牛屋餐廳

營業中

休息中

同男朋友拍拖，專登搵黃店幫襯🤣。雖然叫五成熟上枱似7-8成👎🏿，坐得又迫😖，但因為早去（約下午5點半），唔多人，食物好大份（女仔食應該會食唔曬，我因為好肚餓所以食晒成碟，但食完好飽。）牛扒既味道幾好。$188一份牛扒，加$15酥皮湯。我選了忌廉湯，味道OK。酥皮係一塊兩層的，不會太碎，好食，沾湯食更好食。加$5凍飲。侍應服務方面，我感覺到佢地好攰，但都有禮貌，合格嘅。整體來講，味道OK，價錢合理。都推介嘅。

自從畢業後，就無再黎食過。一隔十多年，重臨牛屋，因為佢被立入左黃色經濟圈，要受懲罰。在門外等到六點，準時開門，成為當晚第一張枱既食客。尋找住日既至愛_西冷牛扒羅宋湯，雜菜量多，唔會太酸，帶點甜味，好喝。原本打算放棄餐包，留肚食扒。但友人強烈建議必食。一口咬下，就知朋友無介紹錯。温度適中，面層脆皮，包身軟柔，牛油亦早已為你塗上，溶化在麵包里，無得頂👍👍👍👍👍主菜來了黑椒西冷牛扒伴薯菜 $88打孖上既牛扒好有驚喜，雖然薄切，但其實好大塊，兩塊并埋等同佢隻碟咁大，認真誇張。牛扒又腍又juice, 啖啖肉，好滿足。薯條大大條，炸到金黃色，脆卜卜，好好食。另外朋友叫既焗飯石斑伴薯菜那麼多年，水準依舊。讓我們仨，吃得津津有味，還可暢所欲言，非常滿足。

好想食酥皮湯但又5想食連銷餐廳啵～🤨就發現牛屋啦！一早今晚book左位去食！7:30去到時已經有人排隊咯～環境其實有d迫～但d嘢好食就無所謂啦！講明要食酥皮湯！lee度紅湯or白湯加$18就可以變酥皮湯啦！焗到金黃色！非常吸引！！🤤🤤紅湯5會太辣好多蔬菜！而且5會水「寮寮」！好夠味！白湯都好足料！單食酥皮or撈埋d湯一齊食都好好味😋餐包入面係搽埋牛油嫁！如果5要牛油ge朋友記得要事先同侍應講咯～法國香草羊仔架配意粉（$168）羊仔架5太蘇！但我覺得得兩條太少啦如果三條會剛剛好！味道正常！係好味！燒大蝦配安格斯西冷配薯菜（$228）d波紋薯條新鮮炸出黎好正！大蝦其實係小蝦😂😂😂😂西冷扒5錯！而且好大塊！食到飽飽！！

佐敦既一間扒房，鋪頭唔大，但坐得舒服😆，店員服務好👍🏻👍🏻1.酥皮忌廉湯：份量好足，酥皮好香唔油，忌廉湯味道好好😍😍😍😍😍2.羅宋湯：味道好好，唔會太辣太咸👍🏻👍🏻3.餐包：脆皮加暖笠笠，仲幫你搽埋牛油😍😋👍🏻4.黑椒牛仔骨：煎得好香又有牛味，唔會太un  又有口感🥰🥰😍😍5.洋蔥蒜蓉牛油石斑：好香牛油味，好有魚味，有口感又冇雪味👍🏻👍🏻👍🏻👍🏻

專登一個人去懲罰佢，一入去男侍應指我坐喺門口，之後問我飲咩湯（未叫嘢食）😓，我叫左個午餐扒餐加薯菜，扒好唔錯，幾淋而且味道不錯，餐包好味，湯也是不錯的但薯菜少了一點，薯條大嘅十條多啲，但$44蚊有湯有包有主菜又有飲品，仲要幾好食，今時今日香港好難搵。🉑️惜男侍應（估計係老闆）一入去好似嬲左成村人，其間對其他食客態度都係比較差，唔知係咪心情唔好定不嬲都係咁。會唔會番食，um, 都可以比機會的。希望下次好一點。

