牛屋餐廳

營業中

休息中

埋單講香港加油有9折💛27/10免費送水 為香港人加油💛-買少見少嘅傳統港式扒房有一陣陣嘅人情味喺到午市會比晚市平好多想試下港式扒房都可以襯午市食-#紐西蘭肉眼 $52每個餐都會跟個湯同埋飲品肉眼就偏向薄身同埋食得出有用鬆肉粉質素似茶記常餐嘅扒加飯😂對於男仔嚟講份量會少咗啲評分：5/10-#蒜蓉雞扒 $43雞扒size普通 可能小編嗌咗意粉聽講叫薯菜 雞扒會大塊啲雞扒煎得幾香 肉質都幾嫩滑 唔會乾評分:6/10

喺呢條街都有好幾間個名幾似嘅扒房，今次想嚟牛屋，但又見到行前小小有間新牛屋，大家唔好搞錯啊😃整體來講，呢度嘅食物質素都唔錯，又黃又扺食～不過嚟得嘅話就要預咗呢度環境有少少細，會坐得有少少迫！.wanted to eat some meat for dinner 🥩 decided to check out @santgria_kitchen 😊 they offer a lot of variety for their dinner sets plus the portions are pretty big 👍 & it comes with a drink, soup and some bread 🍞 so all in all, i think the price is not bad at all! the best dish of the night has to be the pork knuckle 🐷 super crunchy skin & super juicy meat 🍖 & pairs really well with honey mustard 🍯 loved

這一天，一早立定主意，要出外散散心，氹一下自己開心。所以即使天氣欠佳，出門前天文台還發出了黃雨警告，我還是風雨不改，坐言起行。來到佐敦附近，已是午飯時間，是時候讓這天沒吃早餐的我填飽肚子。在吳松街行了一會，見到這間門外張貼著「牛屋餐廳只此一家絕無分店」和「本餐廳不招待內地客人」的餐廳酒吧，立刻被其吸引。既然它只是招呼香港人（和外國人），我身為土生土長的真香港人，當然要去幫襯。這餐廳的各式扒類午餐的確是沒得輸的，除了特別貴的「羊架拼龍利」賣九十元外，其餘幾款扒餐大多只是四十二、三元而已，已包餐湯和餐包，而且不收加一，實在非常便宜。在各款扒餐中，我就揀了其中一款最便宜的「燒汁鴛鴦扒」做午餐。過不多時，餐湯，餐包和飲品率先送上。這天我想喝白湯而非紅湯，所以揀了「忌廉湯」。這「忌廉湯」只是一般的茶餐廳級數忌廉湯，是正常的發揮，但無甚特別。餐包也不算熱，而且沒有牛油奉上，更是有點奇怪。「凍奶茶」就較為正常，中規中矩，都算及格。主菜「燒汁鴛鴦扒」用上了豬扒和牛扒，份量足夠，但肉質一般，牛扒甚至有點兒韌，而且那燒汁也顏色偏橙，味道普通， 倒是那些薯條，就都算好吃。扒餐價錢經濟相宜雖然是這餐廳的賣點，

小妹比較鐘意飲酥皮湯，都唔多地方有而且仲要係黃店，當然要去試下！因為唔食得牛，我點左洋蔥豬扒，而男朋友就點左西冷～我就要酥皮羅宋湯，男朋友就要普通羅宋湯～外邊好多酥皮湯都係配白湯，而我係紅湯派，我問靚女職員，佢話紅白都可以，所以可以配紅湯非常之合我心意！！！好快就上湯上餐包～酥皮有少少少少燶，但唔大影響～兩層既厚厚酥皮，浸落好香濃既羅宋湯食，好好味有一個餐包燶到嚇親我，不過唔影響，燶味未到好勁，中間依然香軟仲已夾好牛油係入面。湯都未飲完，扒就上菜喇！見到塊豬扒好大塊，仲要係兩塊。未食就知道係食唔晒豬扒既肉唔錯，係邊位肥膏多左少少，比我切走晒！洋蔥汁就正正常常既味道～最後真係食晒d菜同塊扒就食唔落意粉～至於男朋友點既牛扒我無影，掛住食！佢話我塊扒好食過佢塊西冷～最後飲埋杯飲品就滿足晒！絕對係抵食抵食抵食！！！而且店員都好靚女，又好有禮貌！！抵食又好味既良心店，絕對要支持！！！

