牛大人台灣火鍋吃到飽 (大鴻輝(荃灣)中心)

營業中

休息中

朋友介紹過呢間話好食，但話好多人好難BOOK，有幸平日閒日LUNCHHOUR去一試WALKIN，點知唔洗排！！！！直入！！向𨋢到個個都去同一層，大大聲話平日好難有位。我地都問過職員，佢話平日5點幾去排就大D機會有位講返野食，揀左最平$138PP, 坐低先揀一款湯底，有8款選擇，有好多人鍾意既麻辣，我地就揀左鳳梨苦瓜，好似幾得意咁，QR CODE 落單可任叫肉片/雞件，仲有較特別既海鮮滑、牛肉滑、蝦滑等（牛肉滑好食😋），另外有唔同款餃子（蛋餃及燕餃好食😋）仲有小食類（鹽酥雞，皮蛋豆腐好食😋）自助區有好多好多款丸，菜類菇類都唔少，講得出都齊，台灣菜多吃既寬粉打邊爐好正。另外要講講個醬料區，比港式既醬料多好多，推薦烏梅汁😋！亦有肉燥飯，滿心期待，點知勁"蘇"，我平時好鍾意"蘇"都怕怕，建議大家試一啖好，唔好浪費。飲品區更加唔洗講，贏哂，多到嚇親我，而且好多茶，打邊爐可以消消濟，不過如果有常溫版更好。最後，必必必吃的在最後，一定要留肚食佢送既甜味，要埋單時佢先比你，好好味！好地道台灣口味，可惜到最後太飽我地2個只要左一碗，如果知咁好食我會留少少肚！

今日去咗荃灣行山 行完之後又熱又攰 朋友話想去一間餐廳可以慢慢食 咁就去咗呢間牛大人嗰度打邊爐啦 牛肉同埋其他火鍋配料都係任食嘅 用料都好上乘首先叫咗一個藥膳鍋底 有紅棗同埋其他中藥材 一睇已經覺得好滋補 成身暖笠笠之後嚟咗一個牛三角頸脊 睇落真係都幾三角 牛肉味又重 脂肪又夠甘香可口 淥完之後口感煙韌跟住就要試下澳洲和牛 呢個牛比日本嘅和牛瘦 但牛肉味亦都不相伯仲 啱曬各位減肥人士或者女士食用墨魚滑同蝦滑口感亦都好爽脆可口 但係蝦滑嘅蝦味稍為淡咗啲燕餃 餃子皮好爽脆煙韌 包上鮮豬肉 肉汁豐富而且肉味重鹽酥雞炸得好脆 再灑上少少梅粉令到成個味道口感又提升一個層次甘梅薯條 將甘梅粉平均地灑喺蕃薯條上面 甜甜地嘅番薯條 配上少少甜酸味 又開胃又好食最後到甜品時間 叫咗個糖水 有芋圓 珍珠 花奶 涼粉 西米等等 香甜可口 又凍凍地 為今餐劃上完美句號

放寬晚市堂食，立即約友人慶祝生日，地點係極度難book到位之牛大人。一行四人，上到去等拎位已擠得洩不通，要準時才能入座。眼見好多上去walk in客都失望而回，FULL揀食咩餐時，大家都唔好諗，難得book到位，食最貴澳洲極上和牛喇9成order都係自助用電話落單，好方便，只有少量丸、菜、飲品同調味係行出去自助拎，其中不得不提有台式肉燥飯，都係自助，我自己都整左一碗仲有加左大量芫茜on top，好滿足。火鍋料中，牛肉真係好味，意料之外，講真，298一位食澳洲和牛唔算貴，仲有店員介紹SRF牛肉同樣出色，好軟林，唔油！食完再encore！另外飲品櫃亦有大量冷泡樽茶，同樣吸引，我試左白桃烏龍，好香桃味，好回味！服務亦都很好

牛大人自開張而來已經享富盛名，估唔到直到依家依然都咁受歡迎叫咗個牛骨湯底，叫完有啲擔心會好濟，點知好OK! 濃味得黎冇油膩感，愈煲愈食到啲藥材味！正前菜已經令我非常有好感！皮蛋豆腐好好味呀 豆腐好滑，皮蛋都係靚皮蛋，加埋啲醬汁，即刻encore 唔同嘅滑同魚漿！食得出非常真材實料！食到原粒鮮蝦、章魚！估唔到有得食牛筋！ 最愛，煮耐啲超入味！兩款牛肉都意想不到的高質素！香牛肉味，又唔會太肥！添添添估唔到自助區啲野都好有誠意！魚腐世界級！豆類製品都好多款式！肉丸都唔HEA，好多都係來老貨！鴨血都好正，爽滑！試咗杯手工啤！落花留水正到呢！我唔識飲酒都知花味勁濃，好酒！當然唔少得牛大人自家冷泡茶飲！卝推薦白桃烏龍！！！最後已經勁飽，仲有一碗仙草抱住食一啖當試過嘅心態食，點知係超好味！好有層次，估唔到臨走都仲有驚喜