特登去懲罰佢。6點半左右無太多人。7點後已經開始排隊。地方細細。播緊懷舊英文歌。好舒服呀～。2人叫佐個是日晚餐。最平88蚊扒餐。連薯菜或飯或意粉有湯有餐包《我特登走飯只食扒。佢地都好好幫我改佐》。好抵食。凍飲加5蚊。汽水加6蚊。最推介H餐。安格斯牛扒。賣相已經好吸引啦。堅好味300蚊以上才可以碌卡。只此一家吾好去錯隔離香港人加油有折隔離台遇到同路人。一齊傾佐一陣。原來大家都係第一次黎。下次一定再去。希望吾好太多人。要排隊啦

同外國返黎朋友食飯，經朋友介紹，順便黎懲罰下佢，塊扒叫5成，點知上到檯成7-8成熟，側面黎熟到完全食唔落，叫Staff黎睇，佢話一定冇7-8成，佢將我地塊扒切開，死口話中間5成，但眼見都6-7成，一定over cook左，但朋友話算數，所以都冇嘈落去，但係我自己食左5分1都冇，希望佢地做得扒餐，要好好知道幾成熟既分別，朋友話返比我聽下次應該要叫3成（沒有下次），係香港/外國食過咁多間叫5成都冇事，點知就係呢間出事了

初黎佐敦做野時好多人都會介紹一間叫"牛屋"既餐廳，話又平又抵食。第一次黎時傻更更，揀左食dinner, 結果每個人都成80幾90 蚊埋單，之後先發現原來lunch 時差唔多既野只係賣40幾蚊，所以食野都要識揀時段。今日lunch 又黎左牛屋。餐牌上每樣野都係40零蚊，我要左"蒜蓉雞扒薯菜"($43)加凍檸茶（$3). 午餐係送湯同餐包，上菜速度好快，餐包暖暖地加埋牛油好正。雞扒方面大大塊，煎得岩岩好，雞肉無雪味之餘仲夠香夠嫩

展開咗每星期返3日半工嘅生活，當然要揾某君食返個lunch，等佢羨慕一下啦😂😂😂🥶 某君話依排牛屋比平時更hit，又話好耐無食過，咁咪去食下囉😌 吖，去到都係得3枱人等緊，等咗唔夠10分鐘就有位，仲要坐門後個窿，某君即要霸個窿嚟坐😏燒汁鴛鴦扒 $42>牛扒有牛味，煎得幾香，不韌兼無鬆肉粉味>豬扒幾厚，又有豬味>意粉不腍，有𡁻口>橙色燒汁好多年無食過，有啲懷念以前食螢光汁飯嘅日子，青春嘅感覺返晒嚟>粟米粒又幾甜喎衰鬼==================推介指數 🌕🌕🌕🌗🌑鮮茄龍利魚柳 $42>魚柳炸得靚仔，少少脆，熱辣辣>魚肉結實無雪味>蕃茄幾好，有點晴之效==================推介指數 🌕🌕🌕🌗🌑今時今日係佐敦有$50蚊內嘅lunch都買少見少，仲要連埋暖嘅牛油餐包同好味嘅羅宋湯，雖然要野飲就要加$3蚊，但加埋都係好抵，怪不得咁多香港人嚟懲罰佢🤓

係佐敦工作了4年，第一次食牛屋。下午2點，唔駛等位，有7-8成客人。午餐都是平價幾十蚊的，包主食，湯，飲品。今日中午一個人，點了西冷跟薯菜，紅湯，熱啡（太餓，唔記得影相）湯👌配牛油餐包，餐包是暖的；西冷淋，無咩梳打味，好食過X鳳，但薯菜是凍硬的，所以建議跟飯或意粉會較好；咖啡是港式茶餐廳質素，可接受。臨近食完，收到同事電話要外賣。外賣鮮茄龍脷跟飯，紅湯，熱啡。（外賣是餐價加$2）同事話茄汁龍脷👌。全樓面只有一哥哥一姐姐，一腳踢，服務相當有澳牛feel。食緊中途，有一個細細粒似中學生的妹妹入黎，侍應哥哥依然好cool ，但語氣明顯溫柔左小小（妹妹食咩餐，咩湯）😁相信佢內心是溫暖的，只係外表好鬼cool。

