牛大人台灣火鍋吃到飽 (銅鑼灣廣場二期)

營業中

休息中

天氣突然變冷，第一時間想去牛大人打邊爐！牛大人主打台灣火鍋吃到飽套餐，性格比高，每次去都座無虛席。鍋底方面，款式非常多樣，包括古早味十足的台灣鳳梨雞鍋、眷村白玉酸菜鍋、台中蒜頭雞鍋等等。最後選了阿嬤養生濃湯鍋，吃火鍋的同時也要進補。奶白色的鍋底，有桃膠黨參，純飲湯也非常滋潤。是次點了最貴的澳洲和牛套餐。套餐的牛肉有上腹牛五花、安格斯特選牛板腱、安格斯牛小排等。最重要是澳洲和牛M5牛肩卷，油脂均勻，肉質鮮嫩。餐廳供應多種台灣直送美食，例如鴨血、花枝漿、水蓮菜、手打旗魚漿及王子麵。除了一般飲品外，更有多款牛大人自家冷泡茶等可供選擇。最後有仙草凍做甜品，有蒟蒻、珍珠、花生、紅豆、仙草、鮮奶，材料豐富，甜度適中。

牛大人係我all time favourite!!!❤️❤️❤️但因為長期都好難book位嘅關係，所以都唔係成日食到！今日難得平日放假就決定再walk in試吓😜同埋呢期牛大人同蠟筆小新crossover，同埋同行朋友仔❤️❤️蠟筆小新，所以更加要去食😂原來我當日嘅係記得拍片，唔記得影相😂😂一出𨋢門就見到勁大個蠟筆小新係牆身🥰而店入面都貼滿蠟筆小新同其他角色既佈置…蠟筆小新迷一定要去打卡！我個朋友影到傻左😂😂客人仲可以換購蠟筆小新既產品, 例如餐具套裝、購物袋、野餐墊！今次揀左極上和牛吃到飽套餐,有澳洲M5和牛肩卷🥰之外，其他套餐嘅嘢食都可以食呀嘛🥰而湯底方便就揀咗牛大人秘方麻辣鍋-小辣,平時都係食呢個或者牛骨湯😂麻辣鍋一上枱鍋面勁香勁濃郁！因為入面有大量配料令到咁香濃！建議大家一定要飲啖湯先！入口先帶陣陣辣勁,後帶麻香味～相當好味😋😋澳洲M5和牛肩卷肥瘦十分均勻，入口感覺安格斯特選牛板腱唔同！2隻嘅牛肉味都濃郁，但M5嘅肉質較細膩嫩滑～台式小食一定要食佢哋嘅小香腸！小香腸話晒都係去親夜市必食嘅單品😂呢度嘅小香腸香甜,咬開帶有豚脂香😂唔小心食下食下食晒2條😅😅蟹籽墨汁漿外面嘅墨魚汁產品唔太多有真

今日去牛大人嗰度食午市去左銅鑼灣分店都算坐得幾舒服跟住我哋揀咗最貴嘅和牛套餐，啲牛肉都幾有牛味，入口即溶，10分推介，仲有幾款唔同嘅牛可以選擇，之後都試咗唔同嘅配菜海鮮都幾出色，啲蜆又大隻又鮮味完全冇沙tim 之後魚同雞等等肉類都幾有質素 ！之後梗係叫最好食嘅鴨血啦，仲要無限添加Tim，都叫多左三四輪，佢果度嘅鴨血係比較嫩滑果種，十分好味。食到最後仲有甜品仙草凍食添，午市套餐來講都算有quality。

六點鐘到，人客頗多，兩入被安排在房間內的一張小枱。上次嚟試過麻辣/牛骨鴛鴦湯底，好似比較味濃，食吾到食物嘅味道，所以今次叫左鳳梨雞鍋湯底，有涼瓜、銀魚仔、黃芽白、麵豉和鳳梨及雞，味道相當複雜，吾可以話吾好，但可以講試一次就夠，下次再嚟，應該不需要再 encore這個湯底。至於食物，牛肩肉、沙白、鴨血、豬大腸、花膠、脆肉鯇魚片，水準如常，海蝦有點不太新鮮，總之，在這個湯底下，好似好吾夾咁。至於飲品，仍然推介柑桔椰果，酸酸甜甜，好醒胃。另外，甜品有燒仙草，相當不錯。埋單$568/2位。