優質任食台式火鍋🔥特級安格斯套餐 $228湯底叫左一個牛大人秘方麻辣鍋同埋一個牛大人紅燒牛骨鍋首先一定要拎佢自家沖嘅冷泡茶 每一款都好香茶味 好好飲話明係牛大人梗係食牛啦🥩🤩佢哋啲牛肉全部都好靚 全部都有好靚嘅雪花 油脂分布好好 其他肉類都唔錯 而且仲有好多台灣美食 例如台式手工水餃 水蓮菜等等 特別鍾意佢嘅花枝滑同墨魚滑😍值得一讚嘅係佢哋嘅自助區 有齊唔同嘅丸同蔬菜 而且全部都係用膠盒裝住 夠晒衛生🥰食飽之後仲可以叫一杯movenpick雪糕🍦

今日放假天氣凍, 即刻黎個晏晝邊爐 揀左呢間久仰大名牛大人M5和牛任食套餐都只係$198，幾抵食12點正上到去門口已經好多人,非常誇張等左一陣終於入得入面地方好整潔,拎野食既地方都好乾淨企理,服務抵讚湯底叫左紅燒牛骨鍋,愈打愈食到藥材味,正M5和牛好出色,牛味極重😍 油脂分布平均,溶雪亦做得好好墨魚滑蝦滑亦做得好好,真材實料,非常之彈牙丸方面最推介芋頭貢丸,食到粒粒芋頭,好重芋香仲有D台式小食:鹽酥雞,炸得香脆又唔會太干,GOOD,配埋佢地手工啤真係一絕肉燥飯:肉燥係牛肉黎,好有牛香,但冇左肥豬肉,食落鞋左D另一樣要推薦係野飲,有好多自家製冷泡茶,好足料,最推薦白桃烏龍,打完邊爐飲非常解利去到最後仲有仙草做甜品甜甜地幾好食,有花生,紅豆,仙草食落好有層次

聽左牛大人個名好多次，但一直都book唔到。好彩男朋友有恆心，終於訂到星期六既lunch來朝聖一下啦。Lunch既放題有90分鐘，時間唔算長，但都足夠試勻全部肉類同小食。總共有三個價位：138/168/198，我地揀左性價比超高時$198極上和牛餐。餐廳環境闊落乾淨，卡位較多，即使係4個人坐都唔擠逼。揀好湯底：紅燒火骨鍋，就可以用QR Code落單，非常方便。外面有熟食區、飲品區同自助吧。飲品櫃有大量自家製既冷泡茶，可以清脂解膩，個人最鐘意桂花烏龍茶，入口有陣陣花香。自助吧有不同種類既丸同蔬菜，我第一次見乳酪蛋腸。顧客可以自己調配醬料，我就簡簡單單調左生、熟蒜+洋蔥牛肉醬。拎完丸&飲品返位見到QR Code落單既牛肉同配料已經到齊，仲要冇漏單，非常有效率！淥牛肉前先食個魚香皮蛋豆腐。皮蛋豆腐凍食好清爽，淋上蠔油木魚碎，中日fusion食法。澳洲M5和牛牛肩卷: 油花分佈均勻，淥10秒內已經食得！入口牛肉味濃郁，同平時食既肥牛好唔同。安格斯特選牛板腱：肉質相對結實，有咬口，食落不乏油脂香，但我更愛和牛牛肩卷。其他驚喜食物：牛媽秘制滷牛筋、滷大腸。牛筋本身已經滷入味，我鐘意食腍既牛筋，加入

牛大人開左咁耐之前食過幾次都係食夜晚120分鐘放題但通常都要等好耐先有位所以今日轉戰90分鐘午市放題睇下有咩唔同先......首先等位方面11:45黎到準時12:00就可以入座即係淨係等左15分鐘呢點已經好重要！而午市既最高級極上和牛吃到飽只係$198比晚市足足平100有多性價比夠高😮......麻辣大辣湯底岩晒無辣不歡既我醬料必試豬肉醬加辣🤠第一輪既和牛雪花紋好靚而且之後既encore都keep到水準唔會hea你淨係得一輪靚！另外都大推鴨血大大舊好滑好入味而外面自助區就必食芋頭丸同埋芋頭厚切大大舊岩晒芋頭控......野飲除左有任拎既自家製茶之外我另外加左杯手工啤好香果香配打邊爐一流！......最後甜品食埋個仙草完滿......如果牛大人等半個鐘內入到座我真係唔介意個個星期黎食因為真係好好食

