牛屋餐廳

營業中

休息中

佐敦其實真的有很多食店。牛屋外面望很普通，但每款菜式味道唔差，可以說是扒房快餐店，牛屋出名快靚平，大概五十蚊左右已經有餐湯餐飲及扒配飯粉或者薯菜，所以真的是十分抵食，而且味道唔差。但去得食牛屋預左快餐模式，因為都多客人，如果食完仲想坐係到同朋友慢慢閒聊就有機會會比老闆用眼神埋怨。所以如果諗住同朋友chill下就不要選擇，但如果想用不太貴的價錢食扒的話就是一個不錯的選擇了。所以其實適合附近上班人士到來午餐。

環境好暗的，坐得耐都唔太舒服，係一間舊式的扒房。 距離不遠有一間差不多名字的餐廳，但未試過，唔知係同集團定打對台。 個鵝肝芝士薯蓉好味好味好好味到個點，超級推介！因為佢啲薯蓉唔會太乾身，亦都唔會係勁順滑果款，好岩岩好，同上面鵝肝好夾到，好想再黎食呢個！ 然後仲試左個威靈頓牛，佢招牌菜，不過朋友覺得佢塊牛唔好味，我就覺得還好，我淨係覺得佢酥皮淨係放面頭冇卷埋個底 誠意有啲欠奉。 可以任坐幾耐都得，係有少少嘈咁。

已經不是第一次食係！真心覺得呢一間性價比極高！之前一直食佢間餐廳嘅西冷牛！一啲都唔輸蝕外面高級餐廳嘅扒！52蚊抵到爛！今日轉食雞扒，都冇令我失望！一樣都好好食！又平！

又在佐敦一帶找吃的,一心是想試未去過的餐廳,見到這間唐門口寫有我想試好耐的威靈頓牛柳,一於幫襯!在Gordon Ramsay 和Jamie Oliver的短片睇過做次,材料都有不同,但大致上是靚牛柳,蘑菇,肝,火腿和酥皮,睇大師做當然0失敗,但自已未有空試做,見到民間有得食,不用去大餐廳,好好奇味道如何其實餐牌上有不同食物想試,但今次點左威靈頓牛柳和白汁鷄扒焗飯威靈頓牛柳: 算是餐牌上比較貴的食物,但十分之好吃,好食到已經決定要再來幫襯! 即叫即做,所以要等一會,但十分值得~皮香不太厚,菇和鵝肝味道濃香,牛柳也嫩,可算配飯,意粉或薯菜白汁鷄肉焗飯: 諗住叫個普通飯俾個仔食,但個飯好好食,又大份!個汁唔係一味芝士咁簡單,唔係罐頭汁味, 好多紅,黃,綠椒,鷄肉有用黑椒和美極醃過,一家三口只點了2個菜,但要打包半個飯,我環顧四周,真係枱枱都大大碟, 真的十分扺食!

終於食到同事口中都話好食既牛屋，入到去燈光有點暗！雖然地方唔算大，但座位都算舒適！午餐都算抵食！平均55蚊都埋到單！仲平過食碗麵！牛質素都唔差，薯條係我最鐘意既茶餐廳薯條！大條又有口感！好好食～總括食物質素同價錢都好合理！係員工態度有少少差！

行開佐敦見到間餐廳裝修幾懷舊，仲有我最鍾意食嘅牛柳😋一於入去食。兩個人食就一人一份牛啦，我就揀咗招牌焗威靈牛柳🤩，另一份就叫咗份美國一級安格斯西冷，仲有叫多碟小食—招牌德國咸牛脷。每份牛都係套餐，送餐湯，同麵包。個麵包好好食，外脆內軟，仲會幫你個麵包搽定牛油係入面，好貼心嘅服務👍🏻個湯都好好飲，見到隻色咁紅就知好夠味，連啲蔬菜都忍唔住食曬，好味啊🤩小食嚟講都幾大碟，將牛脷切粒狀，幾彈牙，夠鹹夠惹味😋有驚喜係個招牌焗威靈牛柳，用酥皮包住個牛柳，個酥皮仲好香，相機食完，就忍唔住即刻切黎食，個牛柳就叫咗十成熟，但一啲都唔乾身，仲好juicy，唔會覺得’鞋‘，果然係招牌菜🤤🤤有個咁好食牛柳對比下，西冷扒都keep到水準，7成熟啱啱好，唔太生，都同樣好juicy，唔’鞋‘口👍🏻食食下發覺好多人係出面排緊隊，好彩我地唔得早唔洗等😌p.s 除咗嘢食好味，環境都好懷舊裝修，地方細細地，唔會好嘈，可以同另一半去浪漫下😜😜見好多都係上咗年紀老夫老妻去撐檯腳~