餐牌上既鴛鴦扒餐話係燒汁 不過嚟度望落就同魚柳一樣都係茄汁🤔豬扒唔會俾鬆肉粉醃淋哂 食落口感有一絲絲肉既纖維同香茅味都出 而牛扒黑椒味都濃 相對豬扒就薄身啲！龍利柳面層蛋漿有D厚 相比鴛鴦扒餐就遜色少少 有啲意外既係佢杯齋啡 飲落冇苦澀味道 仲有少少回甘 唔錯啊！兩個餐整體嚟講不過不失 其實係佐敦.尖沙咀呢頭 以呢個價錢食到個据扒Lunch真係好抵食！

本身未住佐敦既時候，耐不耐都會喺weekend 幫襯，因為老闆娘好好人，同佢哋煎雞扒真係好好食，皮脆肉嫩。 之後應該係轉左手，轉左燥底哥哥同有口音姐姐，食物依然不錯，只係服務就差d,我覺得可以接受，同埋搬埋去附近，所以依然幫襯! 後來社會運動，該店表明立場，日日大排長龍，我亦都深被感動，大力支持! 但係直至尋日，我中午11:45到該店lunch, 人不多因時間尚早，我點了最愛的雞扒，羅宋湯依然味美，可惜塊雞扒面好多鑊燶，後來心血來潮，看看個底全燶! 我沒有投訴，但我將所有燶的地方切出來，等佢哋收碟時睇到，當然無人對我作出道歉，只是拿拿淋叫我埋單。加埋凍飲只是46蚊，的確好實惠，同埋本人亦好支持某個顏色經濟圈，不過比燶左既食物人係會致癌的，同埋生意好都唔可以係excuse,希望貴公司自我檢討，否則無論任何立場，咁既食物質素同服務是一定會被淘汰的

牛屋餐廳酒吧，一睇個格局，就知道係食傳統港式豉油西餐。呢度嘅午餐有湯有包有扒有飲品四十零蚊起有交易，非常抵食。我見周圍十個有八個都 order 咗雞扒，最初都有啲心郁郁，不過，身為牛魔王嘅我最後都係決定食紐西蘭肉眼扒。最先嚟嘅係羅宋湯同餐包，羅宋湯屬正常水準，個餐包則非常高質：不但暖笠笠軟腍腍，仲好貼心咁事先切咗一刀放埋牛油喺入面，上枱時牛油已被熱力溶化滲哂入麵包裡面，超好食😋。跟住主菜上枱，肉眼扒雖然食得出係有落梳打粉或鬆肉粉嘅（ 呢個價錢我話冇落你都唔會信啦😂），不過都算有牛味有咬口，唔錯。總括嚟講，五十零蚊食個牛扒餐，其實性價比算高，希望搵次夜晚再嚟幫襯，到時認真試下佢啲牛。

星期五嘅夜晚，突然想飲酥皮湯，男朋友就帶左我來佐敦嘅牛屋。幾年前都有食過同一條街嘅”新牛屋”，今日見到佢門口嘅告示，先知道”牛屋”同”新牛屋”係2間唔同嘅餐廳。🙈我地每人嗌左一個set，男朋友叫左西冷，我唔好牛所叫左龍脷柳。兩款都不過不失，都係雪藏貨，始終來呢度都係食佢嘅風味☺️對我地來講，酥皮湯先係我地嘅主菜。雖然上台嘅時候俾佢嘅燶面嚇一嚇，但其實一啲都冇影響佢嘅味道！新鮮出爐嘅酥皮湯好香口，雖然我本身比較鐘意飲紅湯，但酥皮湯始終都係配白湯比較夾👍🏼題外話，成間餐廳嘅待應都幾靚女😂(掛住食淨係影得一張相🙈)