平時唔會寫咩野comment，但係今次真心嬲左！等位等左成個鐘佢帶左個好近pantry既位，問佢可唔可以等過下一張枱，佢話唔得，如果一要轉枱既話重新輪過，完全不可接受！上次都試過坐低左問佢可唔可以轉後面無人坐果啲枱，佢話唔坐得人點知轉頭又帶左人入座，咁點解之前又話唔坐得呢？就住呢件事之後都send過email同佢公司講，佢循例覆話會注意同埋會改善，但係今次再去幫襯完全無改善！其實野食都真心唔錯，但係咁樣應該都無下次了！

We tried their unlimited hotpot and found it relatively good. We have ordered 2 soup bases in one pot, herbal broth and Mala broth. Herbal broth is a non spicy broth whereas the Mala broth is filled with Sichuan peppercorn and Chilli, oil and other spices. Mala has a numbing sensation and it is hard not to or in love with. Since ordering the Prime beef is unlimited, our main focus of the hotpot night is beef. From the mabling of the beef, you can tell that the beef are of good grading. In beef,

先唔講食物，講服務態度，未知係咪因為太多客人所以好似唔憂做。 店員質素參差，客面前做一套，背住客另一套。有人呼呼喝喝，表面好似有禮貌實質好串，收銀嗰邊，頭髮染到鬼五馬六， 又粗魯又串， 當嗰度遊樂場不停講笑嬉戲。傳菜執拾嘅服務員態度好好，快手俐落。知客都ok。 服務員冇講點單流程， 第一次去就自己估估下。點餐方面， 湯底味道好普通，點咗鳳梨雞同酸菜，鴛鴦鍋底加＄50，menu冇寫，叫嗰陣先至講。 餐牌上嘅價錢同時段亦都寫得唔清楚，問店員又好似唔係好知咁。有漏單情況，點五份嚟四份， 120分鐘，雖然任點，但係以火鍋嚟講，張枱又細，可以再叫幾次？ 嚟少咗食食下又要再叫過都好麻煩！四個人叫咗美國安格斯餐， 牛肉一份只有兩三片切得非常薄，一夾就爛晒！ 基本上冇可能一塊塊夾住淥，要一住住咁推落去個鍋，所以非常之容易過熟，而且分唔開，每次要成住咁食。 即係一份係一個人食，加上一份太薄太少，一漏單就唔夠食要再叫，而再叫係要等拎嚟，又嘥咗啲時間再叫再等。小童130厘米以上就要收大人錢， 其實連加一成三百幾蚊個人，用料普通， 性價比低。 菜係任夾嘅， 但係每枱只有一個好細嘅黑色碟， 就算唔係狂夾，都要行

牛大人出曬名好食同抵食😋 所以正常lunch hour 一定好多人😆 我就好醒目😎 揀左食個late lunch🥰 1:30 可以直入唔洗等😊坐低先發現，原來牛大人同蠟筆小新合作🤩 周圍都有好多蠟筆小新可以打卡😍 好得意呀❤️ 仲有蠟筆小新精品可以買🥰 蠟筆小新迷唔好錯過啦😎極上和牛吃到飽🐮 ($198)湯底可以八選一，我就揀左阿嫲養生濃湯鍋😋 湯底真係好養生👍🏻 唔單至有紅棗、桂圓、杞子依D藥材，仲有桃膠， 真係好岩女仔食🥰 補充骨膠原❤️澳洲M5和牛肩卷，雪花夠靚❤️ 顏色鮮嫩🥰 好有牛味👍🏻 所以我地瘋狂Encore😋我地仲試左幾款漿滑，干貝鮮魚漿🐟 花枝漿🦑 同蟹籽墨汁漿🐙 個人覺得花枝漿口感同味道最好👍🏻 好彈牙 😊仲有好多小食可以叫， 而外面自助區，亦都有好多新鮮蔬菜🥬 同飲品🍹可以拎，個人覺得必飲白桃烏龍茶同桂花烏龍茶🍵 因為兩款都好清香，而且茶味夠👍🏻海鮮任食🦐 (加$30)另外我地加左海鮮任食🥰 沙白，海蝦🦐 鯛魚🐟都可以任食， 味道都好鮮甜18+冬瓜茶 ($38)我地仲見到有新飲品☺️ whiskey 冬瓜茶， 忍唔住叫左杯試下😆 酒味🍺同冬瓜味都好特出👍🏻估唔到會咁夾

