牛屋餐廳

營業中

休息中

女朋友係openrice冇意中見到呢間野咁岩有時間所以就來左呢到食野!由於係lunch時間, 諗住冇咩人啦點知一入到去已經得返兩個位! 好彩!感覺上好似小本經營的格屋, 但係感覺還不錯叫左2個set lunch, 一個係牛柳, 一個係西冷牛兩個都好好食, 西冷牛有隻egg係上面, 感覺好得意... 第一次食扒加埋塊egg係上面.. (見識小)至於個湯, 叫左忌廉湯同羅宋湯, 我地兩個人都覺得忌廉湯好飲d!d呀姐好好人, 服務幾好~~

幾個月前已去過牛屋,都係多得smalleye兄介紹,因為門面不算起眼,容易走寶也.標準港式豉油西餐格局,裝修非常的"務實",價錢方面豐儉由人,由五十塊左右的晚餐到近二百元的都有...同樣是牛扒/牛柳,差別在級數和產地. 點了一客鹽燒安格斯肉眼扒($145),一客日式海老併西冷($118). 肉眼扒的黑椒汁另上,是非常好的安排,因為吃鹽燒的好處就是嚐到肉汁本身的鮮味. 五成熟,肉和脂肪的比例恰到好處,近邊的筋和膏燒得微微帶脆,但絕無乾身之弊,肉質豐腴就不在話下...四個字:未能食素. 海老併西冷的蝦不及上次的巨型,但依然夠蝦味,非一般木獨貨式. 西冷沒有肉眼扒般搶鏡,但已經是水準以上了.

加入op以後才知道佐敦有這間的老牌扒房又見眾食友的評語不錯,一於來試試該店地方不大,又剛好是午餐時間,店內可謂人潮湧湧被服務員安排坐於一張淺窄的二人台,不過人多嘛,這也是沒法子的事囉母親大人點了一份雜菌雞扒飯,自己則要了一客焗白汁海鮮意粉餐前的牛油麵包是翻熱過才上台,吃下去暖暖棉棉的,牛油的分量亦見適量,收貨忌廉湯不太稀也不太漏,湯面上的青瓜絲增加了湯的口感,不錯母親的雜菌雞扒飯,雞扒略嫌鹹了點兒,所謂的雜菌其實也是以青瓜為主,但以一份只售30多塊錢的套餐來說,還是可以接受的良久,服務員告訴我落單的時候出了錯,意粉變成了飯一向對飯沒辦法的我就要求他們更換,服務員也只好把飯端回廚房接著便聽到該名服務員與落錯單的服務員之間的對話,後者所說的則讓本人覺得她對我的要求有所抱怨反是要焗的東西都是要等,這個道理我當然明白,而我當時亦沒多說什麼,只是耐心地等待,不知該名店員是有心還是無意,但這句說話實在令我無名火起,這是我自己的堅持,如果廚房做了什麼,我就要吃什麼,那為何要點餐呢?餐廳請服務員來又是要幹什麼呢?意粉和汁皆不錯,惜料太少,蝦小只之餘還是"霉"的同樣的價錢,只能說高水準的茶記用料比該店還

同友人一齊食午餐，個湯好淡，個包係入面有牛油的，皮幾脆，不錯的。主菜上來，唔～～雞扒好食，切一去有肉汁流出來，只係聞都覺得它好香，雖然芝士味失蹤，但是個汁都ｏｋ。薯菜一般，都係雞扒好食叫左凍鴛，唔講唔知它是什麼，完全沒有咖啡味，得個奶茶味服務係滿分的，ｅｑ高到我唔敢相信，態度好，有禮貌～～

巴西豬扒, 白湯香甜, 豬扒就好鬆脆, 唔會un. 個汁好濃, 十分惹味.飯又係好少, 同新牛屋一樣, 又係要加飯.

I went there yesterday, I went there for a first time, the steak taste fresh, tender and juicy,the soup tase wonderful! the fired fish smell delicious,and crispy. I have 2 set lunches with my mom,the food taste great! the total cost are 85 dollars, not too expensive, I must go there again thank you!

上回路過無開，今回食番餐勁。雖然牛屋唔係D 乜野高檔食府，但係佢有既款多過坊間好多扒房：o係香港可以食到威靈頓牛柳既扒房真係寥寥可數。餐湯（又）係羅宋湯：鍾意佢激多胡椒，夠哂醒神；個餐包係先夾牛油後翻叮，對我呢個唔多鍾意落牛油既人就...仲有隻八爪魚仔做前菜，對我o黎講，可有可無。威靈頓牛柳，即酥皮夾鵝肝醬/火腿焗牛柳。能夠咁快上檯對我o黎講有D 出奇；食落發現佢塊酥皮只係包o左面頭，底係空既，鵝肝醬都係半空既，火腿薄到唔知去o左邊..所以因為咁先做到舊牛柳三成熟（佢問我舊牛柳要幾成熟我都覺得奇...最後好彩都仲有D 血水出）。咖啡不願置評：泛泛油光；價錢都不願置評- 今餐係純粹滿足吃威靈頓牛柳既慾望先俾笑口。

