牛屋餐廳

營業中

休息中

Book位full左，唯有walkin,等一個鐘左右以為食過兩三次，環境都係咁，安排坐最入，近廁所😔兩個人叫左個威靈頓牛柳配薯條，香草羊架配意粉，轉左個蘇皮海鮮湯。牛柳羊架都一般，不過見係黃店，都接受。海鮮湯好飲👍。不過衛生不太好🤨，基於為免惹上法律麻煩，不能說，基於為免惹上法律麻煩，不能說，基於為免惹上法律麻煩，不能說🤮🤮🤮🤮🤮🤮🤢🤢🤢🤢🤢🤢🤢好嘔心，唔會再去，88

黎到佐敦，聽聞好出名既牛屋餐廳。見到餐廳門外貼住「牛屋餐廳只此一家絶無分店」「本餐廳不接待內地客人」就決定要支持本地良心小店。因為鍾意飲酥皮湯，我地加錢叫左酥皮海鮮湯。即叫即整既關係上枱既時候係好熱，外層塊酥皮好酥脆，好足海鮮配料。配埋牛油餐包浸一浸落湯食，好滋味😋另外我地又好鍾意食牛柳，所以叫咗廚師推介威靈頓牛柳。點左五成熟，熟成度準牛柳好嫩好juicy。加上酥皮不太厚，外脆內軟，仲有食到香濃鵝肝醬配埋醬汁，十分之好味。要知道整威靈頓牛柳係好花功夫同技巧，所以$215呢個價錢係好抵食。第一次食牛屋餐廳，夜晚繁忙時段walk-in等枱都差唔多30分鐘。不過真係好食又抵，都值得👍🏻

我愛黃，愛黃金歲月的食品。在英治時代，入西餐廳是夢寐以求的事。應運而生是港式樸實無華的食扒餐廳，幾張木檯，昏黃燈光，份量大大，供應很多碟頭飯的。分兩大類，一類是師承上海俄國厨師，擅長烹羅宋湯，如莎樂美餐廳。另一類是仿效英國人的餐廳，如本店。但本店應是濃抹懷舊風，並非如莎樂美餐廳是老店。見店名，便知牛扒為主食。附近有翻版牛店，可見此店多有名氣。最能體味英殖情懷，是威靈頓牛扒。用製酥皮湯的手法，加在牛柳之上，你食過嗎?港人熟悉的鐵板扒，是美國式，較粗豪。不及威靈頓牛扒。此店招牌菜酥皮湯的「帽子」竟飛到旁邊的牛扒上!又是我喜歡的黃，一格格如菠蘿包，牛扒外酥內軟，5成熟，頗有特色。在是日晚餐之中選了芝士鮮菌龍脷柳。味道普通，芝味淡淡，是伴飯之選，只能說較為抵食。全部價格均偏平，十分大衆化。羅宋湯不俗，不是正宗俄式的，如街頭巷尾的紅湯，但味較濃。「香港加油」的標示，告訴我這裏是另一種黃。

要提提大家最好Book定位😂有日經過附近諗住去walk in,都真係等得比較耐。好鍾意佢個酥皮湯😍個金黃色酥皮做得好好又無益味👍🏻叫左一份西冷同招牌英國威靈頓牛柳（2份都叫7成熟），西冷塊扒超大而且D肉質唔靭一直想試個招牌牛柳，終於試到😝係酥皮包住牛柳，多重口感，不過如果自己飲完酥皮湯再食呢招牌牛柳會有d漏，如果同朋友一齊試就岩岩好👍🏻

星期五「五一勞動節」假期晚上，我一個人坐巴士到尖沙咀，再徒步向北北上，來到佐敦「吳松街」光顧西餐餐廳「牛屋餐廳酒吧」。「牛屋餐廳酒吧」外面有大量食客，正在等候座位。因為「牛屋餐廳酒吧」實際的環境跟樓面面積不算很大，可以同時招呼到食客非常有限，「牛屋餐廳酒吧」侍應也告訴我，可能需要等候一至兩個小時才有機會入座，建議我可以留下電話號碼，等候餐廳的電話通知。不過我自問不是一個能夠確保即時接到來電的人，所以我寧願一個人守株待兔，繼續站在「牛屋餐廳酒吧」外面苦苦等候，直至「牛屋餐廳酒吧」侍應出來通知我有座位為止。結果我在「牛屋餐廳酒吧」外面等候了一個多小時，直到晚上九點多的時候才有座位，幸好「牛屋餐廳酒吧」大部分時間都安排我坐一人座位餐檯，用餐過程裡面都沒有其他食客搭檯。不過「牛屋餐廳酒吧」沒有提供例如「鴛鴦扒」的晚餐套餐食品，所以我只能夠退而求其次，選擇「牛屋餐廳酒吧」晚餐裡面的「黑椒西冷扒」套餐，另外再點一客「椒鹽雞中翼」作為配菜，砌成一份牛扒加雞肉晚餐。「牛屋餐廳酒吧」的晚餐套餐裡面，包括有餐湯以及飲品，餐湯包括有「羅宋湯」跟「忌廉湯」，我選擇了飲「忌廉湯」，餐湯另外配備一件已烘過，溫度尚

