口，不會趙來趙去都未食得。但個鵝肝汁，我就真係食唔出。致於「蒙古式燒羊鞍」，無得頂，好有羊味，但唔會覺得好蘇。總括來說，這是一個很好的食扒地方，我同青檸先生都好滿意。大家不妨試下。

自認為嘴刁,因為台灣太多美食,搬到香港來以後,常常因為吃到難吃的食物而讓我心情很差,沒想到這次真的被我找到一家超好吃的牛扒,應該可以說是我吃過最好吃的..(因為經濟拮据,搬來香港三年多也沒去吃過什麼五星級飯店的扒房)第一次幫襯..自己點了一客威靈頓牛扒$138老公點了一客牛柳包住生蠔的扒..(忘記名稱)$145湯:羅宋湯有點辣辣地..比起外面什麼椰林閣那些茄汁湯好太多..忌簾湯就普普通通..不太夠味..不過都比外面的麵粉湯好d威靈頓牛扒:外面一層酥皮,裡面有一片火腿跟小小一塊鵝肝,我要了五成熟..裡面的肉粉紅色的..超嫩!!!鵝肝雖小..但是也幾好味,反正我主要是要吃牛柳!老公的牛柳也是超嫩..醬汁也剛剛好..生蠔也很新鮮,還是一句話..好味!!不過餐茶就同茶餐廳的,用個膠杯裝住..其實間餐廳的環境並沒有特別好,位子也不多,廚師更好像在吧台後面就煎起扒來,i don't care...好味才是最重要!!!坐在後面有一個阿伯,自己一個人去吃,埋單的時候還跟侍應講"你地ge牛扒好正!!"讓我在聖誕節正煩惱要去哪裡吃好吃又價錢合宜的聖誕大餐的時候不用在尋尋覓覓了!!哈哈!埋單時又順便book

2個人叫左個紅酒燴牛柳set + 1個dinner set(白菌汁牛柳)頭盤:青口焗薯蓉, 幾香幾好味~羅宋湯:都幾濃味~紅酒燴牛柳(意粉):都ok, 但係冇白菌汁牛柳咁好食and貴1倍=.="白菌汁牛柳(薯菜):牛柳幾香~有d蒜蓉味~$1xx+$5x

唉..... 淨睇鋪面你係唔會想入去。不過朋友話出名，想試，都無所謂。個日窮窮地，所以order了最便宜的五十多元的牛排set，其實老實講，以這價錢和地點而言，味都ok.... 不過，我只吃了兩口牛排，就已經係汁裡面搵到一隻有手指尾頭一截咁大的「小強」....個姐姐羅番入廚房，我聽到裡面傳來一陣嬉笑聲同好清楚的一句「佢唔好彩la」..... 姐姐好開心咁出番黎同我講「唔好意思呀下，不過唔關個肉事，係佢跌左落d汁度jei....」噢.... 係小強不慎墮汁jei....真係放心曬.... 唔知佢廚房個「烹」汁熬左幾耐，同埋會唔會全部唔要，煮過第「烹」俾其他客jei....我明白係呢區食野不要太講究，不過都莫俾我見ma.....個晚平日加上六時未夠，只有我地兩個客都咁求奇。重要係我第一次黎就咁....我以後都唔會去。難以想像有人會係個度食蠔.... p.s. 我第日上班變左「痌清(甩)肺」.... 差d要早走

久違此店,待應換上一批年輕的;以前沒加一,現在增此項,可能是新一代上場吧!?坐下叫了:鮮鵝肝薄牛柳$105 和焗白汁芝士海鮮飯$78,鵝肝香酥嫰滑,不油不膩,入口有融化感,非常好食,牛柳鮮嫰,但食到後來有少許筋,美中不足!海鮮飯酥皮做面,撥開細看,滿被白汁遮蓋的盡是洋蔥,草菇為輔,四五隻細中蝦,一隻蠔仔,底是蛋炒飯,主材料不足,味道中規中矩!埋單$202,門口貼有VISA標誌,故用咭找數,但被告知要收$5手續費,手續費要用者自付,食肆不肯負責,何不干脆只收現金呢?又不在當眼處貼上用VISA要收手續費之告示,實有不盡不實之責任.$183的加一是兩元,而不是四捨五入的計法,如此錨銖必計,算盤打盡,要不得之服務態度也!