前晚同二個ＦＲＩＥＮＤ去左間四十幾年的餐廳（牛屋）先發現這裡簡直應有盡有．．剌身－日本赤貝（夠爽口），美國珍寶蠔（夠大夠ＧＲＥＡＭ），仲有南非．澳洲．愛爾蘭．法國．．．．．．加埋杯ＨＯＵＳＥ　ＷＩＮＥ，嘩！！！正呀！！！！

其實想寫食評好耐, 不過一直都懶今日終於肯寫喇, 追溯返2月14 情人節當晚當晚同老公book 左呢度~ 7點半入座佢安排左位比我地~ 環境都幾細同窄order 左2 個餐~ 老公食龍蝦餐~ 我食雞扒飯味道不過不失~ 我地仲叫左薯容添~埋單好似400 幾... 我就覺得唔係咁值啦... 早知去紅粉佳人好過~~~

另一心水餐廳, 環境較暗,裝修古典,播D音樂好正,好有feel.另外侍應服務一流,反應快而誠懇(並唔係機械式o個隻).講番食物,食個set dinner,詳情如下:餐湯:羅宋湯--材料多而味濃,特別在有兩大舊薯仔o係度.餐包:一個已塗上牛油之麵包,軟淑但超凍.頭盤:焗海鮮酥皮卷--所謂"酥皮卷"其實係一個三角酥,酥內有海鮮鮮味,細細個,都幾好食(雖然食唔出有乜海鮮,好似有蜆).主菜:蒜蓉帶子雞扒意粉--帶子唔熟,只有一成熟,仲有鮮味,可能專登係咁整.雞扒用開邊雞脾肉,小弟唔多欣賞,但都煎得夠香脆.蒜蓉汁一流.飲品:熱檸茶(凍飲要加$3)由於環境氣氛好,應該會成為我o既飯堂.

本人第一次入去坐低後,感覺環境ok啦!除左地方比較細,比較黑,檯比較細張,比較有少許\嘈(人聲同電視聲),有D死人煙飄來飄之外...都算係咁!味道方面落足料既羅宋湯~除左哽喉之外..(我覺得都幾辣)普通ok.餐\飽~無食..(因為睇落個賣相唔多掂)我就叫個大蝦牛柳,我朋友叫個羊扒.八成熟牛柳煮得幾好,淋身;薯條香口,真係幾正!除左D汁好咸,隻蝦有雪味之外...我朋友話D羊扒普通D...(這可能到牛屋食羊扒既關係)而我覺得全場最掂....就係杯凍檸茶(因為除左杯野之外,我樣樣都剩咁D!)服務都幾好..笑笑口;叫完個餐\都好快來齊..二個人食左$260,攬住個肚出返來,唔洗返屋企煮面食.乾唔乾淨真係唔知,因為入面都幾黑,不過我食完個餐\至到宜家我保証...未有肚柯過.整體而言:普通朋友聚餐\都幾好....

一家比較舊式西餐廳，裝修較舊燈光暗暗。我朋友極力推薦，咁就試下，一睇個餐牌，絕對冇乜可能會話平，一個餐最少八九十蚊，我就諗一場來到無謂慳，要左個芝士鵝肝醬牛柳餐（$115）。個餐有餐包、餐湯、頭盤、主菜同餐茶，個紅湯只係普通，冇咩特別，不過個餐包就好軟熟。個頭盤係炸青口，好可惜我唔食青口，所以唔知好唔好食。到個牛柳喇，份量唔太細，切一件來食，噢，好食！雖然個汁唔太特別，仲有少少咸，但係件牛柳好林，又唔似加過工，難得！不過呢，配菜就麻麻地，薯條炸得有點過火，而伴碟椰菜花都唔太好食。味道上，件牛柳就值5分，其他（湯、配菜）都係普通頂多3分，平均4分啦。環境同乾淨，始終係舊格局，唔可以太大期望；至於服務，唔算太殷勤，OK咁啦。

一直都想來呢間牛屋度鋸下扒，依家終於有機會勒。本來以為佢係一間普通西餐廳，但係原來係bar來，好有feel。我地叫左一個威靈頓牛扒同一個鵝肝牛扒，但係原來兩樣野都差唔多。我地個牛扒八成熟，又嫩又多汁，好味呀！而且ｄ薯條有外脆內軟，但係ｄ鵝肝就鹹得滯，好似鹹牛肉咁。個餐都唔平架，要百幾，ｄ侍應又成日唔記得落單，但係ｄ野食好味就得。

呢間扒房野食分平貴兩大類，建議大家都係食貴那批好d，質素可讓你滿意。食過兩次，第一次食布袋牛扒+鵝肝，百零蚊，都幾滿意，夠juicy 落梳打粉都冇咁重手，食得過﹗不過第二次食T 骨，即刻差好遠，雖然都成80幾蚊，但感覺就好一般，頗韌頗老。餐前小食都係，餐跟的雞肉串把鬼，反而加錢食半打田螺，D 薯蓉簡直正﹗﹗總結一句，係有心去就食最貴那批，否則只係一間普通的店。

有花臣有搞作，不過cheese唔靚。好似係卡夫添。舊肉本身咸，舊屎又係咸，個汁都係咸。3合1，咸過我啦。不過，個包住的牛又真係咸得有道理，bacon的咸味同煙味入左落舊肉度。典型的美式煎法…有美色又有咸…係grill以外的選擇。我習慣打開塊bacon唔食，因為出晒油之後已經好乾。同好硬，淨肉好過。