一枝公，逛佐敦；肚仔餓，食牛屋牛屋作為一間老牌食扒既餐館，lunch竟然只係4草野，仲平過附近d茶記。正所謂窮人不入地獄，誰入地獄？我呢d草根蟻民梗係要黎試試。一入黎，凳都未坐低就無問你飲紅定白湯。之前都望過下d食評，都知呢間野出名“服務態度”。不過佢地只收呢個價錢，都預左。我都係合作既朋友，望下餐牌，兩秒下單。叫左雞扒，配飯，加$3飲爆檸。快過打針，凳都未坐暖。下單後兩秒就上左羅宋湯，餐包同野飲比我。紅湯唔錯，酸中帶少許辣，只係略嫌酸左dd咁多。真的，真係只係dd咁多，所以我係飲晒既。個包就暖既，已擦左牛油係入面，都係好味的～至於杯凍檸茶，無咩茶味，一般。湯岩岩飲完，就上埋主菜。嘩，塊雞扒真係大過我塊面。有時好驚咁大塊扒，會有d位唔熟，但佢係全熟既。塊雞扒好味，個皮仲要脆脆地，好明顯岩岩煎好，真心讚。個飯都係熱既，個汁叫煙肉汁，我唔識形容佢個隻味，印象中未試過呢隻味，應該佢地自己祕製既，不過最重要係……都係好味既。至於個伴碟青瓜……嘩，凍既，依家食拍青瓜咩？所以食左一舊就算。正當我食得7788，就被我見到呢一幕：隔離枱客人剛食完埋單走人，侍應即刻叫人入坐。佢拎開隻碟後，只係用手撥一撥

聽講呢間牛房餐廳嘅酥皮湯非常出名，所以筆者今日特登黎到佐敦一嚐佢嘅晚餐究竟如何。呢度嘅晚餐推介每日都唔同，而筆者去嘅嗰日係prmote緊牛仔骨，所以筆者就叫左佢牛仔骨嘅menu，然後餐湯揀左忌廉湯加酥皮。先講一講呢度嘅酥皮湯，酥皮焗得非常酥脆，上湯嘅時候侍應仲叫筆者一定一定要小心唔好掂到個碗邊，因為佢嘅酥皮湯係即叫即整， 留意翻一般就咁叫餐湯係唔會有酥皮，但係筆者強烈建議大家一定會要加錢加埋酥皮。酥皮可以食得出有一股牛油味，就咁唔沾湯食嘅感覺有d似牛角酥，而當沾左湯之後，酥皮吸收晒d汁，入口非常順綿，無論係乾食定濕食都非常好食。另外，餐湯仲有跟埋餐包，餐包都有焗翻一次，所以都非常之鬆軟，而邊係有小小脆，而最好嘅地方係佢係幫你搽左牛油先去焗翻熱，所以牛油嘅香氣係非常濃郁。至於主菜嘅牛仔骨，雖然無酥皮湯咁驚艷，但係絕對唔差。2條牛仔骨份量唔少，而且肉質嫩，容易切開，咀嚼嘅時候一d都唔覺得難咬碎。加上佢嘅火候控制得岩岩好，牛仔骨嘅表面煎得微脆，但係d肉汁都仲係非常之飽滿，唔會出現越食越口感嘅情況出現，可能呢個就係佢唔似平時餐廳會俾埋鐵板嘅原因。而黑椒汁略為太鹹，而且黑椒味唔算太重，適合唔食得