原來而家牛大人午餐有得訂坐不過等既人已經少左好多 我去荃灣個間十二點開 你十二點半黎都仲有位—我呢個係麻辣鍋(🌶🌶🌶) 要食魚腐先食到辣味—要左極上和牛set $198 牛肉款式少過晚餐好多不過呢款都夠好食 又淋又滑😋另外叫左個啤酒 好似係佢地自家既手工啤果味好香好重 唔會苦 打邊爐飲堅正—配料方面推薦梅粉蕃薯 芋頭丸 蝦餃 章魚XX漿醬料方面推薦豬肉醬 牛肉醬 好惹味😋—上菜速度勁快 快到係一兩分鐘就到有漏 不過唔嚴重 最後仲有個冰粉結尾😜性價比夠哂高👍🏻

由佢一開個陣已經好想食，一踏入牛年冇耐終於可以食到。由於冇晚市所以食lunch,去到唔洗等太耐12點就入得。環境地方大，坐位多又闊落，個地下又乾淨整潔唔會話好滑好冼，而且好好彩咁兩人食都可以坐到卡位，所以成餐都坐得好舒服。咁難得食到牛大人，梗係要揀最貴嗰個極上和牛吃到飽一次食晒所有野。湯底係牛大人紅燒牛骨鍋，湯底很香濃，有少少藥材味。另外當然仲有其他野食，除左有打邊爐必有既丸之外，佢仲有台灣小食例如台灣香腸，鹽酥雞，鴨血，滷肉飯，魚香皮蛋豆腐，秘製滷牛筋、牛肚、大腸等等。係呢段冇得出國旅行其間有一種置身台灣夜市既感覺澳洲和牛M5牛肩卷-可以話係必點而且瘋狂encore，油旨豐富，切到好薄係咁而淥幾下已經食得而且仲好軟腍。而上腹牛五花同安格斯特選牛板腱都同樣高質，即使淥耐左都唔會話好韌。飲品同食物一樣多選擇，有特色就係佢地自家製嘅冷泡茶如白桃烏龍、桂花烏龍同菊花普洱。好適合打完邊爐飲返啲茶解膩。最後送埋甜品台中仙草凍，比想像中甜滑，係幸福既味道總括來講我覺得今餐性價比非常高，價錢唔算貴而且食物多，90分鐘會覺得唔夠時間食，希望唔洗好耐可以再食到。

看到朋友在ig食過牛大人，都見過好多人推介！見佢有幾間分店 仲有間係荃灣～ 地點好就腳 於是就去試下先💗同朋友揀左呢個餐❤️極上和牛吃到飽❤️$198 (午餐任飲任食90分鐘)入到去有靚位坐，好闊落，仲有荃灣街景睇～湯底有好多款可以揀！睇個名都覺得好台式最後同朋友揀左麻辣鍋（小辣）睇得出用左好多香料熬製，又香又麻 ，適合愛辣人士🌶️叫完湯底 之後就去飲品區啦！ 超級多選擇！！有好幾個大雪櫃，裡面好多唔同款嘅罐裝飲料其實雀檸都好吸引我架，不過都係比牛大人自家製無糖茶吸引咗！！首先包裝好文青又衛生！一大枝係雪櫃可以自己拎～白桃烏龍飲落好有茶味，嗒真啲又帶有淡淡白桃味！仲要無糖！ 夠哂健康～食到飽飲都唔會覺得濟！一大賣點～質素完全唔似任飲嘅～之後仲另外叫左牛大人手工啤～有淡淡花味的手工啤亦值得一試然後火鍋配料亦有多款選擇！當然作為食肉獸的我，至愛就係：❤️澳洲和牛M5牛肩卷❤️好有牛味～牛肉上油花佈滿十分多又平均入口即融～十分滿意呢個餐最特別係有三款手工漿都可以任叫！！蟹籽墨汁漿（中間黑色那款）雖然賣相不太好，但墨魚加蟹籽口感彈牙爽口！又有墨魚的鮮甜味～值得再叫！ 但多吃會很快飽。。相較之下，干貝章魚