九月尾 行完街去佐敦搵食，六點幾時間尚早所以都有位唔洗等一行三人，叫左兩份牛柳一份肉眼扒個餐包本身已經搽左牛油，點湯食正呀我就要牛柳配意粉 七成熟個牛煎得勁香，食到超滿足意粉配個汁，超正🤣🤣超鐘意個意粉同伴就配飯，對比起黎，都係意粉好食d塊牛好大舊，食唔晒見到有d comments話服務態度麻麻，可能我地好彩？個日d侍應好nice，而且食食下出面就好多人排，我見可以留低電話有位就call你返黎不過就上餐慢左d，慢工出細貨啦，至少d野食上到枱我地好滿意

香港人加油之初嚐牛牛屋😋😋 呢間牛屋都有好多人推介，話佢啲牛扒好食，而且唔算貴就去試下🥰叫咗個佢好出名嘅威靈頓牛扒，同埋我自己叫咗個芝心牛扒。 牛扒外親嘅酥皮好香脆，但入面嘅牛扒一啲都唔 韌。芝心牛我要左七成( 我鍾意咁樣叫，因為唔鍾意太生，又可以試到牛嘅味道而唔會熟過頭) 牛扒真係啱啱好七成，因為有啲餐廳我叫七成，佢就煮到八成咁。塊牛幾冧，仲無乜"渣"👍 中間原來夾咗芝士同火腿，食落好入味😍餐前一樣都係有餐包，但上個陣仲搽埋牛油畀你， 且仲係好明顯用焗爐焗過，唔係用微波爐叮添，好窩心😘後來做叫咗個田螺焗薯蓉，好香牛油，份量都好足雖然一直都見佢好多食客入座，但係態度都好好，每道菜仲好有心做🥰🥰

店內係有塊小blackboard 貼左啲Memo紙，但staff既態度令我卻步，冇行埋去睇內容，亦令我懷疑佢係咪真黃...所以如果係因為佢’黃’係可以去下支持下geee...如果你諗住住去食好野個人食後感，食物好差，我食D，牛排係碎既😂飯係硬（價錢平，我知唔應該期望太大多）但但但服務態度好差，我一坐底就問食咩，當我啲朋友叫哂食咩飲咩，淨得我話未諗到飲咩就黑左面話唔落單住等我諗好先，我以為自己入左澳牛......

原來係佐頓有兩間同名似樣既鋸扒餐廳，兩間個menu比較會見到一間會專食扒，另外一間就雜錦咩都有啲咁樣當然今日講呢間就係前者。我都係見到有個幾吸引就俾佢引左入去—威靈頓牛柳。呢款食物我其實聽聞左好多次係地獄廚神既拿手菜，不過要係香港食到除左有錢仲要有時間心思去卜位...... 我呢啲窮西唯有食住次一等先，上網睇過整威靈頓牛柳都係好複雜，所以佢嘅價值係包左用料、技術同心機。呢一件野就值二百幾蚊如果我加埋個酥皮湯就加多$24 ，由於我係第一次食同埋個酥皮湯亦都幾好飲所以我會俾佢好高分。同埋睇到佢餐牌其實其他扒餐性價比高平均$150就有交易，所以有興趣鋸扒不妨一試。

全港獨一無二嘅牛屋餐廳算係佐敦其中一間比較出名同埋多人食嘅餐廳睇出面會以為好貴始終呢一間都係食牛扒嘅餐廳但其實午餐嘅話$40就已經有交易而且都食到幾好嘅食物今日去到呢間餐廳食lunch人就唔算話非常多但裏面座位其實唔多咁一個男嘅同女嘅應該係負責人就會吹啲人要快啲嗌咁呢一個都係事小比較大問題嘅都係佢哋語氣會用一個好煩厭嘅態度同你講嘢例如等一等都話等一等，雖然忙嘅時候會手忙腳亂但作為一個咁有經驗嘅侍應來講其實唔應該有咁樣嘅態度。咁我今次就食咗D餐就係牛扒，作為一間專食牛扒嘅餐廳居然冇得選擇牛扒幾成熟似乎有少少講唔過去， 但好彩全部都有至少七成熟所以品質保證都一定有嘅至於飲品方面如果係凍檸茶就會大杯啲如果係奶茶咖啡嘅話就會細好多咁呢一個都唔知點解