本人一向都不愛手機食先，所以沒有拍照。我選咗麻辣同鳳梨雞湯底，點菜是用手機，而食物，味道也不錯，價錢與食物質素都成正比，是可接受的。但對等位同點菜時間就非常不滿，我想提提想到此店的人份外要小心謹慎，事原今晚同家人吃晚飯，已知要等位起碼1小時，但家人收工來到起碼要7:15分，所以都不計較早去取要等位，我於下午5:53分左右到，職員先問幾位，然後給我一張B8的票，並告之叫我晚上7時回來等叫，但是我的另一位家人不知已取票，他於6:15左右到取票，但是職員給他一張之前客人取了的票「B6」給他，並叫他6:40分回來，他亦向職員講，因7:00前一定不會齊人，所以不用，奇怪的是取票不是順序，而是隨便的給客人，遲來就可以先入？這是甚麼玩法。另外是，我6:53分入座，坐低咗等咗成3-5分鐘先有職員落單叫鍋底，但7:15分個湯底都未到，而手機點菜就7:15分左右先入到去點菜（不知是否要等員工入咗湯底才可以用手機點菜？）但最妙的是2小時的任食，但1.5小時後就截手機落單，即是我8:23分就不能再落order,即係這間餐館是你就算食剩都不要緊，最緊要快快咁落單，但你就算在最後的30分鐘，想落自費嘅啤酒都不可，

超正嘅台式任食火鍋😍❤️一直都係牛大人嘅粉絲🧏🏻‍♀️因為真係太受歡迎，記住要預先book定位！今次預先訂咗位，同朋友一齊食Lunch火鍋！識食梗係食最正嗰隻$198極上和牛套餐😌Lunch食，價錢仲平過夜晚一半🧏🏻‍♀️性價比極高！鍾意食牛大嘅原因係，佢哋嘅湯底真係勁正，好夠味，好足料，而且好多款選擇♥️今次叫咗鴛鴦鍋，係麻辣鍋同養生鍋😌湯底夠味，基本上都唔使再額外點豉油！極上和牛，牛肉質素非常之好，片片都大大塊有咬口，而且雪花好靚，有牛肉味，唔會係嗰啲好似空氣咁嘅薄切片😎😎另外仲有豬肉片，同豬大腸，鴨血，多種唔同嘅配料！鴨血係真心必食，好入味好好食🙈任食配料係超級多款，墨魚滑，台式餃子，各種台式丸類都有！連我最愛嘅響鈴都有任食🤣🤣嘢飲都好多選擇，今次試咗呢個白桃烏龍，茶味清香，啱啱好可以中和下火鍋嘅濃烈味！任食90分鐘，絕對係可以捧住個肚走🧸今次嚟見到佢周圍都係蠟筆小新嘅佈置，原來係牛大人同蠟筆小新做緊限量聯乘☺️☺️有好多好靚好可愛嘅打卡位😘一路食，真係睇住都開心！現場仲有蠟筆小新精品可以買走添！見到嗰啲餐具碗筷套裝個樣都幾靚🧏🏻‍♀️————————————————————牛大人台灣火鍋吃到