久仰大名牛大人 未來台灣媳婦朋友力推 太想念台灣麻辣鍋 約食肉獸妹妹來試試荃灣店座位多又闊落 古風裝修帶小清新卡位舒服好坐 無諗到食放題都打倒靚卡湯底同食物選擇都多 可以回味台灣味道- ⧫極上和牛吃到飽⧫ $198 / 午市90分鐘價差不大 選了最高級最多款的和牛任食湯底揀咗牛大人秘方麻辣鍋 辣度要小辣以牛骨湯及香料中藥熬製 味道濃郁惹味-⧫澳洲和牛M5牛肩卷⧫最正狂叫油花豐富 很薄灼一灼即刻食得入口即化任食來講肉味很夠 牛魔王妹妹相當滿意-⧫台灣特色火鍋料⧫三款手工漿類都叫了 最欣賞蟹籽墨汁漿彈牙又有墨魚的鮮味 蟹籽再強化了食感章魚漿有咬口干貝漿普通 但拍得住單點 私房鴨血口感一流 咬落爆汁充滿麻辣香牛媽秘制滷牛筋 軟滑入味滿滿的骨膠原手工餃類也不錯 蛋餃食落很有台灣感覺不得不提老油條 拖過辣湯後香脆又惹味-⧫其他火鍋料⧫丸菜醬料選擇多需要自取 都幾乾淨企理特式丸不少 芋頭貢丸香草雞肉丸麻辣丸菜呀菇呀炸芋頭凍豆腐 不愛肉都有嘢食仲有超地道嘅王子麵雞絲麵 可惜吃不下 -⧫台式小食⧫小食是熱辣辣熟食 懷念吓台灣夜市風味真豬小香腸係台式烤香腸 如果原條仲正士林鹽酥雞過炸物口癮 香酥脆口啖啖

已經久仰牛大人既大名好耐，今日終於約左friend一齊去試下，果然冇令我地失望上到去發現環境都好光猛舒適，位同位中間又夠寬闊，完全冇一般火鍋店既壓迫感而且抽風做到非常好，食完都冇油煙味Staff上菜同收碟都非常快，又冇漏單，而且仲會簡單講解一下點樣點菜、自取既位置，服務比100分！我地揀左$198既套餐，有3款牛同埋幾款魚漿，仲有外面自取台灣直送既丸同菜、滷肉飯、台灣麵，同埋台灣茶飲，仲有桂圓紅棗茶，非常有台灣特色湯底我地揀左養生濃湯，冬天非常適合補一補牛淥一淥就食得，食落好嫩，牛味好香黑色既墨魚滑好爽口彈牙，食落都好香仲有幾款台灣小食～鹽酥雞、台灣香腸都好正，好有台灣既風味我地仲加錢一人要左一杯手工啤，好飲！打邊爐配啤酒真係最正！Like社交平台仲送黑糖珍珠奶茶，但因為食到太飽所以冇叫了，下次黎可以再試下一個人200幾蚊就食到勁飽，性價比又高，推薦比大家！

今日又去食牛大人台式火鍋店啦 之前食過尖沙咀店 覺得物超所值 今日就約埋朋友去食荃灣大鴻輝中心嘅呢間下午嚟到 唔使等位 餐廳座位闊落 兩個人坐四人枱 非常舒服丸類同嘢飲 醬料都係自取 嘢飲特別在有冷泡茶 每支都係用即棄塑膠樽裝非常衛生 不過就唔太環保 個人最喜愛桂花烏龍茶 清香得嚟有茶味 非常解膩牛大人紅燒牛骨鍋 湯底係牛肉湯味 非常濃郁 仲有淡淡藥材香我哋係食極上和牛吃到飽 必叫回本之選係澳洲m5和牛牛肩肉 每塊都肥瘦均勻 牛味濃郁油花特別多 所以入口即溶同牛骨湯好夾除此之外 必食嘅仲有台灣夜市小食 夜市小香腸 鹽酥雞 甘梅薯條等等 全部都非常有台灣地道風味飽飽之後 仲有台灣甜品 綜合仙草凍 入面有仙草 珍珠 紅豆等等嘅材料 好透心涼

今日去左牛大人荃灣分店食午市火鍋放題。餐廳環境開揚，地方清潔，而且更有卡位提供，坐得舒服。牛大人亦出名性價比高，以相宜嘅價錢可以享受到高質嘅台式火鍋。而且任食火鍋配料嘅選擇多，除左可以自助任取一般配料之外，仲有大量台式特色配料選擇。我地今日選擇左$198嘅極上和牛吃到飽套餐。午市時間任食90分鐘。🔹 牛夫人秘方紅燒牛骨鍋牛骨鍋湯底香濃，加上紅棗、八角、香葉等，帶有藥材嘅回甘，微辣開胃，滋補美味，配合牛大人嘅滷水配料食就最好不過。🔹澳洲M5和牛牛肩卷牛肉脂肪分佈尚可， 肉質柔嫩，惟肉味不及安格斯牛肉濃郁。油香肉香混合後，質感及口感一流。 🔹私房鴨血鴨血夠大件又有厚度，口感軟嫩，味道鮮美，加上香濃嘅牛骨湯底，吸滿湯汁精華後，實在食唔停口。🔹真豬小香腸小香腸用新鮮豬肉製成，食落肉味濃郁，外表香脆，口感紮實，嚼勁十足，煙韌多汁。🔹白桃烏龍牛大人嘅飲品選擇非常多，但係我都係比較鍾意佢哋嘅冷泡茶，尤其係白桃烏龍。白桃烏龍聞起來有陣陣白桃香，淺淺的甜味突顯出烏龍茶嘅茶味，口感柔和清新。