‼️睇清楚地址‼️‼️對清楚地址‼️‼️望清楚地址‼️同一條街有2️⃣間叫「牛屋」嘅扒房，門口裝橫都幾類似，當日去係五一黃金週期間嘅晚市時段，去咗錯嗰間～ 唔太多人幫襯而且冇文宣，好彩男朋友拉住我話再睇下先，行返落斜落就見到好多人等緊位嘅真牛屋🌟··海鮮酥皮湯🦞 +$18推薦指數：★ ★ ★ ★ ☆為咗酥皮湯而來🤪🤪，有2️⃣層幾厚嘅酥皮，酥皮好鬆化，帶牛油香，浸落湯到食依然保留口感，海鮮湯滿滿嘅配料；餐包幾軟熟，熱辣辣，店員已塗好牛油🧈，唔錯💫·黑椒西冷扒 $88推薦指數：★ ★ ★ ☆ ☆🥩$88嚟講都算幾大塊，ᴏʀᴅᴇʀ咗7成熟，呢款西冷軟淋偏薄身，薯菜份量都唔少，薯條幾脆口😋·美國一級安格斯西冷 $188推薦指數：★ ★ ★ ★ ☆同樣都幾大塊🤩，呢款西冷就厚肉少少，7成熟，牛肉味比上者出好多，肉質粉嫩，一啲都唔靭，相對而言呢款西冷較有口感·可能食咗成個酥皮湯都飽咗3份1🙈，而且塊扒都幾大下，配薯菜都已經好飽🤭，如果平時唔太食得多嘢建議配薯菜就夠啦🤪。 💛當晚座位坐近廚房，竊聽到廚房同樓面嘅對話，滿滿嘅認同‼️藉此我FC，堅黃🌟.

由細食到大，係童年回憶。簡簡單單的碟頭碟餐，平民化的價錢在酒吧的浪漫燈光環境，是我和老公後生時的拍拖餐廳。看見燭光的老公已經覺得好滿足。雞牛豬配薯菜或意粉雞扒外脆內滑，重點係成隻碟咁大塊。餐湯就屬於多奶果類間唔中咬到幾粒粟米。到左依家間唔時都去懷緬一下拍拖時的回憶。

特登lunch time由尖沙咀過嚟懲黃店。結果俾佢懲罰返轉頭。😟真心。。。明白侍應忙，顧唔上禮貌，我理解☹️。但衛生做得咁差，煲小強羅宋湯。🤬由於環境好迫好細又要搭枱，唯有好細聲話你知費事嚇親其他食客，但你一句道歉/唔好意思都冇，就收翻，之後比碗白湯比我就算。🤬但你地居然無換過煲羅宋湯，繼續serve 比其他客😨，真係好過份，你又要係黃店，希望有良心照顧下特登嚟懲罰你嘅人，做好衛生，同改變你哋嘅管理方針，成鍋湯都應該倒左佢，唔好因爲諗住午市無左紅湯就可能少左客，繼續’不’比人飲，害死啲手足，對唔住支持你嘅人。

最近都有去幫襯呢間lunch好抵食既扒屋！牛屋餐廳，係佐敦打滾左好多年，一直以黎都冇衝動入去食！直至最近，係佐敦返工終於嘗試去幫襯一下！午餐有幾款選擇，包餐湯、餐包、飲品！呢個價真係唔知係邊度搵？！第一次去見到蒜蓉雞扒就發光，所以一定係試呢個先！午餐都可以揀飯 / 意粉 / 薯菜！忌廉湯正常，舊式既味道，餐包外面脆脆地好食喎！雞扒算大塊，味道都正常！蒜蓉汁都唔錯！之後再食過兩次燒汁鴛鴦扒呢個鴛鴦扒係豬扒+牛扒豬扒意想不到地好好味！！牛扒就一般喇！燒汁都做得幾好！羅宋湯比起忌廉好飲！正！總括 : 又抵食，又好食，絕對會再黎！

#五一黃金週 ⁣⁣呢間係佐敦一間港式西餐廳💛細細間幾精緻都幾有feel🥰而家疫情關係得5張枱, 我地7點到去到都無位, 但店員好好可以留電話hold枱☺️半個鐘到就有位啦🤗⁣⁣. Wellington tendonloin . $218⁣呢個係小店第一個廚師推介, 我其實未食過威靈頓牛😂所以決定試下🤓 我地叫左三成熟, 外面個酥皮好薄好脆, 外型好似菠蘿包咁😂個牛柳好嫩好juicy😋最愛粗薯條🍟炸得好脆呀☺️⁣⁣. 日式原隻帆立貝拼雞扒 . $98⁣個雞扒煎得好好食, 而且好大塊有成手掌✋🏻咁大呀🤩啖啖肉🤤帆立貝好大隻但可惜食落無乜味⁣⁣有得揀薯菜飯或意粉, 跟餐有餐包同湯, +$18加酥皮🤗個酥皮好大個好吸引呀😍整得好靚!!可惜唔記得叫左威靈頓牛就有d飽😂⁣⁣推介: 🌟🌟🌟🌟(最高5星)⁣ ⁣