依間餐廳係港式比較傳統嘅扒房，店舖面積唔大，但卻有一種懷舊嘅感覺。餐牌嘅選擇好多，而且價錢上都有一定嘅分別。所以今次就叫左一平一貴試下個分別！-黑椒肉眼扒($88) 係冇得揀熟嘅程度，因為可能塊扒比較薄，處理手法好港式😂即係用哂調味料去醃肉，肉味真係冇乜🤷🏽‍♀️ 但勝在有黑椒汁補一補救，因為黑椒味真係濃下😂👍🏼 而美國安格斯西冷($188) 就真係不錯。牛扒嘅油脂味幾香，唔會話多筋。🍔揀左五成熟，但都有少少偏熟，肉質乾左少少。順便一提個酥皮忌($18)，個酥皮幾香牛油味同幾酥脆，索少少湯嘅口感真喺一流😍 -整體而言，價錢嘅分別係質素上都有一定嘅分別。冇話平就一定唔好，今次就食出港式牛扒昔日嘅味道，而港式扒房喺香港真喺愈泥愈少，🍔覺得依種香港獨有嘅味道係需要保留的。

抵食過連鎖快餐店！門口見到個環境都幾有西餐廳的風格，又見到個餐牌offer dinner set $88，唔貴所以入去試下。$88有西冷、雞排、豬排及魚柳揀，我就叫左西冷。不過牛排無得叫幾成熟，都估到唔係靚扒。首先上左碗湯，好大碗，飲完都有3份飽。佢又送餐包，未食扒已飽飽地。我朋友加左個酥皮，我無食都見到都開心-是久違了的酥皮，好多西餐廳無。牛扒到，咁好大份，有3塊扒疊住⋯⋯ 味道就一份價錢一份貨啦，但是抵食的。

我唔客氣喇！可能呢間係酒吧為主，所以為主，食物質素唔高#牛屋餐廳酒吧 #santgriakitchen————————————-黑椒炭燒羊柳 $58（4/10）肉質怪怪的，黑椒味很重。紐西蘭牛柳 $168（2/10）賣相係可以的，好大份，而且配菜份量也很大份。但主角牛柳就同黑椒炭燒羊柳一樣肉質怪怪的，而且食落去粘粘地。有D似茶餐廳什扒飯的牛扒，不過只是厚幾倍。我寧願食一塊細快啲薄身啲嘅牛扒不過係有質素的牛扒。環境方便我覺得有一陣擬似死老鼠味OMG

呢間餐廳喺佐敦好多年，但從未光顧。見午餐(食扒)價錢($42無餐飲)平過連鎖餐廳，於是入去食lunch。入到去都有頗多食客，有啲港式西餐廳感覺-燈光都係咁昏暗。食物:牛油已塗在餐包，餐包係暖暖的，夠細心。羅宋湯亦香濃。豬扒比牛扒份量多但2塊都係薄切(咁嘅價錢有2款肉，算係咁啦)，有青瓜作伴菜但有少少乾，跟飯嘅汁喺舊港式西餐/快餐至食到嘅，個汁反而最吸引! 服務:出餐夠快，始終港式食肆就係快!服務態度完全估佢唔到咁差! 食飯啫，就算唔加一，都唔洗送脾氣喎!

午餐$55 (纽西蘭肉眼扒餐)湯及餐包～羅宋湯味道算OK, 但只有半碗；而塗了牛油的餐包是凍及有些酒味。纽牛肉眼扒(意粉)～原來只係2片薄牛肉；而意粉份量少，兼有D"宿"味。餐飲～凍檸茶算係整個午餐比較似樣，但茶味一般。環境～可能是酒吧格局，燈光有些昏暗及有此迫焗感覺。總括來說，5分滿分只有2分。不會作推薦餐廳。

第一次試食午餐，門面有種懷舊西餐感覺，食左肉眼牛扒午餐，牛扒太薄，味道麻麻，不過只係叫可以食落肚，咖啡味好古怪，可能自己飲唔慣，麵包嘅牛油已經搽好左，牛油竟然有啲甜，湯都係一般，服務來講有個男人態度好差，有個收錢嘅女人就好啲，有基本禮貌，最大問題係我坐個位嘅地上面幾個位置都有老鼠屎，好難受，又無位調，我唔會再去。

Was gonna head to Australian Dairy Ltd for lunch but the crowd waiting to get in was way too huge, so we headed to this HK-style steakhouse nearby instead.Their lunch deals are pretty good. At just $42, you can already get a pork chop with steak or chicken breast. And bread was served as soon as we sat down.The set soup wasn’t particularly good, but I didn’t really expect anything from this price.The pork chop I had was pretty good as there’s a good share of fat together with the lean meat. The