影片
更多
2018-12-26
224 瀏覽
一枝公，逛佐敦；肚仔餓，食牛屋牛屋作為一間老牌食扒既餐館，lunch竟然只係4草野，仲平過附近d茶記。正所謂窮人不入地獄，誰入地獄？我呢d草根蟻民梗係要黎試試。一入黎，凳都未坐低就無問你飲紅定白湯。之前都望過下d食評，都知呢間野出名“服務態度”。不過佢地只收呢個價錢，都預左。我都係合作既朋友，望下餐牌，兩秒下單。叫左雞扒，配飯，加$3飲爆檸。快過打針，凳都未坐暖。下單後兩秒就上左羅宋湯，餐包同野飲比我。紅湯唔錯，酸中帶少許辣，只係略嫌酸左dd咁多。真的，真係只係dd咁多，所以我係飲晒既。個包就暖既，已擦左牛油係入面，都係好味的～至於杯凍檸茶，無咩茶味，一般。湯岩岩飲完，就上埋主菜。嘩，塊雞扒真係大過我塊面。有時好驚咁大塊扒，會有d位唔熟，但佢係全熟既。塊雞扒好味，個皮仲要脆脆地，好明顯岩岩煎好，真心讚。個飯都係熱既，個汁叫煙肉汁，我唔識形容佢個隻味，印象中未試過呢隻味，應該佢地自己祕製既，不過最重要係……都係好味既。至於個伴碟青瓜……嘩，凍既，依家食拍青瓜咩？所以食左一舊就算。正當我食得7788，就被我見到呢一幕：隔離枱客人剛食完埋單走人，侍應即刻叫人入坐。佢拎開隻碟後，只係用手撥一撥
牛屋作為一間老牌食扒既餐館，lunch竟然只係4草野，仲平過附近d茶記。正所謂窮人不入地獄，誰入地獄？我呢d草根蟻民梗係要黎試試。
一入黎，凳都未坐低就無問你飲紅定白湯。之前都望過下d食評，都知呢間野出名“服務態度”。不過佢地只收呢個價錢，都預左。
我都係合作既朋友，望下餐牌，兩秒下單。叫左雞扒，配飯，加$3飲爆檸。
快過打針，凳都未坐暖。下單後兩秒就上左羅宋湯，餐包同野飲比我。紅湯唔錯，酸中帶少許辣，只係略嫌酸左dd咁多。真的，真係只係dd咁多，所以我係飲晒既。個包就暖既，已擦左牛油係入面，都係好味的～至於杯凍檸茶，無咩茶味，一般。
湯岩岩飲完，就上埋主菜。嘩，塊雞扒真係大過我塊面。有時好驚咁大塊扒，會有d位唔熟，但佢係全熟既。塊雞扒好味，個皮仲要脆脆地，好明顯岩岩煎好，真心讚。個飯都係熱既，個汁叫煙肉汁，我唔識形容佢個隻味，印象中未試過呢隻味，應該佢地自己祕製既，不過最重要係……都係好味既。至於個伴碟青瓜……嘩，凍既，依家食拍青瓜咩？所以食左一舊就算。
正當我食得7788，就被我見到呢一幕：隔離枱客人剛食完埋單走人，侍應即刻叫人入坐。佢拎開隻碟後，只係用手撥一撥張枱…… 無錯，咁就當抹左……唔計你爭d撥到落我度，都比人感覺間野衛生唔好啦……呢點真係咩印象分都扣晒。
雖然係咁，但最後埋單，都有同我講多謝，呢一點真係都唔多餐廳/茶記有囉。
一個lunch，4草野，連一都唔洗加，味道ok，份量足，真心真心好抵食。至於服務同衛生……認真麻麻。如果無求甚麼，無尋甚麼，但求抵食，都可一試既。
71 瀏覽
0 讚好
0 留言
煙肉汁雞扒，配飯
$42
67 瀏覽
0 讚好
0 留言
張貼