有文宣而且有派水嘅小黃店💛呢間餐廳個速度簡直係同澳牛一樣 你一坐低已經有麵包食 之後就即刻有個湯 湯都未飲完 佢個扒已經送到俾你🤣🤣而且佢個價錢真係超級良心 $42一個扒餐真係抵到不得了😍·蒜蓉雞扒$43佢塊雞扒係超大塊 而且肉質都幾好 佢個蒜蓉汁就係比較濃味嗰種港式調味都OK嘅😎·燒汁鴛鴦扒$42呢一個就係有一塊薄牛扒同一塊豬扒 兩個個肉質都係你平時食開港式扒房嗰啲水準 佢個燒汁呢就係有少少蕃茄味咁樣嘅 個薯條都係熱辣辣既 總括來講都唔錯嘅CP值高到不得了😏·📍佐敦吳松街143號地下

雖然係老店, 屹立喺佐敦吳松街多年, 但確實麻麻地。午餐價錢最平$42有交易(餐飲需加$3), 有牛油餐包、餐湯(羅宋湯或忌廉湯)。羅宋湯嘅質地及味道都非常濃郁, 係唯一值得讚揚嘅地方。燒汁鴛鴦扒意粉($42), 係牛扒拼豬扒, 牛扒係嗰種薄切切嘅BBQ扒, 幾多醃肉粉嘅味道, 唔得; 豬扒算可以, 略肥。燒汁似番茄汁。另外一個係紐西蘭肉眼扒配薯菜($52), 牛扒都係嗰種薄切切嘅BBQ扒, 醃肉粉嘅味道少啲啲, 都係唔得; 薯條偏淋。同樣係燒汁。空間有限, 都坐得幾逼夾, 要搭檯。

呢d咁傳統咁佬味既港式扒房真係買少見少 而且非常有良心 食物水準都唔錯😌😌當晚9點鐘先到仍然要等位雖則係扒房但始終係小店 大家可能要比d耐性啦💕.🥩英式羊仔雜扒 ($178)呢度既晚餐可以揀跟飯/意粉/薯菜而且有餐湯同餐包 餐包有驚喜🤩好軟身而且充滿牛油香平時唔多食餐包既我都食曬成個我就揀左跟薯菜份量好大 d扒多到疊住個羊😂😂一如港式茶餐廳風格 肉類既調味好重岩哂重口味既人😆🙊.🐟洋蔥蒜蓉牛油石斑 ($158)呢個賣相唔多靚所以就無影相啦跟餐意粉無咩調味 但係蒜蓉牛油份量超足夠哂黎撈意粉食🍝.雖然唔係啲咩好高級嘅扒房但見所有員工都好有心 好有人情味埋單講香港加油仲有9折💛會一直去支持💛

今晚來試著名黃店喺佐敦嘅牛屋餐廳💕有啲受疫情嘅影響佢哋餐廳而家只可以得幾台做生意🥺服務稱得上係100分佢哋屬於舊式港式嘅牛扒餐廳我哋要咗一個德國炸豬手好大隻又juicy 味道唔錯 唔會太咸仲有d 菜同意粉最令我覺得驚喜嘅係佢嘅sauce居然係蜜糖芥茉醬!!!非常好食 必點之物而家佢地既酥皮湯做得好好除左無油益味外亦好酥軟一邊紅湯同白湯都有自己嘅味道👍💕牛扒我哋叫咗五成熟😍食落肉質非常高質好juicy 油脂嘅分布都非常好👍👍中間嘅溫度調校得非常適合亦都唔會有血水流出嘅狀態而且最鍾意就係佢個黑椒汁同普通西餐廳嘅燒汁有少少分別另外仲有一啲薯條伴碟添

埋單講香港加油有9折💛27/10免費送水 為香港人加油💛-買少見少嘅傳統港式扒房有一陣陣嘅人情味喺到午市會比晚市平好多想試下港式扒房都可以襯午市食-#紐西蘭肉眼 $52每個餐都會跟個湯同埋飲品肉眼就偏向薄身同埋食得出有用鬆肉粉質素似茶記常餐嘅扒加飯😂對於男仔嚟講份量會少咗啲評分：5/10-#蒜蓉雞扒 $43雞扒size普通 可能小編嗌咗意粉聽講叫薯菜 雞扒會大塊啲雞扒煎得幾香 肉質都幾嫩滑 唔會乾評分:6/10