網上訂左6點2位，所以一上到嚟就可以入座，加上之前下載Storellet 做新會員鴛鴦湯底不用另加費，今次食$258/位嘅美國安格斯牛放題。叫左麻辣/牛骨鴛鴦鍋，牛骨湯好濃烈。兩款牛肉都吾錯，豬大腸、鴨血、枝竹、炸油條和響鈴配麻辣湯同牛骨湯都好夾，脆鯇魚、海蝦、沙白好新鮮。手打漿類吾彈牙而且肉質比較散。小食小香腸和鹽酥雞都好食，但酥小排骨和甜不辣就又凍又硬。但今晚沒有皇子麵及燒仙草，有d失落。飲品推介金桔椰果，甜甜酸酸，配火鍋可解肥膩。 整體來說，都吾錯，可以再來。

聽聞呢間好出名，要等好耐位，第一次去牛大人係七月時去尖沙咀果間……今日同J小姐上山頂行咗大半日，午餐都冇食，今晚要吃餐好嘅先得，於是四點幾落山搭巴士，5:45去銅鑼灣呢間攞飛等叫no.…6:39入座，呢度啲飲品、蔬菜、雲耳、部份丸類、粉麵類出去拎……其他肉類、海鮮、自家製丸、餃子類、特飲、熟食小吃就用QR code order…我哋首先揀咗個限定版牛蒡湯底，J小姐先點咗D嘢，我就去拎嘢飲同混醬，上次在尖沙咀果間，吾知係咪加咗D腐乳醬，蘸點啲肉同啲嘢食時都覺得臭臭哋吾好食，所以今次我吾再加腐乳喇……果然，我覺得今次呢度D嘢好食D，雖然J小姐話個湯底冇乜味，但我個人覺得OK，我哋食咗牛肉、魚、豬肉、海蝦、墨魚滑、餃子，吾錯幾好，小食呢～鹽酥鷄、小香腸、脆蕃薯、酥排骨都好好食呀……今晚呢度都好爆場，一輪又一輪冇冷場，好彩我地2個坐2人卡位感覺好D，雖然張枱吾大，但坐在一邊都舒服....ORDER D嘢都嚟得好快，食下傾下好快就2個鐘，準時入座準時離座....有機會下次再嚟....

前排轉涷，立即去打邊爐取取暖🥰我向來對牛大人的牛肉質素相當有信心！今次帶媽媽來銅鑼灣分店吃午餐，竟然不用等位😳而且價錢相當划算，我係點了最貴的「極上和牛吃到飽」$198，食物選擇充足！⁡👉🏻食物: 4.3/5作為牛魔王，來到牛大人基本上只瘋狂吃牛肉😂⁡▪️澳洲和牛M5牛肩卷「極上和牛吃到飽」餐獨有，瘋狂Encore之選🤤💯一碟兩片，牛肉薄而大片，充滿牛肉肉香，而且油脂均衡，不會過於肥膩，適合中午吃😋而且由頭到尾，質素都保持到👍🏻⁡▪️安格斯特選牛板腱相比下肉質的油香、口感都較M5牛肩卷遜色。

已經唔係第一次食牛大人，但係今次係第一次食和牛set。回頭質素每一round 都有啲參差，有啲就特別多肥膏，有啲就紋理靚啲，不過overall質素都唔錯🤨。叫左幾輪牛肉，發現佢地越上越慢，唔知咩原因🤨吹左一次先黎一次😓12:03入座，12:40叫我賣單😓（唔知點解越黎越早叫人賣單）最後，臨last order之前，我叫多幾塊牛肉，想試下會唔會送過黎。結果果然係唔會。（佢miss左我叫嘅好幾round牛肉😓）記得以前黎食都會有仙草甜品，但係今次竟然冇，有少少失望因為仙草好好味。賣單一個人大概$200 鬆啲，價錢合理。唯獨食單問題有待改善😓

都唔知邊度嚟咁都好評我嗌最貴嘅$198和牛餐都覺得啲牛肉係同我喺大家樂一人火鍋食嘅差唔多。其餘自助式食材都不新鮮。自助式食材個夾夾係擺喺度一堆，你夾完之後放返入夾夾兜到比下家夾，好嘔心好唔衛生。90分鐘的放題係呃人的。到45分鐘就同你講截單要即刻埋單，唔俾再嗌嘢食。到底俾咗幾多錢去搵打手寫咁多好評。