早排Momo話帶Boo去食間地度扒房🍽，係佐敦一條橫街度，夜晚8點未夠去到已經坐爆左全場!!!🤪Momo同Boo都係叫左黑椒西冷牛扒🥩伴薯菜🍟($88)同埋(+$15)轉左酥皮忌廉湯🥣酥皮忌廉湯上到枱係超超超熱!!!🥵個酥皮都幾鬆化仲好香牛油味😍不過Boo就食到成枱成嘴都係🤣🤣食完面嗰層酥皮嗰湯都仲出緊煙🌬👍🏻所以都未飲完個湯就上左牛扒🤣份量真係好多😌肉質都👌🏻大大份超飽🤰🏻唯一缺點係塊扒係啲薯條上面，薯條林哂😟餐廳係坐得比較迫，但食物唔錯👍🏻必試酥皮湯🥣!!! 仲有跟餐仲有餐包架🍞，但酥皮湯都幾濟，如果食唔落包記住叫走包呀😉

兩姊妹特登到佐敦搵間吃，適逢中午，見到佢座無虛席當然戥佢高興啦，興幸我哋兩個有位坐。點知⋯⋯一坐低，未夠半秒，就比哥哥問紅湯定白湯，明白嘅，如果佢只係打工，，佢做到氣咳，燥底也可以理解嘅；不過，話晒都新年流流，唔使反過來好似懲罰我咁啦。我都係想支持下呢啲小店啫　

性價比高餐廳🤓有超多款港式懷舊鋸扒套餐嘅選擇 鍾意食牛/食雞/食海鮮/食豬/食羊嘅都有得揀🤭重點係份量超大!!絕對抵食啊-✏️日式原隻帆立貝拼雞扒 ($98)〰️帆立貝用蒜蓉煎過 蒜味濃郁之餘 裙邊煎到脆卜卜 夠晒惹味 不過就有少少乾左啲🤔重點一定係隔離大大塊嘅雞扒🐥簡單嘅調味已經好足夠 重點係肉質好嫩滑 而且一啲都唔會乾 肉質唔會柴 食落去仲會有肉汁🐥另外個意粉亦都炒得幾好 夠乾身唔會一條條黐住🍝仲有個值得一提嘅係所有餐都包埋大大個甜餐包 重點係中間係切開咗一半 預先幫你搽咗牛油🧈懶人應該最鍾意呢一點😂而且烘得非常之香脆🍞勁好食😚

Went for a lunch to this place. We ordered chicken steak, when food arrived, chicken was medium done so we requested to make it well done. Staff was really friendly and helpful and did so without any complaints. The food is delicious and quantity is very good. Friendly staff and good food. Would definitely recommend a visit.

#支持良心餐廳Set lunch蒜蓉雞扒意粉$43一坐低已經極速問紅定白湯 加即上餐包😂超級有效率 餐包入面仲已經搽埋牛油 時間都慳返🤓之後個餐都上得好快 意粉份量比較少舊扒係正常size 不過如果貪心啲想要大舊啲嘅話可以建議食薯菜😂 因為之後見其他人食薯菜舊扒係大好多🤣 試埋肉眼扒 覺得雞排係好食啲嘅 因為肉眼扒佢個質感有啲怪怪地 偏似落左啲鬆肉粉咁但又比較多筋但總括而言真係算好抵食！仲有如果討論嘅嘢都極黃 值得懲罰！

天氣凍冰冰，最適合去鋸扒啦。呢間牛扒屋一直都係筆主嘅心水之選，雖然佢唔係話嗰啲非常厚切嘅牛扒，但係佢嘅抵食程度係非常之高，$42就可以食到個鴛鴦扒午餐，有牛扒有豬扒。

係佐敦搵嘢食，打開和你eat個app就見到依間黃店，好有懷舊香港feel，價錢仲好抵，就即刻過嚟食。估唔到星期六、日都仲有lunch set，最平40幾蚊就食到，仲有湯、餐包、同野飲。我就叫左個牛，都係55蚊，本身上openrice見啲人話+$18就可以轉酥皮湯，但原來叫set就冇依個優惠。牛係薄嘅，唔係真係鋸扒個種，地方都坐得比較迫，員工態度都非常一般。不過50幾蚊 有湯 有包 有牛扒 仲有野飲，去邊搵？